金翠園粥麵店 (已結業)

午飯時間,總有好多伯伯同裝修師傅嚟食飯...平時都係叫外賣,今次終於試咗堂食...點知...叫咗排骨飯,店外明明寫送豆漿或例湯,但收銀阿姐比咗例湯我...我咪話唔要想要豆漿,佢去雪櫃拎咗杯豆漿比我,跟住佢幫我寫單,豆漿竟然要收錢!! 即刻望望店內嘅餐牌,餐牌刪咗送豆漿 Lee 幾隻字...明顯被誤導...不過幾蚊唔計較了...排骨飯,都叫大碗, ok ~豆漿, 唔太甜, 唔錯~炸三寶, 唔太熱, 而且魚肉會有點腥, 唔係人人接受到...店內衛生情況同職員態度都一般,唔會再去了...

今日我買左兩份炸兩服務差到不得了,佢竟然叫我快d...仲有收錢又收得衰..冇禮貌味道又差...我mother 話好難食,,,不知所謂

本人下order , 他不回應, 只望一眼, 那我要離開, 對方才馬上回覆, 服務態度差.叫三餸飯, 付三餸飯錢, 回家後, 才發現只給二餸飯, 我馬上致電此店的老板娘, 她說於其中一個餸的份量已給我多一點, 未經我同意, 自作主張, 她應問我可選擇別的. 行為很過份.若只要求醫肚, 不求品質, 可考慮的.

食物方面算ok炸兩同粥都抵食不過餐廳衛生真係一千萬個差又有烏蠅,筷子又粘碗仲要臭的...令人不開胃換了照牌冇用的,真正的是裡面環境

除了新田圍,新翠食肆都係食晏的熱門之選...當人人都去麥當奴,隔離間屋村舊式快餐店,自己還是想去一間少學生食的食肆,就去呢度食...人也算多,多數都係老一輩,熟客...半軟坐式卡位,瓷磚牆,牆上貼著唔少用毛筆寫食物的紙...粥粉麵飯俱備,但自己唔想食咁多野...還是點了牛腩麵加杯荳漿...牛腩份量唔算多,味道可以的,大部分都係腍,但仍有一件半件帶韌...麵冇鹼水味,惜被湯浸腍了...至於荳漿,有豆味,甜度也適中...現在已經冇十蚊碗麵,但仍然抵食...至於衛生就麻麻,張menu好油淋淋...下午時份,天花一角電視播放著「甜甜廿四味」,同樣都是八十年代的出品...在舊店看舊節目,彷彿身處舊年代...