金蛋飯家 (已結業)

之前第一次食真係好好食，雞燒得好入味，但今日再食發現啲雞同叉燒係完全冇味的，水準下降左幾個班，仲要等成大半個鐘，可能多人排隊，好難keep 住水準了，今日食完覺得完全不值得一食！希望佢想下方法保持水準！如果唔係就好難再有人食佢啦！

試過蛋包飯和普通飯，兩種都無令我失望！豬頸肉和雞排軟捻可口，配上特色醬汁，真係每一啖都好好好好好好食！而且飯量醬汁分量十足，真係試過返尋味！！細食既女士可以考慮一份兩個人分。唯一樣野係繁忙時間要等一陣先拎到個飯，可以在附近兜個圈先返黎囉。老闆好好人，有時你等緊會同你傾下計或者請舊仔豬頸肉你食哈哈記得千奇唔好係附近掃街掃到飽曬無留肚食佢d飯呀各位！有一點可能要注意，佢個飯汁係相當濃郁，你唔習慣鹹既話可能要倒多兩杯水預備下。

平時行開都想試好耐，但無奈經常人山人海，經過好幾次嘗試，終於皇天不負有心人，等到呢度無咁多人排隊(講笑),!!今次就簡選左呢度既人氣招牌飯，至尊流心蛋包飯(1至2人) 份量！！但要提醒黎到想試既朋友仔要有心理準備，呢度係得兩位制作既工作人員(不段烤焗老闆同不段炒飯既靚姨),等候時間需要40分鐘或以上(當然我都等左40分鐘) ，因為飯係即炒，雞扒同叉燒(豬頸肉) 係即烤即焗，建議係買左飛之後去行下其他地方先返黎攞食物！！票號碼叫到既時候，老闆會問你/妳堂食定外賣(老闆會俾膠羹你/妳，但會唔記俾竹筷你/妳，攞飯時記得攞埋竹筷，唔駛行兩次) 見到雞扒or叉燒會係焗爐攞出黎然後分配俾你/妳！！雞扒足足有兩塊，雞皮烤焗得頗跪，因為佢係用我地平時燒野食既蜜糖黎塗上面，味度感覺好親切！！雞扒之下就係流心蛋，正呀最底層係炒飯底，由豬頸肉粒同粟米粒同炒飯組成！！唔係講笑足足有2人份量，啱晒大胃王或情侶朋友黎嘗試，味度同視覺上真係攞滿分，係太安夜市爭分天下，唯獨美中不足真係要耐心等待！！

每次都要等好耐，每次等完都同自己講唔會再等，但每次都比啲香味吸引住，太安樓平靚正，店舖唔起眼，成日都唔開門，2位店主忙到飛起，雖然等好耐但仍然有好多人覺得值得，我係小粉絲之一，今次食綠紙焦糖厚剪叉燒飯加熟炒蛋，配黯然蜜汁。先講個主角叉燒先，正確嚟講應該係豬頸肉，賣相已經好正，烤到金黃，咬落外跪內軟，加上個雞油蜜糖汁，甜甜哋，好野味！隻蛋其實本人推介太陽蛋，但近期唔食得生野，只可以加熟炒蛋，其實個蛋普通，但配上調味醬油後又唔到睇法，即刻生色不少。飯其實都無咩特別，但勝在有西蘭花🥦再加啲甜蒜醬油撈埋一齊食，感覺即刻健康咗✌🏻

