阿麥廚房 (已結業)

去銅鑼灣搵食，次次都係食啲大型連鎖食店，或者在商場裏面搵食，都食到悶囉，今次一於一反傳統，決定搵啲小店品嚐一番上OpenRice睇下，見到呢度有成幾百個笑，相信應該有一定嘅質素，穿過利園區，過一條馬路，就到呢間好高雅嘅小店呢間餐廳好有情調，柔和嘅燈光，配合每張枱上邊嘅蠟燭，播住情歌，話咁易就將愛加分香煎法國鵝肝配焦糖酒醋藍莓（升級+$58）鵝肝要做到入口即溶，本身質素一定要好好，呢度嘅鵝肝，正正就做到呢個效果。油脂甘香可口，外層煎到香脆，想一食再食煙三文魚黑魚子蛋白沙律（升級+$58）以蛋白替代沙律醬，打得好滑溜，健康感倍增。黑魚子鮮味十足，濃味嘅黑魚子，配上清新嘅沙律菜，味道一絕龍蝦湯（升級+$48）湯裏面有一件大蝦肉，爽口彈牙。龍蝦湯香氣十足，味道濃郁，刺激到你嘅嗅覺同味覺蟹肉南瓜忌廉湯（升級+$48 ）相比龍蝦湯嘅濃郁，南瓜湯比較鮮甜，配上大大啖蟹肉，蟹肉嘅鮮味迅速提升，係一個鮮甜與鮮味兼備嘅餐湯德國式燒鹹豬手（ $258 ）鹹豬手份量驚人，上枱嘅時候都大嚇一跳，而配菜嘅薯條都唔少。食鹹豬手，最緊要塊皮燒到卜卜脆，而呢隻豬手，每咬一啖，就卜卜卜聲咁叫一聲，脆得驚喜香煎帶子配黑松露

10/1/2019 @ 阿麥廚房今晚去到銅鑼灣， 因為銅鑼灣有太多東西吃的關係，要我選一間實在花多眼亂，我們見附近的這一間好評比較多，於是就入去一試。晚餐menu煙三文魚黑魚子蛋白沙律， 第一次食不是用沙律醬、醋或者麻醬的沙律， 用蛋白代替沙律醬既健康又有香濃的蛋味， 而且蛋白煮得好似cream一樣滑大蝦占米多， 初時是見個名幾得意所以叫了這個前菜， 這個是我覺得最好食的必試食物， 燒大蝦已經起好蝦肉， 蝦肉非常新鮮爽口， 醬汁有點似龍蝦汁，實際不知道是什麼汁，但係非常惹味好好食， 連同蝦肉同菇一齊食，略嫌不夠喉龍蝦湯，湯內有一舊蝦肉bbq烤辣味西班牙豬肋骨， 老實說本身並不知道還有薯條的。 雖然叫辣味西班牙豬肋骨但其實不太辣， 份量很足，建議和朋友share來吃。黑魚子海膽麵包蟹意大利飯， 賣相相當精緻， 原來黑魚子和海膽是分開上的， 建議 黑魚子和海膽要拌和意大利飯一起吃， 初時看見蟹蓋釀飯以為份量不多，但食落都幾飽。餐飲叫了熱朱古力，店員用熱奶泡做了豬仔的圖案，不知是不是想對我說豬年快樂呢加錢的食物都很不錯， 銅鑼灣地段西餐廳 價錢算可接受。

我和太太聖誕正日都沒有假放，所以揀了這天補祝。在此網站見這間頗多好評，於是和太太一試。本來訂了7點，因肚子餓提早半小時到達。可能時間尚早，餐廳內沒有客人，很快便安排入座。首先選了凱撒沙律及煙三文魚黑魚子蛋白沙律蟹肉南瓜忌廉湯(加$48升級) - 湯夠熱及濃，味道恰好，內裡真材實料蟹肉，唔錯；主菜：燒澳洲羊架 - 八成熟燒得剛剛好，肉質不韌味道恰好，不俗；燒紐西蘭肉眼配牛肝菌汁 - 都是八成熟亦不錯。最後加$48叫了兩客朱古力心太軟，稍嫌太甜及不夠流心，一般。基本上菜式令人滿意，稍後多了幾枱客人略嫌嘈吵了一點。

