金雀餐廳 (已結業)

十幾年前食過，水準極高！今日再臨；發覺（牛）面全非，牛柳祇係微暖，感到有些少（霉），完全無牛柳應有的質感，好失望。另外什扒餐仲攪鬼，件豬扒更加比不上大家樂，又硬又鞋，腸仔更是凍的，，點呀大佬？

當王家衛的花樣年華還沒有上映時，黎生已經常是金雀餐廳的常客，其羅宋湯的味道早已俘擄了黎生和尚未成為黎太的黎太。當周慕雲和蘇麗珍吃過以後，很多人慕名而來，吃什麼花樣年華二人餐或2046套餐，人多了，黎生便少吃了。後來不知為何，老店也要縮減地方，據說要裝修，但盡量保留原味。黎生黎太今時今日偕女兒再來，發覺老店仍有昔日的味道，但價錢卻越來越離地，扒餐牛柳餐之類動輒兩百以上，只好向晚餐埋手，反正為的是羅宋湯。再吃羅宋湯，昔日的鐵碗不復再，感覺是少了點，但味道依然非常好味，黎生真是懷疑這裡的羅宋湯可能是全港最好吃的羅宋湯。是日晚餐是牛柳，黎生吃蒜蓉汁，牛柳很稔，整體合格而無驚喜，我們另加了薯蓉青口，青口很新鮮，薯蓉亦美味。餐後甜品是雲尼娜雪糕，奶茶則不俗。的確很久沒來金雀了，老店難得保持水準，地方亦有昔日的浪漫。吃回昔日九成半美味的羅宋湯是欣喜，但離地的價錢卻令黎生卻步。

老牌西餐廳🍴金雀餐廳岀哂名 都開左幾十年好多電影都曾經係到取過景雖然小編尚算年輕 冇話有咩深刻回憶但一入到去 燈光昏暗感覺真係好懷舊 好似電影情景一樣番番八九十年代咁***講番食物先 呢個鐵版西冷牛扒熱辣辣入口鬆軟 完全唔韌 七成熟煮得啱啱好配埋洋蔥汁 係幾好另外可以加錢配意粉或者白飯***佢地嘅鐵版肉眼扒餐同黑椒牛柳肉質都幾嫩口 其實整體係ok不過價錢就真係有d貴 所以都係食一次就好啦🙈

早前經過銅鑼灣，突然好想懷舊下，於是走入去試下。入到去有70年代黑黑沉沉感覺，侍應安排我地坐卡位，牆上掛滿電影拍攝相片，其實幾中意懷舊感覺。有晚餐特價套餐，可惜不是鐵板上，冇鋸扒感覺，於是我地跟餐牌加錢變套餐。先來係餐湯同餐飽，我飲紅湯，有d酸，餐飽唔軟唔熱一般主角出場，侍應一早淋定汁，放上枱已經沒有「炸炸聲」感覺，侍應仲要講兩次都落錯醬汁，牛扒冇咩特別，同平時超市買一樣，有d「鞋」口，冇肉汁，較乾身我的朋友叫了雜扒，真係咩都有，都可惜全部都係普通貨，條腸鹹都爆，煙肉似肉乾，牛扒似快餐店，豬扒較好少少，有厚度老子號都係享受環境，食物就不願自評，但應該試過就算、冇下次啦

呢篇為何不是食評？！恕我不知道open rice 規則，是否一定要寫食評，若果介紹文，可以嗎？恕我直言，不是不敢冒犯金雀餐廳，但要我真的做食評，恐怕........與老婆難得響銅記行街，當然搵間頗有情調，價錢實惠嘅金雀餐廳！就算有冇睇2046 呢套戲，都知響呢度拍攝，仲滿佈關於套戲嘅海報！全場7成都係卡位，就方便一D小情侶，又談情又踞扒！menu內，一百幾蚊嘅扒餐多如繁星，一塊扒如手獎咁大，你仲想點？羅宋湯，白湯比揀做set soup ;燴意粉係我一定會叫，不過menu 上係寫鮮蝦.......完

嗰日晏晝執完屋，同Mr C諗住落銅鑼灣搵嘢食行過金雀，Mr C話佢咁耐以黎都未試過，我話咁就不入今日試下啦！入去唔算多人。我哋坐低咗，weekend lunch 都有特餐，咁我哋兩個都叫咗黑椒牛柳特餐，兩個都跟忌廉雞湯。嗰白湯我覺得好味。尤其是個餐包，又暖又soft。好正。主菜上檯嗰陣有少少失望。$140個牛柳比較細塊，同埋如果想加飯或意粉要另外加$12。跟餐嘅就只有啲薯條雜菜。啲薯條都OK但啲雜菜就求其咗少少。我建議如果男仔食嘅話就真係要加白飯或者意粉，如果唔係可能會唔夠食。塊牛柳我建議要四成熟，因為Mr C點咗五成熟，但就好似七成熟咁濟。啲黑椒汁多到嚇親我。本來我個人麻麻哋黑椒汁，但係餐牌冇得揀。本身如果有飯嘅話可能好啲，但係得幾條薯條同埋啲雜菜。最後嗰餐跟甜品餐飲。當日甜品係雪糕，冇得俾你揀味道。唔緊要，都係大路嘅雲呢拿。雪糕算係好味，至少沖淡左之前嘅黑椒汁味，算係呢餐一個好嘅結尾

食物賣相差待應送上這碟焗豬扒飯，好似吃過咁，十分失望。炒飯冇味，豬扒太肥，蕃茄汁冇蕃茄，大家樂的比呢間好吃。咖啡亦很差，比麥當勞的差。待應態度亦很差，光顧一次已經夠了。

