雲貴軒米線專門店 (已結業)

因工作的關係，一個人來到元朗，午餐時間經過這間雲貴軒, 好耐都沒有食米線了，十分掛念這專門店的彈牙滑滑米線，希望這分店不會令我失望。 今天我選擇了酸辣湯底豬軟骨小鍋米線，豬軟骨是我的至愛，這裡的豬軟骨份量足料入口即溶，肉質不會嚡口都幾嫩滑，加上酸辣的濃郁湯底，湯底是用豬骨 淆製而成的 。米線果然沒有令我失望仍是彈QQ的，煮得十分專業，食過番尋味。再加一杯冰涼解渴的可樂，真是一大樂事。

自從有了yoho mall，很少行咁遠黎食雲貴軒了，是日要去惠康買野，便來食個下午茶，嘩，上一篇文已經係2016嘅事了，有兩年無黎食咁誇張？基本上無乜變，下午茶餐加左少少價，啲餐變左啲。香草蒜蓉牛油脆豬包（$28）假日多人點，個包即整熱辣辣，豬扒脆卜卜啖啖肉，個包吸滿牛油好正。蜜糖雞全翼配熱狗包（$28）另一款要左雞翼加熱狗，雞翼蜜糖味十足，但略乾身了點。熱狗包軟綿綿，加埋脆皮腸正，多粟米小朋友勁鍾意。香辣炸醬米線（+$6）小小辣幾對胃，但米線就好淋。碗仔翅撈米線（+$6）碗仔翅調味略甜，但份量超大，一大碗米線勁飽肚。個餐仲有餐飲送，但忙了拍照熱檸茶不過不失，熱鴛鴦勁得，茶濃啡香。新餐牌，隔離枱食黃金西多士超大舊咸蛋黃牛油，望落好吸引，下次黎試下先。

常常在元朗，荃灣惠顧，之前有三寶可選，現在沒有了，可惜。豬扒，蒜香炸雞翼，次次都必食。健康果汁都好正。可惜九龍區沒有分店，現在搬出了新界區，食不到了，要專程到葵芳食😋🌹🌸🍜。

今日好趕時間，諗住求其揾間食店，食完快閃啦，但景然係繁忙時間都比我哋揾到一間有雙人座位米線專門店。諗住咁多人食，出餐一定會慢D，拿拿聲坐底叫左個豬肚牛展配豬骨湯底和炸菜肉絲蘿蔔湯米線。order完，出奇地5分鐘都唔使就送上面前。豬肚都係爽口肉厚，牛展夠淋滑有噍口，還有好多大大條既莞茜放上面。蘿蔔多汁又入味大件。食完後還可以坐多陣玩下手機， 最後要讚一讚尼間雲貴軒嘅廚房出餐速度。

睇完醫生諗住係元朗食個TEA，去到依間門口望落都唔錯就入左去佢下午茶SET有幾款，仲要可以加$6加配多個面咁(依樣好緊要，唔係根本所謂既下午茶係食唔飽人的)揀左個半份西多士+雞翼餐，加配多個碗仔翅米線點知一上枱才如夢初醒，做咩我會咁勇敢去試新野-----「碗仔翅米線」唔洗掂佢睇個樣都感覺到佢果種漿咁，拎起筷子搞搞，真係完全一PAT PAT咁，根本果種質感係唔想放入口囉，雖然是我點了這樣野都有負責，但其實創作這款式的人兄有冇試過依碗野的為何會覺得出得廚房架幸好西多士同雞翼都水準之作，如果不是鬼掩眼點錯了碗仔翅米線，這些尚算滿意的***記住，它叫「碗仔翅米線」，如果你有仇要報絕對值得請那人吃碗囉

基本上每個星期總有一日黎呢度食酸辣粉，貪佢近屋企，唔貴又幾好味，但見佢無乜人氣，等我又post下食評同面書宣傳下先。天氣太熱，要了凍檸茶，好少轉凍飲，原來要加三蚊，不過大杯左又夠凍，茶濃多檸檬，都抵飲嘅。酸辣小辣，上海麵，炸豬扒 $39唔知幾時開始加左一蚊價，但39蚊大大碗都ok啦，酸辣湯底偏酸，小小辣啱我口味，母親大人通常要中辣甚至大辣，佢話唔辣唔好食，哈哈。轉了上海麵，鍾意佢軟綿綿又掛湯，比起米線，感覺上上海麵大碗啲。除左麵條，仲有酸菜，芫荽，芽菜，韮菜等，芫荽好香，不過唔鍾意嘅人會好痛苦吧，因為滿滿一碗都係。見有啲食客唔記得走青，睇見佢就食得辛苦囉。炸豬扒依然好大塊，鬆化香口，炸得唔油膩。食飽飽返屋企喲～

