韓脈 (帝國中心)

營業中

休息中

話說唔知點解去到尖沙咀就會好自然地想食韓燒😂今次走左去帝苑酒店附近食韓燒嗰日平日一入到去都等左陣，見到啲職員全部都好忙～因為機乎full house！坐底點完餐之後，職員就拎咗啲前菜過嚟，有成七碟前菜再加一個鐵板蛋！前菜都可以任加，最好食係個醃蘿蔔🥹我食唔停！不過個蛋就有少少老我地首先叫左2人份既Pork & Beef Set BBQ-蜂窩五花肉+豬肩肉＋調味特級牛肋骨，另外有3樣要2選1。我地簡左牛油果&生果沙律🥗牛胸肉大醬湯同柚子茶個沙律好新鮮～加埋佢配既醬好開胃！不過牛油果如果多返啲就正！個湯既材料都幾多下🫣全部切曬一粒粒好細心，同埋應該煲左一斷時間，因為咬落去啲料已經滲透左湯本身嘅味道👀我覺得佢好似我去韓國飲既解酒湯咁咸～BBQ方面，我好欣賞嗰度嘅員工，會好主動走過來幫我哋燒然後放埋側邊俾我哋容易啲夾上嚟食👍🏽喺度食韓燒，簡直殘廢嘅都得🤣因為佢哋掌握火候啱啱好! 同埋有人服侍😆唔使驚燒燶！我覺得佢個五花肉特別好食😋另外我仲叫咗個牛舌🐮我覺得係非叫不可！食韓燒又點少得水冷麵🍜 韓燒必要嘅嘢～佢呢度嘅水冷麵都幾出色！麵質好彈牙，再加上用咗新鮮嘅雪梨做配菜🍐最後我哋都叫咗一杯Beer

今次終於黎到尖沙咀元老級韓料餐廳，咁多年黎都仲屹立不倒，緊係有料到呢！得知餐廳雖然改左名，但食完覺得仲保持水準，值得黎食呀🦀醬油蟹蟹係預先處理好再上枱，顏色非常鮮艷，蟹膏甘香，而且肉質非常鮮甜嫩滑。蟹肉只需要簡簡單單加入紫菜飯，已經足夠令到整碗飯都非常鮮甜滋味，滿滿在韓國食到嘅滋味，實屬必試之一🥢八方美人揀左呢個餐，勝在樣樣都有又夠抵食- 牛舌﹕性價比高，好有咬口- 雪花牛肉﹕其實係厚片嘅牛頸脊，燒過後有嚼口亦有很多肉汁!- 豬頸肉﹕煙靭又爽口，正~- 護心肉﹕牛味香濃，脂肪比例比較低，食完唔會覺得好油膩- 烤大蝦﹕虎蝦咁大隻，新鮮極致。燒好後食到大量蝦膏，蝦肉彈牙- 鮮鮑魚﹕鮮得黎燒完都非常軟腍，最鍾意呢個了- 豬肩肉 / 醬油雞肉﹕都幾好~ 🥛馬格利最後，食韓燒就一定要點「韓國米酒」，一口飲落去，大米與小麥融合再散發出甜蜜香氣。非常滿足~

我約舊同事係舊公司附近聚舊食飯先知帝國中心嘅原來叫韓珍號韓國餐廳而家改咗名叫韓脈，但依然由韓國人主理餐廳所有菜式。我哋梗係入去食啦！我哋一坐低職員就會送上六碟前菜，泡菜、酸蘿蔔、芽菜、鵪鶉蛋、翠玉瓜、生菜沙律,唔夠食仲可以免費refill。重點推薦鵪鶉蛋，好好食。🥇醬油蟹配牛油飯$250醬油蟹加牛油飯係我最喜愛的菜式，不論去邊度食，我都會點呢款。我食咁多次，呢次真係有驚喜。首先啲蟹肉鮮甜彈牙，用甜醬汁醃住，入口鹹香鮮甜。蟹膏好多，金燦燦咁樣 覆蓋喺啲蟹肉上面。呢個時候加埋啲牛油飯一齊食，鮮味度達到頂峰。🥇三色餅$168呢個三色餅係店舖新推出嘅菜式，有韭菜、海鮮、泡菜,每款都好有特色，份量適中兩個女仔都夠曬食。🥇韓牛西冷牛扒$365（150g)我哋兩個都未食過韓牛所以今次要試下，而且有專人幫我哋燒埋，燒得啱啱好，韓牛冇牛騷味，但好嫩滑而且有肉汁。🥇蜂窩五花腩$150五花腩份量夠曬多，而且都係有專人幫我哋燒，肉嫩多汁。🥇人參雞湯$118人參雞湯真材實料，一上枱就聞到濃濃嘅雞味。以清甜嘅湯汁作為呢餐晚飯嘅總結，完美。

