都佐 (已結業)

之前bookmarked 咗已經想去好耐，今日去開荃灣，咁就終於試到都佐。餐廳地點唔係太容易搵，西鐵站落車都要行一段路。我哋兩個人叫咗牛舌，紫菜冷烏冬，龍蝦沙律包，仲有一件蛋糕。首先牛舌比較薄切，冇乜口感，牛味亦欠奉，一般。紫菜烏冬就幾好，份量好足，紫菜好脆，加埋細細條蛋絲一齊食，好夾。而且個冷烏冬汁都調校得唔錯，好食的。龍蝦沙律包望落去都好吸睛，加埋兩片大芝士，口感都好豐富。不過仿龍蝦肉略為比較有雪味，咁多沙律醬都遮蓋唔到。整體來講可以一試，正常嘅Cafe Standard，再回訪就未必。

我經常都會比一啲日本家庭式嘅料理店吸引到，都佐就係其中之一❤️餐廳裝修別緻，帶有一股復古嘅歐陸感覺，頗有特色。食物方面選擇唔算好多，都係一啲日式料理為主。✨鰻魚茶漬飯（$98）呢款茶漬飯幾比到驚喜我😋鰻魚嘅份量唔算話好多，但勝在夠肥美。令人驚喜嘅反而係茶漬飯——有別於平時食到嘅一啲只有咸味嘅高湯，餐廳真係用茶去泡飯，清香嘅茶味同鰻魚飯嘅味道出奇地相襯，幾有驚喜。✨鹿兒島和牛漢堡咖哩（$158）和牛漢堡咖哩味道都唔差，但相對就冇太大驚喜。咖哩煮得非常香濃，送飯一流；但漢堡就冇相像中果種外焦內嫩嘅感覺。✨花先生（$45）特別推介大家試佢地嘅咖啡，有創意之餘味道都好唔錯。呢款花先生就加左花生醬、牛奶同Espresso, 花生醬嘅味道同咖啡又幾夾，平時唔鍾意咖啡苦澀味嘅朋友都岩試。✨Dirty爺爺（$45）呢款Dirty爺爺以椰奶取代左牛奶，飲落味道幾有驚喜😋

放假有事會去荃灣所以預早睇下附近有咩食訂定位，免得要等位都佐睇食評幾吸引好少見嘅日式cafe但地理位置係十分唔方便係一堆修車鋪嘅中間行過都未必見到佢存在網上預訂後我地準時到達後才發現無開門亦無通知我地到過左預訂時間後才收到信息通知Restaurant close🙄🙄🙄🙄🙄🙄🙄我唔知係OpenRice 定餐廳出現問題但完全係浪費時間😵‍💫😵‍💫反映左個問題都無人跟進照接預訂但餐廳依然唔開😂

奸妃 ☕️麥貴妃 ☕️All day breakfast 🥐Simple day breakfast 🥪吧枱cafe乾花天花🌸🌼法式牆磚少女喱士窗🪞欣賞呢度設計裝修廁紙後門推開門，有驚喜田園鄉村feel

最近都幾沉迷去搵d文青復古既cafe去試。黎到荃灣當然要用下openrice搵下，結果搵到尼間⋯ 不過我同朋友搵左都一陣先搵到間舖係邊，原來俾一堆車房夾住，門面睇好似一個世外桃源既感覺。講真地理位置係有d隔涉。 ⦁鹿兒島和牛漢堡咖哩飯 $158聽店員講果咖喱係加左黑朱古力去調配，食落去會香滑好多，所以就揀左黎試。大家如果唔想配飯都可以配烏冬，都應該幾夾。講番果漢堡扒入面牛肉味好重，果咖喱係帶有日式咖喱既甜味，質地都幾濃稠，撈飯一流。 ⦁冷稻庭烏冬拌柚子醋 $58嗌左尼個烏冬都幾開胃，份量都幾大。佢地用扁身既稻庭烏冬，都幾有咬口，唔算好淋身。如果同我一樣鍾意爽口d，可以落單果陣提一提店員。 ⦁冰搖咖啡 $40就係凍既espresso升級版，飲得出咖啡豆既酸味，岩晒消水腫既朋友飲。 ⦁燕麥抹茶拿鐵 $50抹茶味超濃，冇乜苦澀味，又唔太甜。飲完都唔會覺得膩。 整體來說，環境闊落舒適，食物質素性價比都幾高，而店員亦非常友善，加上唔洗點等位，完全適合同朋友傾計、打卡。

