銀杏冰室

營業中

休息中

1蚊杯羅漢果茶、2蚊碗白粥、3蚊個菠蘿包、5蚊碟有機時菜、8蚊碗秘製排骨飯，你冇睇錯，真係平到你唔信！😱知道銀杏館在深水埗開了新店，便決定過去試吓，看過餐牌後，叫了白粥、羅漢果茶、熱奶茶、菠蘿包、雞尾包、有機時菜、豉油皇炒麵，埋單兩個人都只係$29；雖然食物水準平平，但絕對唔難食，最緊要分量不會太少，而且沒有茶介及加壹服務費；看得出完全是食物的成本價，連煮工都沒有計算在內，真係為街坊謀福利的良心企業！👍🏻早午餐是專為有需要人仕享用，當然有興趣的，你都可以去試吓；但如有能力，我建議你們可晚上去幫襯，這裏有「老師傅私房菜」，價錢也非常實惠，值得大家多多支持！😋資料顯示：《銀杏館》成立於2003年，是香港首間策動長者就業的機構，為有經濟及心理上需要工作的長者提供就業機會，業務多元化，包括餐館、有機農莊、食品製造、餐飲到會、烘焙、長者樂隊、銀髮士多及長者就業中介服務。造就長者就業的同時，讓長者員工能透過不同的工作管道去服務其他的弱勢社群，讓愛流動，是值得大家去關注的！🤗網址：gingkohouse.hk#平過兩餸飯 #平到你唔信 #價錢好似時光倒流40年 #良心企業 #值得支持 #銀杏冰室 地

今日(4-4-2024 Thur)清明節,同老公專程嚟呢度支持一下,我哋嚟到時都已經幾多人,幸好都重有兩個位,坐低後睇完menu就落單,長者侍應就話叫no.,咁我就照叫no.落單,要咗:7. $1.00嘅牛蒡茶熱騰騰,味道唔太濃.3分4. $10.00嘅豉油皇炒麵份量唔算少,鹹淡適中.3.5分1. $5.00嘅茶葉蛋要兩隻好耐冇食,所以見到就要,呢個一食就覺得好好味.5分8. $1.00嘅玄米綠茶呢個冇咁熱,味道唔夠.2.8分5. $10.00嘅是日老火靚粥,係火鴨絲生菜粥大大碗,火鴨絲份量唔算少,味道都滲咗落啲粥喥,成個粥都OK.4分6. $10.00嘅婆婆靚素湯,係蟲草花猴頭菇蓮子百合腰果湯放低時,戴眼鏡,頭髮有啲鬈嘅女侍應提醒我哋小心熱.呢個味道清淡OK 嘅.4分3. $10.00 嘅南乳炒蓮藕蓮藕爽口,但我覺得太鹹.1.5分2. $5.00嘅滷豆腐呢個係我聽到戴眼鏡,頭髮有啲鬈嘅女侍應答隔離座位嘅亞伯時話好食嘅,咁我就叫.上到嚟已經切成3份,味道唔太濃,口感軟綿綿.4分服務:幫我哋落單嘅係頭髮最短,冇戴眼鏡嘅女侍應,佢好唔掂,態度已經麻麻,重要原來落錯同落漏單,我要南乳炒蓮藕,

前2日見社交媒體網站有人話早餐好抵食，上網睇下餐牌的確抵，下午帶媽咪黎試當日約十二點左右，堂食滿座，就排隊等下，基本都係長者，好多都係一人，二人都有有位著黑衫套裝，負責帶位的小姐（目測比較後生及職位應該高一點），當叫到2人請我地入座時，係用2隻手指以挖鼻屎式手勢邀請我地入座，呢間冰室唔係鼓勵長者就業同比d優惠長者或基層食飯咩？ 這樣我覺得很不尊重你地服務對象坐低等食物期間，隔離左右都坐了各一對長者夫婦，佢地都話慕名而來，但同樣都話叫左幾次落單都唔理現場純音樂頗大聲，可能對聽覺有問題的長者不太好，落單時可能聽得唔清楚食物質素同份量就100%掂，價錢平但份量足夠，絕無因為收得平而比得少

