養心殿台式養生鍋 (已搬遷) 新店位置

以前成日幫襯，覺得個湯底幾好食，D料都尚算新鮮，但係而家越食越唔掂，嗌親既野次次都漏單，問個待應跟跟又冇乜禮貌。呢個價錢講真大把選擇，唔需要黎同你受氣，真係多謝曬。

這間火鍋店我真不推薦，我前幾個月同男朋友去食，諗住帶佢去食好西。點知牛又雪藏味，去食放題既肉都仲好食過佢，又貴又難吃。以後不了。出街食就唔會諗可以養生，點知真係一陣味精味，我唔係美食家，可能不太專業，我覺得有味精味喇，可以作參考。再加上埋單叫左幾次先有人黎埋，服務態度又不佳，都唔知呢間野想點。本身想用信用卡比錢，又話壞機喎，又點又點咁，差啲唔夠現金比，真係好唔方便啊，好唔user friendly囉。

四個人去打邊爐，book左7點。早左去到，大約6點幾個場都坐左一部份人，睇黎都好多捧場客。其中一個朋友坐落先話傳原有食過成3，4次，心諗有無咁好食😂，點知食完又真係ok wor ! 係高質有特色既，唔怪得佢食完又食。我地叫左個鴛鴦鍋，係酸菜白肉🐷mix 美人鍋雙拼價錢會計貴個個，唔洗額外加錢。酸菜白肉個個湯好開胃，酸得黎岩岩好，唔會太勁。個鍋本身已經有白肉（者係豬肉）變左又有得食埋。而美人鍋係清甜既，感覺好足料，足足有半隻烏雞🐥係鍋到，齋飲個湯都覺得正！火鍋餸菜之中要推介響玲，自家制夠脆~而鴨血都好味，比平時食既豬血有咬口同埋秋葵打邊爐原來都幾正，爽口清新！牛肉豬肉個d質素都唔錯。整體呢餐都食得好滿足😋😋

上星期六就同男朋友黎左養心殿食野，9點半後黎食既，唔洗排隊直接有得入座，其實都已經係第二次黎，第一次仲記得好定係凌晨三、四點黎，有啲野想食都無左，今次都唔算話叫左好多野食，但都飽飽地既😂鹽酥蚵仔 $78第一樣黎到既竟然係呢樣，味道我覺得係還好，比我想像中好食，整體上都唔會炸到好厚👌🏻酸菜白肉鍋+麻辣鍋(小辣)🍲 $128其實圖中係麻辣鍋加寧靜養心鍋，因為店員一開始黎錯左，之後等得肚餓得滯唔記得咗影😂我覺得麻辣鍋小辣嘅話對於我呢啲唔係太食得辣嘅人啱啱好，其次就係酸菜白肉鍋，基本上我係為咗呢個湯底黎食🤭而且佢仲有啲QQ寬粉條，食落口感真係好QQ，湯底味道好好，麻辣鍋或者酸菜白肉鍋，前者可以免費追加一份鴨血，後者可以追加一份酸菜白肉，只能揀一樣喔，不過今次太飽冇再追加到🤫手工丸類拼盤(12粒)(每款2粒) $108呢道我最推薦係芝士牛肉丸，牛丸好有牛味，加上啲芝士好正🤤其次係蝦丸，好彈牙！其他都係還好。上面係極上雪花肥牛🥓 $188下面係𩄐霜肉眼肥牛🥓 $178好明顯上面係好食好多，好重牛味，而且食落口比較滑同淋啲，而下面嗰個就口感好鞋身，好乾。再去既話會再食上面個款😋因為一開頭都黎錯咗個鍋

推薦指數：🤩🤩🤩🤩同屋企人一行七人黎旺角食養心殿！嗌左個麻辣（中辣）拼養心鍋！🍲養心鍋由精選中外食材，配以多款名貴藥材及人參，以火腿、老雞及豬肉精心肴制而成！而麻辣就配有凍豆腐加鴨血，仲可以免費追加一份！超抵食👍🏻湯底一上到黎就先飲左碗養心鍋的老火靚湯，好清甜有少少藥材味，湯底料好足！大家都先飲左碗湯先正式開始淥野打邊爐！而麻辣就愈滾愈出味，超香麻辣味🔥，未食都已經流哂口水！🤤🤤🤤🤤本地手切牛肉（大）🐮超推介！牛味好濃，每塊手切牛肥瘦適中，快淥５秒已經岩岩好！淥係養生鍋湯底就可以好好試到牛肉的鮮味，而淥係麻辣湯底就好惹味，麻香牛肉 ~而手工丸拼盤(每款2粒)😋分別有鵝肝墨魚丸、黑松露蝦丸、梅菜豬肉丸、芝士牛肉丸、墨魚丸、蝦丸六款而即脆炸響鈴亦係必點! 浸係D湯底到索哂D汁超好味!🤩估唔到我地嗌的熟食都有驚喜! 招牌鹵味拼盤 ，有豬腸、牛肚、牛展！份量十足！都只係HK$118😎鹵水味好入味、唔會太咸！📱記得係FACEBOOK打卡仲有免費野飲送，我地打卡後就送左一壺烏梅汁同一壺菊花茶。大推烏梅汁！好開胃好解辣！🌟最後提提大家，８點半前離座有７折🌟我地６點半入座，係到８點半走岩岩好，成張單７

