重慶洪鼎火鍋 (已結業)

有招牌容易搵，落地庫即開波！馬拉松晚飯第三局尖沙咀，聽晚元朗，再將軍澳、上水、尖沙咀、大埔，磅數急速上升有排還喇！地方寬敞，檯櫈夠大，坐得舒服，不用頂手頂腳。四眼嬸嬸略為介紹一下優惠，居然有女仕之夜或男仕之夜，部份食材享有半價優惠。難怪慢慢步入大廳時，發現檯檯都係美女，真係美女既美女黎添呢！高高興興食足個半鐘，埋單每位 $500 蚊，完全在掌握之中。火焰蟹鍋不能鴛鴦相拼，無緊要就半辣湯半清湯。靚牛拼盤及海鮮擏盤各 3 種，應有盡有，豐儉由人，食材款色也不少，足夠使我們大塊朵頤開心幸福！朝日啤酒，正版無搵笨，我所喜愛的日本啤。嘉士伯催銷姐姐非常健談，跟眾同事們交談甚歡，有講有笑不亦樂乎。喬頭漬，真不知道何解叫作喬頭呢？其實係醃蒜頭來的。爽脆酸酸甜甜，開胃小食首選。炸豆豆，味道似綠豆，不過無咩肉食。咸咸地脆脆地，下酒都係一般般。自家製酒糟鴨舌，涼浸浸脆爽，不夠滑溜不夠飽滿肥美，味濃過咸平凡沒特別。正宗洪崖洞麻辣鍋中辣拼養顏木耳雞湯，有蔥段、芽菜及鴨血另上。兩邊平均分配全部倒進湯底裡，養顏木耳雞湯已有舊未熟下庄在浮沉著。時間都晚咯，各食家都望住隻雞髀虎視眈眈，奈何未熟唯有轉戰鴨血。用我最大耐

洪鼎晚市火鍋 嘗試了一次於是lunch time決定試下佢嘅車仔麵 因為好抵食，但係一定唔會再有下次🤮 完全冇味道得雞翼 仲有血水🥴 湯底又冇味 只係火鍋料 煮熟 放係湯 再加麵 絕對唔會再N call

今次去試下新嘢，見到有youtuber推薦就去鬼佐啦，咁湯底就有五折嘅（因為佢呢個齋湯底已經168）然後半分牛肉拼盤198啦，個分離係少到我呢個唔點食晚餐嘅人都食唔飽啦。ok仲有個毛肚，118一份，係一份，我數埋曬都唔夠十塊，之前去重慶食過正宗老火鍋的，自然知道他的質量也不好，很老。再講講個鵝腸，40幾半分，係冇十條。花生拼盤強行要加冇得走又12啦。最嬲係我叫佐兩次要加水都係應鬼佐我之後就冇下文去鬼佐賣酒啦，係本人唔飲酒冇錢比你地賺所以唔鬼理我咯，總之十分唔推薦，寧願飛去重慶食多次都好過係呢間食。

用了OPENRICE 上面的優惠劵Ladies Night半價火鍋憑券3位或以上Ladies即可享有食品半價優惠，如2位女士也可享食品8折 (*優惠不包括湯底、海鮮拼盤、少量貴價海鮮、茶介、酒水及加一，並需早一天訂座)3位女士, 1位男士, 未食未開爐都熱到出汗, 根本冷氣都無開, 極少侍應, 平均10分鐘先有人應機, 等多10分鐘至過到來處理, 當晚只係1/4 入座都咁既服務。食物質素好普通根本overprice 得好緊要, 份量好細, 唔萛難食但係極一般. 只有桶蠔既份量係最足, 其他極細份.  埋單處理左半個鐘先攪得掂,果時係走淨4張台. 我都唔明點解可以無人成咁.  我以為成張台都半價, 原來扣除以上條款無半價, 仲要張單除4分. 3個女的收半價, 男士係收正價, 附上收據給大家參考下, 計返7折都無, 食物同服務來講, 應該無下次了. 

