鐵板先生

營業中

休息中

本身諗住book鐵板燒慶祝男朋友生日，但係點知太遲book好多都full左，咁啱見到呢間價錢適中而且又有位，所以就預約咗呢間餐廳。去到之後先知道原來得我哋一台人，師傅同老闆娘特登返嚟招呼我哋。呢間餐廳係有兩公婆經營，一邊食一邊同我哋傾偈，成件事好窩心。好鍾意呢啲人情味好重嘅餐廳，而食物方面我哋嗌咗一個龍蝦set餐，最後加咗兩隻鮑魚，食得好飽，不過食物偏油少少如果可以少啲油嘅話可能就更加好。最後因為提前有同師傅講男朋友生日所以整咗個柴犬Happy birthday，我同男朋友都食得好開心。

A wonder dining date, reserved us with the car seats. We had left a message that we are celebrating our anniversary and they kindly contacted us with further details, such as any preference for cartoons.The food is fresh and lively caught from the container. They allowed us to take picture with the lobster.Meat is nicely cooked, and they didnt waste the rest of shells, they used them into soup making, and serving to us in the end.Excellent food. Menu is extensive and seasonal🦐🐚🦪🦞🐟 to a particula

自己生日想食鐵板燒，路過山林道行尾有間小店鐵板燒先生，睇左菜單好吸引，決定一試， 訂位時話俾係我地生日，佢地就幫我整左個生日蛋糕圖案係鐵板上，品嚐中可以同老闆同老闆娘傾計， 好窩心好似一家人甘，食材新鮮，老闆鐵板燒嘅功架十足，炒飯炒到金黃一粒粒，十分回味

自己生日想食鐵板燒，路過山林道行尾有間小店鐵板燒先生，睇左菜單好吸引，決定一試， 訂位時話俾係我地生日，老闆就幫我整左個生日蛋糕圖案係鐵板上，好窩心好似一家人甘閒談，食材新鮮活龍蝦，巨蝦，生蠔，鵝肝，牛扒，老闆鐵板燒嘅功架十足，炒飯炒到金黃一粒粒，十分回味

一向喜歡尋覓坊間小店，適逢結婚週年想去食鐵板燒慶祝，發現到這間山林道的餐廳，就決定一試。廚師Tony除了煮食用心外，都會樂意跟客人溝通，適當時侯會講解一下菜式的一些資料，如食材選擇、煮法等。食材方面是值得一讚的，鐵板師傅廚藝都是很了得；招呼很好，沒有壓迫感，令人感到很自在，正是這種小店能帶來的感覺！

因為與朋友慶祝生日，想搵一些特色餐廳，於是選擇了燒板燒，但動輒每位都要千幾元，真心是有點貴。在openrice上下掃掃，無意中找到鐵板先生，評價不錯、價錢合理，於是訂檯試試。鐵板先生套餐性價比高，又有生猛龍蝦海鮮。老闆老闆娘招呼周道，老闆娘亦用心免費為前來店舖慶祝的客人砌公仔（不過我們婉拒此特別要求）。食物質素高質好味，食材新鮮，分量充足，絕不吝嗇！在吧檯前看著老闆親手炮製食材，甚有特色！老闆亦很細心，見你食到差不多食完才著手煮下一道菜式，保證食物熱滕滕！ 雖然是農曆新年收爐前最後一日營業，但絕不會感受到餐廳趕收工，大家都慢慢食、慢慢嘆，輕輕鬆鬆過一晚！唯一是餐廳裝修有點舊，畢竟是開業有一段時間（見16年已經有食評，又捱得過這幾年，應該都有不少支持者吧？）另外，如果吧檯前擺食材的毛巾換了黑色會更好，啤酒品牌毛巾有點...😂食到很飽，最後炒飽還要打包走

呢間小店非常好廚師廚藝了得食材豐富侍應妹妹又靚，招呼周到老闆娘又好傾性價比超高銀鱈魚煎得又脆又好味龍蝦新鮮又有得玩魚頭豆腐面鼓湯好好飲牛扒5成熟恰到好處值得推介………………………………………………………………………………

