長江飲食中心

營業中

休息中

記得多年前在這一區上班，每一天早上都要經過這一家茶餐廳，當時他們的營業面積是現在的三，四倍那麼大，現在因為經濟不好的關係縮小了不少。當然現在的人員跟以前的也是不一樣，結果這麼多年了。看了看那個懷舊Menu上面!最後點了一個番茄雞蛋三文治加上熱奶茶，這個是最簡單的東西!也是最容易測試餐廳水準，所有食品都挺普通的，沒有什麼可提。讓我意想不到的驚喜，八達通付款的時候28元，竟然收了我30元，收款的人和我對看了一下，他想我未必會出聲吧，隨然只是2元，雖然那個錢也不多⋯⋯算啦！當是7%服務費。

作為一名乾炒牛河控，經常抵受不住誘惑而不斷犯錯，同事都說這間快餐店的食物認真一般，詎料週中的一頓午餐，突然勁想食乾炒牛河，就立刻干犯了同樣的錯誤，食了一盒伏中之伏的乾炒牛河。打開飯盒，好像很香，熱辣辣應該是剛炒起的，小人心想也不是那麼差吧。怎料第一啖食入口，竟食到燶味，即時心知不妙。整盒炒河牛肉極少，而且只是鋪在面上的較大塊，下面都是碎濕濕的。大部份牛肉亦咬到，然而有數塊靭得要吐。牛肉欠肉味，炒河調味也嚴重不足，食而不知其味，要再加豉油，結果吃完就是一口的油。再一次引證：「不聽老人言，吃虧在眼前」，以後要學乖巧點，聽取意見。

早上趕上班，選了近荔枝角地鐵站的長江飲食中心。不帶很多期望，但求奶茶ok，野食可以。我選了E餐，榨菜肉絲米，火腿熟蛋，熱奶茶。奶茶還可以，但火腿熟蛋上錯了雙太陽蛋。後來連肉絲米也上錯了肉絲麵😡我同侍應反映，侍應竟然惡然相向，說：「餐牌寫住麵呀！邊有得改！自己睇餐牌啦！」落錯單時常有，我也不太介意，只要及時糾正便是。但做錯後反而對客惡言相向的，實在令人難以接受。😡 宋仁宗寫food blog以來都以讚賞美食為主，苦訴不快經歷還是第一次😞 希望長江飲食中心能盡快改善服務態度，不過我就不會再幫襯了！

呢間餐係平民老店，價錢經濟實惠，食物質素唔差 (當然又不要其望超好)，款式多，好多時係早、午餐的不錯選擇。以前比較常叫外賣三文治返公司早餐，佢嘅沙嗲牛肉都唔錯，不過近兩次食，感覺無以前咁濃味。

本身想食溫莎堡，但咁啱進行緊內部裝修，所以食呢間。 呢度門口有麵包賣，之前試過堂食係要先買飛比錢，搵左位之後就等staff送餐，不過今次無咁多時間堂食所以買外賣。早餐選擇算多，價錢都係一般茶記早餐價。 就咁叫左個沙嗲牛肉米，套餐跟火腿煎蛋同餐包，凍飲加$2，叫左杯凍奶茶少甜少冰。 米粉同湯係無分開裝，唔知係咪要特別要求，不過公司喺附近，拎到返去都無咩問題。沙嗲牛肉米份量都幾多，但沙嗲牛肉味唔係好濃，得個色有一兩舊比較韌。 煎蛋個樣比較hea，不過我都係放埋落個麵度食 而杯凍奶茶…叫左少甜少冰，打開個杯發覺啲碎冰好似好多咁，用匙羹𢳂晒出黎杯奶茶都無左1/3，好似飲兩啖就無。又唔覺得佢有特別少甜到，都係叫返熱飲好啲。

速食之選喺荔枝角香工附近都無乜特別多選擇咁見時間唔多 是但入黎食不過因為天氣凍 想食啲又熱又有湯嘅叫咗麻辣水煮牛呢度堂食嘅話係先買飛然後自己揾位煮好會叫你個飛號拿埋俾你可以水煮牛肉真係要時間好多叫是日推介嘅飯類同麵類好快就有得食而叫唒我後面嘅都未叫我所以要等多陣黎到時帶咗口罩都聞到辣味份量比我才想像大味道尚可有麻味有好多豆卜、起碼7至8塊肉、少量菇同芽菜同少少芫荽我白飯好大碟所以根本食唔晒50幾蚊來講其實性價比算幾高因為我冇expect過有咁多料食完成身暖唒

趕住買外賣番公司食午餐，所以叫咗個廚師推介$47 「海鮮湯飯」唔包飲品。再叫多罐可樂，收我$55心諗「湯飯應該差極有個譜嘅，求其食飽就算啦」。等咗10分鐘外賣就整完，翻公司一打開個蓋：係浮緊嘅蟹柳，仲有獅子狗🤡蟹柳都算，我當海鮮⋯⋯咁獅子狗呢？我撩多兩撩，終於有海鮮啦。係蝦仁，真係好感動。不得不提仲有一舊白色粉團。我估係仿真墨魚/魚肉，我食唔出係咩嚟。因為咬落去真係好似濕咗再揸埋一舊嘅廁紙，叉開佢之後仲有一條拉絲。 真係好奇妙。總結，最滿意可樂。飲到飽咗。