👦🏻 為左滿足少女心既 👧🏽搵到呢間𝟸𝟶𝟸𝟷年先開業既隱世日式復古餐廳距離市中心有一段路程 附近都係車行但門外粉綠窗門和牆身、黑白花瓷磚只要經過 就會見到荒漠中的綠洲內部裝飾一樣好靚 每個位都可以📷連餐牌都睇得出佢哋好有心機去設計絕對係一間有誠意餐廳🍛 鹿兒島和牛肉漢堡咖喱呢款咖喱加入左黑朱古力 其實👦🏻👧🏽都食唔出口感比較濃稠 甜甜地唔算太辣 配飯一流足料和牛雖然未去到入口即溶但勝在牛味濃 夠𝑗𝑢𝑖𝑐𝑦🥘 牛肉壽喜燒蓋飯配料豐盛 大大碗牛肉同飯都吸哂啲汁 超入味👧🏽 本身就係壽喜燒控 呢間值得推薦🍰 法式蘋果批 配雲呢拿雪糕因為好多甜品無哂 唯有點個 𝑎𝑝𝑝𝑙𝑒 𝑝𝑖𝑒外批唔算脆 食落軟腍腍 不過有一份 酸酸甜甜 既甜點作結尾幸福既😌

呢間cafe 位置唔起眼，但出品同裝修好有誠意～尤其是咖啡有多款特色口味，仲送上打氣♥️意卡，實在太有愛了！🥢牛肉壽喜燒：將壽喜燒轉型成丼飯，有齊牛肉、芋絲、大䓤、豆腐和生蛋黃等壽喜燒元素，幾足料！🥢豆乳味增沾蕎麥麵:豆味香濃，同蕎麥味好夾，不過冇乜配料。🥢龍蝦🦞沙律芝士牛角酥：仿龍蝦肉唔討好，但牛角酥同沙律醬係好食既。☕️花生先：中意飲咖啡既人可以試下呢度有多款精選口味，朋友試左花生味，聞落幾香😌🍎蘋果金寶配雪糕：撻皮鬆脆，肉桂味濃，但份量有啲mini 味道 : 🔅🔅🔅🔅新鮮：🔅🔅🔅分量：🔅🔅🔅衛生：🔅🔅🔅🔅速度：🔅🔅（5🔅為滿分）

偶然在OpenRice看到這間荃灣小店，看到其他朋友的食評介紹，感覺不俗，所以相約好友吃個午餐～雖然位置有點隔涉，但也非常容易找到，店內佈置簡單舒服，朋友點了鹿兒島和牛咖喱，賣相不錯，漢堡水準也高，不會嚡烚烚👍我就點了big day breakfast，份量多，配搭有誠意，味道也很好～咖啡就非常睇個人口味，我點了杯普通美式咖啡，正正常常咁啦😂特別一提，侍應好有禮貌，呢樣真係對我嚟講好重要，出品再好，如果要受你氣，真係冇下次😅

依間日式復古風咖啡店位置有點偏僻，隱藏在一條車行街裏面。咖啡店內在裝修主要分成兩個區域，一邊是雲石枱搭配華麗白牆身；另一邊是摩登大鏡面高吧枱。而靠門綠色大窗框位置是人氣打卡位。🍽️ 牛肉壽喜燒蓋飯配料非常多，除了薄切牛肉，仲有軟豆腐、芋絲、鴻喜菇、溫泉蛋、大蔥。牛肉都幾入味，不過都幾鹹；豆腐都夠滑溜；飯就不夠軟熟，飯“黐埋一嚿嚿”，感覺有點像食隔夜飯，醬汁又少，唔夠伴飯 。🍽️ 鰻魚茶漬飯賣相精緻，飯面上有蛋絲和紫菜絲。茶汁好淡，茶和飯都無加調味同高湯，食落就係茶溝飯，靠鰻魚調下味。🍽️ 大根豚角煮即係蘿蔔豬肉關東煮，蘿蔔份量多，但就得豚肉碎，蘿蔔入味，但十分鹹，所以拎咗去配無味的茶漬飯。整體來說，食物質素有非常大改善空間，不過環境闊落舒適，食物定價不高，而店員亦非常友善，加上人不算多，如果同朋友傾計、打卡也是不錯的地方。

🎆大時大節總人山人海，還要有銀包流血不止的準備。我們幸運地找到在荃灣遠一點的角落新開的日式cafe，到處都是乾花裝飾，還有鏡子，更有空間感。🌸🎨餐單繪有精緻的圖畫，提供的食物很有趣，包括外面不常吃到的👅蜜橙牛舌，就如火雞非要點蔓越莓醬不可，清新的甜橙跟牛舌加在一起也好吃。🍊🍊🍵塩麴豚肉飯糰和鰻魚茶漬飯都很漂亮，茶漬飯送到時還配上典雅的茶壺盛綠茶。味道比想像中清淡，但鰻魚嚐得出水準。🎄🎄晚餐以抹茶芝士蛋糕作結，抹茶味道算濃，但沒有苦澀，最特別的是灑上了🍓草莓乾和擠了栗子蓉作樹幹，就砌成了一棵聖誕樹，平安甜蜜慶祝今年聖誕。▪️▫️▪️▫️▪️▫️▪️▫️▪️▫️▪️▫️▪️▫️▪️▫️📍都佐荃灣聯仁街18號🥰環境佈置漂亮 🤗咖啡飲品選擇多，不乏健康之選😆食物以日式居多，頗多特別的菜色@douzo_cafe蜜橙牛舌💲4️⃣3️⃣塩麴豚肉飯糰💲8️⃣8️⃣鰻魚茶漬飯💲9️⃣8️⃣抹茶芝士蛋糕💲4️⃣8️⃣黑糖可可拿鐵💲3️⃣8️⃣Flat White 💲3️⃣7️⃣

