影片
電話號碼
35102000
開飯介紹
雲龍軒是以承傳古代中國智慧為主題的中菜餐廳，賓客可一嚐地道的農村風味、粵菜和其他中國省份菜餚，欣賞啟發自五行概念的烹調手法及融滙風雅和設計細緻的餐廳裝潢。
繼續閱讀
特色
家庭親子
營業時間
今日營業
07:30 - 11:00
12:00 - 15:00
17:30 - 22:30
星期一至五
07:30 - 11:00
17:30 - 22:30
星期六至日
07:30 - 11:00
12:30 - 15:00
17:30 - 22:30
公眾假期
07:30 - 11:00
12:00 - 15:00
17:30 - 22:30
公眾假期前夕
07:30 - 11:00
17:30 - 22:30
以上資料只供參考, 請與餐廳確認詳情
有關獎賞計劃
相關文章
喺張迪士尼會員證就嚟到期之前，過嚟食多次，用盡佢啲優惠。6:30去到餐廳，得一至兩台食客，有啲可悲，因為呢間餐廳嘢食唔差，一定好食過迪士尼樂園入邊嘅餐廳，服務亦都一流。坐低咗之後，叫咗個蛋炒飯俾小朋友。個蛋炒飯好有鑊氣，炒得好乾身，而且非常之大碟，小朋友食得好開心。再叫咗燒味拼盤（有乳豬、叉燒同白切雞）。乳豬燒得好靚，叉燒都係半肥瘦。另外叫咗個Wasabi雲耳，Wasabi味道略嫌太重。再叫咗個西蘭花酸辣炒班球。連埋會員優惠優惠，人均大約$400
繼續閱讀
🌟整體評分: 8/10🌟❤️味道：8/10🧡環境：8/10🩵服務：8/10💚性價比：8/10💗小朋友喜愛度：8/10去迪士尼玩好多時都會比較晶荷軒同雲龍軒。雲龍軒裝修格調同埋價錢都比較平民，但係菜式絕對唔差！一樣都有片皮鴨，雖然冇晶荷軒嘅荔枝醬，但一樣熱辣辣脆卜卜，不錯！推介呢度嘅滷水拼盤，特別是滷水墨魚，滷水味香濃，墨魚爽口，食極都唔夠！仲有個私心推介羊肚菌燉湯，清甜香濃，小朋友都追住飲！仲有雲龍軒炒飯炒得乾身香口，推介！
繼續閱讀
因為入住迪士尼探索家度假酒店，佢個plan包左2位成人自助早晨，所以就係果度食自助早晨。先唔講食物，但就佢嘅自助餐限時一小時，我就覺得好唔滿意，佢個價錢都唔平，酒店包2位成人，小朋友就要另付，連埋加一，小朋友都一位都要HK$350,又鬼死咁多人，一d受歡迎嘅食物排隊拎食物都無左2，3個字，仲要限一個鐘，真係好唔低。跟住講下環境，都乾淨企理，但就迫左少少，如果計五星級酒店餐廳黎講就真係迫左d。食物方面，都好多種類，比一般酒店早餐算唔錯。味道不過失，但d煙肉，炸野就有d炸過籠，d蒸點心都唔錯，不過蝦餃皮就厚左少少，味道唔錯。最值得推介就係個師父即煮嘅粉面，牛腩正。另外即煎個奄列都好味，加左芝士，食果陣都有拉絲D水果都新鮮。另外食自助可憑入座卡可與迪士尼人物合照一次，相信最可心就係小朋友。不過唔知係米會轉人物，我果日就係高飛。
繼續閱讀
一早訂咗去迪士尼酒店玩返一個週末，點知好唔好彩，遇着颱風，仲要打到9號風球困獸鬥留喺樂園酒店，唯有食樂園酒店嘅晚飯，所以嚟試咗呢一間餐廳可能本身冇期望就冇失望，餸菜我覺得比想像中好食叫咗兒童套餐比幾個小朋友，佢哋都食到津津有味因為太興奮嘅關係，所以都冇影到相之後大人就叫咗咕嚕豆腐、燒味拼盤、西蘭花炒蝦球、炒飯個咕嚕豆腐，估唔到係用米奇老鼠嘅樣，小朋友見到好開心，明明唔食豆腐都爭住食😬個雲龍軒炒飯冇影相，不過比想像中好食嘅而家有迪士尼會員卡，有discount就抵食好多，冇嘅話就唔太建議