今日得15分鐘時間食lunch ,急急腳入來叫個常餐！ 一入門口就俾阿姐喝住「買左飛先」！原來堂食都要買飛先🤣坐低，火記會大嗌你點餐number,然後送餐😱😱 真係未試過。雪菜肉絲通，火腿omelette ,餐包，熱檸水。個通粉係正常嘅，雪菜肉絲都正常。餐包係提子包，上碟時已經被壓扁了似的，加上我唔食提子乾：放棄火腿omelette:好鞋呢 仲要唔熱😓 食左兩啖，又放棄。$38蚊最後得檸水同個通粉係食得落 ，有啲失望。

我叫三餸車仔麵比左兩個餸我落單阿姐聽留左！我打反去講話你寫留左個雞翼比我！啲態度十分惡劣話我地唔會咁樣補語氣大聲，不停同我爭論，咁好加錢正常因爲寫留單，我話加啦加啦，以後唔會再叫！麵黎到都冧哂，極差

收工就出左荔枝角工業區做野，做到夜麻麻，肚仔又有啲餓，心諗工業區都唔會有咩好野食，而且啲人收工都無客，所以通常工業區啲餐廳都收得早，咁為有到餐行下睇下有無喇。行下行下又俾我見到間長江快餐廳喎，唔理喇，入左去先講。飯市時間得小貓兩三隻，見到外面都是趕回家或者係趕赴約嘅上班族，香港人都幾慘，行步路都快過人，生活迫人。除便點了個快餐，葡式咖喱雞，比想像中好食，賣相亦不錯，食落口咖喱味濃，雞滑，真係想唔到工業區快餐都可以做到這樣，算很不錯了。唯一要彈嘅就係冰超多，大半杯，可能我唔記得叫小冰喇。成為32元，抵食。

見完客肚餓，就喺地鐵站出口附近見到呢間餐廳仲有早餐食（至11:30），望下d食物款式都正路，環境又乾淨，就走去試味！首先要在門口收銀處買飛，然後就有專人送餐。早餐-雞扒腸仔出前一丁、跟餐包，加2蚊就有杯凍奶茶雖然就等左大約15分鐘（肚餓嘅時間過得特別慢），但係聞到已經覺得值有別於一般茶記，件雞扒加埋香草去煎架，而且唔算太油。而腸仔雖然得一條，但係都煎過架，就算浸住湯都好香口。呢個價錢，勁抵食！老實講，如果我睇左d評分，我未必會嚟食。但食完的確有意外驚喜！P.S.不過未到繁忙時間，個冷氣都有d大，建議女士/怕凍人士帶件外套。

是日無早餐食，打算出門再買，途經長江，見到佢有幾款薯蓉買，都只係12蚊個，一於買嚟試下！ 睇落外表都唔差，不過油就好似多咗啲😦😦啲料除咗粟米，仲有火腿同沙律醬。味道就好一般！薯蓉完全無味😑😑 面到嘅沙律醬仲有啲酸酸地，下次都係買麵包算🙁🙁

今晚要OT所以要去搵野食 咁岩見到呢到有間茶餐廳 咁我又一個人 咁就快快趣趣搞店佢啦 係呢到我叫左個福建炒飯 都好大碟 我一個人食完係覺得好飽 入面有雞肉啦 火腿菜 都幾多餸架 唔錯 我覺得幾好食

本身諗住去隔離島玩室內小型賽車， 點知分曬時段限制， 即係冇得玩啦， 咁就唯有去附近搵嘢食， 隔離嗰個商場啲嘢真係太貴喇， 完全性價比超低， 係超離地嗰種， 工業區搞啲咁嘅嘢， 真係難搞。是日快餐， 粟米班腩飯， 終於入到平民食堂， 入到去我簡直想大叫一聲，媽媽我得左啦。 黎都嘅班腩飯大大碟， 超級吸引， 視覺上已經贏咗，最重要仲有例湯送， 雖然明知個飯都係啲雜食，又係炸嘢都算熱氣， 但係諗深一層， 如果我去食炸魚薯條，咪又係咁熱氣。呀叔送個湯，真係超級好飲，用料十足， 值得推薦。

呢間食店因為近我公司，由落車行到公司嘅呢程路上，呢間係最順腳程嘅 "早餐店"。其實早餐冇乜好寫，咁點解今次我又寫呢？事源我叫左份腿蛋治烘底+熱檸茶，畀左錢見咁多人塞係舖頭又拎住成手嘢咪諗住返公司放低D嘢先再返黎拎番個早餐囉，點知返到公司放低個袋開左個電腦坐低左做嘢就唔記得左個早餐! 唔知隔左幾個字定半個鐘先死返去拎。落到去舖頭人潮散晒，外賣都散晒 望黎望去一袋袋外賣都搵唔到我果袋外賣，就係呢個時候收銀姐姐叫我話 : 你依家先黎攞？我做過畀你啦～放咁耐出晒水唔好食架，食左喇，做過份畀你啦~我認我一坐係電腦前面就會冇晒時間觀念，但我冇諗到佢地會做過畀我架! 佢地話唔好食警我唔幫襯咁話。好! 廢話講完。講番個早餐先! 佢呢度做嘅烘底係做得幾好，脆而不燶，餡料足，舊蛋都幾厚身，當然都有牛油搽落塊包度。杯檸茶就老老實實一屎時好飲，佢D檸檬係南非檸檬，撞啱D檸檬靚嘅唔澀嘅咪ok囉，唔靚嘅真係飲到盲眼老開眼呀！