車仔年代 (已結業)

救命。。。真係難食到講粗口ar我同老公and叔仔諗住岩岩收工，食埋宵夜先返屋企la, 經過車仔時代lee間野，諗住開張到宜家都未試過食，試下la, 一坐底叫左4樣野，1---咖哩牛腩飯+凍奶茶 2---菜甫煎蛋+魚皮鮫+牛腩+腩汁 車仔麵 3---車仔麵小食(雞翼尖+羅白+豬皮+魚旦) 點知。。。*&%$#@#咖哩腩飯牛腩，鞋既(有一舊仲趙唔爛比我吐左)汁，得一個字咸，冇咖哩味奶茶，幾滑，唯一覺得lee樣ok車仔麵魚鮫---ok, 牛腩---有一舊+碎，菜甫煎蛋---ok, but 同車仔麵唔夾，湯底咸(似只係加左鹽同事油既水咁)小食雞翼尖---ok, 羅白---無味，朱皮---益既，魚旦---又腥，又泡總括黎講，不可一，不可再，向車仔說不

繼12月剛開張第二日去咗第一次，之後再去試過幾次車仔麵，冇咁鹹進步咗。前兩日去食早餐，見到有生炸雞翼，但太飽冇叫到。今日第六次幫襯，早餐要哂A+B+C。今朝唔知做乜有啲甩漏，炸雞翼上埋都未有炸菜湯意粉，嚟到又搞錯比米粉，最後總算嚟齊啱哂。厚多士取貨自附近麵包店君蘭，鬆軟，啲牛油落得都重手，如果再烘脆啲更好。腸仔煎得好脆。煎蛋半生熟剛好流心(試過炒蛋都幾滑不過唔重牛乳香)。意粉算彈牙而且好大份，炸菜略腍唔夠爽又唔夠香辣。呢區朝早有炸雞翼供應嘅應只有兩個地方，"車仔年代"好多油，調味亦唔夠，比起"景福茶餐"嘅濃香惹味差太遠。杯奶茶幾好，茶味夠又有奶香甜。之前同負責人傾開偈，原來車仔麵條方係紅磡蔡欄美食坊嘅"鍾記車仔"，唔怪得啲味咁似舊時，仲有牛鞭。佢亦承認剛開始阿姐未上手調味重咗已調整過，但全部嘢冇落味精，所以味精敏感嘅我食完都冇事。冇試古怪嘢但食過牛腩覺得太嚡，而且街坊普遍認為此店定價較高。但個人認為呢度坐得幾舒服，食物質素普遍唔錯，而且早餐可以揀A+B+C自己配搭彈性大，貴少少可以接受。希望店方繼續努力進步！

新年新伊始，走到有個"新"字既地區，找一間新餐廳試一試車仔年代，分明就 "食" 懷舊風，與翠字頭貴價高級茶記為鄰，應會有壓力早餐時段，沒有車仔麵，那就試香港的茶記早餐傳統望望餐牌，選擇不少，價錢黎講...以新餐廳黎講就可以接受。當然揀最愛的沙牛麵，配炒滑蛋+ 餐肉。最港味濃的早餐食物上枱速度, 可以。賣相都可以不過沙牛味道，香氣都欠奉，只有外觀可取。味道非重口味，但亦吃不到半點沙嗲香及辣。真懷疑自己吃下啡色的漿糊，可幸牛肉非太淋身滑蛋，賣相可以，都很滑溜。餐肉呢...比較薄切，較多粉，少豬肉既來貨牛油厚多，中規中矩，略嫌未夠脆身。最後，凍飲要加3蚊。似乎加3蚊凍飲已經是趨勢。2蚊...快可成為歷史綜合黎講，新餐廳有進步空間，始終現時的新蒲崗食店越來越多選擇，質素亦不斷提升。競爭非少，如果食物無甚特色、價錢亦非抵食，那只會又是執笠收場。

個餐廳名叫車仔年代諗住佢個車仔麵會好出名29蚊麵加3個餸啲餸麵覺得ok多選擇就叫左兩個上到黎一食........心知不妙 totally係fake人難食到一個點 可以話係我有生以黎食過最難食既!!!!!!!車仔麵最重要既係佢個湯底佢果個咁既牛腩湯底簡直不知所謂冇咩平時食果啲牛汁味覺得唔係真材實料呢個價出出面搵大把好食過佢佢仲有其他野食飯之類既不過冇試到所以唔知好冇味但如冇意外相信我都唔會再幫襯佢

尋日區內開咗間新店，由於去咗陸羽飲茶，未有即時試到。今晚做完運動，原本唔應該食嘢，但十點幾行過見到仲好旺場，於是入咗去。入到去裡面好闊落，揀咗窗邊望公園景嘅枱。叫咗3餸1麵最經典嘅豬皮豬紅蘿白幼麵，辣汁另上。等咗10分鐘左右嚟到，但漏咗蘿白，雖然好多侍應，但唔係一舉手即刻有人應。姐姐叫我食住先，佢另上比我。食咗兩啖就嚟埋個餸。無論湯底、餸菜嘅調味、辣汁，“車仔年代”都嚐試做番以前嘅味道。以前新蒲崗係熱鬧工廠區，車仔檔真係响工廠大廈嘅樓梯口間放架車，摺枱櫈散落橫跨幾層樓梯口。好細個嗰陣媽咪拖住我哋幾個細路行上去，可能以前冇咁多零食，大熱天時行到身水身汗，仲要自己捧住隻又滿又熱嘅大碗行樓梯坐埋位，坐响密不透風得把牛角風扇嘅樓梯口食到汗流浹背，但記憶中嘅味道非常美味。早五六年响景福街有檔“吳記”，係同一味道，可惜老夫婦退休結業。“車仔年代”做嘅，味道有6、7成似，但唔似嘅地方唔係改進咗－湯底望落好淺色，唔似用大量豬/牛骨淆嘅濃郁鮮味且稍鹹；蘿白、豬皮有同樣有鹹咗啲嘅問題；豬紅幾好，係啲咬落有啲黐牙嗰種真係舊時質地味道，唔係咬落水狀唔吸味嗰隻；麵冇鹼水味且質地軟軟地但唔過腍幾好；辣汁嘅沙嗲味唔