阿麥廚房 (已結業)

跟好久不見的朋友飯聚，兩年前我們來到了阿麥廚房覺得很好吃，今天聚舊又再約在這相同的地方，看看水準是否依然這天我們大概６點半就到了，店裡還沒有很多人，環境氣氛都很舒適！千層蟹肉牛油果伴鮮海膽像花一樣的擺盤，好漂亮～香滑的牛油果，微咸的蟹肉，鮮甜的海膽，口感十分之豐富！煙三文魚黑魚子蛋白沙律咸咸的煙三文魚，卜卜脆的黑魚子，再加上我本來就很喜歡吃的蛋白沙律，吃完這個就已經感覺幾飽了，哈哈！黑松露菌忌廉湯 & 龍蝦湯這兩個湯得蠻出色的，雖然偏咸了一點點，但個人比較喜歡重口味所以覺得蠻好喝的，而且不得不讚這個蒜蓉包，超級香脆！德式燒咸豬手無論是薯條還是豬手的份量都多到讓我們嚇到XD比較適合3至4個人一起吃～豬手咸度適中，外皮厚厚的很脆，而薯條又粗又脆超好吃！西班牙海鮮燉飯味道偏酸，蠻開胃的，蝦子跟青口都很大隻，啖啖肉，撐到這道菜我們兩個已經超級飽了，哈哈！

今晚黎到加路連山道平時好少行過黎呢度但原來呢邊都幾多食肆同朋友仔黎左呢間外觀裝修唔錯嘅西餐廳有個晚餐Menu 價錢因應主菜而定我同朋友仔一人揀左一個餐黎Share 食前菜要左個名好有趣既大蝦占米多同黑魚子醬沙律個大蝦占米多用返大蝦黎裝住除左蝦肉仲食到薯粒黑魚子醬沙律都幾新鮮, 開下胃口先餐湯朋友揀左粟米湯, 朋友就好喜歡喇~有多好粟米蓉我本來要左龍蝦湯, 不過偏鹹少少但店家留意到, 主動話同我換一個黑松露湯服務一流!主菜要左個德國燒鹹豬手同西班牙海鮮燉飯豬手先黎, 超大份暗暗祈求個海鮮飯唔好咁大豬手好香脆, 但肉質嫩滑唔會鞋口伴碟嘅薯條都好脆口份量超多, 建議可以多幾個人一齊分享!西班牙海鮮燉飯好彩唔會好大份偏乾身, 飯有口感, 材料也夠豐富不過實在太飽, 打包好了臨尾仲有餐飲要左杯熱朱古力有驚喜, 有美美拉花!謝謝咖啡師的小心意!朱古力不過甜, 超好味!

同朋友黎過幾次，味道唔錯，價錢合理，不過今次經驗就麻麻......當日午餐有兩三款已經賣哂，可以選擇唔多，職員態度一般，無同客人講唔好意思之類，唔講無所謂，今時今日飲食業好多都係甘，但有位外國客人入黎，男職員就好有禮貌甘講Sorry，慢慢解釋，點解會甘呢？我地唔係客人咩？對外國人特別好？

What a good meal tonight with wonder food and vibe ! They have the best lobster soup and salad. It also comes with the toast aside. The scallop pasta is another highlight- rich in flavour and the sauce is yummy! The fries is good too- crusty and match with the special sauce. Will come again for their lunch menu too !

經過銅鑼灣, 到咗下午茶時間, 就入去試吓呢間在OpenRice獲得高評價餐廳。叫咗一個炸魚薯條$75 , 同埋一個辣肉腸茄汁意粉$84。雖然話係下午茶 但係價錢係一般西餐廳嘅午餐價錢。間餐廳入到裏面其實裝修只係比一般茶餐廳好少少。期待的炸魚薯條嚟喇 見到之後只有失望 條炸魚比一隻手掌還要少 厚度係厚過一個$5銀少少 薄到好似張紙 薯條都係唔好食個茄汁意粉更加驚嚇 啲汁稀淋淋 我以為自己食緊湯意。碟意粉只可以用不知所謂黎形容 講真, 我未食過咁難食嘅意粉我都冇意欲影相, 只係肚餓食完就算 影咗佢碟底啲汁水。呢間所謂高評價餐廳 我係唔會再去 係冇可能會再去

