銀龍粉麵茶餐廳

營業中

休息中

今朝(5-9-2009 Sat)同男友,女友人DC唱完通宵K後,搵地方食早餐,未夠6:00am,原來呢個時間,旺角都唔係好多食肆開,我o地終於搵到呢間,其實舊年8月o既一朝,又係差唔多呢個時間,同男友,女友人CK都o黎呢間.今次我揀o左$19.00o既鮑絲火腿通粉同熱奶茶,男友要$19.00o既沙嗲牛肉麵同熱檸茶,DC要$20.00o既餐蛋麵同熱檸茶.好快,所有o野o黎到,我只加一包糖入奶茶o度,覺得好甜,(佢o既一包應該有1.5茶匙至2茶匙),奶茶幾滑,茶味都幾夠,OK o既而鮑絲火腿通粉,鮑絲有三條,通粉竟然唔好食,佢軟硬係適中,但味道怪怪,差.

嗰日我要去旺角個邊做嘢，就搭地鐵過去啦 ，到咗之后覺得肚餓哦，，我一抬頭望出去就睇呢間茶餐廳喔，於是就入去喇。。。。 我叫左一份狀元及第粥+蒸蝦米腸粉，仲有一杯凍奶茶添。哇。。。個分量足到，食完之後好飽，個味都ok喔，哈哈 抵食，今次第一次去呢間餐廳，下一次有機會嘅話再去呀

唱完K後,大家都覺得肚餓,所以決定醫肚先各自歸家.由於零晨時分,所以選擇都唔多.墨魚丸米粉:味道OK,略嫌墨魚丸太韌唔夠爽口.牛腩湯河:牛腩炆得都好淋,但好意外D配菜竟然未煮熟, 雖然係配菜,但都唔可以忽視.海鮮酸辣粉:個湯底勁好味,又夠辣,但唔覺得酸. 飲完啖湯,都冇乜味覺,但好多料......Good!

合格的乾炒牛河是怎樣的? 食完看碟就知.碟上沒有剩下油, 需要很高技巧, 火要控制得好, 油要落得準.今次在銀龍食到的這碟乾炒牛河, 實在是水準以上的出色. 完全沒有多餘的油之餘, 每一條河粉都是充滿油香. 要知道這道炒粉, 重點就是爆炒過牛肉後的油香味. 加上河粉用料上好, 師傅手勢更好, 炒完的河粉保持彈性, 不會過軟, 炒得一條條分明之餘, 又可以保持原狀, 沒有弄斷那脆弱的河粉, 這種功夫, 老實說, 好多大酒樓都未必做得到. 所以, 五十幾蚊一碟乾炒牛河+奶茶看似有點貴, 但還是物有所值的.

想當年年紀還小，在旺角跟朋友消遣過後，便會到此地吃一個晚飯或宵夜，來這裡的原因，無非在於既方便又價錢便宜而已。食物質素 ? 不提也罷想不到隔了那麼多年，今天早上竟然重回舊地，跟太座一同吃早餐。實在是挺難得的機會呢同是鮑魚絲腿通，這兒的水準確比翠華的遜色得多 --- 鮑魚絲幾乎是全然找不到的，腿絲反而下得夠足；湯底是出乎意料地淡，是淡得有點過份；可幸通粉並不太淰，還吃得過....餐肉差不多是沒有煎香過的，像是隨便放在煎爐"係咁意"熱過便算了蛋炒得不夠滑，只是薄薄的一片茶走苦澀味十足，喝了一口便放低了.....舊夢重温過了，但可惜的是，這不算是一個甚麼的美夢....

不知道是否心理作用,自從年前的"白汁事件"之後,再沒搭足過銀龍半步.雖然是網上流言,但我總會覺得會吃到爛咀.....不知道是否名字之關係,"銀龍"兩字充滿著江湖味,所以早上前往,也見到有金毛公仔佬,同MK系打扮男女.又不知道是否店名太過江湖味,同類對手翠華一早在中環同鏞記打對台,而銀龍就不是在荃灣,就是在旺角,甚至乎香港的九份....想飲奶茶,就要奶茶,入口似上了啡色的淡奶,近乎沒有茶味.不知道是否沒有期望之故,我這個鹵水牛腩河,又出奇地不錯.幾入味之外,牛腩做得稔熟,應肥位則肥,應瘦位就鬆化不黐牙.仲敢不敢要個白汁雞皇飯?都未夠十一點.

你估雞翼薯條下午茶餐要幾錢?十八蚊,錯!廿五蚊,錯!係二十八蚊!!!得三隻超細雞翼,size係車厘茄x2,同一堆薯條,勝在夠熱,薯條好在夠脆,不致覺得唔扺食.依然,侍應態度同價錢成反比.

