影片
港鐵將軍澳站 A2 出口, 步行約6分鐘
繼續閱讀
營業時間
星期一至五
11:30 - 15:00
17:30 - 22:30
星期六至日
11:30 - 22:30
以上資料只供參考, 請與餐廳確認詳情
一家人出去食泰菜，將軍澳都有唔少選擇，知道有間泰潮分店係米芝連推介，食物應該有d保證？首先二人餐$318真係好抵食，包一湯、一個主菜、兩款小食、一款菜、兩碗飯加甜品，另外我哋仲叫咗泰式蒸烏頭、泰式炒飯。椰汁雞湯好足料，略嫌酸左少少例牌海南雞真心冇乜雞味，勝在肉質滑，雞皮夠薄小食任選兩款：點左泰式炸蝦餅，啱啱炸好，好脆好香口，蝦餅好鮮味爽口，而香茅雞翼就炸得老左少少，肉質比較實淨蒜蓉炒通菜正正常常，通菜爽口油飯乾身有色澤，但唔夠油香泰式蒸烏頭$248好鮮味，魚略嫌細條左啲，有啲唔太抵食，另外亦有好多配菜，反而粉絲sok咗個湯底好好味泰式炒飯$88不過不失，唔夠鑊氣，但係好足料
繼續閱讀
385 瀏覽
當晚隨機揀左間新開的泰國菜【金裝泰潮】，好快可以入座。 門口 LED 屏幕不停循環播放各款套餐餐牌，菜色幾吸引。牯氣看Menu才知道【泰潮】原來係米之蓮推介餐廳，而且有幾間分店。將軍澳插旗，名字變成 【金裝泰潮】即是升級版。見到有泰國人從廚房走出來，由泰籍廚師主理，相信味道正宗。Menu 中有不少選擇，而且價格定位比附近的食店相比不太貴，不錯。見到店員手拿心型摩天輪，還會發光的。老公話這個裝置用來盛泰式生蝦刺身的……這個土味十足的裝置筆者實在不懂得欣賞。餐廳地方不太大，裝潢也沒有大驚喜。枱之間距離不太足夠，環境只是一般。不過十分鐘內筆者被要求調左四次枱！！店方安排座位非常混亂，筆者旁邊果枱十幾人一早訂左全場最大張圓枱，點知店方將較早到了其他六位客人安排坐大枱 …… 食客當然氣冲冲。另外，又見到有食客為左什麼問題有些黑面 …… 真係混亂。樓面只有兩位男人，其他都是上菜阿姐，係人手不足還是男人不夠貼心？泰式海南雞飯及豬脾都是餐廳最受歡迎的菜色，兩樣都想試，但只有2.5人，唯有揀一樣。餐廳細心為這兩款人氣菜式增設迷你版，太好！【泰潮海南雞飯 $68】雞肉：雞不太肥，沒有皮下難看的脂肪。 雞肉已去骨，但有些細骨沒有徹底去掉，而且有些根比骨更加難去掉。雖然雞味不太明顯，但勝在雞肉爽滑。雞飯：店方應該用了泰國長身米，煮飯時加入雞油、黃薑粉末、香茅等炒泰國米，再煮至金黃色。 雞飯有色澤，入口米飯乾身不太濕，有少少甘香味，但太乾身了，少了幾分油香。湯：湯內有冬瓜，以為味道又甜又有雞味 …… 點知胡椒味超濃郁 ……【泰式黄咖哩牛筋腩 $68】牛筋腩雖然抵食，但份量也較少，兩個人分享稍為勉強。泰式咖喱以辛辣程度區分，一般分為紅咖喱、青咖喱及黃咖喱，黃咖喱味道香濃、甜中帶辣，適合大部份港人口味；加上這份咖喱汁濃度適中，用來配搭薄餅非常合適。始終價錢唔貴，牛腩切得細細粒、牛筋也只有兩小塊，不過，牛腩炆煮夠腍，味道尚算不錯，只略嫌牛筋唔夠腍滑。咖哩配薄餅是筆者最愛的泰式料理。 【泰式薄餅 $30】用雞做型的滕籃呈上，薄餅每件大小均一而且擺放整齊，賣相討好。 這個薄餅不是鬆化千層般的，因此未能吸盡咖喱汁，打了折扣。【泰式串燒豬頸肉 $45】一客三串，每串表面已經淋上沙嗲汁。