金饍韓國料理 (已結業)

相約三兩好友於旺角太子閒逛，晚上到新世紀廣場隨意挑選了金饍韓國料理進餐。先來泡菜六小碟，韓國風味不重，以酸辣口味為主。再來一窩人參烏雞湯，燉湯味淡，欠缺參香雞甜，差啲噃！牛肋骨炆得幾腍及入味，連帶鍋中的蘿蔔都煮得夠腍好味。主食海鮮撈麵，海鮮細隻及少得可憐，雖麵質尚可，但整體味道個人不太喜愛。另一主食雜錦石頭飯，用料和牛肉飯無乜分別，只是追加芽菜雜蔬入內罷了。因用上熱辣石鍋盛載，當中香氣源源溢出，鍋邊沾滿飯焦，亦令香口度增添不少。

今日約左5個朋友食生日飯, 聽聞呢間韓燒唔錯..一早book左位所以唔使點等環境唔錯, 但抽氣方面唔係好得...比較多煙我地6個人點左:- 人參烏雞湯, 旦包魚, 蝦, 韓燒拼盆, 石頭飯 (唔記得影) 雞湯 (夠濃, 好味)旦包魚 (好香口)蝦 (好新鮮, 厚肉)拼盆 (D肉比較肥, 牛肉粒好得)總括黎講可以再一試

一早起身做左成朝...過哂午飯時間都未食野..於是跟同事不顧一切...三點多決定醫肚去!!!!!!!這間店上菜的速度也頗快...剛點好餐...前菜轉眼就可以上菜....岩哂餓到暈既我地!!!一系列的韓式泡菜...應該是這間店的特式...上菜時侍應也說是店子自家製的....味道不錯,而且款式選擇很多~特別是對於不嗜辣的我....這是很難得~~3人行...決定點了兩個午餐再加其他菜式~~烤豬肉飯這是用鐵板上菜的...熱辣辣....豬肉的味道也不錯...但一定要吃得快...剛開始味道很好,但放久了就會有點乾身呢!!!!烤雞肉飯也是鐵板上菜...熱辣辣,很暖胃!!個人喜歡雞肉多一點, 不像豬肉般乾身~!!額外點的菜式還有牛肋骨和泡菜豚肉炒年糕~牛肋骨的汁很好味, 用來撈飯吃一流~~牛肉也很腍而且很入味....絕對是必吃之選呢~!!!!我真的不嗜辣...但也淺嚐一口~泡菜做得不錯...年糕也夠煙韌...不過如果期待辣到噴火, 也大概要失望~身邊兩位友人是無辣不歡, 他們直說一點也不辣!! 雖然我吃罷也喝了滿滿的一杯水~

星期日晚睇戲後，順便響新世紀廣場食晚飯。新世紀廣場無乜野行，食野既地方都算多既，有food court同唔同食肆。哩到相比其他旺角商場，人不算多，無咁擠湧。但唔鍾意個商場設計，中間有個真空位，搞到好似圍住佢黎行。女友人話想食金饍，於是上去拎飛等位。去到門口都幾多人等位，可能假期晚關係吧。行左個層商場一圈後，返到去差不多了。入到去職員已安排較大的卡位俾我地，雖然全場座滿人，但環境都幾舒服。我地叫左個二人燒烤套餐，份量剛剛好，都食得飽既。韓式前菜小碟，之前響其他分店食lunch都有，今次同樣都有。味道不錯，女友人最喜歡用泡菜送飯。之後主菜黎啦，燒烤併盤，可以慢慢燒，傾下計食下。有不同種類既肉類，牛舌都好食，yummy之後仲有海帶硯湯，不錯。最後食埋個雪糕做甜品就完美啦。

同老勢兩人出開去食埋lunch，就揀左呢間，沒揀錯！！鐵板餐大大碟！又夠鑊氣，真係好正！！我揀雞扒，老勢揀牛扒，我就覺得燒雞的味道好正美中不足系有D大煙。。。90分！