本身打算支持長者就業 就過咗去買外賣食買完出到嚟成肚氣 唔使食都飽多謝晒味道正正常常 但如果唔係因為佢係社企嘅話唔會選擇先講收銀 已經見到有其他評論話佢服務態度差1.落嘢食落到一半 佢先話要講Number 餐廳入邊冇任何指示話落單要叫Number我一開頭落單嘅時候佢都冇講 落到最後你同我講要講Number？？？2.我話要水煮菜 佢話得水煮蛋 請問貴餐廳有機時菜嘅烹飪方法係落油炸定係燒烤？3.我話兩個飯少飯 最尾張單都係冇落到小飯 4.語氣更加唔洗講 俾錢買難受級數另外門口負責接客嘅黑色衫黑色褲中年女性親眼睇住佢帶住手套攞完個包放入紙袋 轉個頭就去找錢數錢 呢個動作真的符合最基本的衛生嗎 當我去排隊買麵包嘅時候 可能佢太忙心情唔好 用聲量不細嘅聲線係咁講唔好急唔好急唔好急唔好急 但係最後佢都係執咗兩個包俾人哋先各位女士係排我後邊可能因為佢哋太好生意做唔嚟 但係無論是否社企 個人認為消費者都唔應該接受員工嘅負面情緒 特別係當我冇任何過分舉止只係排隊買兩個麵包 一句講晒 呢間嘢冇下次

今日喺深水埗工作，見到有間餐廳人頭湧湧，原來係銀杏冰室，好似係鼓勵長者就業的社企，好奇入去試吓。💗見到個餐牌好多選擇，仲好平添，第一次嚟唔係好知點落order，有一位長者店員向我解說，真係好有耐性，於是我叫了是日蒸魚、番薯飯、炒菜、婆婆靚湯。😋味道十分健康，沒有過多的調味料，吃到食材原本的味道，有啲似細個婆婆煮的餸菜，特別係個番薯飯，真係好特別，婆婆靚湯係用蓮藕、綠豆、荷花葉煲的，啱晒夏天飲呀！最特別係食嘅時候，坐附近啲長者會同你傾偈，大家交流一下，好開心呀，滿滿的人情味💗附近的長者街坊有福啦，咁優惠嘅價錢食到健康嘅餸菜，每日嘅精選飯都係$12😊👍🏻👍🏻

銀杏冰室，次次經過都好多人排隊，所以想試都冇機會，難得今日行過，一入即有位。由於d位好窄凳都好細張，我又拎得多野，一坐落去唔穩搖左下，爭d跌親😂嚇到阿姐個心離一離😂由於係社企同埋老人就業既關係，如果可以既話客人盡量自己用QR code 落單。因為手寫落單，始終店員年紀都大，店面又忙又亂，我見好多都落錯左單或者落多左單，姐姐們要周圍搵一d冇既單，白忙一輪，加重左員工負擔。我叫左個蘿蔔牛腩10蚊，南乳蓮藕10蚊，凍奶茶7蚊，白忙2蚊，共29蚊。雖然份量好細，但份量對我黎講岩岩好，而且我都有食剩。南乳蓮藕，味道偏酸，味道一般。蘿蔔牛腩，蘿蔔夠林好入味，牛腩有d難咬，但味道ok既。凍奶茶我叫左多奶既，不過茶味都係偏重。整體黎講就係平價住家飯既味道😁員工都親切，不過係忙既時候會大聲左d~同埋經理都好落力向外賣客推薦食物～支持長者就業，平民街坊食堂👍