筆者原以為小公主不喜歡這個沙嗲汁，可能這個沙嗲汁味道甜又有花生香所以小公主不抗拒。另外，這個串燒熱辣辣，豬頸肉香口惹味，肉質嫩滑不嚡口。這個【香葉炒蜆 $88】催了無數次終於呈上。炒蜆用上鐵板呈上，呈上時白煙湧上真厲害。白煙散去終於可以放入口，這個炒蜆不見到辣椒粒，點知原來幾搶喉，可能廚師加入大量香草及香茅，所以幾惹味辣口。蜆肉大隻，肉爽又實，不錯。今晚最貴的菜式只不過$88，而且食物味道不錯。筆者在將軍澳叫做試盡泰式餐廳，每間都叫筆者失望。 【金裝泰潮】可以叫在將軍澳中最好的泰式。
繼續閱讀
咁啱係將軍澳區等朋友放工竟然見到一間泰國菜，所以就入咗去試吓！佢出面嘅裝修真係好似九龍城嗰啲泰菜餐廳咁！入到去嘅格局呢就有啲似酒樓，侍應服務態度好好，一嚟到就為你遞上餐牌，斟水！由於費事諗食啲乜好，就決定直接叫個二人餐。有湯有小菜有小食有蔬菜仲有飯，兩個人都係三百幾蚊，聽落真係好抵，所以一於試吓佢！叫套餐飲品有半價優惠，咁我同朋友就叫咗珍珠冰同埋珍多冰。佢個椰汁超香濃，唔會好甜，飲得出係佢哋自己調出嚟嘅，同平時出面飲嗰啲唔係太一樣😋😋😋呢個湯多到嚇親我哋！本身以為係一人一碗，點知原來係成煲上！呢個椰汁雞湯，好香椰汁味，仲有啲雞嘅鮮味。每人最少飲到三碗，入面仲有好多料。因為佢加咗啲蘑菇落去煲，令到個湯更加鮮甜！蝦膏炒芥蘭味道唔會太咸，佢都幾新鮮爽口！炸春卷入邊好多餡，因為佢係新鮮炸出嚟，熱辣辣好脆好好味！呢個蝦餅非常抵讚😍😍。表面都係炸到好脆，入面啲蝦膠打到好彈牙，正！本身以為有得食西米糕，點知上咗兩個應該係椰青糕。食落超級有驚喜！佢應該係用椰青水再加左啲大菜落去整，食落超清新，有啲椰青肉，好鍾意大菜糕嘅口感！海南雞都唔錯，起晒骨，雞肉幾嫰滑！呢間餐廳啲食物都比較大份，味道又非常好，真係幾抵食！
繼續閱讀
同友人相約將軍澳食晚飯，搵咗呢間2011-18年米芝蓮推介嘅泰國菜食。叫咗個二人套餐$328椰汁雞湯-微微帶酸唔辣，椰汁味香濃，超開胃！份量都好多，一人可以飲到兩三碗，仲有勁多料如雞柳同菇等，好抵飲！泰潮海南雞-雞大塊又嫩滑，皮下脂肪少，叫埋油飯滿滿嘅雞油香泰式炸蝦餅-炸得外皮酥脆，蝦肉爽彈泰式炸魚餅-辣辣地又夠軟彈蝦膏炒通菜-通菜翠綠爽脆，加埋蝦膏同少少辣椒夠咸香甜品-個面有濃郁椰汁味，個底有西米、粟米、芋頭，連埋一齊食又香甜又有咬口將軍澳少有嘅泰國菜，仲要咁好食，正！
繼續閱讀
TKO新開了金裝泰潮，仲係2011-18米芝蓮推介，即刻去試下先。環境以暗金色為主，低調的奢華，有很多大枱，適合一家大細聚會。二人套餐$328好抵食，有湯、兩個小食、小菜、炒菜和甜點。泰式酸辣鳳爪，不會太凍，冇雪味，酸辣惹味，但不會太酸，配菜有芹菜、洋蔥、甘荀，很開胃的前菜。冬蔭功海鮮湯相當足料，味道濃郁，有好多蝦，湯鹹了點，份量夠每人兩碗半。泰式炸蝦餅(2件)炸得香脆不油腻，見到蝦肉碎片，肉質扎實又彈牙，真材實料。泰潮海南雞(例牌)雞肉嫩滑，屬優質雞，一d都唔肥，而且已經去骨，可以啖啖肉，蘸泰式醬少少辣，好滋味。油飯x2馬拉盞炒通菜，通菜新鮮，炒得唔老，冇渣，爽脆，唔辣。整體都幾味濃，充滿泰國的味道！奉送泰式甜品椰汁糕，內有椰子肉粒粒、馬豆，增加口感，唔錯！
繼續閱讀