面譜-京川料理 (已結業)

生日聚會，當然要選生日之星喜愛食的菜式，由於偏愛中菜，在香港搵間有水準、坐得舒服的中菜廳價錢可以偏差得很利害，最後成功搵到呢間就腳，有西餐感覺，價錢適中及味道有驚喜的地方！口水雞、辣子雞味道拿捏得好，有中菜味道但隱隱感覺中東師傅手勢，而豆腐及好似肉膜咁食既菜式感覺似西北人做的感覺，加上店內很多外國及中東客人光顧，氣派高尚，寧靜優雅，無論約會或傾生意都很合適。自備蛋糕，切蛋糕時，餐廳仲會好細心特別提供石托盤上蛋糕，令整體感覺提升，十分細心，加上服務員工作期間散發出的快樂感覺，不禁令我偷睇餐牌屬於咩飲食集團，仲有無請人。。。

無良藥房昆西伙計，重慶大廈呃人三三及大家睇緊呢間鋪可以話係香港無賴界三甲。講句實話味道OK，價錢都合理嘅。但，做人最緊要堂堂正正，做生意最緊要光明磊落。你上菜前唔聲唔聲塞幾道小菜俾我，埋單陣先知原來係要收錢嘅，請問人與人間最基本嘅信任咧？？？食餐飯都要隨時戒備 “嗱阿姐你唔好咁快放低個小菜先，你同我sign翻contract話明唔收錢先好擺低啊餵”。你expect我問到咁出？做人真係好攰啊(大喊)！應景咁講，你俾我揀，我揀錯，我認。但你問都唔問就塞埋嚟我度，最後仲要我為你嘅無賴埋單，我就丟🐶你。

對上一次光顧面譜差不多3年前😂今次因爲MUSEA 大部分餐廳閂門但又要趕時間睇戲，所以又想起這間餐廳😅其實上次食已經覺得這兒食物味道很好，今次再食都無令我地失望👍🏻👍🏻👍🏻由於趕時間，又得2個人，只好點了2碗麵同1個辣子雞🐔🐔🐔未上菜前先有前菜，前菜都好好味，可惜無影相😅上菜速度都很快，而且擔擔麵同牛肉麵的味道都很好👍🏻惟辣子雞對我來說有點偏鹹😅希望下次一班人去，可以食多幾樣菜啦🤣

是日無咩特別節目,隨便出尖沙咀行陣就去搵野食.諗起尖東站嗰邊有間川菜一直都無試過,於是去試下. 入到去,餐廳嘅裝潢好有氣派,有高級酒店嘅感覺,氣氛唔錯,卡位好啱情侶拍拖嚟食.講返菜式,今次Order咗麻辣水煮魚,加左牛肉同其他配菜,另一樣係炒窩荀. 先黎炒窩荀,好鮮嫩同清甜,無炒過火.水煮魚方面,魚肉味道新鮮,麻辣口感配搭得好好,無太麻或者太辣嘅口感,會啱想食辣又唔食得辣嘅朋友黎食. 見到有其他嘅客人order片皮鴨好香.下次約多幾個朋友嚟試下

今日好想食辣野，周圍搵川菜食，但係原本想去心水嘅餐聽去唔到，之後行過到去中間道附近諗起一間川菜，之前食過幾好食，因為停車場冇咗所以好耐都冇去過， 正好去附近，好想再去試試，坐低諗都唔使諗，叫咗一個水煮魚，之後店員介紹有一個自選水煮會抵啲，就一於叫一個自選再加牛肉加蓮藕，一上枱盤水煮好靚，冇平時見開嘅水煮菜食咁多油，香辣味道香噴噴仲有份量一啲都唔少，初時以為份量會少啲，原來同平常嘅份量一樣非常之足夠，應該叫多一個清炒萵筍就足夠兩個人食，