三位姐姐特意來找我吃午飯 一起慶祝三八婦女節XD這次去了姐姐介紹的『金鐥韓國料理餐廳』位置就在我公司的附近 很方便 只是限時45分鐘用饍店裡的環境不錯 像是新裝潢一樣 以咖啡色為主周圍放著好多韓式的裝飾品 好有韓國的feel這裡Lunch Set 的款式超多 有整整兩面的餐牌真的令我眼花瞭亂 因為喜歡韓國料理的人看到那麼多的款式 真的不知道選那個好 好難選每一樣都好好吃 每一樣都好像好吸引耶~~服務生先上了前菜給我 : 泡菜 芽菜 小棠菜三款前菜的味道也不錯 泡菜蠻辣的 也不太酸 很好!!每個Set都跟一碗湯 只可惜不是韓國湯 是港式湯 哈哈~~~最後 我選了《雞肉什錦石頭飯》料超多的石頭超燙 所以飯焦蠻多 但只可惜本人不太喜歡飯焦哈哈 味道是不錯 但攪拌的辣醬只有甜味 不夠辣姐姐叫了《雜錦飯》基本人和我點的石頭飯差不多只是沒有石頭盛著而已 沒有飯焦的這種應該比較適合我另外兩位姐姐點了《烤豬肉飯》和《烤牛肉飯》兩款的味道差不多 只是不同的肉類而已 烤得蠻香的 好吃!!只可惜它限時45分鐘用餐 只適合上班趕食飯的同事…. 哈哈

這是一間連鎖店式的韓國料理餐廳，尖沙咀、旺角等也有分店，飲食雜誌內不時也有這店的廣告，二人套餐一般是$400至$1000元，是正宗韓國料理的價錢，可能是連鎖店式的關係總覺得不夠正宗，我還是喜歡尖沙咀金巴利街一帶的韓國料理，大部分也是韓國人開設的，味道與感覺正宗很多~二人套餐最基本的$388，包括燒烤併盤（烤雞腿肉、烤魷魚、烤豬爽肉及烤牛舌）、海帶蜆湯及甜品。我喜歡食韓國料理的前菜，泡菜及芽菜是不可缺少的，可是這店的前菜超級普通，全無特色可言，全部都是一些蔬菜，而且味道一般，我第一次沒把前菜食完呢！有點失望喔~燒烤併盤不久就送上，份量不算多，但也剛剛好適合二人份量，一口燒肉一口前菜，十分配合！烤雞腿肉腌得很入味，切成片狀，好像迷你雞扒似的，很方便燒烤，肉質也算軟嫩，烤魷魚就很一般了，味道也比較淡，一定要點醬油才夠味，另一名為烤豬爽肉，但外形像五花腩，一層肥肉一層瘦肉，烤至乾身後只加一點點鹽花，鹽花充份地帶起豬肉本身的美味，我很喜歡啊！最後就是烤牛舌了，薄切的牛舌怎樣也是比不上厚切牛舌，味道略淡，必須點上醬油才有味道~海帶蜆湯偏咸，沒有辦法喝完，還記得在尖沙咀的＂秀＂，那店的海帶湯我能一口

逛街後看見從未試過的食店, 於是決定一試很快便點了二人餐:各肉類味道很好, 醃製得非常入味, 肉質嫩滑原隻少有的烏雞, 湯清甜美味, 讚!美味開胃, 香口開胃不過不失的石鍋飯, 足料夠飯, 少許飯焦服務不錯, 態度很好, 難得!