食晏想飲杯拉花咖啡會黎哩度已經食過哩間西餐廳不下數十次, 但每次都係食LUNCH。因為LUNCH SET 既性價比實在太高, 有湯,主菜, 仲有一杯餐茶, 餐茶仲有4頁既drink list可以選擇，讚咖啡仲有拉花架!!! 真係為忙碌既工作加一點甜今日係南瓜忌廉湯，有點稀，唔算太creamy，但味道係可以既。主菜係蛋黃醬焗三文魚加香草忌廉汁配薯菜 (HKD 88)，三文魚既汁好creamy, 三文魚煎得剛剛好，值得一提既係，哩度既薯條好脆好熱好好食，每次黎，個薯條都係新鮮炸起老公選左摩洛哥式焗雞扒意粉 (HKD88)，佢覺得普通正常。餐飲我地選左flat white同焦糖咖啡。味道不錯，餐茶黎講，我十分滿意了

呢晚同男友去左銅鑼灣行街~晚餐我突然想鋸扒~上OPENRICE望下, 見到呢間:阿麥廚房 好多好評~所以一於試試佢咁呢, 佢有SET DINNER的~有前菜有湯有主菜再加餐飲~我地叫左2個SET:前菜香煎法國鵝肝配焦糖酒醋藍莓+煙三文魚黑魚子蛋白沙律。餐湯蟹肉南瓜忌廉湯+龍蝦湯主菜燒紐西蘭肉眼配牛肝菌汁+西班牙海鮮燉飯。香煎法國鵝肝配焦糖酒醋藍莓  (+$58升級)真係唔係講笑, 呢舊鵝肝真係極級好食!其實鵝肝都有分等級, 有分靚同唔靚,呢舊絕對係靚野來!入口即溶,鵝肝嘅油香味濃! 超好食仲有焦糖酒醋藍莓, 甜甜酸酸咁好開胃!煙三文魚黑魚子蛋白沙律  (+$58升級)呢個都好好食! 煙三文魚唔會過咸過油(出面有D會)然後沙律菜新鮮~配上黑魚子同整到好似慕士嘅蛋白,口感層次豐富, 味道一流!蟹肉南瓜忌廉湯+龍蝦湯 (各+$48 升級)餐湯都配以一塊熱辣辣脆卜卜的蒜蓉多士~蟹肉南瓜忌廉湯食到一絲絲嘅蟹肉,同濃濃的南瓜甜味~我超LIKE!龍蝦湯蝦味濃郁, 酒味唔會太搶,仲有原隻大大隻蝦肉, 一樣好味!燒紐西蘭肉眼配牛肝菌汁 ($208)牛扒我叫左5成熟, 整得岩岩好~肉仲係粉紅色的! 咬落去

野食正正常常 不過不失係銅鑼灣黎講算係咁 蝦詹米多唔錯 蝦膏味重 不過份量少 會推薦一試黑松露湯正常Bbq pork ribs 唔冧 都需要頗久先切好 個汁太甜 不過份量唔錯跟ribs嘅薯條麻麻 蟹蓋risotto似炒飯 份量多 蟹膏味重 不過冇risotto嘅黏稠度平安夜當日去 話未搞好酒牌轉名 所以冇酒飲地點清淨 黎地鐵站唔遠 附近有lee garden 裝修正常 廁所得一個 檯細 同隔離檯好近服務幾好 不過侍應唔夠 最後感想係 銅鑼灣餐廳經常都係overpriced 但係質素其實冇想像中高