一說到太安樓很多人都會想到這裡有很多臥虎藏龍的小吃店！其實除了小吃店外，還有很多賣主食的美味店鋪都在太安樓可以找到。今次先介紹這間我百吃不厭的小店，店內經常人流不少。客人需要先下單付款再等候食物。食物種類分別分為流心蛋包飯、飄香炒飯、醬油撈飯三種。我最愛的必定是流心蛋包飯！！！.至尊流心蛋包飯 $65（蛋包餡料：豬頸肉粒、栗米、洋蔥粒）蛋面伴焦糖脆香烤雞扒+西蘭花🥦光看內有的餡料已經值回票價了吧！份量很多，味道簡直一流，炒飯粒粒分明！炒飯內用了豬頸肉粒、栗米、洋蔥粒炒，誠意十足！豬頸肉肉質爽嫩入味。蛋味香濃，質感嫩滑。蛋上的雞扒也不能忽視，雞扒上層塗了一層蜜糖，雞皮焗得非常香脆，雞肉嫩滑多汁！推薦大家試一下！

從前吸引我去太安樓既理由都係得手抓餅啊，海南雞飯啊果d。經過今日，金旦加入咗我太安樓至愛系列。其實之前已經經過好多次，真係好憎排隊，所以一直都無試到。今日難得，可能星期五個個去晒蒲街，無咩人排隊，終於試到！個老闆nice到無人有。老闆知我第一次食，係我等緊個飯既時候特登剪咗一舊豬一舊雞扒比我地試！真 係 好 好 味！舊豬好鬆好入味。雞扒都好出色。【金蛋黯然雙拼飯】$54本身想拎返屋企食，但老闆話係到食先最新鮮最好味，咁就照佢意思去辦啦！佢有三款汁既，一個雞油蜜糖，一個甜既醬汁同一個鹹既醬汁。首先，要拎開晒d肉同蛋，露出飯既部份，落晒甜既醬，少少鹹既醬，同一半雞油蜜糖，跟住撈好個飯。就可以開動啦～睇唔睇到有幾crazy？多到呢。先講講個肉。雞扒好大塊，有一隻手掌咁多。成個雞扒焗得好香口，唔會鞋熠熠！好鬼juicy啊！雞扒係要點雞油蜜糖食，真係食到無停口。個豬呢，佢用豬頸肉既。豬頸肉其實就實無死錯人嫁啦，佢剪到好厚身，啖啖肉，好惹味！而且好鬆軟一d都唔硬，正！隻太陽蛋都唔好睇少，係脆邊蛋！唔知講咩好，因為成個脆邊比我男朋友食晒。最後要讚下個飯。佢唔係淨白飯，除咗撈汁，佢個飯入面有椰菜粒係到

住係西灣河咁耐都唔知有呢間野，直至見到有電台dj post Ig story 先發現太安樓機舖門口有正野！😍😍我平日夜晚9點到到，前後排2至3個人。但因為total 得2個人整野食。真心要等既！個個位都幾焗，我等左一陣都去萬寧行下，冇咁熱！ 但佢個誠意係加分既，佢d雞扒係焗既！焗完，佢會茶一層厚到爆既蜜糖封住佢，再羅去焗！佢個皮又甜又脆！不得了誠意位仲有炒飯底。好加分！好大份，一個女仔係食唔晒既。唯一缺點係有d濃味，同要等Lao

今次已經係第二次黎食呢度既蛋包飯！自從上一次食完之後，男朋友一直忘不了佢既味道，間唔中都同我講個飯真係好好味！終於有機會又黎食喇！😛佢地開６：３０但６：２０買都要等一陣子架喇！佢地每張單都係即叫即整，人手少，同埋每張單既用心製作，你食既時候會完全感受到！老闆好熱情，好好禮貌，可以說等待都是互相體諒😇🤝😇佢既味道真係會令你等既時間都忘記！提提你，如果真係想試，起碼都要等半個鐘以上。香港人咁鍾意排隊，無事既！😎－今次食至尊流心蛋包飯。蛋包餡料：豬頸肉粒＋粟米，洋蔥粒蛋面：脆香烤雞扒有得揀咸度，可自行選擇返了！我地就係食標準。飯加埋佢地既豉油味，係好好味。而且係粒粒飯都沾上！😇唔太重口味既可以揀偏淡！飯有好多粟米，豬頸肉卻不是太多。蛋都幾滑！流唔流心你就唔會見到！因為比面頭既雞扒完全遮蓋！我問左男朋友幾次面頭既係咪雞，係因為佢面頭既雞脆得像燒鵝的皮！雞肉質好，唔會好乾，皮脆，好香！😋不枉我地山長水遠由九龍去太安樓食，仲有等待既時間，期待下次再食🤤🤤🤤

