影片
港鐵土瓜灣站B出口, 步行約5分鐘
繼續閱讀
營業時間
星期一至日
11:00 - 21:30
以上資料只供參考, 請與餐廳確認詳情
由於抗疫期間情況嚴峻加上政府實施了限聚令也沒心情在外面吃飯只好選擇到餐廳買外賣回家吃今天選擇了吃咖哩價錢由三十幾蚊起算是平價, 不妨一試咖哩汁有辣度選擇由大辣開始🌶️🌶️🌶️香辣有感, 送飯吃不錯 😋
繼續閱讀
小弟是這間餐廳附近學校的學生,同幾個同學午餐時入了這間餐廳。在點食物時，我叫了一碟 🐷招牌豬扒咖哩飯🐷（學生免費送飲料）。但是餐來到時，我另外三位同學都有飲料但我竟然沒有，當我追問時店員都好像知道我想問？😡 但她一句就否定我有叫過飲料😡，然後我問我D同學有冇聽到我叫，他們都説清楚聽到😕，然而則是這位職員忘了落單🙈。我對此餐廳非常失望，🤷🏻♂️職員的錯怎麼可以推落顧客身上🤷🏻♂️，我以後也不會再光顧😡
繼續閱讀
之前早已聽聞銀咖哩有個巨大咖哩飯, 叫富士山咖哩飯, 75蚊已經有得挑戰。上次同屋企人經過, 一於就去挑戰下!!!因為餸好似唔多夠, 加左炸魚柳, 日式照燒雞粒同咖哩汁, 總共好似90幾蚊。如果冇記錯, 唔加好似要70幾, 唔算貴。個飯黎到真係幾巨型, 有啲嚇親, 好彩同屋企人share食, 唔係點食得哂。(隔離枱有位男客人自己一個人食完, 好勁!!!)咖哩汁微辣, 偏日式口味。唔加汁, 會食唔哂啲飯。啲餸有炸豬排, 芝士, 蛋, 漢堡扒同腸仔。炸物即炸, 味道正常而且熱辣辣。漢堡扒就有少少鞋口, 配埋啲咖哩汁, 會比較好味。我同屋企人3人先食得哂, 算你挑戰成功喇!!!
繼續閱讀
今日口淡淡，午餐想食d濃味的食物，行完759發現有間咖喱店，合哂我口味。在門口看了很長時間，都係食招牌吉列豬扒咖哩飯，$32好抵食。買完票，坐低等服務員送餐。吉列豬扒一大塊，炸得脆脆，但脆漿同豬扒分離，豬扒食落沒有味道，肉質較乾。咖哩是日式，甜甜地，見到有少許紅蘿蔔，以為叫招牌菜實無甩拖，但豬扒難食到死，只可用咖哩汁送白飯。
繼續閱讀
幾年前係荃灣店食過佢既招牌咖喱豬扒，豬扒本身鞋薄而無味，脆漿甩皮甩骨，只可以話係性價比高。呢間野開分店開得都幾快，一日經過，原來已經殺到入土瓜灣。正當午飯時間，好好醜醜又一餐…但係上次豬扒既經驗實在一般，平都係咁話，決定食漢堡扒。店員全部好生手，應該開左好短時間，雖然無咩客，但都等左約10分鐘先有得食。上枱見賣相都幾ok，芝士完全包住漢堡扒，漢堡扒雖然細塊少少，不過咁既價錢係好接受既。佢地既咖哩勝在係日式甜咖哩，岩晒我地呢D鐘意食咖喱但又唔食得辣既人，而且咖喱香味唔差。漢堡扒店員話係牛同豬混合，不過佢個樣都唔係好肯定，不過入口肉味香濃，有肉既口感，而且煎得外脆香口又多汁。由於之前經驗另我無咩大期望，所以今次實在有D驚喜。佢既絕對嬴招牌咖喱豬扒成條街…
繼續閱讀