#面譜-京川料理 (尖沙咀)尖沙咀港鐵尖東站33號舖-----呢間餐廳以面譜作為主題 店內有20幾款代表唔同人物同性格嘅京劇面譜🎭 裝修非常獨特又新奇 今次黎到咁啱佢哋做緊14周年慶典 新推出左兩款四川經典菜式 一款係四川香辣香鍋 另一款就係四川水煮香鍋 店員話前者食材有經炸過 比較乾身 後者則比較濕潤 由於B仔鍾意比較濕潤嘅口感 所以就叫咗水煮香鍋😁-水煮香鍋（$58）兩款香鍋價錢都係$58 入面冇其他額外配料 由於佢哋做緊14周年優惠 所以所有配料都只係$14一款 見咁抵食 B仔同朋友就將14款配料都全部叫曬 分別有豬肉 牛肉 羊肉 雞肉 魚片 娃娃菜 花菜 蓮藕 金菇 萵筍 大豆芽 豆腐 土豆同埋粉皮 樣樣材料都好唔錯 蓮藕脆 豆腐滑 蔬菜甜 魚片鮮 肉片嫩 土豆腍 粉皮彈 吸收埋水煮嘅辣香味 更加係惹味到不得了 B仔同朋友都食到停唔到口😋-唐憎（$65）個名改得非常好嘅一杯飲料 杯邊有塊好甜嘅芒果掛住做裝飾 望落幾似唐僧嘅袈裟 飲落並無任何酒精 只有有芒果汁 橙汁和菠蘿汁混和的味道 無多餘糖水或加工調味 感覺似唐憎一樣純淨 😝-白蛇傳（$73）呢杯白蛇傳帶淡淡清幽嘅綠色 望落

好姊妹年年18，生日大曬，佢一句話要食辣，我唔得辣都捨命陪君子啦好姊妹錫住我荷包，佢知道呢度最近出左個14週年既香鍋優惠，叫我book位同佢黎呢度食生日飯就okkkkkk店內四處都有具京川色彩既中國面譜做裝飾呢度仲有個貼心位，有本專for川式素食既meun可以俾客人選擇！！不過我地都係食肉獸，加上好姊妹當晚既目標係呢兩個鍋，所以其他菜色還是留待下次優惠既川鍋有兩款，分別係水煮鍋同香辣鍋，前煮係湯鍋，而後者就係乾鍋，兩款都只係HKd$58+10%之後配料有14款，而每款都係劃一價錢14蚊！！！！至少要配四款，而最多就可以配14款我地要左小辣既水煮鍋，但小辣既辣味經已好勁，但辣得黎又好香，令到平日唔多食得辣既我都食到欲罷不能而各款既配料都好新鮮，個人十分推荐魚肉、羊肉、萵筍同蓮藕食住啲咁刺激既野，飲品是必须derrrrrr好姊妹當晚就要左杯以中国茶做base ge cocktail “滾滾紅塵”HKd$73+10%，而我就要左杯名為“唐僧”HKd$68+10%既mocktail 呢杯“唐僧”以芒果味為主打，飲落既香味又解辣，正

今次喺朋友既提議下去呢間面譜京川料理雖然喺尖沙咀，但可能位置唔係咁近各大商場既關係，當晚既人流唔算太多不過食物既質素其實唔差我地一行四人叫左石頭窩黑椒腸粉 — 黑椒醬味道似茶餐廳/茶式鐵板餐上嗰啲，係全部餸入面比較普通既一道麻辣土豆絲 — 平平無奇既薯條配上蒜頭同辣椒，令人回味水煮牛肉 — 辣，但係好味👍🏻陳醋海哲 — 爽口既海哲配上酸酸既陳醋，爽口醒胃四季豆 — 川菜入面每次必點既菜式，送飯一流羅漢齋炒麵 — 脆身既麵加上醬汁，令人愛上呢間餐廳食物質素唔錯，聽其中一位朋友講起我地先留意到有好多印度人喺度食。原來呢間餐廳好aware 素食朋友既需要，而且好願意配合，難怪朋友同侍應講起佢係食素既，侍應就問佢會唔會食蒜頭或者洋蔥。除左可以唔落呢啲配料，佢地亦素食menu，聽講仲係第三代，唔怪得之有咁多茹素者捧場啦

位於尖沙咀的面譜，已經不知說過多少次要去，最後竟然是朋友提議約這裡才記起。這裡每個角落都是面譜，環境也算寬敞舒適。餐具的圖案也很精緻呢。前菜 $20/碟是花生和豆乾，味道還不錯。面譜小籠包 $68小籠包算大件，皮是比較厚的那種，但肉汁不少，肉餡也好吃。麻辣香螺水晶粉皮 $88沒想到是那麼大碟，螺肉碎亦很多，粉皮較粗厚，口感味道都比較像寬粉，煙煙韌韌有彈性，加上香麻微辣，惹味醒胃。柚子骨 $128有點像咕嚕肉，但很重柚子香，味道甜甜蜜蜜的，外層脆口，內裡的肉好咬。酸辣豆花拌米線 $88配料除了豆花，還有肉末、酸菜、花生和蔥，聞起來已經很香，而且頗大碟。很像曾經很流行的豆腐撈米線，不過比較有咬口，豆腐很滑，香辣濃味而不太鹹。糯米竹筒飯 $38純粹因爲有趣而點，糯米很香，味道微甜，口感煙韌黏糯。拔絲蘋果 $98我沒有想過在這裡點拔絲系列，會是即場在客人面前拔的，單是看這個已經值回票價。整體食物質素不錯，份量也算大份，環境也舒適，很適合和朋友聚會呢。

