金象餐廳 (已結業)

早前看完另一食評，本著一試無妨的心態去 享用一個茶記午餐，怎料比普通一般茶記的水準低很多。 當天是平日中午，我點了一個大約40元的平價午餐“猪頸肉炒飯” 及一杯凍飲。之後侍應小姐將該碟“猪頸肉炒飯”放在枱面時，我覺得十分奇怪，單憑表面觀看炒飯，看似並無任何類似猪肉物體。故此再仔細查看一番，最後發現炒飯確實有一粒比骰子還小的肉粒，可能廚房師傅知道我需要食齋減肥。我一向對食物要求不高，但如此水準，未能接受。

這2天(13/2 & 14/2)皆在同一間餐廳享用午膳我分別選了A. 海南雞飯和G. 泰式豬脾飯午餐送例湯和飲品前一天吃海南雞飯雞的味道不錯菜則一般可惜天氣寒冷飯菜保溫能力不足入口時不暖特別是菜一入口已經是凍幸好雞油飯較暖配上酸辣汁撈飯變得容易入口後一天的泰式豬脾飯中豬脾肉不算易咬只是豬皮比較鬆軟芫茜只是裝飾不過我也順道吃掉芫茜沒有味道可言豬脾汁味道一般用作撈飯不開胃幸好這個飯仍送了一小碟酸辣汁為白飯添上色彩配菜不合我的口味之餘亦因天氣問題而比較凍例湯的味道似蘿蔔湯但是第一天湯渣卻是冬瓜不過第二天湯渣是紅蘿蔔湯中似乎加了味精味道算是不錯埋單時皆付了35元吃完8成飽頗為划算

早前已約定了自己果組的妹妹到屯門美樂碌齡，與同事傾談中，發現原來香港剩下碌齡場已剩幾間，所以我們好珍惜到此玩，雖然大家只玩了一個鐘，也感覺十分開心。碌齡後，又到醫飽空肚的時間，餐廳是位於碌齡場附近，所以好易見到，基本上不用等位就可進入。由於最近食得太多，想食得較清淡，於是就選擇了午餐D 咸豬肉炒芥蘭飯($35),這個午餐有例湯及包一杯熱飲，凍飲就加+$2,汽水+$4,特飲+$8等了約5分鐘後，店員送上午餐，此餐有5件咸豬肉，味道似乳豬，外層有少少脆，好入味，而芥蘭菜炒得清綠及爽脆，菜中間含有咸咸的豆類，個人就認為偏咸及油了少少。最後淺嚐了個例湯，內有葱花，紅蘿蔔等蔬菜，味道清甜。反而杯熱檸茶就一般，因為杯子外圍比較污糟，所以飲了少少，就不想喝了。

去這間餐廳不要叫任何海鮮類的菜式，因為實在令人非常失望咖哩炒大蝦 $88碟就好大，但只有4隻開邊小蝦，實際得兩隻蝦，但價錢是$88大元，吃落口，蝦還要是霉的，非常失望不是要求要有好多，一碟至少有4至5隻蝦也是正常吧！

星期一，晚上6：30，竟然一个客人也没有！心𥚃有点忐忑，不过，始终都要吃飯，就試它一试好了！和老公坐下來，叫了柚子蝦沙律，蒜蓉包，青咖喱鸡，炒金边粉和一支象啤，埋單209，不用加一，太抵吃了！不過，柚子不太爽甜，沙律的蝦亦不爽口，反而炒金边粉𥚃的蝦有意外惊喜！其他的咖喱和包，不过失啦！以价錢計是好的！

屯門本身都少入嚟，蝴蝶村更喺人生第一次到訪，真喺港燦入城。由於工作關係，先會入到依條村做探訪，完事之後都喺午餐時間，所以，返到輕鐵站附近搵食，隨意就幫襯咗「金象」。輕鐵美樂站對開一列乜乜餐廳都喺茶記，所以，初時以為依間金象都喺，但門面企理啲，再睇睇餐牌，原來喺賣泰國菜。室內環境裝修簡約，揀咗一角嘅卡位，夠靜局。平日有午餐，星期六、日就無供應，只有散叫。雖然餐牌有唔少美食，但一支公簡簡單單一碟炒粉，加杯凍飲就夠晒。泰式炒金邊粉 $42似模似樣喎，粉內有好多雞肉，蝦仁亦有少少，不過就好細粒，但喺比起上次晌九龍城一間小店食嘅炒金邊粉，依度啲料算好豐足。金邊粉味道酸酸甜甜，濕濕潤，又唔太碎濕濕，裡面就有唔少蛋碎，整體份量多，味道而言實在不俗。龍眼冰 $18糖水嘅味道似喺片糖或黃糖開沖，除色調淺啡之外，陣味純香啲；而龍眼明顯喺以龍眼乾浸成，因為色深兼細粒，龍眼味會濃少少，肉就會韌啲啲。出面通常都喺用罐頭貨，快捷簡單，所以，龍眼依一環佢哋都可謂匠心獨運。晌茶記食就當然划算啲，不過，金象個環境就比茶記舒服企理好多。