之前係聖誕節嚟過一次🎄當時同另一半嚟慶祝，佢地收費唔貴，而且食物質素好高，真係性價比好高之選👍🏼👍🏼所以今日母親節就要帶屋企人嚟試下🤭話說呢到星期日其實係唔開門嘅，老闆有解釋過，如果已準備食材，但客人不多，小生意為唔到本之外，都浪費咗食物！不代表佢地「高斗」所以揀放星期日。大家都唔洗擔心！🙆🏻其實只要你book位，老闆知道有人嚟，就會準備好食材同埋開門，咁就唔會浪費啦😉今日雖然母親節，但佢地竟然無加價！而且仲準備咗好多唔同餐類添😆😆佢地野食真係好新鮮，每款老闆都適心烹調，唔會話每款都同一個味道！老闆娘都好好客，一有時間就會同客人傾下計，唔會阻礙客人之外，都增添咗親切感😁其他唔多講啦！睇圖看野食啦！😁

一家四口決定以鐵板燒慶祝爸爸生日，廚師製作用心，更提醒吃時的先後次序，不時問客人味道如何，可加減調味。食材新鮮，晚餐期間會有特別廚藝表演，又安排家人拍照。晚餐豐富，讓我們渡過了一個窩心和愉快的晚上🥰

生日想食鐵板燒，弟婦介紹話呢間小店話價錢比較實惠。生日梗係大魚大食架啦，老闆早兩日問我地食咩餐，因為佢要當日去預備，咁就真係夠哂新鮮勒！識食鐵板燒既梗係坐BAR台啦，一路食一路睇表演，正呀！！我地選了$1,388二人前既餐，老闆一睇就知我係港女，就好細心咁捉左3隻周身郁既大龍蝦比我住影相扼LIKE麻！前菜主角火焰牛扒咁燒法都唔怕鞋，仲好林好嫩鵝肝多士，大大件好抵食最值得一就係呢個比卡起賀板真係畫得好似，見到都開心呀！今晚好飽好完滿！多謝哂！

夫婦朋友約食飯，地方由佢哋選擇，之前未認識呢間位於山林道嘅餐廳，朋友推介食物新鮮同價錢相宜。我同大佬都係當日先知原來去搵鐵板先生。朋友已預定鐵板活龍蝦套餐(二人前)。原因老闆只會一日前親自去攞海鮮，於餐廳養過一晚夜，確保食材品質先供應俾客人享用，所以想去食海鮮鐵板燒嘅朋友就要早一兩日打去預訂。是日星期六大概8:00到達，舖頭唔太大，鐵板燒前座位加埋我哋一行四人已經坐滿，見師傅同其他客人交流有講有笑，好溫馨熱鬧。師傅知我哋預定咗龍蝦餐，喺水缸捉咗兩隻生猛活龍蝦即席生劏，佢表示餐廳著重海鮮等食材要新鮮。套餐食物方面如下:-1. 木魚絲蟹籽沙律 – 一貫蟹籽沙律，不過加咗木魚絲，多一層口感同香味，蔬菜都清甜爽口。2. 時令刺身 – 赤蝦、魷魚、三文魚同北寄貝，平平凡凡。3. 魚頭豆腐麵豉湯 – 雪白嘅湯一入口就品嚐到濃濃魚味，配料豆腐海帶一啲都唔遜色。不過怕魚腥嘅朋友一定要襯熱飲同小心魚骨。4. 龍蝦 - 師傅劏好龍蝦肉喺鐵板度先煎香，龍蝦頭嘅膏加適量調味炒香，最後將炒好嘅龍蝦膏加落龍蝦肉翻炒至均勻上碟。龍蝦肉香口彈牙，件件都散發住蝦膏味，鮮甜回甘恆久不散。5. 鵝肝 – 沾上少少粉喺鐵板慢