服務態度好差，問下餐牌上面全餐同散叫有咩分別都唔想答。問第一個亞叔侍應睇佢都應該係香港人，但佢發出幾個音，無一粒音似廣東話就飄走。第二個答都好唔想答你咁。落漏單仲問依家要不要.自己就全無問題。食品就是但一間餐廳質數中下。咁既價錢就唔值，叫個什扒條腸仔係茶記D腸,人地唔係珍寶腸都脆皮腸啦，永遠不會再幫襯.可以執得

開頭仲驚多人要排隊，點知去到得一台外國人同一pair情侶。食完之後就完全明白點解，嬲到字都唔想為呢間野寫多隻！先係d staff好似唔係好願意移動咁，跟住個牛扒餐。。又咸，仲要唔熱嘅！嘩咬第一條薯條差d牙都裂，以為炸到好脆但凍左所以咁，點知全部薯條都好似由開舖返炸到而家咁！😡最估唔到嘅。。連普通一個白飯都係凍架，好彩我地叫佢比多d汁我地撈飯，唯一係d汁叫熱少少，撈落去d飯變返暖dd😤。食到火都離埋，三個字形容晒。。冇下次！

今日去左銅鑼灣食午餐，諗住去試下呢間老牌港式扒房，點知就中左招嘍。最平的午餐係$140+10% service charge, 真心感覺貴夾唔好食，超後悔，總之食物好一般，伙記服務好差。

唔使等位因為無人幫襯。店員反應算快，但無問我要咩汁。餐湯餐包正常，上菜喇超薄扒，乾過樹皮，係咩扒都可以媲美樹皮連粗薯條都係翻炸9百次又乾又凍！今晚order特餐$140＋全餐$160多塊魚柳樹皮。埋單$330我忍唔住大聲說出咁難食仲要$330??呢間環境係賣點，全因為王導演。

這間是香港仍然保留到懷舊冰室嘅水準餐廳 這間餐廳最出名是火焰牛柳鐵板餐， 好食有水準之如 點這個套餐會有專人即場煮火焰牛柳鐵板所以味道口感比起其它鐵板餐和牛扒會有别一番的味道。

戴著電影《2046》拍攝場地的光環，有導演王家衛加持，加上餐廳本身屹立銅鑼灣近半世紀，這些銜頭也足以令未曾光顧的食客到此一試。本人未到訪過裝修前的“金雀”，但從報章得知食店面積比以往少得多，相信星期六晚上八時光顧要等位。一推門見所有卡位滿座，幸好店內中間的餐枱亦感細緻舒服，過了幾分鐘尚未點餐，眼明手快的侍應即向我們說卡位客人結了帳有空位，歡迎我們調位，確是貼心醒目的安排。點了兩份晚市套餐，友人跟我一式一樣。1. 餐包及羅宋湯，餐包普通，羅宋湯中的蕃茄與牛肉配料充足，上枱時仍“熱辣辣”，絕非溫溫吞吞貨色。2. 白汁魚柳：白汁香濃，魚肉香稔且沒有腥味雪藏味，沒考究新鮮程度，但屬一般茶記質素之上。3. 鴛鴦扒配燒汁：牛扒入口鬆軟沒有筋肉黏牙，豬扒煎得剛好亦不油膩，薯條乾身脆口，可見烹飪處理甚有經驗。4. 什果杯及餐飲：別對什果杯抱期望，屬罐頭貨；餐飲則不過不失。餐牌上其他菜式價錢稍高，當時有食客單點，賣相不俗，有機會可以一試。相比本人光顧過的"來佬餐廳(中環)"與"哥登堡(土瓜灣)"，前者高檔，後者親民；論環境、食物及服務，“金雀”介乎兩者之間，而且傳統之中有細緻，怪不得多年深受熟客愛戴。本

是晚一個人想食西餐，由中環坐車去銅鑼灣金雀，6：45去到吾駛等位，叫一客西冷牛扒餐＄180，5成熟做到，白湯好飲，但價錢算貴，服務態度一般，有某幾位伙記可以叫做差

相信有睇『花樣年華』既人冇咩邊個唔知道『金雀餐廳』係其中一個取景地點...但....奶油包唔係因為咁而識『金雀餐廳』事實係因為奶油包鍾意既OPPA嚟香港拍寫真去過『金雀餐廳』取景之後有一排奶油包一個星期入面去過3次...堅覺得自己好癲係舊年知道『金雀餐廳』話"裝修"個時仲以為佢真係要執...好彩而家竟然開返所以奶油包就同我既追星朋友們係其中一個OPPA生日既大日子就去左『金雀餐廳』食返個飯去到發現『金雀餐廳』係細左D之外好似冇咩點變睇埋個餐牌...除左D餐加左$10 - $20左右咩都冇變唔知道食落既味道有冇變呢？奶油包同朋友一行6人叫左6個SET...分別係1個黑椒牛柳全餐3個黑椒牛柳特餐2個煎牛扒特餐除左全餐多舊魚之外其他都係一樣有湯，有主食有野飲同有甜品湯就係紅湯或者係白湯奶油包比較鍾意白湯飲落都creamy不過奶油包鍾意加D鹽同胡椒奶油包既朋友叫左全餐既關係大家就有得「些牙」舊魚食下其實舊魚奶油包覺得唔值$20有D魚既腥味同泥味奶油包真心係唔會叫但朋友叫既當然會食奶油包既主菜係牛扒因為之前成日食牛柳所以今次攪攪新意思食落都幾香牛既質感幾好不過都係牛柳好食D而甜品係啫喱真係好懷舊