維港海風輕輕掠過臉龐，非常的舒服，放咗工，老公約我來到尖沙咀海旁附近的面譜晚餐，是一間Fusion mix京川菜的餐廳，室內天花板掛上一個不同樣式的面譜，很特別。石榴花炒雞柳，來自雲南的石榴花，第一次食，口感爽脆，而雞肉炒得嫩滑，帶有微小的香辣。五穀石鍋飯，混合紅米、白米、粟米、青豆、紅蘿蔔粒，口感豐富，飯粒炒得粒粒分明，感覺相當健康。水煮魚，桂花魚片很嫩滑，麻味和辣味平均，裏邊還有粉皮，滲滿辣汁特別惹味。香蕉拔絲，餐廳職員會在面前烹調，糖絲裹着香蕉塊，咬一口外脆內軟，香甜得令人回味。以這種Fusion mix 傳統食法去品嚐京川菜，還是第一次，很滿意老公今次為我安排的晚餐。

我喜歡食辣，但又唔爭氣唔係食得好辣，鐘意辣那一種刺激感，令食物變得有趣，要食辣就自然會諗起四川菜，面譜已經拎左多年米芝蓮推介，之前從來未食過，所以期望都幾高餐廳係尖東，裝修好得意，掛上好多大大個面譜，即刻令我諗起變臉表演呀其中一本MENU係比較特別，用上雲南直送食材，再利用當地傳統煮法寫出多種特別菜色有兩碟前菜先食，辣辣芽菜同花生，花生比較特別，外層甜甜地咁，入面包住粒花生鐵板京蔥生爆羊肉 ($138)羊肉臨上檯先係客人面前將羊肉倒上鐵板，做成好有氣勢滋滋聲咁上，羊肉夠曬多又淋，京蔥難得完全無燒濃，愛羊肉既朋友一定要試下呢道菜辣味酸木瓜桂魚 ($228)酸菜魚就食得多，酸木瓜桂魚就真係第一次食，利用雲南食材酸木瓜的酸味，代替左酸菜，整件事夠曬天然健康，我地揀左小辣就辣度岩岩好，連湯都飲得到，桂花魚煮到岩岩好滑嘟嘟酸辣豆花拌米線 ($88)好有特色的一碟米線，將豆花、肉碎、酸菜、花生、韭菜連同醬汁拌入米線，有豆花呢樣食材真係好特別，所有野撈埋之後味道好配合，呢道冷盤岩曬夏天食，米線偏幼好有咬勁喔

坐車成日經過見到，但就從未食過，喺尖沙咀中間道處理完事情，六點半左右，朋友提議不如早些食晚飯，我就提議不如去面譜試試，因為我想試好耐。入到餐廳，內裏有面譜掛起做裝飾，配合中式裝修，十分有特色。餐牌上有些菜式是辣，食唔到辣嘅朋友仔，某一些可以走辣的，且也有素菜款式供選擇。我哋點了頭盤:口水雞，雖然有辣油，只是微辣，不太食得辣的朋友仔都食到，雞皮上有花生， 黑白芝麻和芫荽等灑上面，雞肉亦很嫩滑。湯:四川酸辣湯，(可以走辣)用料十足，冬菇絲，荀絲，木耳絲，蝦仁，面層有一層辣油，攪拌後，味道酸酸辣辣，越飲越想飲。主菜：鐵板京蔥生爆羊肉，店員來到面前才把京蔥羊肉放在鐵板上，喳喳聲，熱辣辣，香濃的醬汁和京蔥的甜香，帶出了羊肉羶而不濃的味道。麵：酸辣豆花伴米線，花生，酸菜，肉碎，韭菜，當然仲有豆花，連同米線的醬汁拌勻後，滑滑的豆花伴著配料和米線，口感豐富，且十分飽肚。甜品，拔絲香蕉，簡直令我喜出望外，原來是用忌廉汽水造成的，且店員更會即席表演拔絲，光是心思已值得加分，靚到有點不捨得食，糖絲脆脆的，香蕉外脆內軟。估唔到除咗裝修靚，食物水準也不錯，下次可以帶家人來一同品嚐。