OT 後去太安樓買外賣，記起友人推介有間「金旦」就去試下！ 店內去到已經有條人龍……「金旦」不是獨立舖，只佔去遊戲機舖外的小小位置。店內只有2個人，男人負責接單收錢，女人負責煮煮煮。人以外就有一部非常專業的焗爐。唔知兩個人的關係，但見到2人全情投入，充滿香港人併搏的精神。店外貼有幾張食物照片吸引途人。 客人要自行下單，分別在A#流心蛋包飯、B#飄香炒飯、C#醬油撈飯的3張紙上填上。客人可以選擇份量(1人份or 1~2人份) 、醬油味道及鹹程度。太安樓的小店大都是外賣，有些可以坐底食。「金旦」有兩張摺枱，放在小巷中。人來人往加上衛生情況麻麻，外賣是最安心的食法。等等等……等左半個鐘終於出爐！第一次等外賣等那麼耐，真係一次就夠。男店員會問是否第一次幫襯，如果答係，就會給客人一隻大匙羹，再剪塊豬頸肉給你試下，希望客人下次再幫襯，真係有頭腦！【至尊流心蛋包飯 $59】返到屋企快快開餐。雞肉舖滿整個飯，雞皮焗得香脆，如果堂食應該更加惹味。雞肉嫩滑，調味剛好。把雞件移開就見到金黃色的半熟蛋覆蓋，非常吸引！蛋包飯口味變化多端，醬汁、配料可以隨便配搭，好難說有一個公式。做一個蛋包飯，主角始終是蛋，蛋味

太安樓嘅美食小店，價錢大眾化之餘，食物高質。小店多數係幾個人運作，訂單多起上黎，少則等十五分鐘，耐則半個鐘九個字，但啲人都係照等，秩序良好。呢間蛋包飯我等左差不多九個字呀！到我嘅時候，老闆知道我係第一次食，要比着數我。佢比左隻膠羹我，然後就跟手剪左兩塊豬頸肉我。呢個老闆熱情到令我尷尬我當堂唔知點樣反應，老公又行開左，我張枱同個位又無埋，然後仲有盒飯喺我面前。我隻手就揸住隻羹企咗喺度。老闆見到我有少少不知所措就即刻幫我開枱拎埋我盒飯。😅個豬頸肉係肥美同時又爽口嘅。我本身就叫左個雞扒流心蛋包飯。汁燒雞扒燒得好香，蛋又滑。佢蛋包飯內仲有洋蔥粟米嗰啲。我叫正常口味，但都略嫌濃味咗啲。下次可以就咁要豬頸肉雞扒雙拼飯，仲唔洗等咁耐。

下午6點半才營業，就在太安樓遊戲機中心的旁邊，點了黯然雙併飯，有烤豬頸肉和烤雞排，有一顆太陽蛋，配2種醬料，蒜香醬油和香濃醬油。烤豬頸肉很好吃，入口即溶，相對雞排就不太特別，再加上2種醬料，配合得天衣無縫。下次點黯然銷魂飯就可以了，烤豬頸肉真的太太太好吃了，另外要挑剔應該就是等的時間太長了。😂😂

至尊流心蛋包飯 勁勁勁大盒！ 雞扒好足料！要兩人先食得哂！老闆幾好人！如果唔想諗食咩 又想飽 可一試味道不差 $56 連飲品！可惜個汁太咸！店外有兩張小桌 會較逼較熱 外賣或更好