想book 位既時候先知尖東帝國中心~韓珍~改左名叫～韓脈 HAN MAT～，餐廳由韓國人開架，可以帶到正宗韓國菜比食客。我好鐘意食醬油蟹，見到做緊優惠即點。蟹蓋好多橙黃色濃郁蟹膏，蟹肉味道鮮甜，將啲蟹肉唧曬出嚟撈飯一齊食超正。滾住上枱既韓牛辣牛肉湯，熱辣辣，飲完暖笠笠👍。食韓國野，都係覺得要叫炸雞，呢個甜酸炸雞 無骨架，咬落又Juicy 又肉嫩。炸雞要配啤酒，Beer Rita (Blue Lemon) ，好架勢，好飲又解渴。食埋超香濃既雲尼拿雪糕，yummy.

🌸《韓脈· 韓國菜 · 尖沙咀》-想食正宗韓國菜第一時間都會諗起韓國街，見到好多人介紹位於尖東韓脈，佢地出名醬油蟹同埋韓式BBQ，小編對醬油蟹有舖癮，所以就約埋朋友去品嘗下韓脈既醬油蟹到底有幾好食🫢GO‼️-前菜一共有六款，全部都可以不斷加添，其中小編第一次見醬油鵪鶉蛋，覺得好新奇，食落唔死咸，但係有香濃蛋香味，推薦試下😂-🔹 醬油蟹配紫菜飯 $250醬油蟹大細不過不失，但係勝在多膏同多肉，醬油值得一提，甜甜地，唔會咸到喉嚨唔舒服，小編用左黎撈兩碗飯，真係好味到失常，強烈推薦✨-🔸 牛五花肉 $170呢個部份實無死，牛肉同油脂比例岩岩好一半，食落入口即溶，就算唔沾醬汁，都有好重牛味，推薦👍🏻-🔹 蜂窩五花腩 $150可以請餐廳店員幫手燒，五花腩食落脆身，唔油膩，口感唔錯✨-📍 韓脈@hanmat_empire 尖沙咀麼地道68號帝國中心地下高層UG43號舖-Revisit: 🧡-

除咗韓式燒烤, 有好多香港人喜歡食嘅醤油蟹😍 仲有鍋物、煎餅、肉類，選擇多不勝數✌🏼🦀醤油蟹＆牛油飯免費 $250: 醬油味唔太咸，蟹膏好豐富🤌🏼 食得出好新鮮✌🏼 不愧係白飯小偷👍🏼韓式菜包肉 $328: 白切肉肥瘦適中，6:4比例 唔會食到膩 (因為份量比想像中多)，有3款生菜選擇 配辣醬及辣蘿蔔絲爽脆內嫩🤤 海鮮煎葱餅 $150: 大份到不得了😝 餅唔厚粉，反而好薄脆😋 有大量葱煎得好香口，八爪魚都幾爽彈👍🏼

位於尖東帝國中心入面一間韓國餐廳 - 韓脈，由韓國主廚主理，食材新鮮而且食物質素極有保證!! 最令人驚喜嘅係有7大前菜，仲可以免費任添!! 有泡菜、酸蘿蔔、大豆芽、醬油醃鵪鶉蛋、翠玉瓜同埋無限生菜! 由於當晚食飯嘅時候場內有一大班韓國人飲酒食飯，而家Keep住播Kpop MV，令整個室內環境好似一秒忘記自己身處香港咁!! 值得一讚嘅係店內既職員都好有禮貌!醬油蟹(1隻) & 牛油飯免費 $250喺香港食到咁大隻又咁新鮮嘅醬油蟹真係好難搵! 而且價錢合理!! 配埋我最愛嘅麻油紫菜飯! 一啖咬落到，簡直係上咗天堂咁韓牛肉眼牛扒 $365韓牛肉質超級鮮嫩，脂肪比例都好平均，只要輕輕係鐵板上燒一下，再點少少粉紅岩鹽，已經好好味啦醬油雞 $110韓式醬油醃製過嘅肉質更加嫩滑泡菜豬肉湯 $98熱辣辣嘅泡菜豬肉湯上菜嘅時間都係滾滾的~ 非常濃味而家有大量泡菜