泰國來的表弟明天回國了來了香港差不多10天 已嚐不同菜式了突然想到還有川菜未試就帶他來到這裡試試中國的辣跟泰國有何分別😊 而這裏的裝飾跟名字一樣都是掛滿了面譜非常有特色坐低後侍應遞上了餐牌還向我們推介最近推出了雲南菜部份食材是由雲南空運到港的所以我們都點了來試試石榴花炒雞柳成個送嘅味道有少少似宮保雞丁嘅感覺石榴就吃得多了，但石榴花就真係第一次佢既口感係爽口，而中間的部份是甜的整個感覺非常特別而食石榴花可以抑壓黑色素、延緩皺紋有美容功效吃一個餸可以、醫肚又有美顏作用又好味超讚食雲南嘢點可以唔食米線酸辣豆花拌米線入邊有豆花 肉碎 酸菜 花生等等嘅配料應該加左陳醋 將所有嘢撈埋一齊米線酸酸地 好開胃水煮魚整個都好麻辣魚的質感好柔嫩入邊仲有好多紅薯粉紅薯粉吸晒湯底嘅精華每一啖都好刺激蘋果拔絲點左呢個甜品之後侍應就拎咗一罐忌廉同一碗冰過嚟我哋仲喺度諗其實有啲咩用途原來佢哋會直接喺我哋面前拉絲蘋果首先會沾上炸粉拎去炸之後就會放喺加咗冰嘅忌廉中我就好好奇問點解需要用忌廉佢哋就同我解釋返原來用忌廉會令到拔絲更加香以及唔會沖淡佢本身嘅甜整個程序都好好睇完成品好精美好似藝術品咁樣溫馨提示雲南菜原來只推廣

餐廳：面譜-京川料理 (尖沙咀)地址：尖沙咀港鐵尖東站33號舖說起面譜👶，你會想起甚麼？變臉？戲曲？中國傳統文化？還是甚麼呢？尖東有一間餐廳以面譜作為主題，將現代的中式餐桌文化配合傳統的中國藝術融合而成，餐廳店內有二十多款代表著不同人物性格的京劇面譜，食客除了可以享受京川美食之外亦能夠欣賞和猜想京川面譜的細節以及其文化。除了京川菜式之外，店內還推出了雲南風味，令食客可以在一個地方就能一嚐中國不同地方的特色風味。辣味酸木瓜桂魚 $228材料十分豐富的桂魚窩，除了有桂花魚和酸木瓜外，或有土豆、蕃茄和酸菜，不同材料配搭起來很美味！辣味不會太凸出，相反酸酸的味道很開胃！雲南特產的酸木瓜也是第一次品嚐，頗有特色，還帶有治療風濕痛等保健作用。湯底酸甜，可以當湯喝，味道不會太濃，由桂花魚和其他配料慢慢熬製而成，精華都被吸收在湯裡😋四川炒飯 $128這個四川炒飯可以選擇辣或者不辣，按個人喜好選擇，豬肉碎、鮮蝦、蔥花炒出來的四川炒飯很惹味，份量亦不少，足夠2-3個人吃呢👍🏾糯米竹筒飯 $38糯米飯由一整條竹筒原條盛載，飯是由紫糯米製成，飯有一定韌度，彈牙得來又帶有少少黏口的感覺，口感非常豐富，甜甜的糯火

早前打算同朋友聚一聚，就選擇左公司附近比較有特色既京川料理餐廳。地方比較偏離尖沙咀中心，但出尖東站都好方便。門口比較細，但裏面氣氛好好。非常有特色既中國面譜裝飾、環境比較有情調，最適合同朋友食飯吹水講心事！服務態度算係唔錯、餐具都非常有特色。前菜：涼伴豆皮/花生非常好食，涼伴豆皮少少酸、微辣，非常開胃、花生甜辣香口！頭盤：面譜燈影牛肉 牛肉薄切透光，炸得香脆、上面加有甜甜辣辣既醬汁，非常香口開胃。肉末外婆菜配叉子燒餅叉子燒餅比起肉末比例比較少，不過肉末炒得香，唔會過咸，雖然寫係一個辣，但只係微辣，非常香口。香酥雞炸得比較乾身、比較柴，味道都唔係好夠。比較遜色既一道菜酸甜豆花伴米線近期推薦既雲南菜，個人非常鍾意食豆腐同米線。就算見到佢係偏酸我都打算嘗試。雖然聞起黎醋味比較强烈，不過食上黎又唔會好酸。酸酸甜甜、米線又同平時食果D質地好唔同。雖然寫係一個辣，但呢個會比較辣！總體服務態度、食物水準、同環境都非常好！