雲泉素食中心

營業中

休息中

早2日上網見有一條叫坪洋壁畫邨的地方，想去睇吓，男友話果度近雲泉仙觀，不如去食埋齋吖，問一問家人，大家都話好，yeah~!家庭旅行成團了，星期日起身，去食個齋早午餐，11點半去到，已經幾多人了，好耐冇黎過，環境沒有點改變。兩位長老先去左攞枱，我同細佬就去點菜，芋頭魚，鮑魚菇豆苗、炸春卷拼西檸雞，豉椒炒田螺和椒鹽茄子，阿姐話仲有兩份腐皮卷要不要試下？平時好少做的，咁當然要一份啦，足夠了，返去座位洗吓D碗，庄好粥等齋菜到，上菜速度亦都好快，不用十分鐘，齋菜已到齊，芋頭魚但略嫌五柳汁夠，叫阿姐比多少少，亦好快庒了一碗給我們，鮑魚菇豆苗清脆爽口、豉椒炒田螺惹味，素田螺質地彈牙真的有點像真的田螺。椒鹽茄子炸皮太厚所以感到很油膩，腐皮卷的確幾好食，外層腐皮炸得乾爽鬆化內裡巻著滿滿的芽菜素菜，美味。光顧齌菜，雲泉的粥飯任食，但白粥比飯出色，煲得綿綿的，帶點腐竹香。其實只食粥都飽。

週末一家人四圍遊，今天想食齋，就決定去雲泉，又可以行吓，11點半去到，今天都幾多人，先去點齌，揾位坐好，再洗好碗庒定粥飯，這𥚃買齋菜，白粥、白飯是任食。好快D齋菜送到，今天點了最愛芋頭魚，腐皮卷，西檸雞并春卷，，菇炒豆苗，豉椒炒田螺！芋頭魚香硊，芋頭粉香，配上五柳甜酸汁，非常開胃！腐皮卷包著蔬菜，外皮酥硊，；西檸雞，檸汁香，豆味足，春卷足料，豉椒炒田螺是另一碟驚喜的素菜，素田螺彈牙，豉汁香炒送粥一流！這𥚃的白粥㷛得又綿又香。

每年拜山 & 雲泉食齋 指定動作雲泉嘅白粥出晒名只要有幫襯 白飯白粥任裝……好多遊人都會包1~2碗番去 雖然又食又拎 都自重嘅春卷併西檸鴨~ $90 份量大 低食即炸 熱氣㗎春卷脆皮 饀料香西檸鴨~ 好味素鴨 甜甜少酸 幾油膩雲泉頂上素~ $90 很一般 質素下越做越差 過往都係用罐頭菇 椰菜墊底 總覺得唔夾 冇紹菜粉絲竟然有竹笙…不過 係棄料嘅竹笙硬頭汁料淡味 唔夠熱 失望題外話 真實事 生意難做有見過很過份嘅1對中青男女 身光頸靚 名牌波鞋袋 但竟然……唔叫食物 斯斯然坐低洗碗 係咁食粥……女侍應都察覺到 都開聲問 落咗單未？這對男女 支吾以對 食夠粥就起身走人咁都得 …… 🤦‍♀️之後雲泉就有新規矩 :要買咗單 攞咗牌仔 至可以入座

春卷拼西檸鴨：春卷皮夠薄夠脆，唔會太燶，炸得剛剛好，西檸鴨厚身得來唔會太實，就算已淋上檸檬汁仍然有脆口感，檸檬汁甜味調得好好，完全帶起食慾。竹笙四蔬：竹笙、西蘭花、磨菇、竹筍、冬菇，單看照片就知道份量不少，竹笙爽脆，其他四蔬都好入味。翡翠排骨：蜜豆、竹筍、磨菇、素肉，要講講蜜豆，夠肉地炒得好好食。腰果大蝦：腰果、西芹、竹筍、磨菇、素蝦，腰果好香脆，西芹又爽甜。芋頭魚：芋頭魚通常好難唔好食，甜酸汁調得好適中，大小剛好，炸得夠脆白粥：沒有照片，因為根本好味到不用照片，要親身去試才知道有幾香白果味及綿密。

今日同屋企人去拜山🌈經過見到有齋食就入去試試入到去，🌸🌸環境清幽，好多座位， 非常舒服我地叫左芋頭魚 同幾碟齋🌝🌝🌝🌝店內有飯有白果粥是免費供應的☺️客人可以任吃白果粥非常香，第一次食好特別喔👏👏👏芋頭魚夠脆，芋頭魚上既汁好好食也，酸酸甜甜好開胃👏👏👏👏而其他嘅齋都唔錯👍🏻👍🏻👍🏻員工態度非常好👏👏好有人情味👏👏整體來講，好滿意下次拜山一定會再食值得一試喔價錢又唔貴👍🏻👍🏻👍🏻🌈

