金泰泰國餐廳 (已結業)

同女朋友行入女人街搵嘢食，見門口個男人幾好笑容，又真係好耐無食過泰國菜，就抱住不妨一試嘅心情入咗去。店內裝潢不錯，只係我永遠唔明點解泰國嘢十間有九間都要掛幅皇帝相係度。因為好肚餓，費事諗，叫咗個男人推介嘅238二人餐，另外散叫多咗個椰青。率先嚟咗個木瓜沙津同海南雞，木瓜沙律好爽口好辣，幾開胃，不過份量稍嫌多咗啲。海南雞好滑，重口味嘅我仲可以再點汁。到主角烏頭魚，味道清淡，無腥味，算係咁。仲有碟炒通菜無影到相。三百蚊唔洗兩個人捧住個肚走，都幾抵食，下一次一定會再嚟試下佢其他招牌菜。

: 旺角通菜街2A-2P號鴻光大廈地下2L號舖金泰泰國餐廳 平均一個set 都只是$ 60-70 元左右飲品要另外加錢4人去食dinner,叫了4個餐, 另外再加多個菠蘿炒飯份量比想像中大 ^v^ 又食唔曬, 好彩打包了, 有衣食呀第一個set 是冬陰公湯加包(2人份)可以選擇辣度架, 叫了小辣, 好重香料味飲了一小碗酸咪咪增加口水分泌仲有兩隻大蝦, 成半隻手咁大架, 抵!!至於個牛油法包....唔.... 得啦,放了好耐似的第二個set 是小食拚盤 生菜豬肉包, 自己diy動手包生菜唔太夠, 得7,8 片, 但唔靚菜有d 黃唔夠青綠呀, 令到賣相扣分個豬肉就好多份量, 菜用完仲有1/3餘下香口好味!! 有少少garlic蒜頭香第四個set 炒麵蛋皮老了少許, 但都唔錯呀,將D 花生粉同辣椒粉分開, 按個人口味加配多個小食白雲鳯爪, 我唔鍾意啜腳趾, 友人吃完說好辣 菠蘿炒飯去到底, D 飯濕架 =__=個樣拎出來, 拍照証明來過食....外表都騙到人插住兩隻青口, 內涵分就低D啦每人消費 $90

近幾天都在下雨,連胃口好像也跟著差了為了能開胃地吃個lunch, 因此今天選擇了吃泰國菜這裡lunch的選擇挺多, 不過無論menu上的價錢是多少, 在lunch的時段都是30元, 十分抵食而這裡的海鮮酸辣金邊粉是我的例牌菜, 當然今次也是order這個了飲品則叫了凍洛神花茶過了不久飲品便到了, 洛神花茶帶點酸, 正好為待會來的金邊粉開開胃不過這裡的洛神花茶偏甜, 令味道似利賓納, 建議酸度加強一甜會更好後來金邊粉也到了, 賣相跟上一次來吃的時候差很遠可能是因為剛開店不久沒準備好的關係吧, 不過味道對我來說才是最重要吃之前先喝一口湯底, 酸道適中而不太辣, 不能吃辣的朋友們也適合吃海鮮也十分豐富, 有青口, 魷魚 和鮮蝦另外金邊粉的份量非常多, 因此吃完以後已經十分飽了!整體來說這餐廳對學生來說價位適中, 所以一定會再來吃

去到唔洗等位,可能因為都幾夜,成10點半先去到,呀姐話廚房11點last call!我同女朋友即刻叫左個2人套餐,價錢唔貴,110幾到,有3個送,白飯兩碗,另外叫多左個泰式鳳爪,同埋叫左兩杯特飲馬拉盞通菜味道唔錯,唔算好辣,炒得都幾香泰式鳳爪辣辣地,開頭食都幾開胃,係份量小d泰式蝦餅and春卷香口野,冇咩特別,不過女朋友話好鍾意d蝦餅話好好食咖哩牛腩我個人幾鍾意,幾香棷汁味,用泥送飯一流,如果辣d會仲好芒果沙冰唔係好重芒果味,都食得出唔係用粉沖果d,不過老闆好好人,話正多左,俾多杯細杯泥棷子冰e杯麻麻,真係淡左d唔記得叫咩名ge甜品唔洗錢ge,老闆最後送的,味道算係咁總括泥講,e間野都唔錯,價錢又唔貴,最後埋單都130幾,d 人又有禮貌,會再去,未去過都可以去試下!!