下雨天，又天陰陰，於是就同老公去了銅鑼灣中央圖書館搵資料，不知不覺已經到了日落時分。老公提議去加路連山道「阿麥廚房」食埋晚餐，才回家👏！進入餐廳內，播放了輕鬆音樂，加上柔和嘅燈光很有情調啊！😌😌《千層蟹肉牛油果伴鮮海膽》＄58，急不及待品嚐，味道鮮美，海膽新鮮，海膽配合蟹肉一起吃有一番風味😋《大蝦占米多》＄58，虎蝦殼讓入拆肉蝦球、洋蔥、蘑菇，焗製而成。很濃郁蝦膏汁，蝦肉爽口，味道一流😋《帶子粟米湯》＄48，真材實料，原粒帶子，口感幼滑creamy😋《黑松露菌忌廉湯》＄48，松露菇味很香，湯有濃郁菇蓉，味道香滑😋《德國式燒咸豬手》＄268，豬手份量十足，外皮香脆，肉質彈牙，咬落肉汁豐富的又香口，配上酸甜醬汁，特別開胃😋《西班牙海鮮燉飯》＄238，食材豐富，有蝦、青口、火腿粒、紅椒、青豆，飯軟硬度剛好，吃每啖飯都有香濃汁，令我吃不停口😋

最近經朋友介紹之下試了這一間人氣豬手，除了豬手外，其他食物性格比也十分之高.食店晚上係有 set dinner 的可加配特色的沙拉.三文魚加上蛋白，令蔬菜鮮味提升了不少.蟹肉份量不少加上鮮味的海膽.有黑松露湯及龍蝦湯選擇.到主打的豬手了，份量十足，皮十分之脆同香口，加上合適的醬汁，這豬手性價比十分之高，足夠兩成人對肉的份量了.之後我們都點了一個即炒的意粉，穫氣十足，帶子新鮮.最後set dinner 還有飲品跟的.

自從於銅鑼灣區上班後，晚餐便多了在這邊吃。這間「阿麥廚房」是其中一位同事推介，反正也要外出用膳，這晚也不妨過來一試。大蝦占米多 (+$58升級): 燒大蝦起預早起肉及切件，配上香滑甜美而富奶香的牛油忌廉醬及香菇，確實相當美味。龍蝦湯 (+$48升級): 龍蝦湯的味道十分濃郁，帶龍蝦的鮮味，加了少許忌廉更為香滑。蒜蓉牛油焗虎蝦配香草龍蝦汁意粉 ($188/套餐): 虎蝦非常肥美厚肉，蝦肉爽彈而鮮味，還帶點Grill的感覺，味道討好。而龍蝦汁除了有龍蝦香，還有忌廉香氣，整體不錯，但醬汁忌廉份量稍不夠，未能鎖於意粉中。燒西班牙黑毛豬配蜜糖芥末汁 ($298/套餐): 豬鞍肉共有兩件，份量可真不小，採用西班牙黑毛豬，肉質特別細嫩及有肉汁，肉味比一般豬扒濃郁，所以其價錢比起餐牌的紐西蘭肉眼亦稍貴。其搭配蜜糖醬，以及雜菜和香草忌廉薯仔，相當大堆頭。