記得好多年前黎呢度食齋, 那時很多一日團來這裏吃齋, 人頭湧湧, 裝粥那條人龍....像60年代輪米似的長又長, 自從那次起....怕怕, 很久沒來了, 今日再來, 食齋的客人仍多, 但已沒有了那些年的墟冚場面, 感覺良好,嚟呢度食齋先到收銀處付款買食物, 職員會畀一個號碼排你, 衹要張牌後放在餐枱上, 食物便會送到, 碗筷自取。乳豬 ($80)乾身有點硬, 味道跟真實乳豬有點距離, 味道還是不錯的, 頗好咬口。春卷拼西檸鴨 ($80)春捲炸得脆口, 入口索索聲, 好食, 至於那個西檸鴨個人更喜歡, 不經油炸的腐皮軟腍香滑, 豆味是少了一點, 個西檸汁酸酸甜甜好開胃加分不少。豉椒田螺 ($80)呢個豉椒炒田螺好惹味, 送飯最好, 田螺應該用魔芋造, 好爽口, 味道都帶田螺點爽甜, 食齋有時都幾好玩....會想像下佢點樣調味？希望唔係用化學品啦。五柳魚 ($80)由細到大最愛齋菜就是芋泥魚及酸齋, 芋頭蓉軟滑棉香, 魚皮炸得脆脆的, 伴五柳甜酸汁食腰果大蝦 ($80)口感及味道像真度頗高的大蝦鮑魚菇蔬菜 ($80)最把鬼的一味, 菜心老過我阿媽, 勁多渣, 滯銷, 鮑魚菇就扣得唔錯, 清

到雲泉仙館一定要吃素菜，只為了那碗熱熱香香淡淡綿綿的白粥。一行得四隻腳，可以叫的素菜不多，來一碟五彩什齋，再來一碟冬菇扒豆苗，已知兩個人吃不下兩碟素菜，所以已預備盒子拿回家再吃。素菜大大碟，用料新鮮，味道清新，再配上那碗粥，一口一口吃了三四碗之多。。。朋友說要吃五柳仙斑，四個人都食唔哂，下次班齊人至得。喜歡。。。好掛住碗白粥哦！

上年今日又係去咗食齋, 跟住寫食評上載極都上載唔到,整整下成篇稿冇曬, 今年再接再厲, 又去食齋,當然又要做未做完既野啦。坐港鐵去到粉嶺,跟住轉乘小巴,不斷有車,只係等咗五分鐘, 坐車坐咗十零分鐘就到喇,都好方便。一去到即刻排隊買飛, 有兩條隊一條係排散餐, 一條係排套餐, 邊排隊邊諗食乜嘢, 去到剛剛諗完,都好快呀。跟住喺右手邊比錢,再在左手邊排隊等入座。坐低後, 要自己攞碗攞筷子, 白粥白飯任裝, 有左上年嘅經驗,今年我哋知道要見到佢送出白飯白粥先好攞, 咁就唔使食凍嘅飯同粥喇。佢嘅白粥都好綿, 但係就唔夠果皮味。五柳素石斑好大條, 炸得好鬆脆。上年春捲炸得好鬆脆同好大件既,今年細件咗同埋炸得有啲油同唔夠鬆。椒鹽排骨真係有陣排骨味㗎喎七彩拼盤呢就麻麻地啦,酸齋就可以囉, 其他嗰啲都唔係幾好味。琵琶鴨我就唔覺得有鴨味囉。紅燒豆腐中規中矩啦鮑魚菇時菜啲菇同菜都ok, 原先諗住呢隻菜苗呢會好青味,但佢煮到剛又夠熟又唔會太淋,味道比想像中好。翡翠大蝦,d蝦都有啲似喎爽爽哋咁囉整體味道唔錯,價錢又平,環境又靚,經濟實惠囉。

雲泉仙館內的南齋，絕對不是ㄧ般的齋菜館。仙館環境清靜,鳥語花香,盤栽處處。探訪當日,和老友記大約十一時到達雲泉仙館,見時間尚早,加上踏入了十ㄧ月,天氣也没有那麼熱便在仙館內走ㄧ走。行完ㄧ圈,剛好十二時正,便點菜食齋去了。首先要到買餐處點菜及付費。齋菜選舉也很多,應該總有ㄧ款適合不同口味的食客。今次選了七彩素拼盤及五枊素石班。七彩素拼盤,有齊七種素燒味的款式,不錯。五枊素石班,魚頭也鵰刻出來,真有趣。不過美中不足是免費的白飯及白粥不靠熱。