琴日食完譚仔食到火，今日黎雲貴先，今日唔食米線食紅薯粉，好鍾意佢地個麻醬，少少辣少少酸好香好啱撈粉食，要左一碗豬頸肉紅薯粉，好大碗，配菜有芫茜，咸菜，花生，木耳，肉碎等，好濃味，豬頸肉又肥又爽好正，太大碗食唔哂，熱檸茶就麻麻地，檸檬有苦味，一個人食撘枱都唔係好迫，侍應無落錯單又有禮貌，感覺好過琴日好多，食得好開心。

雲貴軒米線第一次食，見到有薯粉就決定叫佢，不過第一次食撈薯粉，唔知會點。香辣豬腩肉撈紅薯粉，麵入面有木耳、咸菜、芫茜和花生，紅薯粉正常韌度彈牙，撈埋醬汁一齊食係好食。豬腩肉夠入味，薄薄一片，一層層既肥肉瘦肉，唔會話好辣。

嘩，好耐無黎食過，自從bb出世後，湯粉類嘅野好少食了，始終唔方便，難得今晚free，就黎食碗粉。小鍋米線，小辣，配炸豬扒$38水準依舊，大大碗米線，湯底清但味濃，酸酸辣辣好味，最正係多芫茜，好香 炸豬扒分開上，炸得香脆唔油，有五件好抵食。熱伴紅薯粉配炸豬扒$40都係要豬扒，一黎貪佢啖啖肉，二黎佢真係整得幾好味，軟腍又香口。配料有木耳，咸菜，芫茜同花生，紅薯粉煮得透心，彈牙，撈埋醬汁一流。餐飲要了熱檸茶同熱鴛鴦，檸茶不過不失，鴛鴦嘅咖啡新煮起，香濃好味。埋單

放工順便食埋野先返屋企，就黎左樓下嘅雲貴軒，唔使等位，上野又快，啱哂心急人。炭燒豬脛肉熱拌紅薯粉配麻醬，連一杯熱飲 $38豬脛肉又燒得幾乾身唔肥膩喎，紅薯粉有咬口又唔太韌，睇落好細碗但其實好飽肚，麻醬又意外地夾，唔食酸辣轉轉口味都唔錯。

奶茶甜到似糖水 這個米線完全唔好吃 自從搬入天水圍後少去元朗揾食，元朗近年來開了不少食店 ,米線在元朗亦有不少,有日去千色附近，雲貴香之前來過1次 ,今次自己一個人來,米線份量十足，菜肉雲吞一夾就散，雲吞覺得不算好吃，米線太淋 個湯好咸,這裡服務都OK,環境亦都幾好，元朗有咁多米線店未必再來這間，其實元朗有其他好吃米線,這間真的不是太好吃掉食物水準雲吞米缐湯底，我覺得太咸了雲吞，我一夾就散，煮得太耐,吃下去時候覺得不算太新鮮米線，我覺得太淋服務，這間一般價錢，35元番吃,應該不會再去

最近常來雲貴軒食晚餐，佢係離家最近嘅酸辣粉，又唔使等位，幾好吖。自己揾位，快快落單等食。炸豬扒酸辣米線，要微辣，炸豬扒分開上，炸豬扒上面有一層薄薄嘅炸粉，食落有啲似茶樓炸魷魚鬚個種黃色炸粉，味道都ok嘅，豬扒好淋。酸辣湯底好味，夠酸又唔係好辣，芫荽好香。友人唔想食米線，叫左豬扒腸仔咖哩飯，好大碗，超多咖哩汁。豬扒同上一樣味，腸仔都係普通嘅雞肉腸，咖哩汁都幾辣，撈飯ok。豬軟骨酸辣米線，同樣要了微辣。豬軟骨有三大件，滷得入味，軟骨淋淋地，好易入口。糖醋排骨酸辣米線，小辣，排骨甜甜酸酸幾好食，但同米線唔多夾。小辣同微辣差唔多，隨廚房心情落辣度。凍央，咖啡味唔得，酸了。凍檸茶，無乜茶味，解辣ok。

呢度未試過要排隊等入座，唔知係咪因為位置比較偏，我第二次黎食，要咗乍醬墨丸酸辣米線，乍醬係辣嘅，不過唔及譚仔好味，墨丸就幾彈牙，水準之作，米線就比較淋身，另外杯咸柑桔七喜就不過不失