靚靚車仔麵 (已結業)

距離睇戲時間尚餘半小時有多, 趕揾食但是在同一條街道上的老四就有超多內地遊客, 走到來靚靚門前, 我承認是有點混淆, 將她與尖東那間靚靚撈亂了, 不過見到有幾張明星相招徠, 而且車仔麵這類應該是快夾妥, 適合睇戲前趕著吃!除了車仔麵, 店內還供應粉麵飯, 連腸粉燒賣都有賣, 擺明是遊客店!  因此, 本地人還是選擇車仔麵妥當, 設有最底消費每碗$37, 四餸麵送熱飲一杯 (凍飲加$2), 醒目要自己提提侍應生才會有。豬皮$7、蘿蔔$7、柱候牛孖筋$12、九轉大腸$12 配油麵$13, 原味湯底= $51原味湯底就是清湯+甜醬, 辣醬豬皮及牛孖筋都有炆得入味腍身, 這是應該的嘛~蘿蔔清甜, 無渣(沒期望過~)油麵無鹼水味這份九轉大腸是即叫即炸, 皮脆肉厚, 豬腸味濃, 食落豬腸脂膏會爆油, 還未計廚師淋在大腸上的黑醋, 甜甜酸酸的味道很醇。

今日忙到2:0O先放工食lunch ，我叫左四菜牛腩汁生麵，送熱飲一杯，讚！清甜籮卜除了冇我期望ge清甜，其實好入味又冇渣，Good！牛孖筋d牛孖筋有三種口感，有d霖、有d爽，有d明顯煮得太久！咁算唔算口感非常豐富！煎饟豆腐係我最推薦ge一味，外脆內軟，超贊！炸魚肉雲吞唔係我鍾意食qe雲吞皮，吸左太多油，好油膩！煎饟茄子食左fd的一件，令我明白到，平凡的食材，只要遇好的調味，就變成不平凡，呢味菜就是遇到好豉油！津津有味！

今日同男友出尖咀睇戲，諗住有少少時間食碗麵啦，見呢間野門口貼左好多明星相，就食呢間啦。我叫左車仔麵，點知佢車仔麵有最低消費$30，咁叫3餸啦，口水雞亦、蟹子丸、魚皮餃、米線、腩汁total$34，碗野超細碗，口水雞亦仲好笑，我未食過咁難食嘅雞亦囉，口水雞亦唔辣唔緊要，但係佢未解凍咖囉，就咁係面淋啲醋就話係口水雞亦，我咬左一啖就無食啦，個腩汁又係，仲淡過清湯！我男友叫左個咸蛋肉餅飯$41，催左佢3次先到，次次都話煎緊，黎到又變左蒸肉餅，仲要係暖暖地，都唔熱嘅！第一次食野食到咁嬲！

五月二十六日 (星期六)是日會與食友一嚐罕有澳洲蠔種Angasi還未開餐，先來開開胃口這裡的車仔麵配料選擇頗多選了其中的豬扒,雞翼和白菜作餸料白菜十分鮮嫩，新鮮貨來的雞翼味道略欠，而且較細隻，欠口感豬扒中規中矩，肉質尚算煙韌，但缺了肉香這裡的豬腸是其招牌菜，即管點一碟作小吃入口十分爽口彈牙，羶香滿溢只嫌咸了一點，但整體已很滿意以一杯豆漿作結，夏日炎炎，選了冬的甚少見豆漿加冰的，不過卻沒影響豆漿的鮮味，也更冰涼，不錯!時間差不多，出發吃蠔去!欲看我們吃Angasi的食評，請看下文http://www.openrice.com/restaurant/commentdetail.htm?commentid=2236534

上星期約了老死在 iSquare 睇戲，見有15分鐘空檔，即管在附近搵食醫肚。行經樂道，瞄到「靚靚車仔麵」，看見有不少的明星合照，似頗有來頭。選了無骨海南雞，大腸及蘿白，配油麵。海南雞冷冰冰，雞無雞味；豬大賜又不夠入味；蘿白清甜無渣，最好吃。賣＄39，有點 over 了。

在尖沙咀午市覓食, 對於一般茶餐廳都沒有什麼要求, 但係依間令人食完唔飽之餘, 感覺實在不太好我們被安排坐在對住廚房的那張枱, 看見員工在混亂的地方下煮食, 水桶滿地, 嘈吵之餘, 好似不太衛生叫了3送公仔麵同檸水, 碗很大, 但只有少量的送"浮"在面, 味道不過不失, 只是公仔麵比較硬, 份量少明白尖沙咀可能都租貴, 但只要花多點心機, 車仔麵都可以做得出色一點, 生意一定更好

肚子餓，到openrice找找有那間外賣在居住地方附近。看見這間價錢評價都還好，便打電話叫這間。大約１０分鐘便來到，這一點要讚好。外賣袋子很引人注意，印滿了店內的ＭＥＮＵ。我選了米線配咖哩魷魚和手撕雞＋沙嗲醬。本來以為配料會很少，可是一打開出奇意外地竟然挺多。特別是手撕雞，大件也不多脂肪。]咖哩魷魚也很大塊，口感爽滑。至於湯底混和了沙嗲醬，有點點辣，味道不太突出。弟弟叫米線配豬扒和火腿＋牛腩汁。配料沒有嘗試，只喝了一口湯，加入牛腩汁挺好喝就是有點肥膩。

是咁的，尋日收市心情好，同幾個同事落去食「翅」慶祝。去食街海防道搵野食，打包左三碗碗仔翅返公司「慶祝」，起初無咩期望者，點知食完好鬼飽，勁多料，Ｄ豬肉有肉味，新鮮唔錯，有個女同事仲話太飽唔食，離晒譜！暴殄天物！下次試下佢Ｄ車仔面。