在香港工作OT至深夜是等閒事吧。快下班的時候才發現還未吃晚飯，可是在公司附近的餐廳都關門了(哭) 還好，在附近工作的友人也剛好下班，我們便即興地約食宵夜。去太安樓吃宵夜是常識吧。之前好幾次都經過這間小店，但每次總是有長長的人龍排隊而卻步，剛好這次看見只有兩三個人在排隊，我們便二話不說就立去點餐。等等等，等了又等又再等...我們幾乎等了快2個鐘了(!!!) 由好肚餓等到開始眼訓，老闆告知我們的食物快做好了。嗯。大概11:00左右，我們終於吃到了(!!!)雞扒流心蛋飯 .果然，漫長的等待是值得的。雞扒的位量十足，每塊雞扒都沾了蜜糖和雞皮被烤得很脆，肉質仍能保持嫩滑；配菜亦有我的至愛西蘭花；另外滑蛋是一流的，嫩滑的蛋再配上流心的蛋漿。值得一讚是飯底是用上店家秘製的燒汁再加少量的豬頸肉、粟米粒和洋蔥粒。每個細節都做到滿分，難怪製作需時。鹽燒拉絲芝士牛肉炒烏冬(配雞扒).由於當時實在太餓的關係，我們亦多點了一份炒烏冬。當然，那時我們也預計不到雞扒飯是如此份量十足的。炒烏冬相比起流心蛋飯是有點失色，大概是只用鹽燒芝士去炒，味道較淡，而且突出不了鹽燒芝士的香味。如果店家改用燒汁炒烏冬，再把以鹽燒芝士

本身諗住去試華記士多既蛋包飯，可惜遇著佢放暑假咁就近近地行去太安樓入面食蛋包飯啦食物大致分三類：蛋包飯、撈飯同炒飯。今日目標係蛋包飯朋友食過話覺得至尊都夠食，咁就兩個人share一個至尊流心蛋包飯啦($56)，送紙包檸檬茶／菊花茶店面貼左差唔多十張一式一樣既紙，強調即叫即做，要等30分鐘以上🙉🙉🙉我地搵個位坐底之後就開始左漫長既等待👀坐既位置只係一張摺枱同普通既櫈，仲要無冷氣大熱天時，我同朋友都係咁滴汗💦💦然後一邊抹汗一邊繼續等。等。等。。。等既途中，老闆好熱情咁問啲客人餓唔餓，跟住就拎左啲葱燒豬出嚟，話肚餓就食住先咁我地就拎左一份嚟食，可以揀蒜同薑茸(好似係，唔係好記得了)我地就左蒜細細地一兜咁，老闆話一定要撈勻佢食，好惹味唔知等得太耐終於有啲嘢食定真係好食😂啲飯撈埋啲配料同蒜好好味，啲飯每啖都好有蒜味豬都好滑依兜就秒速比我同朋友ko了食左依幾啖之後，就繼續等啊等啊等。。。😪最後由落單到有得食，等左50分鐘左右🤦🏻‍♂️仲要流左唔少汗水🤦🏻‍♂️係期待左咁耐之後，終於都有得食了😭😭盒飯真係多過平時茶餐廳一個飯既份量，仲有好多舊雞老闆係咁話啲雞做到唔會太乾，啲雞皮又有少少脆口得嚟就唔係好脆

雖然知道老闆用心制作，但抄個飯要等三十分鐘以上，在氣溫高企的日子要呆企熱蒸，唔係講笑，真的需要有一定忍耐力。今次點的是皇冠流心蛋包飯，由於不是第一次幫襯，覺得醬汁比較濃和咸，所以揀咗少醬汁。雞排依舊是皮脆肉嫩，流心蛋香滑，飯內加入粟米有𡁻口。如果飲食偏好清淡的人，建議醬汁減少。如果唔介意大排檔可選擇堂食，流心蛋唔會焗熟應該會更好味。總括來說，味道是可口的，雞排算是保持水準，可惜等到人又累又煩燥真係會扣分。