收工之後係銅鑼灣附近行街，未試過阿麥厨房，就來試下。叫左2個set:-千層蟹肉牛油果伴鮮海膽（$58） - 鮮甜的蟹肉配上牛油果🥑，仲食到海膽個味道，好味。大蝦占米多（$58） - Served with 虎蝦殼，虎蝦殻內有虎蝦肉，伴隨菇同洋蔥，再加上忌廉汁，蝦肉爽口新鮮，2樣appetisers都好出色。食完appetisers後就有龍蝦湯（$48）- 龍蝦湯好香，好濃味，但因為味道太濃的關係對我來講有少少咸。帶子粟米忌廉湯（$48）- 相比起龍蝦湯更喜歡呢個粟米湯，因為好多粟米同忌廉味好重。 西班牙海鮮燉飯（$238） - 海鮮飯有大蝦，青口，魷魚，都有成6隻大蝦好足料。本來以為係西班牙炒飯d飯會硬少少，但原來呢個餐係西班牙燉飯，個飯就煮得軟硬度適中，同埋好入味，味道不錯。德國燒咸豬手 （$268）- 皮脆肉嫩，食豬皮好似食緊薯片咁，而豬手的肉又肥瘦適中，唔會太瘦。薯條係岩岩炸起，好脆。呢間餐廳環境清幽，而且食物都好好食，可以下次同朋友慶祝生日是再來。

原來英文名叫Mackie Kitchen，差d行過左都唔知。外觀似高級扒房，不過原來價錢好親民。適合三五知己聚舊傾計。西裝客人比較多。睇下有咩食先，Set Dinner可以加$58同$48 upgrade沙律同餐湯，又幾好喎。一於齊齊upgrade 試下新嘢先。千層蟹肉牛油果拌鮮海膽 打卡一流 好精緻既沙律 海膽鮮 牛油果香 仲有好多蟹肉添煙三文魚黑魚籽蛋白沙律 出面食得多 但哩個加左 黑魚子同蛋白 粒粒鮮魚子喺口爆炸 加上滑溜溜的蛋白 口感再升華帶子粟米湯 有好大粒帶子 好多粟米蓉 幾有咬口龍蝦湯 抵讚 好香 好濃郁既龍蝦味 口感細膩 幾好幾好西班牙海鮮燉飯 飲質地偏硬同濕 有微微的辣椒香味 好多蝦 同青口燒西班牙黑毛豬配蜜糖芥末醬 黑毛豬好厚肉 同芥末醬好配 配菜好味 哩個我幾like Study's coffee 拍照一流 上面有d朱古力脆脆 增加口感 cream是甜甜地的 咖啡沒有加糖 好特別 值得一試熱朱古力 都可以拉花 真係超有heart 好滾動 味道仲唔錯添

當天，我和朋友午餐，我和朋友也點了，蜆肉龍蝦汁意粉，味道普普通通算過得去，一碟意粉有六隻蜆，但竟然可以有一半也是不開口的，從未試過，去過一間餐廳，點蜆肉意粉，會把不開口的奉客，感覺不太好，不會再去了！

好友約了今天到銅鑼灣晚膳，他提議到加路連山道的Mackie’s Kitchen(阿麥廚房），我當然讚成啦。這裡遠離銅鑼灣鬧市只有數分鐘路程，環境是旺中帶靜，西餐質素亦有水準。餐廳內燈光略暗，紫色的牆身配合簡潔的裝修，是情侶或三五知己聚腳的好地方。晚市提供套餐，包括前菜、餐湯、主菜和飲品。好友話難得聚聚，大家要了升級版享受一下。千層蟹肉牛油果伴鮮海膽（跟餐加$58 ）食材新鮮，蟹肉味道濃郁，下面放上牛油果蓉，面層放新鮮海膽，伴著沙律菜一起品嚐，提升味蕾。煙三文魚黑魚子蛋白沙律（跟餐加$58 ）煙燻香三文魚混合黑魚子和蛋白沙律，健康美味得來，性價比也高。黑松露菌忌廉湯（跟餐加$48 ）黑松露菌香氣撲鼻，跟忌廉湯是絶配。龍蝦湯（跟餐加$48 ）龍蝦湯味道十分濃郁，真心不錯。黑魚子海膽麵包蟹意大利飯麵包蟹拆肉與意大利飯一起烹調，海膽和黑魚子伴碟，食時才混和一起，味道香甜。德式燒鹹豬手這道菜應是招牌菜式，咸豬手燒得外脆內軟，餐廳還貼心地將豬手拆肉，讓客人容易品嚐。相機先食後便立即起動，豬手外皮仍是十分鬆脆，肉質嫩滑！