女士半價優惠推廣👍🎉 強身松茸野菌湯⭐️⭐️⭐️⭐️⭐️ 三個女仔足足把一鍋湯都喝完了。因為這個湯真的真材實料，很鮮甜，少味精，強烈建議一定要先喝了這個湯再放其他火鍋食物，不然會浪費了這個湯。 正宗洪崖洞火鍋 （少辣）感覺跟普通四川火鍋沒有多大區別的 這個幾口 入口爽！嫩！新鮮！羊肉味道很好 不覺得有騷味！強烈推薦桂花蚌⭐️⭐️⭐️⭐️⭐️第一次吃也是收到別人推薦，太太太鮮甜入很爽口！女生半價優惠真的很很很抵很低！如果不是半價 價錢就真的比較貴😢三個女仔 飲飽食醉以下價錢！

近來重慶麻辣火鍋開到成行成市，每間餐廳也說自己是正宗重慶火鍋，實在很難選擇。 飲食界的 資深人士團長又帶我來到近來人氣急升位於尖沙咀亞士釐道的重慶洪鼎火鍋。聽這位資深朋友的介紹，這間餐廳源自四川重慶市洪崖洞，此處是重慶市中其中一個著名旅遊景點。沒有離開過香港的我，當然不能考證是否屬實。不過內部環境裝潢實在古色古鄉，以優雅木系為主題，實在充滿文化色彩。不過喜出望外的事，座位旁邊設有 USB 充電插頭，讓客人的胃部充電的同時，也讓客人手機充充電。與此同時資深朋友還介紹，火鍋店正在提供二選一優惠折扣優惠。1 是1元單鍋 或 20 元鴛鴦雙鍋，2是在晚上8點半前結帳離座享有全單7折優惠。見時間尚早，我們當然選擇前者啦！正宗洪崖洞麻辣鍋熱騰騰鮮紅色的湯底給端上的時候，實在非常驚人，麻辣香氣搶鼻而來，而且也有不少紅辣椒在湯底裏翻騰著。和牛盛宴成肉拼盤司這款拼盤包含多款 M4/5 澳洲和牛、牛肩後肉、牛後胸肉、牛肩捲、三角肉和M9澳洲和牛牛丸。牛肉色澤均勻，光鮮亮麗，各款部位各有特色。肩後肉肉味香濃。牛肩肉油脂雪花分佈均勻。三角肉甚具油脂。牛胸牛後肉鮮嫩爽口。牛丸爽彈煙韌。五色火鍋小籠包雖然七色小籠

其實而家食火鍋一般價位都唔平，除非係定價任食，但通常一分錢 一分貨，比多d錢可以食好D都值既。今次四個女仔食預先訂位有ladies night優惠，但埋單都無想像中抵。有卡位，但我地坐圓檯同隔離檯好貼就覺得有d迫。整體食物都ok，最好食係和牛牛丸同牛舌，啤酒都抵飲。

一向我也很喜歡吃麻辣火鍋，由其是一些很特別的麻辣火鍋！所以當我經過看到「正宗洪崖洞麻辣鍋」，便吸引了我和好友的目光了。然後再看一下餐牌，看到一個很特別的鍋底「荔枝味火鍋」，然後，朋友就推薦了這一家火鍋給我，他說這裡的荔枝味火鍋很特別和同價錢又很合理。門口裝修的很氣派荔枝味麻辣鍋 + 養顏木耳雞湯 $188荔枝味的麻辣鍋的確很特別，麻辣味不是只有死辣還會有一點點荔枝的甜味，超讚此外，這家店跟很多台式火鍋店一樣，也會把半份鴨血附在湯上鴨血吸收了麻辣湯的味道，很入味又好吃雞湯則雞味濃郁，湯底很清甜，很適合吃素菜盛肉拼盤A 半份 $198一共有四款肉，每款肉的牛脂分布也很平均！肉質也OK和有牛肉味！重慶紅糖糍粑 半份 $38這個很好吃，口感軟又有咬口，調味剛剛好豬腩肉肉味足夠也沒有冰鮮味響鈴新鮮炸起，香口又夠脆素菜放在雞湯上，很好吃！吸收了所有雞味！紅糖冰粉 $26我平時吃的跟這個有點不同，這家的像特飲一樣，清爽又解辣！總結來說，品質不錯！但是性價比不是很高，這家的價錢略貴了一點！