養生鍋似乎越來越受大眾歡迎，這裡的環境也讓人喜歡安神。我們點了鴛鴦鍋，一半是麻辣一半是寧神養心鍋，點這兩個鍋底除了好吃以外最主要還可以免費加一份鴨血，最主要的是被寧神鍋的老火湯吸引，實際上我們都喝了好多碗，還是欲罷不能！點了一份豚肉份量足，可不比一般的豚肉，在鍋裏來回燙三個來回就差不多可以入口了，軟嫩剛好，細嚼慢嚥品出濃濃的肉香，好吃的很。喜歡這鴨血，大腸頭，放在麻辣鍋底裡游走，吸入重口味的麻和辣，送入口中，分外開胃刺激，意猶未盡餃子的鮮蝦也是粒粒爆滿，還有黑松露蝦丸，彈牙可口，完美！這樣的一頓火鍋讓我們吃的很滿足！

最近天氣經常下雨又濕又凍就好想食啲暖笠笠既野火鍋就是最好既選擇 而我既好友都係火鍋愛好者自從食過台式火鍋後 好像就吃不回港式湯底的火鍋今次就去呢間非常養生既地方愈開愈多分店 非常方便想食既時候總有一間係附近而且地方又坐得舒服食物種類又多先叫了一榨杞子菊生圓肉露清熱解毒下 味道好清甜然後就揀了美人鍋湯底非常抵食$188就有原隻烏雞係入面仲有桃膠 金華火腿肴制味道好濃 落火鍋配料前必要飲番幾碗先女士們既養顏至寶極上雪花肥牛脂肪分佈平均 唔會太肥肉質好嫩 黑松露蝦丸同鵝肝墨魚丸兩款丸都非常彈牙粒粒都好新鮮 好爽口鴨血好實 唔會一夾就散生菜款款火鍋配料都好新鮮多啲朋友一齊黎就可以再叫多幾款配款試下下次再試埋養生鍋 聽聞都好補身呢

真心喜歡在養心殿吃台式火鍋，今次約了好久無見的朋友在旺角晚飯，朋友未試過在這連鎖店吃火鍋，那我就推介這間我的心頭好給她們。一行四個人，我們點了寧神養心鍋和中辣麻辣鍋做湯底，第一次點養心鍋，裡面有用20斤熬製的魚湯，有一些藥材，有半隻雞，真的一試難忘，味道齒頰留香，比起我經常點的酸菜白肉湯更好喝，我連續喝了幾碗湯，才開始下材料呢。食材方面最愛手打丸，餃子，今次還點了從未吃過的水蓮菜和炸芋頭，果然好吃，水蓮菜形狀直條，口感爽脆，一試難忘。晚餐到了尾聲，還有蕃薯糖水吃，滿足的一晚。

放工後就來到養心殿台式養生火鍋打邊爐。和美女朋友選了馳名的美人鍋，美人鍋以桃膠、原隻烏雞、南棗、杞子等熬製而成，將養顏聖品集成一鍋，猶如老火湯般味濃滋補，烏雞肉質緊密而油脂較少，具有益氣血，退虛熱的功效，桃膠滋陰養顏，富含豐富的植物蛋白，感覺就像吃了一整碗的膠原蛋白。另外點了鵝肝墨魚丸，黑松露蝦丸，雪花肥牛，油麥菜和闊條麵。丸類非常非常新鮮，配搭非常新穎並且非常配合，口感彈牙，一直回味。雪花肥牛肉質非常鮮味，粉紅色鮮嫩外型令你不能低檔。

當你夜晚九點既時候除左個胃打開到最大有好多夜市餐廳都會開放埋佢地既優惠晚上7折打邊爐又唔想任食食到濟 就衝入養心殿啦！（夏天打邊爐有冷氣架嘛☺️）基本上養心殿都食過4，5次。但念念不忘既都係湯底！因為只要你本身都中意中藥味 ，咁呢個美人鍋加寧神養心鍋絕對係走唔甩，必 ！須 ！試！要係落所有食物之前，飲番兩碗湯暖下個胃！可能你會飲到個美人鍋湯入面有d人參絲，甘甘甜甜 ，同時烏雞既香氣不停進攻你既鼻哥即刻飲埋寧神養生鍋，白色既湯底，飲完完全覺得自己真正邁向養生既路上唔好咁心急食原本湯底既材料，可以食到一半時再試下個烏雞，係超甜！！同個湯入面紅棗既甜度有得揮！🤙🏽跟住輪到墨魚滑出場！友人好中意呢粒墨魚波，有得玩有得食🖖🏻羊肉片係我每次食都會點既菜式,薄薄一片又一片，揮一揮筷子，全軍覆沒。牛肉片就基本啦！放落寧神湯會好入味！肉片吸哂d藥材味....（跟住食到攰又要飲一碗湯先！）見人嗌我咪嗌埋呢個炸午餐肉😂一開始以為要滾下佢先食，原來即食架哈哈趣趣地ok,但兩個人食有d多呢。呢個豆腐其實十分滿意，小心熱，一咬爆汁。但叫完又發現原來湯底原本都好多舊，可以唔洗再叫。呢個台灣細粟米非常新鮮，不過要自己m