好耐無去銀龍了,今天下午去食下午茶,叫咗個煙鴨胸煎蛋出前一丁,點知......啲出前一丁唔係麻油味嗰隻,好似拉麵咁,有啲芝麻添,不過都算彈牙,但鴨胸只有三塊,都算淋,隻蛋都煎得幾好.值得再提,這裡侍應生的服務依然無改善,可能是太多內地人光顧吧!

落大雨，費時周圍搵食店，走上去叫咗一客常餐，包括：沙爹牛肉一丁麵(豬骨湯味)：一丁配沙爹牛都幾好味，不過牛肉就唔熱，少少凍！火腿奄列配迷你硬豬仔：奄列中的火腿切到粗塊裝，仲係生，冇炒過，唔好食；反而豬仔包脆脆地，不錯！熱啡：超難飲，淨係飲到啲奶漿住個口！

因在附近工作,去了這間銀龍好幾年,由不相識的伙計食到熟晒,又食到啲伙計走晒,換了另外一班伙計,在此奉勸一句,除非是貪銀龍這個牌子,否則不去唔駛勞氣,無服務,伙計無反應,除非行過隔離,否則好難揾到伙計落單,試過坐後面枱的女人叫了四,五聲,發了火都無人應,伙計態度唔憂做,確實真的很多自由人幫襯.但不得不承認銀龍的食物質素也不錯,雖然貴了點.

做完body check, 唸住近近地食個早餐然後回公司! 銀龍就在旁, 見未試過在此食早餐, 又試試!點了早餐C : 秘製沙爹牛肉麵, 浸茄汁腸仔炒蛋, 茶走!!以為是甚麼秘製沙爹, 原來係等於無沙爹味, 牛肉份量又少, D麵上檯時仍是硬身的, 要浸一陣先食得; 浸茄汁腸仔即係烚腸但有點茄仔味, 連煎一煎都慳番, 佩服!! 炒蛋好老, 無野好講!! 杯奶茶好薄身, 茶味多過奶, 雖然我對奶茶無咩要求, 但我都會話呢杯野唔得!!若果夠時間, 一定會去金華食菠蘿包好過!!

食物一般，唔係唔好食，不過就好多味精，未食完已覺口渴。環境與一般茶餐廳咁，唔算好衛生，個地下少少「油笠笠」，牆角位有時有D昆蟲咁囉。價錢就比一般茶餐廳貴。

昨日同d外國朋友三點幾食下午茶，想食個奄列午餐，個大叔話假期無得賣，咁無乜問題！我問散叫得唔得，佢竟然話水吧d師傅做唔切，所以賣唔到比你。咁都得？乜野水吧嫁？個大叔好似做經理wo，乜野經理嫁？咁樣答都得？攪到我d外國朋友幾唔好意事，好似係左住你地做生意咁！乜家香港經營環境改善左就唔係幾想做多D生意咩？佢地公司荃灣區果D唔係咁樣格，點解旺角呢間咁差？最後搞搞振無幫親！

0個日我在旺角做完運動後，老公叫我買嘢返去食。我去咗銀龍，叫咗了兩個餐俾埋錢之後，就係到等。等咗一陣之後，有個0靚仔就扲住一袋問我柯打咗點咩嘢，我講咗之後佢就將0個袋嘢俾我。山長水遠的返咗愉景灣屋企，嗱嗱聲攞嘢出來食，竟發現少咗一個飯。我跟老公都是整天都沒吃什麼的，現在只有一個白飯(而且我是交代要少飯)點食得飽啊?!所以唯有再打電話柯打個pizza來食，無拉拉又使咗一百。過幾日我返銀龍同佢地理論。佢地就承認有疏失，我要求要整張單的錢都退($60)，但是佢地就只肯退我那個未俾我的飯的錢($27)。我並不志在0個60蚊。我係條氣唔順。明明俾咗錢，仲要自己咁遠扲返屋企。卒之都係要再叫pizza。我話我的損失點算，佢地竟然話：你的損失我地不負責。服務業說出咁0既說話真令人心淡。這樣的餐廳，下次都係不要去比較好。

嘩！早餐冇加價A餐多個脆皮豬仔飽，通粉多幾條鮑絲，水吧好似換人，品質有提高幾好！樓面服務一流，好好禮貌，D自由行客乜都未食過，樓面會講解配搭介紹，服務做得唔錯。稍稍覺得水吧師傅講好大聲，同埋個細細粒亞叔（可能係老細）對住D伙計指指點點，搞到D伙計無晒心機。幫親咁耐而家做得最好！