3點鐘下午茶☕️時間每次經過依間店都覺得裝修好靚💖裡面相對寬落烤香草腸煙肉洋蔥圈 全麥多士 配沙律 $48開放式廚房傳來陣陣煎肉香味😋用刀叉有點難進食，最後用紙巾包住食，多士入面汁非常香濃，多士表面仲有煙出😍香腸雖然切粒，但反而令香腸煎得更香😋裡面好多大大片煙肉，配上半熟洋蔥🧅，每啖一咬啲汁都「必」出黎，咬哂煙肉香腸洋蔥生菜🥬好豐富既味道。Menu有收加一服務費，環境、食物質素都值得既。

荃灣呢間Cafe, 無論門口, 以至舖內既裝修擺設都係走日系style. 佢既位置都比較偏遠, 唔係平時行街會見到既餐廳Cafe, 要專登去揾先揾到.呢度既咖啡好特別, 每杯都有獨特既名. 今日order呢杯叫<麥貴妃>($40)😋 , 係由桂花蜜, 燕麥奶& Expresso 混合而成. 味道獨特甘香, 又有少少甜甜地, 幾好飲. 主食order <明太子温泉蛋烏冬>($98)😋 ~ 明太子撈埋蛋汁再mix 埋冷烏冬, 食落感覺好fresh好開胃. <牛肉壽喜燒>($78)😋~ 呢個唔係成個鍋上, 係丼飯. 份量多, 牛肉淋身, 配埋豆腐, 金菇, 芋絲, 正😎整體係一間高質日系Cafe, 絕對值得回頭再試🥰

👅冷稻庭烏冬拌柚子醋（$58）6.5/10同朋友食咗啲嘢先嚟唔太餓，想叫個開胃啲嘅主食，冇諗過上枱咁大碟仲有大量玉子燒同紫菜碎係面😳不過撈埋柚子醋一齊食就完全唔heavy🤙🏻朋友覺得可以濃味啲，肥西就覺得啱啱好，不過烏冬嘅texture絕對係最大敗筆😮‍💨餐廳選用扁身嘅稻庭烏冬，個人偏好煙韌有咬口嘅麵體，一咬落去又粉又冧嘅口感，少少失望啦👅日式豚角煮（$38）6/10想食肉所以嗌個豚角煮，點知一上枱成碟都係蘿蔔，肥膏都唔見多滴🌚但蘿蔔煮得好淋好入味，而且唔鞋，朋友覺得幾好食嘅～👅明太子芝士玉子燒 （$38）7/10厚切玉子燒加上明太子醬同酸甜嘅芝士，實無死嘅組合🤓輕輕燒過微焦嘅玉子燒加分👍🏻略嫌個蛋太熟無咩層次，如果多返啲汁同layer一定好正🌞👅Summer beer ($98) 7.5/10身為一個無酒不歡嘅肥西，見到有cocktail即刻嗌返杯😉酸甜嘅菠蘿遇上清甜嘅椰子，再加埋清爽嘅soda water，成杯嘢就係summer vibe🤪杯嘢嘅🍍味唔算出，但椰子味就好搶，鐘意椰子嘅你千祈唔好錯過🥥但我實在飲唔出有酒味，所以唔好酒嘅朋友都可以放心嗌（不過$98我就覺得唔太抵🥴）除

聖誕大餐之幫襯cafe呢間cafe我留意左好耐架啦！雖然佢左右都係車房但呢間隱世cafe入面嘅裝修幾靚食物都唔錯首先推介佢嘅signature牛肉壽喜燒 $78超級好味勁足料又多汁明太子溫泉蛋烏冬 $98味道都唔錯 超多明太子醬好滿足麥貴妃 $40有啖啖嘅桂花香幾特別Dirty爺爺 $45呢杯係加左椰乳嘅dirty每啖都飲到椰子味幾特別檸檬柚子梳打 $43酸酸甜甜嘅開胃明太子芝士厚玉子 $34超級推介！好好食！朱古力布甸 $48口感似chocolate mousse不會太甜 不過不失Apple pie with ice cream $68上面嘅crumble唔脆食落軟林林味道都唔錯嘅 同icecream一齊食好滿足呢間cafe一定會再黎encore服務環境食物味道我都比5星！

呢間咖啡店比較隱蔽，佢係喺垃圾房同車房旁邊，平時如果直行直過係留意唔到。今日經過，我見佢門面裝修幾靚，所以入咗去試吓。餐廳嘅Menu有啲特色咖啡，我哋叫咗兩杯唔同嘅咖啡。另外食物方面叫咗個日式丼飯同埋一個all day Breakfast.餐廳環境很舒服，可以慢慢享受一個寧靜嘅午餐.