馬拉媽媽 (已結業)

路過，想起日前食友問附近有什麼好吃，同條街不少同類餐廳，印象中這裡是最好的，很自然地摸入這裡。下午茶餐，沒有肉骨茶、海南雞飯，幾款選擇中選了蝦湯麵，靚姐問要油麵或米粉，兩樣都想要，於是就變了參參，唔須加錢的。這碗蝦湯麵，是正價的原隻大蝦mini版，只有細海蝦同肉片及一些通菜，湯底味道頗為複雜，除了雞、豬的肉甜外，又有蝦殼炒過的濃香，出奇地口感頗為軟滑，浮著薄薄油漬，足見用心，很不錯，幾片炸蒜頭後加的，沒起多大提味作用，是聊勝於無，單獨配油麵或米粉都不好，還是參參口感最夾，最莫名其妙是浸通菜，浸湯是平白地浪費了，還是伴蝦醬炒最好味。套餐配杯意米水，也是自家煲的，下下火也不錯，$32經濟抵食，會再來試試食友大讚的咖喱羊、肉骨茶加骨。

夜晚7點幾去到，食左碗喇沙，真系唔錯，湯底好好味，系一間唔錯既食店!

麵湯香濃,配料足,而且味道正的很似正宗的馬來西亞風味,價錢合理,而且老闆娘好人(佢個女好靚女,我去食左n次都係見過一次),這是一間值得我花20幾元車錢去吃的好食店...

上環的大街小巷裡有各種特色小店林立，其中一條是孖沙街。這條小街的食肆以東南亞美食為主，而此店是我最喜歡的其中一間。雖然鋪面地方其實不大，但因流量快，所以通常不用等太久便能入座。單從店名已知他們賣的是馬來食品，其中尤以肉骨茶最佳。儘管香港有不少地方有賣肉骨茶，但本蟲特別鍾愛這間的出品，是關有別於其他食店，他們的肉骨茶濃而不澀，且不會帶太多的藥材味，亦沒有胡椒的辣味。可能有人覺得這樣不夠正宗，但我反覺得這樣更適合港人口味，起碼我可以整碗茶喝下肚而不改容。如果不好肉骨茶，他們的喇沙也不賴，另外飲品收費亦算相宜，其中以凍飲尤佳。以份量和價錢來說，這兒是上班族吃午飯的好去處。

早兩日晚飯時間在上環附近，唔知想食咩，行經孖沙街，見到加東同馬拉媽媽，之前食過加東，非常失望，今次就試馬拉媽媽！點了特色蝦麵，怡保河粉同其他野，其他野唔講，只想講特色蝦麵！蝦麵送到，睇到有三隻大蝦，魚片，肉片同芽菜。先試啖湯，好濃，好有鮮蝦味，無咩味精感覺，好接近馬拉當地口味，暫時係其他地方找不到！其他配料都得，值得一試！

20070706一大幫舊同事、舊同事的現同事、舊同事的舊同事，浩浩蕩蕩倒有十一人，殺進這間小店，已是霸佔了一半的位子有多。不到三個月的時間，肉骨茶飯已經從35元加到38元……抑或，是因為最近豬肉升價所致？朋友們力薦，所以也叫了一份來試試。最好還是那個湯吧，有肉香，卻不油，撈白飯已經夠了。如果真的吃肉反而失望，質地太粗，有些難入口。可能因為人多吧，最後老闆娘送咖央多給我們作餐後甜品，雖然只能分到小小的一片，不過也充分感受到了那種香甜熱辣的感覺，比主菜還來得精彩：）再來的話還是吃回面類……或者試試它的咖哩……原來晚市還會有海南雞飯，不知怎樣……

Have finally tried this restaurant. We (3 of us) had (1) Laksa (油麵+米粉with prawn & fish cake)(2) 雞絲叉燒乾撈麵(3) 乾咖哩羊扖 加TOAST(4) 通菜(5) Coffee & Lime sodaThe soup of Laksa is not as thick as I expected. Still good, as I like the coconut milk. This Malaysian style Laksa is not as spicy as the Singaporean one (the one from 巴沙新加坡小品is spicy with a lot of 香料, very good too). I dipped the toast in it, they match well~ The prawn is fresh too.For the 雞絲叉燒乾撈麵, the chicken is good, no 'frozen taste' but the 叉燒is

跟同事一行五人由中環行黎上環食午餐.. 12點半己經算多人.. 食物算多種類, 除左主打的喇沙同蝦湯麵之外,見仲有咖喱羊扒,牛腩等等, 都係40蚊樓下,下次可以再黎試下... 同事試左個傳統喇沙雙拼麵(即米粉+油麵)$35, 我試左個蝦+魚片雙拼麵$32.. 賣相ok, 個喇沙湯飲落感覺有點..."薄", 唔多夠濃.. 如果想食喇沙, 又唔鍾意濃野可以一試.. 清清地咁啦... 至於個麵, 我覺得油麵會襯啲!! 我個蝦湯就同想像差唔多, 幾鮮蝦味.. 隻蝦食落都特別好味..