假日郊遊，一到雲泉仙館，欣賞清幽美景，心情頓時開朗起來。再嚐齋菜，開心指數進一步標升。雲泉鼎上泰實際是羅漢齋，很大碟，齋菜既爽且滑，食味不錯，唯一較為失色的是偏油了些，不過用來佐飯是可以的。素千層不知想模仿甚麼，總之是數層厚厚的腐皮捲成一紮煎好再淋上杰杰的芡汁，普通煎腐皮卷一碟。椒鹽素魚豆腐最為出色，非一般的炸魚腐，吃下竟仿似吃著炸魚片，幾可亂真，做得出神入化，妙絕！這裡的飯和粥都是任裝的，友人吃了兩碗粥及兩碗飯，還好像意猶未盡！

炎炎夏日，正是賞荷的季節，駕車去了粉嶺雲泉仙館一日遊。寺內有一個荷塘，可惜與荷花無緣，水面鋪滿浮萍，但環境總算是清靜的。行完又是醫肚時刻，這𥚃有個飯堂－南齋，叫了兩個餸，羅漢齋和素千層，大大碟，兩個人食是多了，好在白粥任食，羅漢齋味道一般，大路貨，較油膩，素千層酥脆香口，不油但千層分不清層次，只覺得是一舊腐皮塊。不能不提是這裡的白粥，清爽有米香，煲得很夠火喉，我連食四大碗。飯後還可以去寺外的一個星期日市集買D土特產。

呢間野要入去要D時間, 所以我係好多年前去過一次就冇再去, 今次因為義工服務而重臨呢個地方我最期待就係芋頭魚了~但係芋頭魚上茶已經凍左, 如果醬汁再多D就好了佢地既齋, 咖哩齋冇味的, 其他都好好最好味既係佢地煲既白粥, 冇影相真失敗!白粥有腐竹既味道, 真係好好味, 我地負責照顧既伯伯食左6碗!!大家食完唔好咁快走, 園內境色非常優美, 欣賞埋先走

今日同朋友去左雲泉仙館食齋，以為都係普普通通齋店，完全估唔到環境都幾靚，齋菜又大又幾好食。門口一入去完全見到福祿壽芋頭魚，完全想象唔到超大條，4個人都完全食唔晒。栗米豆腐唔記得叫咩名，味道唔錯。炸春卷，炸得好脆，我都忍住食左幾塊。以下就真正的器玉，我朋友係咁叫我食，我初唔食粥，我半信半疑去整少少來食，一啖愛上，粥又香又滑，有腐竹味。正到不得了，我最後食左3大碗，我朋友平時食得好少野佢都食左幾碗。

雲泉仙館素食位於粉嶺坪輋，假日郊遊又想食素這地點確實是不錯選擇，仙館屬道教供奉呂祖，四周花園亭台小橋流水非常詩情畫意，故此處每逢假日都吸引很多一天團到來茹素一番，我今日就同朋友在附近行山故也特意茹素一番五色拼盤，味道適中炸雙拼春卷是用芋絲蘿蔔包成，香脆而不帶過多油份，多吃也不覺膩。西檸軟鴨酸酸甜甜。五柳炸石班內層芋蓉經過粉漿油炸而成，再淋上五柳酸汁食起來感覺不太膩補充一下這碟石班是引不住下影隔離的，本人上次已品嚐過故今次沒有點最抵讚係這碗米王有時真不用山珍海味簡簡單單一碗軟綿綿白粥已是極品，這粥之米香實在太撲鼻了假日總是人山人海

年初五去了粉嶺有機農莊, 之後去了雲泉仙館, 好入的地方, 我也是第一次來, 原來都好大好靚的, 好多人好熱鬧, 我們去了食齋, 首先去買飛,  有得買套餐及散買, 價錢大約80元一個餸, 都算合理理, 我們叫左一個套餐, 400元左右. 有五個餸. 買完飛有人會帶你去攞位, 然後就會安排送餐啦. 好多人呀. 好彩都有位. 餐具, 白飯及粥都是自己取的. 都好快就送嚟. 有炸芋頭魚, 五色齋, 雜菇時菜, 春卷拼素雞, 豆腐菇時菜. 份量都好大碟的. 春卷好香口好脆, 入面都係素菜, 都好香好味呀, 味道唔會好咸, 好味的. 都好多件呀. 素雞好味. 係腐皮做的. 入味, 唔會好淡. 芋頭魚加甜酸醬一齊食好好味, 芋頭好粉好淋好香好味的呀. 仲要好大條呀. 甜酸醬加埋一齊食好好味. 那些菇都好鮮甜入味, 味道適中, 唔會太濃, 豆腐都好香.  白飯及粥都好味, 熱辣辣. 自家製的感覺. 間中食下齋, 感覺人也輕鬆左.環境都算大及舒服.