今日原本定左枱6:30PM起度食晚飯, 人數係6人之前食過兩次, 食物質數都OK因為係同太太屋企人食飯, 我同太太係後輩, 諗住早D坐低等大約6:10左右, 我地到達餐廳, 點知門口個侍應話我地BOOK左6:30, 而燒烤時間只係得個半鐘, 如果而家入去就而家開始計時但當時店內只有兩, 三張枱有客, 我見預訂紙上BOOK左枱既人亦唔多, 佢竟然要客人起門口等, 而餐廳內基本上連一成客都沒有最好笑係一人大約要收費$300左右既餐廳, 仲要係每樣計錢既燒烤, 唔係任食, 而佢要我地個半鐘內交枱我因為唔想太太屋企人要令外搵地方食野掃興, 本來都諗住等, 不過一間中價餐廳, 一行6人要食要燒, 個半鐘實在唔夠時間, 於是再同令一位侍應講出問題, 點知答案都係一樣... 於是我地走左, 寧願臨時再搵餐廳呢間餐廳既待客態度, 實作令人難忘, 以後一定唔會再幫襯, 請我都唔會去食

在這個商場看電影, 之前就在這裡午餐. 特選午餐選擇不少, 價位還算合理, 就揀了兩個我們的心水.雖然是午餐, 一樣有前菜, 不過就是一人三碟, 不想吃泡菜, 就換來芽菜, 西芹, 青瓜等比較清的選擇. 來吃韓國菜有樣好, 就是怎也不怕無菜吃, 雖然主食以肉為主, 但前菜一定會吃回不少菜蔬.雜錦飯 $58: 7分, 即是什菜加上牛肉, 再加上隻蛋, 是好家常的做法.當然要加上辣醬, 我們怕辣, 只下了少許, 撈混之後, 飯粒沾了辣醬, 更加香口. 相信在韓國的朋友應該會下更多辣醬去暖胃.炆牛肋骨飯 $70: 7分, 想不到是相當大鍋, 午市來講, 真的份量不少. 牛肋骨肥瘦相間, 肉質嫩滑, 但未夠入味. 不過個汁用來送飯就真的相當惹味.還跟上一碗湯, 都幾清淡的.不算是好高水準, 但整體還是令人滿意. 埋單$141, 吃到飽一飽, 實是比其他韓國菜館便宜一大截, 單計性價比, 還是合格有餘.

在旺角區內食韓菜，選擇一向有限，水準就更屬"有限公司"，大家去過"漢陽苑"吃她的任食韓燒就可略知一二了，小弟亦老早不彈此調已久。今次心血來潮來到新世紀廣場內的這間"金饍"，一來是要順這幫小朋友買些藥，二來是聽食友說這兒的東西甚有水準....旺角區食肆一到週末日往往是人頭湧湧的，但偏偏這兒就還能找到座位，也算是夠運的了...小友開始在攪攪震冇幫襯還是快點點菜吃完算吧。太座隨便點了鐵板烤肉，自己亦是快快手的叫了個雞肉石頭飯...前菜只是簡簡單單的三小碟 ---- 青瓜、芽菜加上kimchi。青瓜很清爽；芽菜同樣咬得嗦嗦有聲且有麻油香；kimchi吃得一口辛辣，讓怕辣的太座不敢多食...烤肉以豬、牛及雞肉合併而成。最好吃的是混入了泡菜同食的豚肉，很惹味得來極好下飯；牛肉剛加入了少許黑椒調味，辣度適中亦能引起食慾，而牛肉本身也很淰，不太覺有渣；雞肉相對上味道就較平淡....石頭鍋飯上桌沒想像中的熱氣奔騰，是有些失望的，而且雞肉亦是嚡口一些，不過飯焦卻是意料之外的輕易用羹一即起，入口脆卜卜又沒焦燶味，oishi；伴醬是甜麵豉，將之放入飯中與生雞蛋撈勻來吃，仍是可連吞數口下肚的....想不到韓國

我頗喜歡到這分店用膳, 午餐時段很抵食, 五, 六十幾元有一個套餐,每份餐包三款小食,當中我最愛韓式泡菜,辣辣的,很醒胃.這次我點了鐵板牛肉, 牛肉份量頗多, 味道OK.附送的蘿蔔湯略為過於清淡.兒子點了鰻魚飯,賣相不俗.