今晚同媽咪兩個人去試下新開既金象餐廳。。。先講飲品。青檸梳打。唔係比個青檸吉杯，然後你自己加泰國牌梳打水篤篤篤個種，而係又好酸又好甜，好明顯係加左人工味道個種梳打。椰青。天然野，本身無可comment。但點知我食食下野，發覺裝住椰青個隻碟成碟水，再望下椰青裡面，見到少左好多，於是就同個侍應講。起初，我以為佢會換過另一個比我，點知。。佢比左呢樣野我。。。我個刻係O 左咀。。。問佢杯入面既係咩黎，原來係椰青入面剩餘既椰青水。。。我真係「下」左出黎，佢仲話放心，佢無倒碟上面啲水比我。。。我同佢講我飲左好少，然後想再飲已經見佢漏到成碟都係。。漏左好多。。。佢問左我兩次係米漏晒落張枱度我先發現，仲話如果我早啲發現，佢就可以早啲幫我倒落個杯度。。呢啲係咩logic?!唔通客人一收到個椰青要驗屍咁驗左先？正常都唔會諗到個椰青會裂架啦，到發現得到，都一定係漏到好明顯先知！呢個根本係責任問題，而唔係早發現或遲發現既問題！個客人比30蚊買個椰青，發現係裂既都唔比換，只可以選擇飲埋漏剩個啲，但要照比30蚊！😤後尾佢話一係係廚房倒啲煮餸用剩既椰青水比我，我最後無要到，亦都無再飲個杯漏剩既椰青水！食物方面。串燒

喺屋企附近新開咗間泰菜餐廳, 當然要嚟試新嘢啦! 今日, 一家三口游完水就過嚟開餐.咖哩海鮮農夫包 $98.00-- 咖哩汁香濃, 所以要加返個白飯$8.00 去撈汁. 可惜農夫包一啲都唔脆, 而且頗韌. 而海鮮料亦略嫌不足(雜菜頗多). 泰式炒金邊粉 $42.00-- 入口酸酸辣辣幾開胃, 唔錯.冬蔭公 (小) $38.00-- 香料充足, 入口頗辣, 內有一隻大蝦. 飲咗兩啖, 太辣頂唔順, 由老公清晒.椰子冰 $18.00--椰汁味濃, 但頗甜, 要冰溶了一半才啱味埋單$204.00

屯門碼頭區終於有能宴請親朋的泰國菜館了 【狂賀！】這家金象餐廳開業了一個多月，平日晚上都依然門庭若市排晒隊，一於去試食下便知龍與鳳。冬蔭功，小的賣 38 元，夠二人用；大的三至四人用會連爐上，好多人叫。味道可以，有原隻辣椒，嗜辣的人可試，但蝦吃得出是雪藏的。蝦餅也好多人叫，個樣好似炸得唔夠香脆，但其實彈牙唔粉，不過個點醬唔系一般泰式雞醬，系似燒鴨的酸梅醬，但味道都夾。鹹肉炒芥蘭，芥蘭新鮮爽脆，但鹹肉同椒絲既味道滲唔到入菜度，好似清炒芥蘭撈辣椒鹹肉咁，椒絲唔辣似燈籠椒，鹹肉系鹹燒肉。碳燒豬頸肉，大件抵食，但燒得唔夠火候，似煎完翻叮既多 D。總括來說，味道唔似正宗泰國菜，但似一家人開既，正正式式一間餐廳，叫做可以坐得四四正正食泰國菜，雖然價錢唔平，但適合一家大小出街食飯慶祝或幾個朋友見面食飯就價錢合理，而且多二人檯適合撐檯腳食下街坊野。呢一兩年蝴蝶村商場街市裝修，附近真系無啖好食，呢間餐廳開左算多個選擇。但如果要抵食粉麵，都系去番啟豐老字號搭檯啦。如果要正宗，就行遠少少去悅湖街市後面，不過仲貴又無冷氣，但好味到等外賣買番屋企加餸都值得。