某日同個同事傾開野，知我鐘意去銅鑼灣行街就忽然問我有無去過銅鑼灣食一間餐廳叫"啊麥廚房"，一聽個名我以為食中餐既店黎，跟手佢就勁激動咁話未試過一定要試下，仲話食西餐一流，講到咁堅就決定搵日去試下今日係銅鑼灣醒起，就搵返個同事俾個地址，嘩，原來都幾遠，去到南華會咁滯，不過唔過黎由自可，一黎到，原來都幾多野食多時多，目標得一個⋯⋯阿麥廚房 啊嘛七點零鐘黎到又唔多人，個場好大，或者可以用"長"黎形容，都好濶落，我地揀佐靠門口玻璃牆一張枱，氣氛都幾正望下餐牌，我地照慣例都無揀到SET DINNER ，因為覺得可以自由D，自己想食咩飯咩就點，所以一般連SET都無睇佢地都幾多特式野，個名都好勁下，結果我同朋友各點佐一個湯、一個沙律同埋一個主菜，樣樣個名都幾正，睇下係咪真係同事講到咁堅先先黎係餐湯我點既係龍蝦湯 - 48蚊每個湯都跟蒜蓉包，個湯好濃好香，偏傑身，入面仲要有蝦，真係好少飲龍蝦湯會有蝦係入面，仲要幾新鮮，都幾得意。朋友就點佐個黑松露菌忌廉湯，都係48蚊，我自己就一定唔會點呢個，因為個人唔係太頂得順黑松露個味朋友就唔同啦，佢係黑松露控，連食薯條都要揀黑松露個隻我飲佐啖，勁，真係勁濃我最頂唔

今日同女朋友食飯，帶左佢去食西餐。一早book定枱同佢食飯，我地準時7點到餐廳。餐廳已經坐滿左一半啦。我地叫左大蝦占米多、煙三文魚黑魚子蛋白沙律、黑松露忌廉湯、龍蝦湯、香煎野生深海瓜子斑柳配紅波椒忌廉汁、西班牙海鮮燉飯、Vanilla Milk和凍檸茶。女朋友好滿意餐湯夠濃郁夠濃厚，入口香滑好足料！我地好欣賞大蝦米占多。濃香醬汁，蝦肉先拆肉入口好爽口！主菜最岩口味啦！女朋友最愛魚，配上意大利飯。我叫左西班牙海鮮燉飯。滿滿海鮮好鮮甜，入口香嫩爽口，飯粒吸哂海鮮精華！海鮮好新鮮架！

平時好少可專登去搵間真係賣正式西餐既餐廳去試，不過咁岩行開戈邊，見到好似幾舒服，睇menu野食又幾吸引咁，就行左入去坐低食野。間鋪既環境真係好舒服，唔係好話好光，又靜靜地，坐低左成個人好relax。當時時間尚早，所以冇乜人，就更加舒服，不過我地臨走戈陣就真係開始變番多人，應該因為尼間野質素真係好好。一開始係比左兩個餐牌我既，有餐湯同頭盤餐牌，同埋主菜餐牌。有好多唔同款既野食簡，唔係定實左一個主菜一定係跟邊個邊個頭盤同餐湯，咁大家都可以簡自己最想食既野，唔洗怕浪費。頭盤就簡左煙三文魚黑魚子蛋白沙律，同埋千層蟹肉牛油果伴鮮海膽。餐湯就係龍蝦湯同帶子粟米湯。戈兩個頭盤真係好開胃，酸酸地，但又唔會好似平時自己係超市買戈啲沙律醬咁酸，尼個個沙律係冇遮到其他食材既味道。但其實我本身就唔係好食海膽既，因為以前有次試過食左個好難食既我就唔敢再試。不過尼個千層蟹肉牛油果伴鮮海膽我都係試左，點知係一啲都唔腥，好易入口。雖然我係夾埋啲沙律一齊食，但都仲食到海膽個味道。至於戈兩個湯真係好濃郁，本身我自己預計個帶子粟米湯個味會純粹好似多左粒帶子既罐頭粟米湯咁。點知完全唔係戈回事黎！佢啲粟米應該係切碎左，好細粒好