今天來到這裏試一試午食，午食有很多的選擇，而在主菜前侍應會奉上三款前菜，這是午餐前的指定前菜，有辣泡菜、芽菜及芥蘭。會有一個木架仔盛著三款小菜幾得意，賣相吸引，韓國菜的靈魂是泡菜，泡菜煮得好其實是韓國菜館的基本條件。這裏的泡菜味度尚好，辣度適中適合香港人，是很好的開胃前菜。而芽菜有很香的麻油味，爽甜清香。芥蘭就是嫩綠爽脆，令人眼前一亮。之後來了雞肉石鍋飯，雞肉鋪滿飯面再伴以青瓜片、牛蒡絲、芽菜、菠菜及蘿蔔絲，雞肉上還放了一隻生雞蛋再灑上點點芝麻，賣相吸引。食石鍋飯，是要把材料撈勻再伴以一些韓式辣醬同吃，韓式辣醫是濃濃的辣醬，與中式辣醬有明顯分別，石鍋飯熱辣辣，在撈勻後飯底會有一些飯焦，味道不錯。再來的韓式年糕湯麵，年糕其實與上海年糕差不多，麵就應該是拉麵，質感很好，湯底較清，有蔥和蒜頭，韓國菜與山東菜相似，都是喜愛使用大蒜，湯底清得來卻帶點蒜頭味，非常的特別。午餐大約要四五十蚊一個，有些要六十多元，價錢偏貴，質素就幾好！

呢間店都並非第一次去食唔知由幾時開始佢地竟然改左LUNCH限時一個鐘(莫非係同最低工資有關...?)既然一早約好左人黎食一個鐘都照幫襯再算食物質素唔係一個值得擔心既問題呢間店既味道一向都有保證(我唔知道正唔正宗啦，但我覺得幾好味)ORDER左一份烤牛肉午餐有前菜三小碟有湯、飯及燒牛肉(鐵板上)前茶味道不錯每個餐都有三小碟時不時會換款個湯偏咸同埋幾重味精個人不太喜歡友人卻全碗飲盡白飯採用肥身珍珠米口感不俗燒牛肉早就醃過口感與一般牛肉有少少不同味道很好，上台時更是香氣撲鼻(但請記住切勿讓牛肉於鐵板上一直乾煎，否則會煎燶變成焦)食物黎講整體都很好反而想講講員工們我諗應該係最低工資實行後，令該店人手被削，餐廳既人唔想被炒就一直搞到自己好忙好忙，最後忙到亂哂陣腳仲影響埋客人進食心情希望會改善

因為想食韓國野, 又要買枕頭, 所以黎左新世紀見食評都唔錯, 所以一試門口有各款燒烤套餐, 同埋午市套餐於是, 問一下門口侍應除左午市套餐同燒烤餐, 有冇散叫餐牌待應唔禮貌回答冇得散叫, 所以野食係門口因為非常想食韓國野, 所以咩都唔理照入去我地點左炸醬麵, 人參雞湯, 鐵板雞扒前菜: 泡菜, 白菜仔同椰菜花非常別緻, 椰菜花睇落一般, 但味道唔差白菜仔好好食!海鮮炸醬麵寧願食普通炸醬麵, 因為我根本食唔出有海鮮另外, 調味唔夠, 炸醬麵竟然係偏咸問經理拎調味, 佢冇禮貌咁答只有甜鼓油鐵板雞扒一落完單, 轉頭就上菜, 唔知係效率, 還是一早整定鐵板一開始係有煙, 好快冇晒煙, 其實鐵板係唔熱的, 係唔夠熱, 雞扒凍得好快雞扒味道好香口好甜, 落左洋蔥炒香, 幾好味人參雞湯呢度只配竹絲雞!人參味濃, 調味一般, 竹絲雞唔太滑楊之金露, 柚子茶食家推介的豐水梨汁是日賣清, 下午就已經冇晒貨!!!柚子茶好苦, 楊之金露好稀, 飲唔晒, 味道一般!呢間餐廳的食物一般, 唔太中意連鎖餐廳都係食尖沙咀韓國野, 傳統d, 質數好d, 味道好d