煩左好耐聖誕食咩慶祝好,經朋友介紹就book呢間西餐廳食飯餐廳嘅格局幾有情調,簡單嘅聖誕裝飾氣氛唔錯呢到食物款式雖然唔多,但有d菜式都幾特別下首先嚟個餐湯,叫左黑松露蘑菇湯同龍蝦湯小食叫左個大蝦占米多 佢d大蝦起左肉同d蝦膏洋蔥等材料焗,真係好好食 真心推介不過價錢就貴左小小,要$118主菜叫左黑松露麵包蟹意大利飯同西冷牛扒牛扒要左4成熟,好好味,dressing d薯仔係連皮局都好好食 黑松露麵包蟹意大利飯好特別,係將意大利飯放入麵包蟹蓋到連蟹肉焗熟再另上黑松露,好香幾好食! 但要提提因為d飯會有小小硬食唔慣較硬身既意大利飯嘅人要留意一下呢到甜品得一款朱古力心太軟,但係咁岩我地都唔想食朱古力所以決定下次先試

今日同男朋友食飯，同事介紹咗間係加路連山道嘅西餐廳，雖然係平日嘅夜晚，但係七點幾都幾多人，所以最好訂定位☺️佢晚餐套餐餐牌好簡單就係前菜湯同埋主菜👍同男朋友一人叫咗一個套餐大蝦占米多，入面有大大嚿嘅蝦肉，好好味，食落又方便😆煙三文魚黑魚子蛋白沙律🥗第一次食黑魚子，同平啲魚子差不多，咸咸地，有啲海洋味，但完全唔腥男朋友叫咗個龍蝦湯，個湯好濃，好重龍蝦味我就叫咗一個蟹肉南瓜忌廉湯，清啲，味道不錯配湯嘅多士黑魚子海膽蟹肉意大利飯，啲海膽好新鮮，蟹肉份量都唔少之後就係豬手，好像係依度嘅招牌菜，個皮好脆，裏面又唔肥，又唔會太咸👍跟餐嘅飲品😊

又踏入我最愛的月份 一來天氣涷涷地，冬天衣物多配搭，夠哂型女！ 二來是聖誕佳節多假期； 三來是我的生日月 呵呵揾定間有情調的西餐廳，迎接聖誕節就緊係西餐夠貼題啦！ 小小蠟燭台，既添上暖意， 又配有浪漫情調，十分啱我心意呢！頭盤: 先來 ''煙三文魚黑魚子蛋白沙律" 海洋的咸味魚子醬，遇上清新蔬菜，夾哂 蟹肉南瓜忌廉湯和龍蝦湯 ~ 味道夠濃，又夠滑溜，看得出又吃得出材料很充足呢! 個晚餐包括埋飲品，今晚凍凍地，就叫這杯雲喱拿熱奶， 很 creamy, 又暖胃！豪華d吃個升級 ~ 香煎法國鵝肝配焦糖酒醋藍莓 我素來喜歡鵝肝的特別口感，厚厚的質感，帶給舌頭濃厚軟綿的喜悅！ 黑魚子海膽麵包蟹意大利飯 ~ 混合得很撘配呢! 海膽夠名貴， 口感濃郁， 令我胃口大增喔！德國式燒咸豬手 當我猶疑不決， 選擇困難症發作時，我就会要求店長幫幫手，做個好介紹，店長話他們這豬手，已做了十多年，馳名遠外。。。 果然無介紹錯，外皮超香脆，脆到似薯片，但肉質竟然能保持嫩滑，果然日子有功，名不虚傳呢！

今日同友人去完打snooker ,於附近的這家餐廳晚餐。我們點了兩set set dinner 。Appetizer：香煎法國鵝肝配焦糖酒醋藍莓鵝肝外層煎得香脆，內裏軟滑，油脂甘香，夾上香脆法包一起吃，感覺不膩，配上酒醋藍莓及黑醋沙律菜，酸酸甜甜，油膩感進一步減低。煙三文魚黑魚子蛋白沙律煙三文魚煙熏味剛好，黑魚子份量不少，配上蛋白，沙律醬輕盈，整個感覺清爽。Soup:黑松露菌忌廉湯松露油很香，湯很足料，充滿菇菌粒。龍蝦湯有一大塊龍蝦肉，很爽口鮮味，龍蝦湯味道適中。Main course：德國式燒咸豬手很大份量，原隻豬手拆骨起肉，外皮焗得香脆，內裏肉質嫩滑，咸香適中，沾上帶微酸的醬汁，感覺不膩，友人讚不絕口。伴碟的薯條炸得非常脆，涼了亦保持脆身，很不錯。香煎帶子配黑松露忌廉野菌扁意粉帶子大大隻，好厚身，有兩大隻，表面煎得帶蒜香，內裹肉質爽滑，如稍微煎得較生一點，感覺會更佳。意粉軟硬適中，配上大量雜菌及很嫩的爽脆露荀，帶微微松露味，很可口。Drinks ：我點了熱朱古力，友人點了凍奶茶。朱古力有靚靚拉花，是聖誕樹圖案，美得捨不得喝。朱古力甜度適中，朱古力香滑。總括，餐廳食物佳，環境浪漫，有