聽人講個名就聽得多, 第一次黎食, 感覺燈光黑麻麻, 唔太like.同埋張枱太矮, 頂住隻腳, 坐得好辛苦湯底叫左個美人鍋, 已經包括左一隻烏雞係份面, 味道唔錯.極上雪花肥牛都冧既, 不過無乜牛味牛胸爽第一次叫, 都幾好食, 肉質爽口, 不過都係無乜牛味蟹籽墨魚滑 / 手工丸類拚盤(12粒)(每款2粒)正常品質, 無乜驚喜台灣水晶冰菜唔記得影相, 係左下角閃閃地個碟, 呢個係香港就比少見, 幾好食.青江菜無論個樣同味道, 都好似大白菜咁自家製極品水餃(半份)+自家製韭菜餃(半份)總括黎講只係一間普通既火煱店, 但係價錢就唔太抵喇.

旺角真的有很多美食，但想食質素好些的，今日選了吃養心殿。之前食過一次，覺得好食，所以今日約朋友來吃。今次四人食，個鍋份量大小剛剛好。今日試吃美人鍋，有一隻烏雞，只吃雞都已經飽了一部份。不過我地可能煮得太久才吃，所以肉有點韌 因為四個人所以可以叫多些不同種類，於是叫了一碟餃子及自家手打丸，那就什麼餡料都可以吃到。打邊爐牛就當然唔少得啦，我們點了一客雪花牛，肉汁豐富，牛肉新鮮。還有新鮮響鈴食咁多肉當然要食返一些蔬菜啦。還有黑牛栢葉不是很多地方有賣的，真的很爽口。

一早已經聽講過呢間d養生鍋好出名今日一於同班朋友黎試試湯底叫左 寧神養心鍋$168入面有半隻烏雞同半個魚頭 好足料未落火鍋配料之前每人已經畢左一碗湯飲味道好濃 又鮮甜 加埋d藥材 正配料方面極上雪花肥牛輕輕涮幾秒就食得 油脂分佈平均 嫩滑黑松露蝦丸好香黑松露味 而且蝦肉好足料 十分彈牙芝士牛肉丸咬落去有小小芝士滲出黎 同牛肉丸又好夾餃子拼盤每款有2粒 其中我最中意佢自家制既麻辣牛肉餃吾算好辣 但有小小麻 牛肉餡好滑總括黎講 湯底足料 完全可以當湯飲火鍋配料新鮮 而且多選擇 下次會再黎食

我和媽咪也愛到這間火鍋店，喜歡她真材實料，用料上等，除便叫一樣都很好味道，最主要她的湯底，當湯飲也很滋補。今次也叫了那美人鍋，沒有雙拼，一個味道便夠，因大家也愛作美人吧！美人鍋材料十足，今晚再吃也保持水準，但今次我們未開始火鍋便先喝下兩大碗湯，湯中的桃膠多又滑，還夾著清甜的龍眼，感覺十分清潤，膠原蛋白豐富。喝過湯，便要吃火鍋料，首先當然是牛柳粒，粒粒牛肉幼嫩多汁，脂肪比肉量平均，好有牛味。韮菜餃·一份4隻，韮菜味香鮮甜，鮮蝦肉也很鮮甜。鮮蝦水餃·一份4隻，鮮蝦大大隻，全隻餃都係蝦，蝦又甜又彈口，正！蝦丸·一份4粒，由鮮蝦肉打至起膠，粒粒鮮甜彈牙！豆腐·一大磚百福山水豆腐，滑滑溜，品質保證。鮮淮山·鮮淮山4大件，鮮嫩多汁，清潔乾淨。玉米·4大件超甜玉米，不用煮很久，3-4分鐘，剛熟，爽甜多汁，美味！秋葵·4大條鮮嫩秋葵，也是不用煮久，1-2分鐘的烹調已夠熟了，又爽又甜，十分健康。芋圓湯·吃飽了，餐廳送上甜湯，非一般的，是台灣的芋圓，有台北的口味，讚！

今晚約左一班舊同事出黎聚一聚，好耐無見，舊同事提議去養心殿，因為想試下個美人鍋。同行有一位朋友又好喜歡食辣，所以我地揀左個鴛鴦湯。由於我地係四位女士，都比較細食，所以叫肉嘅份量比較少。淨係叫左一份牛肉。我地叫左極上雪花肥牛。肥牛果然雪花分明，不會太肥膩。最好係如果叫左麻辣湯，會追加一份鴨血。鴨血質地有相當嘅韌度，唔會一夾就散。我最中意嘅就係黑柏葉，滾一滾就食得，十分爽口。我地另外叫左一樽自家製沖繩黑糖烏梅汁，梅味濃，又不會太甜，帶少少梅酸，食到飽時喝一口，即時又開翻個胃，再繼續食！整體服務非常快手，態度又好，絕對無令人失望！