📍尖沙咀 《韓脈》    #韓國人主理，地道韓國料理原名係帝國中心既韓珍，最近改左名做韓脈🫡餐廳環境寬敞，兩個人食坐大卡位，仲有張細摺枱放野食，就算嗌得多餸都完全唔迫，值得一讚。店裡裝潢充滿韓國氣氛，播著𝐤-𝐩𝐨𝐩，連店員都係韓國人，好似去左轉韓國咁🤣 食韓國菜最開心就係前菜免費任添！😋💗所以前菜味道都好重要， 呢到前菜有泡菜、麻油荳芽、醃蘿蔔，最特別係有醬油醃鵪鶉蛋同翠玉瓜🥒兩款都好好味。之後店員上左個煎蛋餅，隱隱約約聽到句「𝐅𝐫𝐞𝐞」，見每枱都有幾好🤤前菜豐富到基本上食完前菜都有少少飽！😆  ✨醬油蟹 $𝟐𝟓𝟎 第一次試醬油蟹🦀，已經好期待🤩蟹既𝐬𝐢𝐳𝐞都幾大隻，蟹蓋同蟹肉中心都滿佈橙黃既蟹膏，會有碗紫菜雞蛋飯一齊上，將紫菜飯加入蟹蓋同蟹膏撈勻，啖啖蟹膏撈飯甘香滑溜，蟹肉都好鮮甜嫩滑，用手指輕一壓，透明既蟹肉就會擠壓出黎，食都好方便，味道原來有啲似帶子刺身，而且醬油甜甜地唔會死鹹☺️☺️✨𝐏𝐨𝐫𝐤 & 𝐁𝐞𝐞𝐟 𝐁𝐁𝐐 𝐒𝐞𝐭 $𝟔𝟖𝟎 套餐有三款肉: 蜂窩五花肉、豬肩肉、調味特製牛肋骨🍖另外仲有個沙律、湯、甜品可以揀，我地揀左牛油果＆生果沙律🥗，牛胸肉大醬湯同柚子茶。🥑牛油果沙律用左

餐廳由韓國店員主理～充滿韓文的氣氛首先點了一道醬油海鮮🧊蟹、蝦和鮑魚都以醬油醃製🇰🇷散發出獨特的韓式香氣。蟹肉鮮嫩多汁，蝦肉鮮甜彈牙，鮑魚則帶著豐富的鮮味。這三種海鮮相互輝映，每一口都是一次滿足的享受。韓國葛根伴冷麵🍜冷麵的麵條爽滑彈牙，搭配著清爽的葛根和其他蔬菜，為口感增添了豐富的層次。麵條上淋上的醬汁酸甜開胃，是一道清涼又開胃的主菜。🌿韓牛鮮農湯🍲湯底濃郁鮮美，牛肉燉煮得剛剛好，肉質鬆軟入味，每一口都讓人感到滿足。湯裡還加入了豐富的蔬菜和調味料，為湯品增添了豐富的層次和口感。這道韓牛先農湯不僅是一道開胃菜，也是一道能夠帶來溫暖和舒適感的美食。🐮

最近看了韓劇，心癢癢突然又想去食韓國菜。朋友推介下，來到尖沙咀帝國中心，原名為韓珍，現改名為「韓脈」品嚐一下。 餐廳環境寬敞，設計以木系為主。店裡充滿韓國氣氛，還會播著韓國歌曲，加上柔和的燈光，給人悠閒舒適的感覺。 前菜：鵪鶉蛋、泡菜、翠玉瓜、酸蘿蔔、千島醬沙律、大豆芽。另外，還奉送鐵板蛋餅，非常驚喜。😋是日選擇：1️⃣醬油蟹 🍽蟹新鮮，滿滿金黃色的蟹膏，配上紫菜牛油飯，好滿足！ 2️⃣醱酵人蔘雞湯 🍽熱騰騰，內裡有半隻雞，雞裡釀了糯米飯，散發陣陣人蔘香氣，夠晒暖胃！3️⃣調味排骨（200g)🍽排骨好大塊，完全無骨。脂肪分布均勻，肉味濃，配上生菜及其他前菜，令排骨更美味！店員還會幫忙燒，唔使擔心燒到啲肉燶晒。4️⃣醬油雞（150g)🍽雞質鮮嫩，很入味，瞬間就給我們食晒！5️⃣Lemon Ade & Kiwi Ade🍽食韓國燒烤又點可以唔飲嘢呢？

位於尖沙咀帝國中心既韓脈，好耐無去，係時候又去潮拜一下。先來前菜有泡菜、麻油涼拌荳芽、鵪鶉蛋、醃蘿蔔、醃青瓜、煎蛋餅等，好豐富。✨Pork & Beef BBQ Set黎到點可以唔食韓燒肉？叫左一個二人餐，主要有蜂窩五花肉、豬肩肉、調味特製牛肋骨。唔好睇佢好似只係得三款肉，2個人食係好夠食。豬肩肉好嫩滑；五花肉油香極濃，喜歡既可以包生菜食，加入泡菜、醃蘿蔔等，可以減低油膩感；而我最喜歡都係牛肋肉，好大塊好厚肉，牛香吸引，而且好Juicy。套餐仲包左沙律、湯、甜品或飲品。牛胸肉大醬湯好飲🙌🏻飲品有柚子茶，如果大杯啲會更理想。✨豬肉石鍋拌飯豬肉片、芽菜、蘿蔔絲、紫菜碎、翠玉瓜粒等配料，都幾豐富。用韓式辣醬拌飯零舍好味，仲要有少少飯焦添。