收工約了朋友在銅鑼灣食飯，朋友就找來這間西餐廳環境舒適，閒日去冇咁多人。晚上主要係食set dinner<<大蝦占米多>>原隻新鮮大蝦開邊切粒，再混入蝦膏、蘑菇、洋蔥焗製而成。入口後蝦膏味佈滿口中, 大蝦的鮮味也非常惹味<<煙三文魚黑魚子蛋白沙律>>煙三文魚十分鮮味，魚子配上蛋白再加新鮮的沙律菜，感覺清新又能提升味道層次<<黑松露菌忌廉湯>>黑松露味非常香濃，忌廉亦不會太重，所以感覺不會過膩。入口有細小菇粒的質感，非常足料～ 另外，蒜蓉包非常鬆脆，沾湯一齊食，非常搭配<<龍蝦湯>>龍蝦的鮮味出眾，龍蝦味散佈口中。亦有大塊蝦肉，誠意十足<<BBQ烤辣味西班牙豬肋骨>>辣醬辣度剛好，不算太辣。豬肋骨肉質嫩滑，份量十足，足夠3-4人食用。薯條新鮮香脆，充滿薯香，不用沾茄汁也非常美味<<香煎帶子配黑松露忌廉野菌扁意粉>>帶子份量十足，黑松露的香味加上細滑的忌廉，配上露荀及野菌，扁意粉完全吸收了材料的味道，

今天和朋友來到阿麥廚房，餐廳已經裝飾好預備聖誕節！玻璃窗前貼滿雪花。餐廳燈光令人感覺放鬆，是朋友/情人來吃飯的好地方。剛座下店員就很貼心為我們送上暖水！！！因爲今日天氣好凍。一坐低有一杯溫暖的水實在令人感動。店員的服務十分貼心。 餐廳内外都佈置好聖誕裝飾，很有節日的氣氛。 我們兩個人各點了一個Dinner Set ，前菜方面我們分別揀左煙三文魚黑魚子蛋白沙律和香煎法國鵝肝配焦糖酒醋藍莓。香煎法國鵝肝配焦糖酒醋藍莓：鵝肝肥美嫩滑、入口即化，加上獨特的酒醋藍莓醬汁襯托了鵝肝的甘香，加上脆脆的多士，令人一試難忘。煙三文魚黑魚子蛋白沙律：煙三文魚和黑魚子都很鮮味，由其是黑魚子！ 鮮而不腥，咸而不膩配搭埋蛋白沙律令到口感很豐富。黑松露菌忌廉湯：黑松露和野菌的味道都十分濃郁！而且口感creamy，令人一扣接一口。是我喝過最好味的餐湯。 蟹肉南瓜忌廉湯：忌廉湯味道香濃，有甜甜的南瓜味和淡淡的鮮味，裏面還有蟹肉！德國式燒咸豬手：這個豬手很大份，上菜的時候都嚇左一跳！不過餐廳好貼心豬手已經切好，我地可以唔使自己切。豬手的醬汁是有點酸酸的可以減低豬手的咸味。不得不提的是薯條即使過了很久都依然很脆，好好食！