尖沙咀山林道嘅鐵板先生，好好味嘅鐵板燒，真係唔可以唔推介。山林道出名多嘢食，但係呢間小店好似唔係好出名，如果唔係朋友極力推介，真係行過路過都唔會留意到，而且出面搭緊棚，更加唔起眼。因為聽講間舖唔大，所以提前打咗去留位，嗰晚坐正師傅前面，一路睇佢燒一路食，好過癮。因為得一個師傅，所以要慢慢食，急嘅人唔建議去。menu都係二人餐，不過人數可加可減，我哋三個人，都揀咗神户和牛餐，1288係兩個人嘅價錢。一開始係沙律，蟹子生牛肉沙律，好味，湯都好好味，唔似平時飲開嗰啲麵豉湯，刺身正正常常。我覺得重頭戲之一係勁大隻蝦，黃金一尺巨蝦，我又真係冇見過香港有咁大隻蝦賣，連蝦頭都好多膏同肉，師傅會好有心機燒好耐俾埋我哋食。d肉勁彈牙，我覺得唔輸俾龍蝦，當然呢度嘅龍蝦餐未試過，冇對比。之後係生蠔，都一樣燒得好好味，上面有蒽又有啲乾魚仔，真係好香好好味。魚其實係好普通嘅龍俐魚，我平時都麻麻地呢種魚，但係真係估唔到燒出嚟係咁好味，面係脆嘅。另一大重頭戲，當然係神戶和牛，呢個真係好正，雖然要咗7成熟，但係都入口即化，真係好香，燒嘅時候師傅會係入面包啲蒽同其他配料，所以就算唔用醬汁，都好夠味，一大啖落去，真係冇得

今日與伴侶慶生辰，揀咗呢間食鐵板燒，因有朋友試過話好食，而壽星又想食，咁就一於去試吓啦！我叫左個「鐵板活龍蝦二人前套餐」，安排得好好👍🏻 對到正師父個扒爐！個刺身好新鮮，讚👍🏻個麵豉湯用魚湯做base 正😋😋再有沙律做前菜 開一開胃先先上正式第一道菜「銀雪魚」和雜菜因有魚油作底油，翠肉瓜係好香嘅！而銀雪魚都好香滑！不錯👍🏻第二道就上「龍蝦」，佢刻意唔整熟晒 令龍蝦更爽口，正👍🏻第三道係「鵝肝」 係幾香脆肥美，鵝油從咀邊流出🤣🤣🤣， 配左多士係無甘油膩🥰🥰🥰第四道「安格斯牛扒」，師父表演，掛住錄片添！的而且確好香好好食！呢下係要讚下👍🏻 去到呢道菜已經飽飽地，因為都幾油膩🤣🤣🤣到炒飯啦！都真係炒得好香，但食唔晒！😆再來炒雜菜，消化下至得仲有雪糕呀！問你死未！話明生日就梗係唔少得整個公仔啦🥰🥰🥰眼見隔離枱點最貴嘅套餐，雖然無份食，但師父對到正响我面前煮，真係睇左當食咗啦！

過年後搵間小店輕輕鬆鬆食番餐, 好耐無出街食過晚飯要獎勵下, 睇中左活龍蝦套餐$1388 (沒預留情況下龍蝦轉左做1尺大蝦) , 座係鐵板枱睇住師傅整先有風味，先上沙律,刺身,豆腐魚頭湯,個湯有驚喜夠濃郁又唔會好咸,如果有埋魚頭食就好了😜用餐時師傅都會互動詢問上菜時間, 可以慢慢enjoy,  法國肥鵝肝好好味，夠油份煎到外層脆脆，好想encore由於座位限制關係店內客人不算多, 店內抽風系統一流食完唔會成身味！

今次生日飯，老婆話要另類嘅，睇openrice 搵間幾間鐵板燒有提供特別服務，有卡通炒飯影相又有得食，睇左好多間食評最終搵到間，評價相對收費親民路線鐵板燒，由於平日及訂枱關係去到有bar台邊食邊睇表演，食到一半生日主角都讚無得頂，而阿女一路睇廚師表演一路拍手都值得帶小朋友黎食值得👏，而老闆娘都非常熱情知我太太生日送上祝福，另外真係要讚有小朋友既家庭對食物方面會特別關注，廚師主動問我地食物比幾成熟及小朋友又分開全熟咁，非常窩心，當晚食完，一大一細已經話要過年前encore 既龍蝦鐵板燒套餐，睇返價錢海陸空有齊，法國鵝肝、南非龍蝦、安格斯牛柳已經回本，連炒飯都十分有驚喜，第二次食鐵板燒今次個廚師會一路傾一路食都幾特別，食食吓唔記得影相，最後難得一家大小係疫情時間外出食飯，真心好耐無咁自在過左一晚開心晚上！