相信唔少朋友都試過約人食飯，而火鍋，更加係唔少香港人鍾意嘅選擇。坊間任食火鍋開到成行成市，但食物質素卻一般。而筆者今次選擇左一間雖然唔係任食嘅火鍋，但無論湯底或食物都高質嘅餐廳—重慶洪鼎火鍋。聽個名你會覺得好霸氣，但你入到餐廳門口就會覺得更加霸氣。一入到去門口就會見到牆身掛滿得獎獎牌，可見呢間餐廳食物質素獲得肯定。然後我們點了小辣正宗洪崖洞麻辣鍋，雖然只得小辣，但到感覺到絕對不是小辣咁簡單。湯底非常香濃，配上杞子、香蔥、洋蔥等熬製而成，真係好好味呀。然後食物首先叫左鮮肉拼盤，佢一共有幾款肉，分別係西班牙黑毛豬、紐西蘭羊肉片、美國安格斯牛版鍵、同埋美國安格斯牛小排。全部肉味都很重，入口即溶，好新鮮呀。題外話，佢張枱下面仲有差電位，十分窩心，方便唔記得帶尿袋嘅人。而佢嘅海鮮拼盤有鮮蝦、鮑魚、象拔蚌、生魚片，而且全部都非常新鮮，鍾意食海鮮嘅人記得唔好錯過。最後點左墨魚滑、響鈴、鮮蝦水餃，同埋秀珍菇金菇，全部都份量十足，好抵食。總括而言，呢間餐廳值得推薦，鍾意食麻辣火鍋嘅人唔好錯過呀。

一向都好喜歡吃麻辣火鍋，朋友就介紹了這間重慶洪鼎火鍋給我！果然非常不錯啊！價錢合理之餘食物好食環境又不錯👍🏻絕對是值得encore之選！而我最喜歡的是好多火鍋料都可以選半份，即使2個人來都完全沒問題！荔枝味麻辣鍋 + 養顏木耳雞湯 $188荔枝味的麻辣鍋的確很少見我也是第一次吃，麻辣味不會只有死辣，我好喜歡！還配有半份鴨血～鴨血吸了麻辣湯的味道，簡直是回味無窮！而木耳雞湯則是雞味濃郁！入面的雞肉更是分量十足～盛肉拼盤A 半份 $198叫拼盤好像比較化算，叫半份都不會很少肉喔～2個人就剛剛好！一共有四款肉，應我就最喜歡美國安格斯牛小排，脂肪分布平均，入口嫩滑之餘又肉味濃郁！重慶紅糖糍粑 半份 $38我覺得這個絕對是必點，口感十分軟糯！甜度又剛好！竹笙 半份 $44喜歡吃竹笙的，來到這裏真的必點！你看看多飽滿的竹笙喔！加上吸了滿滿的湯汁！超好食！紅糖冰粉 $26這類的冰粉跟我平時吃的有點不同，好像特飲似的，清爽得來之餘解辣更是一流！其實我覺得這裏全部菜色價格都很相宜，CP價極高！大力推薦喔！

依家啲火鍋越開越多，而且好多裝修都富有中國色彩。今日朋友介紹去咗洪鼎食火鍋，先揀湯底。湯底揀咗滋補嘅雞湯，個湯飲落都幾好飲，有雞香味。另外有不同嘅拼盤可選擇，如果想試多啲嘢，就可以叫拼盤，幾抵。叫咗海鮮拼盤，有鮑魚，有海蝦，仲有貴妃旁，原來仲有魚刺身。活石旁魚非常新鮮，魚肉夠晶凝通透，食落鮮甜。鮑魚打邊爐都好新鮮，非常爽口，食得出係高質食材；而且蝦都爽口，桂花蚌都鮮甜。餐廳仲會送豬紅及芽菜一些小配料。叫咗蝦滑，蝦滑食落幾爽口，而且入邊有一粒粒蝦。再加咗個拼盤，有豬肉、牛肉、羊肉，每樣都有幾片，可以試唔同嘅肉類。

叫咗雞湯底，真係好足料！一拎起入邊有成半隻雞，而且啲雞都幾雞肉嫩滑，好有雞香味。我哋亦都有食湯裏便啲雞，雞湯整得好金黃！ 叫咗個拼盤有豬、有牛、有羊、一次過滿足晒食唔同肉嘅慾望。擺盤好精緻：有安格斯牛小排、牛板腱、黑毛豬及羊肉片。仲叫咗海鮮拼盤細嘅份量都已經足夠兩個人食，幾新鮮。先來活石蚌魚刺身，黎到非常新鮮，個魚頭同尾仲識郁！魚肉非常鮮甜，呢個刺身好食，夠新鮮！另外有其他海鮮：有鮑魚、貴妃蚌、蝦。呢度嘅海鮮好新鮮，老闆話原來係自己即劏，所以特別新鮮。甜品叫咗紅糖糍粑、非常好食，外面炸到卜卜脆，入邊係煙煙韌韌，點埋個紅糖好食！