其他銀杏館的餐廳都有光顧過，這間是最窩心的。開在深水埗，沒有其他餐廳的格調，有的是人情味。坊間報導多集中食物價平，其實食物都真的不錯，蒸排骨飯，牛腩飯豬手都入味淋軟，第二次幫趁就試左炒面，蒸魚，油菜這些家常食物，中規中矩架，咖啡和奶茶都一般啦！早午晚都有平價飯提供，1人份量不太多，咪叫多二樣囉！都是幾蚊十蚊。想試都可以叫小菜，目測賣相都唔錯，又大碟。不過記得是社企來的，是幫助仍有工作能力的上年紀就業，所以請容忍他們略慢，下單時講慢些，店舖面積不大，請接受他們安排給你的座位，吃飽後飲埋杯飲品或湯就離座付款，給下位客人。雖然他們普遍都好有禮貌，亦不會請你離座。大家識做啦！臨走買些超平的面包回家都唔錯，畢竟社企除了收支外，受惠的人數都是評定的指標之一，大家多幫趁啊！

深水埗銀杏冰室, Taste Good!!價錢非常實惠。店舖內職員服務態度誠懇。中午時分好多人排隊，建議過咗lunch hour 2:30pm後先去，應該會少啲人排隊。

今晚兩人去咗深水埗 (銀杏冰室) 食飯, 在醫局街，吃了梅菜扣肉: $15味道不錯，扣肉肥而不膩蠔油燜雞:$10調味味道ok,雞肉尚算新鮮蘿蔔魚鬆砵仔飯: $12清淡得宜，有益健康老火湯: $10不加味精，比較清淡這是一間社企飯堂, 所以咁平

話說（4-4-2024 Thur）清明節,同老公專程嚟食晏(食評係2024年4月4日刊登嘅呢篇:https://www.openrice.com/zh/hongkong/review/%E5%83%B9%E5%BB%89%E7%89%A9%E7%BE%8E-e5391277 ),食完就用$68.00買咗芫荽曲奇返屋企試.到翌日晚,我就已經忍唔住開嚟食,佢一盒有十件,打開後嗅唔到香味,一食,佢嘅口感係鬆化唔係鬆脆嗰種,而味道,芫荽味係好濃郁,同鹹咗少少,我自己就覺得兩樣嘢落少啲會好啲.而老公話食到牛油味,我就食唔到喇.詳細評分係:味道: 2      環境:  5      服務: 4       衛生: 3    抵食: 1.5 

雖然地方細細，靠牆一排單行位，對面就係有幾張四人枱加多張二人枱，但係佢嘅等候時間都唔需要好耐，回枱嘅速度都好快，客人食完就即刻走㗎啦，無論你係食得精緻啲，或者平民啲，都可以，見到啲客人食得都非常之開心，侍應真都好落力招待每一個客人，門口外面亦都有賣麵包，都多人幫襯，價錢係非常非常之經濟實惠，好喜歡佢嘅標題，午餐嗰張餐牌會寫人人食得飽，真係好窩心，亦都係事實，晚餐餐牌又會寫，無添加無味精食得健康咁，仲有佢哋嘅有機蔬菜，真係冇得彈，今晚一行三人都食得非常之開心，平有平食貴有貴食，任何階層嘅人都好，都會食得好開心又滿足，招呼都好好，會再去嘅，一定會再去支持，咁好嘅社企餐廳真係值得支持😍👍🏻

我最近見傳媒報導這間銀杏館的社區食堂，現在香港，我們很難再見到這麼便宜的餐點了。$8 就可食到一個排骨蒸飯，$5 一份新鮮時菜，$1 一杯牛蒡茶....幸福小碟單點中可以自由選擇蔬菜、肉類同米飯，每個人都可按照自己食量同需求，調整款式同價格雖然價格實在是驚人，但餐點的品質絕對不馬虎。排骨蒸飯中的排骨，豆豉香味濃郁搭配飯底一流。不僅僅是餐點的價格和品質讓我印象深刻，銀杏館的服務態度也非常出色。長者同事們耐心地為每一位客人提供服務，這種關懷與美食的結合，讓社區食堂成為了一個真正溫馨和友善的場所。值得下次再來支持一下！