突然想食泰國菜, 所以逐條街行去搵,見到哩間, 好似OK咁, 所以就入左去, 叫左個二人套餐, 有小食、兩個餸、兩個白飯,仲有兩杯野飲, 但D餸好細碟, 大食小小都唔夠食,個味道就好一般, 只係埋單時, 有一碗好MINI既糖水送,真係試一次, 唔會再有下次囉,D餸真係勁細碟,但咁都要$118, 覺得好唔抵食~

好耐都無係女人街搵食都唔知食乜好，就求其搵野平ge不過我地入去個時一枱客都無心諗好唔好食ga~之後唔理咁多啦入去食左先算....我地3個人，每人叫一個餐2x 咖喱牛腩飯：一般，多汁豬頸肉雞翼檬粉：蔔白好入味 D雞翼炸過，俾D湯浸林晒，唔好食2x 檸蜜：都ok, not bad甜品：好甜

旺角通菜街其實都幾多野食，這次試了其中這間泰國菜。這間店不大，裝修也不特別漂亮，不過食物味道倒不錯~印尼炒飯$40 - 有兩串串燒和幾片蝦片，炒飯味道不錯，裏面也有些魷魚粒，用料幾豐富。泰式金邊粉$34 - 味道開胃，不油膩，有蝦、魷魚等配料，料足，好味~三十幾四十元還有冷熱飲品附送，幾抵食！

40$ 印尼炒飯...飯ok..好咬口..唔太乾唔林..適中岩feel...料就唔多知係乜..側邊有兩條串燒..都好串下好味...非街邊貨式..凍檸蜜唔駛加錢..埋單亦唔加一..正呀!!仲有甜品..打呢篇食評先醒起自己忘記左吃個甜品..係碗西米露仔咁樣..會再試...好過早前試個間 紅x椒..又麻麻又加一....

知道女人街新開左一間泰國野，門口仲要懶pro咁整左兩個泰國女仔像係度，某日既午餐又黎試下。不過下午黎到竟然一個人都無，反而我地坐低左之後就有d客人入下黎。呢度仲要全部侍應都係泰國人黎架，仲識講中文添!有D午飯套餐，叫左一飯一麵一齊食，仲一人送左一碗冬蔭功添。不過睇落色水幾淡下，似溝淡左多D喎~ 不過飲落味道又唔係太差，因為佢唔係好辣啱哂我，味道係淡D，但味道幾香而且有D香草味，酸酸地都幾開胃的。海南雞飯黎到都OK大碟，不過味道就比較一般，唔係特別好食。飯粒食落幾乾身，但就稱唔上有咩香味。雞肉食落肉質唔差，起碼唔會勁「鞋」口，而且都唔係太肥，不過雞味就無咩啦，所以整體呢碟飯味道都係一般。另外叫左碟泰式炒金邊粉，有雞肉OR豬肉揀，由於叫左海南雞飯所以我地要左後者。不過呢碟金邊粉味道都係比較一般，麻麻地好食，好處係佢炒得一D都唔油膩，真係油都唔係好見到滴~ 不過食落味道好淡呀，而且D豬肉有D靱，一般一般~~~總結呢度食物一般，唔難食唔好食，價錢都係一般啦，話好貴又唔係的。不過未必有下次lu....

是夜跟女友行去女人街(通菜街)入邊搵好野食，發現有一間新開張既泰國餐廳就走入去試試。睇過餐牌見有八至十個餐，最後就選左個 $148二人套餐。無幾耐送左兩碗冬陰公湯俾我地飲，原來係新開張期內暫時都會送俾客人品嚐，湯味濃不過唔夠辣，如果辣番小小就更好！ $148 二人餐包括：泰式炭燒豬頸 肉、蝦/魚餅雙拼、 咖哩蝦球、泰式蝦醬炒通菜、薄餅或蒜蓉多士及兩杯飲品 飲完湯就首先上了炭燒豬頸肉，首先要讚係好香同燒得有小小脆，個醬汁都比較惹味 。輪到蝦/魚餅雙拼，好彈牙既蝦餅，魚餅反而比較腍身左d ，但都幾好味唔錯。再黎就有咖哩蝦球同蝦醬炒通菜，首先蝦球好爽口，咖埋好香椰汁味但濃而不溜，反而係跟餐得兩塊薄餅唔夠用黎點咖哩食，另外通菜炒得好夠鑊氣，因為幾味菜都好惹味，最後都要多加一碗白飯黎撈咖哩汁同送飯吃 ，最後餐飲我叫了凍檸茶，女朋友改了飲椰青都係加$15算係合理。最後埋單既時候老闆都親自過來問問食物既水準，從老闆口中得知餐廳內既侍應及厨師都係泰國人，但因為要就番香港人口味所以辣度有所減少。最後要讚既係以呢個價錢有咁既份量，真係足料！