臨近聖誕節，約左閨蜜係銅鑼灣附近食飯，經過餐廳睇佢門口幾好，睇落餐廳裡面環境同埋氣氛都唔錯，就行過去睇下餐牌睇下啱唔啱食😋餐廳嘅餐牌好簡潔，貼係畫版上面，再用畫架承托住擺係出面比客人參考。我地見野食都多款同埋望落唔錯，就揀左依間餐廳開餐😋😋餐廳門口放左依副畫，字裡行間都幾有意思。Appetiser 我就叫左「香煎法國鵝肝配焦糖酒醋藍莓」。鵝肝煎得好香，食落唔錯油膩，有入口即溶嘅感覺，再配埋嘅脆多士一齊食，口感立即升級。另外個沙律本身都落左少少黑醋，加埋個焦糖酒醋藍莓，酸中帶甜，感覺食落都幾特別！友人嘅appetiser 就叫左「煙三文魚黑魚子蛋白沙律」。黑魚子好有鮮味，加埋個蛋白沙律一齊食，感覺好Fresh!餐湯我就叫左個「黑松露露菌忌廉湯」。黑松露落得好足，而啲露菌則被切碎煮成蓉，好足料，好好飲👍🏻閨蜜就點左個「龍蝦湯」，同樣都好出色👍🏻 個湯煮得好濃郁，有濃濃嘅龍蝦味，飲落好Rich、好鮮甜。主菜我地就叫埋一齊share食啦，首先要講下依個「BBQ烤辣味西班牙豬肋骨」先。豬肋骨燒到啱啱好，啲肉仲鎖住好多肉汁，肉質食落都仲好嫩，而豬肋骨上面嘅醬唔係好辣，好惹味😋😋另一個嘅主菜係「西班

星期日行街食飯是常識吧！阿麥廚房食咗先講！環境配合燈光， 氣氛相當不錯， 非常浪漫！加上播出英文名曲， 首首動聽 ………… 🎶🎶！大蝦占米多，將蝦切開加菇炒完再放返蝦殼上去焗，伴以黑醋沙律菜，美味極了！煙三文魚黑魚子蛋白沙律， 材料配搭得宜，口味清新。蟹肉南瓜忌廉湯， 南瓜湯清甜可口。龍蝦湯味濃，蝦爽口。兩款湯令人回味無窮！ 德國式燒咸豬手配薯條， 豬手皮脆肉嫩 ，非常入味，薯條鬆脆薯味濃， 食到唔停口！西班牙海鮮燉飯茄汁底西班牙飯，有蝦 ，青口 ，菇，檸檬 ， 材料豐富。Cappuccino超萌的猫咪加條魚， 好睇又好飲！餐廳整體感覺非常舒服， 一邊聽歌一邊慢慢享受每一道美食 ， 賞心樂事 ，亦感受到廚師用心烹調， 設計不同菜式🤗，令客人滿足幸福。

阿麥廚房，食咗先講！加路連山道的螢火蟲話說從前呢度係一條寂靜的小徑,唔知幾時開始竟然變咗一條食街,而我仍然都係真心不變喜歡阿麥廚房! 經典嘅菜式加上高質的食材留住我的心,裝修充滿 peaceful 的感覺晚市套餐大約二百幾蚊一位，餐牌有多款選擇，如果想吃好一點可以加錢upgrade頭盤、餐湯同埋甜品，豐儉由人。朋友在附近上班，喜歡這點的寧靜，座位舒服而且服務好。食物質素絕對有保證，因為朋友是這裏的常客，菜單就有朋友決定。最先來的是香煎法國鵝肝配焦糖酒醋藍莓，店長說鵝肝是必食之選，外層煎得香脆油脂豐滿，入口即溶! 另一種食法係伴以焦糖酒醋藍莓一起吃，減輕油膩感！至於女生比較喜歡輕食，煙三文魚黑魚子蛋白沙律 就係清新之選。湯方面我地都升級左做 黑松露菌忌廉湯 同埋 蟹肉南瓜忌廉湯。朋友喜歡黑松露菌忌廉湯味道濃郁又好creamy！而我更喜歡蟹肉南瓜忌廉湯，因為真係食到有蟹肉，加上超甜的南瓜濃湯，入口香滑，食埋蒜蓉包口感香脆。  今晚嘅主食都係店長推介嘅，啱晒我朋友嘅心意，德國式燒咸豬手果然名不虛傳，豬手鹹香惹味，肉嫩濕潤。最緊要就係充滿骨膠原的外皮，入口脆卜卜，坐係對面都聽到索索聲。而且廚師