是日, 本來要去新浦崗的, 但太太的堂臨時取消了, 所以改為係尖沙咀約見. 行了一半海運, 行了一半海港. 二人都同意在商場外找地方食晚飯. 太太當然想我去齋舖食野啦, 但我又想吃點肉. 要一間做肉又好食, 做素又正宗的一家食店, 真的不容易找. 想了一想, 我們身在尖沙咀, 要有素食有葷食, 有一個好好既選擇, 而這選擇就是靚靚車仔麵.就近, 樂道就有一間靚靚既分店. 其素食類的選擇的確不少, 可是, 素食的車仔麵, 真的只有柯士甸路的總店才能食得到. 不過這兒, 就有齋妹愛食的茶餐廳小炒. 而素食的星洲炒米, 就是她的最愛.此星米, 辣度適中, 而且味道不是單純的咖喱香同辣味. 食過好多素食店, 他們炒出來的星米, 大概都只係得個辣字. 其他應有的味道欠奉. 說回這一個星洲炒米, 除了以上的辣味同咖喱香之外, 仲有香口的豉味. 落了少少豉油調一調味道, 出來的效果是更加的香口. 味道多元化一點, 食物美味多一點. 雜扒飯, 我可以稱佢為美極雜扒飯. 不過豉油, 不是美極, 扒, 只有豬扒, 其他呢, 就是火腿煎蛋. 這樣就叫雜扒, 恐怕有點兒那個. 不過味道

正月上旬‧有雨吃車仔麵總喜歡吃「雜」麵，因為不用選，又可以試多幾味，是日就要了個細雜麵。八款配料包括豬皮、紅腸、豬紅、蘿蔔、冬菇、酸齋等等，但其實好幾款配料也是凍凍的，吃起來令人沒有什麼興趣。尤其是酸齋，浸得腍到不得了，比起灣仔車仔麵之家的差得遠。28元，不貴，是真的。

九月十四日(星期二)六月提過靚靚車仔麵,之後都打算試試,不過多次過門而不入今日回家時經過尖沙咀,就去到樂道看看有什麼好吃想吃阿升的,不過已經......於是再看,見到靚靚,就試試呢當然不吃整個車仔麵,唯有點小食:煎釀六寶有青椒,矮瓜,豆腐,炸雲吞,紅腸,魚蛋令樣味道一般,而且比較油膩加上size比一般的小九轉大腸這個好吃,亦是店子menu的推介小食之一大腸加了特裝的souce,非常的惹味份量不太多,兩個人可以叫大size凍檸茶茶味不太濃下次會再試試車仔麵!!

入去食消夜，亞姐超趕時間，左催右催！求求其叫左辣醬四餸油麵，另加兩個小食！湯底：淡而無味，原來無嗮辣醬，但亞姐無出聲，叫亞姐是但比碗沙嗲醬，黎左兩碗，但仍無味！煎釀茄子：味道ok，但$7得3薄片，貴！咖哩魚蛋：唔新鮮，無咖哩味！越式蝦餅：普通，但$7得一薄片開3，貴！咖哩尤魚：凍冰冰，咸！口水雞中翼：ok鴨腎：由於份量太小，吃不出味來！椰汁冰：漏單，所以唔知乜味！兩字作結：把...........鬼！

　　　　今天要了一個蕃茄濃湯魚腐公仔麵，但這次用餐經驗叫我感到極度失望，因為湯實在是太太太太太太鹹了，鹹到簡直無法入口，而公仔麵實在太膠口，好像沒有煑過一樣，我只吃了三分之一便放棄了。　　　較為可取的是這個麵有兩條小唐菜吧。　　　飲品方面，我要了一杯熱杏霜，勝在夠熱和味濃。　　　我不知道我是否再會去了。因為這次用餐經驗實在太糟糕了。

　　記得這間食店只因它的店名，與其店內的藝人相片。路過尖東分店，只會吃那些熱的炸釀小吃。是日經過樂道分店，便入內嚐過究竟。牆壁內如常掛滿藝人相片，這些對我來說沒有任何作用，食物才是關鍵。　　由於店內設有套餐價格，一款十元的麵類配上三款五元的菜餚選擇，附上一杯熱飲品，定價二十七元正。倘若選擇較貴的便要補回差價。是次我便需要付三十二元，凍飲品加二元。　　言歸正傳，我選擇了菜心、紅腸蛋、煎釀青椒配湯烏冬，相信不會出亂子，另加牛腩汁、辣椒醬，一杯凍檸茶。上桌時便發覺沒有任何辣椒醬或辣的成份，那要勞煩侍者遞上，結果他便遞上沙爹醬，這個沙爹醬是微香，不過欠缺辣的感覺，結果還是要勞煩侍者再遞上辣椒醬，她便遞上辣椒油，好吧，這枝辣椒油是辣的。　　湯是車仔麵的靈魂，結果湯屬偏甜，莫非牛腩汁影響？無論配料還是港烏冬，誠然不是難吃，但絕不屬美味，坊間有很多車仔麵店比它還要優勝。反而最好的是煎釀青椒，蘸點微甜的醬油，熱辣可口；其他的終不能完成，只剩下湯烏冬。　　「下次下次，下次大概可以？」　　結論便是......　　「不要相信一切有下次」

黎開呢頭做野，自己一個人又到午飯時間，就去左食個車仔麵。只係點左３個餸加米粉，已經好飽肚。最鐘意佢地既蘿白，清甜無渣，Good 咖喱魚蛋而夠辣，不過魚蛋較細粒左ｄ 發現有得加5元轉自家煲雪梨茶，就試左一杯又ｏｋ　ｗｏｒ唔太甜幾好。