繼續閱讀
國慶日前夕，有朋友推介迪士尼探索家酒店中菜餐廳雲龍軒，剛推出中式點心放題。由現在開始至11月26日。每個週六、日及公眾假期。成人價$328 加一，小童價$198 加一，六十歳長者如持有樂悠卡或長者卡，都可以用小童價，去享用兩個半小時中式點心自助餐。午巿服務時間是12:30 至15:00。心想疫情之後都無飲過茶食個包。國慶當日走去探索家酒店去食返餐。我自己打去酒店預先訂位。食客可以上Openrice雲龍軒專頁去訂枱或登入官網訂枱。前往探索家酒店，可乘搭港鐵至迪士尼站。再轉乘接駁酒店穿梭巴士。每十分鐘一班車。遊客請看清指示牌，是次出發去探索家酒店。如是自駕遊人士，酒店消費滿五百元有兩小時免費泊車服務。到達大堂後往下層就係中菜館雲龍軒餐廳。目測下好多枱客都係一家大細，家庭聚會式去飲茶食點心。如是想搞私人包房，都有包廂房提供。參觀完個Buffet Line，發現雲龍軒中菜館，可以將傳統廣東人飲茶文化提升至另一個境界。員工全部穿上整齊制服。廣東式擺設放係枱上好親切。連舊式涼茶舖個擺設都有，還原返放係枱上。自覺走進時光隧道，重返中上環一帶既涼茶舖、點心檔及大排檔。因本人自少在中西區長大，八九十年代的食肆回憶，馬上湧上心頭。時至今日，港人對飲食講究程度不斷提升。食物質素、餐廳橫裝及服務態度都有增無減。 最後題外話/補充資料有錯字，請改用以下文字。 題外話/補充資料： 飯後建議去迪欣湖。返回迪士尼站往巴士站行去迪欣湖，全程十五分鐘。迪欣湖下午7 時關閉。先嚟個生滾靚粥，傳統要填紙仔下單。依家選好配料後交給職員。等十分鐘後自取。個粥好綿滑。配料花生、班塊、皮蛋、雞肉，全部採用上等食材。好耐都無食過咁香滑爽口既靚粥。之後自取中式傳統點心。蝦餃、燒賣、春卷、腸粉、叉燒包等等係頭選。每款點心造到好精緻，叉燒包造到似米奇頭。每款點心都好美味。傳統點心巿價大約$40一籠，每籠點心都造到好大個。但因這裏是點心放題。每款點心造到好細份。方便食客食多幾款不同點心。我個人建議加入少量放係Buffet Line枱上既銀魚醬。每樽單售$158。混入中式點心，滋味無窮。鳯爪用個煲去焗。食到原汁原味既感覺。豬肚洗到好乾淨，可以放心食用。自助餐還加設傳統港式街頭小食如碗仔翅及墨魚片等等。喜歡旺角街小食可以慢慢品嚐。食到一半，有職員公告，食客可以去Buffet Line同隻「琵琶鵝」打卡。之後職員會送上食枱。事後上網才知，這種琵琶鵝係用古法炮製。因完成品形狀像樂器中的琵琶，因而得名。因製作需時，好多傳統酒樓已停售這款美食。估唔到今次有幸食到這款人間美食。燒鵝肉質彈牙，加入秘製醬料，味道同鏞記及深井有別。鏞記比較乾身。放便帶上飛機。深井燒鵝肉質嫩滑，方便放入瀨粉一齊食。但這款琵琶鵝肉汁份量多，食到好鮮既燒鵝肉。估唔到除咗鏞記同深井，係大嶼山都食到另類極品燒鵝。誠意推介給各位。最後食甜品及糖水。紅豆沙、西米露及豆腐花。因我貪心想一次過飲三款糖水。每款我只拿三份一。一次過飲到三款美味糖水，感覺好抵。其他甜品如啫喱糕、桂花糕、奶皇包等，都好精緻。個人推介一定要食咖啡凍糕。味道帶點咖啡味但係食落係啫喱狀。好有特色。
繼續閱讀
您可能會有興趣的...