食物味道一般 泡菜薄餅偏咸員工幫忙燒烤時 有食物跌落地下 竟然直接想放回烤盤 完全沒有打算換掉 出外食飯咁耐真係第一次見😂😂希望餐廳對員工培訓做得好啲 咁樣真係完全唔能夠接受

尖沙咀嘅🌟韓脈🌟，由韓國人👨🏻‍🍳主理，主打韓式燒肉，有唔少🇰🇷韓國人幫襯！除咗韓式燒肉🔥外，都有唔少🇰🇷韓國嘅特色菜式！🦀醬油蟹 $250勁爆多膏嘅醬油蟹，每天新鮮製作！有膏真係寧舍唔同，撈飯真係特別甘香！奉送嘅白飯有大量嘅紫菜同埋蛋黃增香增鮮！🐓甜酸炸雞 $190甜辣炸雞食得，韓式甜酸炸雞真係第一次，風味有少少似糖醋骨mix咕嚕肉，都幾特別，用嚟送飯一流！🥗牛油果及生果沙律 $88新鮮爽脆兼開胃！🍚牛肉石鍋拌飯 $108熱辣辣嘅石鍋拌飯，醬汁無限添加！🍺Hoegarden 500ml $65🧃提子汁 $20韓脈嘅飲品定價公道，大大杯生啤都只係$65！

-有親戚嚟咗香港去咗尖東行街shopping叫我推薦吓夜晚想去食好食嘅韓國菜 諗起之前朋友提過呢間開係帝國中心嘅韓國菜由韓國人主理 食物選擇幾多 有燒肉、熱湯、炸雞、醬油蟹等⋯落單後就會送來幾款前菜 同生菜沙律.我哋order左都幾多嘢🤣 諗住咩都試吓🔹醬蟹、蝦、鮑魚拼盤 $398(送一碗蛋黃紫菜飯)呢間啲醬油蟹都算多膏🦀蟹肉好鮮甜😍醬蟹吱埋落啲白飯一齊食 勁正醬蝦🍤好彈牙黏口👍🏻鮑魚都唔錯 絕對值得叫🔹韓國煎餃子$108一盤有10隻 韓式餃子味道偏淡口🥟點埋中間嘅醬汁就啱啱好 😋外脆內軟 厚皮部份咬落索索聲🔹炒牛肉粉絲 $118超級大份量嘅炒粉絲 牛肉、洋蔥、青椒、蘿蔔絲、冬菇 面頭仲有一堆蛋絲😍超級足料！好香鑊氣味🔹四色五花肉加豬肉$598(護心肉、調味排骨、豬頰肉、豬頸肉、辣椒醬豬五花、香草豬五花、咖喱豬五花、蒜蓉豬五花)調味好入味 咖喱味最突出😍亦都係我最鍾意嘅味呢度嘅火候好猛烈 好快就燒熟 ⚠️如果唔係太識自己燒肉嘅朋友店員都會幫手👍🏻

新年前想去尖東打下卡索性去帝國中心嘅HAN MAT食埋韓燒🇰🇷呢度除咗食燒肉，仲有醬油蟹同其他韓國料理㗎～前菜7款： 蘿蔔、泡菜、沙律菜、豆芽、茄子、鵪鶉蛋（幾入味）～ 仲有鉄板蛋添！🍳🦀《 醬油蟹 & 牛油飯免費 1pc 💲250 》見到有醬油蟹就一定會忍唔住嗌嚟食～～醬油蟹極多膏，肉飽滿，醬汁偏淡，唔會太濃味/太咸～牛油飯有滿滿嘅鮮紫菜鋪面伴生雞蛋，份量好足，一碗夠兩個人share～食燒肉包一次生菜🥬如果唔夠再點+$10～如果唔想自己動手燒，可以叫職員幫忙～食肉中意配飯嘅可加$10/碗🍚～👅《 牛舌(150g) 💲170 》厚切，大部分都嫩，燒完唔會太韌。🥩《 調味排骨(200g) 💲150 》大塊入味，肉好嫩又有肉汁～ 🧈《 芝士炒年糕 💲130 》襯熱食啖啖拉絲芝士，加上韓式辣醬炒年糕十分惹味！職員有禮，亦具主動性，會不時更換新碟及燒板～