20070404不知是不是因爲假期前夕，今天這裏沒有了慣常的人龍，所以從進門到走人，只需半個小時，還包括與朋友的吹水時間。朋友例牌叫肉骨茶跟飯，貪它只需35元，卻十分美味，而且天氣轉涼，吃肉骨茶好像格外暖胃：）我則想清一點，要了一個傳統怡坡河粉，加3元添了些通菜。配料主要是雞絲與開邊的蝦仁，還有些芽菜，湯底不算濃，但也還鮮甜，算是與港式河粉的對照吃法：）感覺企理，不過臨近的類似口味的食店太多，倒也沒覺得有什麽格外過人之處。

星期六同同事放工後來呢度食飯。本來每個禮拜六老細都會請我地食架，但係今次適逢佢有o野忙，所以走先，剩返空住肚的我地四出找好o野食。調查員呢幾日喉嚨有d唔舒服，就想到去生記食粥。但去到的時候成點幾，見到咁多人走唯有走去另一家。行下行下，見到之前有同事介紹過的一個食喇沙的「喇沙媽媽」——呢個係佢俾呢間馬拉媽媽的暱稱。正當我地一行四人響出面徘徊的時候，一個應該係老闆娘的人出來介紹佢地有乜乜好食，有喇沙﹑乾撈麵同埋傳統怡保河粉……我地見佢落力介紹就入左去試下喇~入面唔算大，普通長方檯，坐低後我要了個乾撈面，同事要了喇沙~之後老闆娘又醒左我地一人一杯薏米水，甜甜地幾好飲!個喇沙我同我同事都話夠味，又唔係太辣（雖然我都幾食得辣），絕對值得一試。最後去埋佢個洗手間，裡面好得意，分兩格，一格馬桶一格尿兜，但係每次都係俾同一個人用，所以入到去幾得鎖好門﹗裡面有齊出熱風的乾手機，鏡同埋扭的水龍頭，整體都乾淨，雖然佢洗手間個天花板比較矮。出來的時候老闆俾左張紙巾我抹手，真係估佢唔到~令人印象最難忘的都係老闆同老闆娘的親切款待（如兩位並非老闆，請見諒）

malaymama Laksa ( 辣沙) 口感好，鮮美的蝦肉/ 螄蚶，細白的粿條，橙黃金色的椰奶咖喱湯汁，另加秘製Sambal 馬來辣醬，香氣四溢，滑不溜口，果然是一碗No.1 的辣沙。 食落舒服，價錢公道，貨真價實。

因為係上環唔識路又趕時間,所以就好偶然咁黎左呢間舖,諗都無諗就坐低左不過有意外既收穫WOR我地4個女仔一坐低,個老闆(我諗佢係老闆LA)就勁熱情咁介紹佢地D食物不過一D都唔覺得佢煩同迫你食我同個朋友叫左喇沙,有個叫怡保河,一個叫乾麵我覺得佢地服務好好AR,好有耐性咁問同介紹喇沙,原來米粉同油麵兩溝先係正宗,真係唔講唔知到碗麵黎左,我覺得好食WOR,本身屋企人都係華橋,其實喇沙都好常食到呢度D喇沙夠辣又夠椰香,我差D就忍唔住飲哂個湯,不過好飽,無咁做到因為舖頭細細,老闆行過又聽到我朋友想試下D 喇沙,即刻主動俾碗仔我地,我地食到一半佢仲俾左碗蝦湯我地試TIM真係好重蝦味,我地4個試左都覺得好正,如果有機會再去上環,一定要再去食下AR仲有仲有AR,老闆仲送左杯熱薏米水俾我地TIM AR咁既服務真係邊度搵AR?

今次經同事介紹，就試左呢到既肉骨茶，第一啖飲落去好似咸左D，但係加埋米粉就岩岩好，確係好飲好味又足料，排骨又入味...唔錯唔錯

好耐冇食laksa 喇﹐突然有d 想食又見對面Katong 排晒隊﹐咪試試呢間啦﹐點知係唔得的﹗早d 上來看過食評的話就一定唔會來喇﹗呢度個laksa 個湯地唔夠濃兼冇乜鮮味﹐d 粉又煮得太“淋”﹐都幾馬馬虎虎下﹐仲有座位好逼﹐地方烏糟﹐service 又差﹐一定唔會再來﹗

下面幾個好既食評搞到我以為好食.. 呃人既.. 我行街見餓入去食.. 覺得簡直不知所謂.. 個湯呀.. 得個咸字, 又無椰汁味...後尾聽另一個friend講, 原來連蔡瀾都話呢間野無heart呀.. 真係食唔過, 又貴