岩岩去完重慶旅行，對當地既麻辣火鍋念念不忘，上open rice 搵到呢間新開無耐既重慶洪鼎火鍋即刻book位同男朋友去試下！到門口即刻令我諗起重慶的旅遊景點洪崖洞！仲見到個好重要嘅訊息-「8:30前離座9:00 後入座，七折優惠」真係好抵！等緊配料同湯底嘅時候，餐廳好貼心咁準備咗一啲特色小食俾我哋...我地叫左個正宗洪崖洞麻辣鍋湯底另外配送韭菜、鴨血、大豆芽！有個湯底忍唔住飲咗一啖湯，嘩！麻而香！好正！盛肉拼盤A分別有兩種牛肉、一種羊肉同一種豬肉，牛肉方面，個人認為牛小排有非常香濃嘅牛味！完全唔會比濃郁嘅湯底蓋過咗！另外叫咗個迷你海鮮拼盤！超級抵食！$278有一條石蚌魚刺身，仲有海蝦、貴妃蚌、鮑魚。單單條魚都已經值回票價！石蚌魚刺身清甜而且有口感！貴妃蚌同鮑魚都好新鮮好大隻！蟹子墨魚滑都好真材實料，墨魚滑爽口彈牙！平時出去食雞子d雞子都非常大粒，因為有好多餐廳為咗減低成本會用火雞雞子，但呢間嘅雞子令我非常驚喜！細細粒夠晒嫩口！食麻辣火鍋一定要叫鴨血、牛柏葉、鵝腸！鴨血慢慢咁索晒湯底嘅味道，而牛柏葉同鵝腸嘅掛湯能力超強！食唔到辣嘅建議叫鴛鴦鍋，下次我都要試埋

其實我好少食辣野，今次陪朋友仔挑戰一下食重慶麻辣火鍋先。呢間重慶洪鼎火鍋，好像幾好食咁，入到去已經聞到好香麻辣味。呢度有前菜，蕎頭$12, 但8:30前埋單7折架，優惠暫時仲見有。神奇解辣既紅糖繽紛冰粉，見到張poster, 叫杯試下先，真係涼浸浸，幾好飲，甜度可以自己控制。好彩叫鴛鴦鍋，唔係就死梗了，哈！鴨血超好食，同平時食既豬紅好唔同，又爽又滑，完全唔會散！打邊爐點可以冇肥牛，美國雪花肥牛，半肥瘦，顏色夠新鮮，好味。黑色既牛百葉，都係第一次食，原來個口感係好爽好彈牙既。係個餐牌見到牛黃喉，原來係牛既血管，食落柔軟有彈性，口感都幾得意，原來仲有豬黃喉，下次可以試試。雞子，其實我唔點食既，不過朋友仔話食，我就試一粒啦，原來係外面個衣脆脆地，裡面就粉粉地，味冇乜特別既味道。炸午餐肉，真係超級邪惡，烚完都仲係脆皮既，太好食，食唔停。呢度D蟹柳都幾彈，吸埋麻辣湯，好精神！叫呢個五福臨門丸都唔錯，每款丸都有，又唔使食太飽，魚角炸好香，濃湯貢丸，食落有咬勁，湯味濃郁。

火鍋店設計都幾有特式，經過正門原本以為是日式火鍋，原來是重慶火鍋呢！重慶火鍋的味道的確幾香，但是日不想吃辣，所以點了一個不辣的木耳雞煲，有點普通，湯底味道太清，沒有什麼味道可言，賣相也過於單調。食材方便反而比較出色！每款都好新鮮，賣相都好吸引！而且有很多選擇！鮑魚很生猛，仲識郁的！款款都好味，但除了黑毛肚！內臟味超強烈，咬了一口便吐了！這個不建議。服務上很不錯，就是點餐上有點甩漏，某個女員工態度有點差，是老闆娘來的嗎？不能確定。全女班單點還享半價優惠哦！所以很抵食！當然有日子規限啦～