越滿 (已結業)

餐廳內佈置越式風格，有D嚟到越南用餐嘅感覺，而且座位闊落，空間感十足。香芽雞煲用越式呈現嘅雞煲，煲上有大量香草，香味十足。因為友人唔識得辣，所以叫咗BB辣，但雞煲都帶有香濃嘅惹味。雞砌得較細，所以更入味，而且肉質香滑。蝦餅新鮮滾熱辣出爐，炸到十分香脆，而且呈現金黃色，大大舊。咬落超級彈牙，帶有蝦味用心之用。馬拉盞通菜又係越式名菜，通菜新鮮惹味，而且香爽可口。份量都足夠四人食用，可謂性價比十足。用餐途中，聽到店員講越南話，有返到去越南既感覺，即刻覺得回哂本一lol

朋友仔係附近返工 話lunch成日幫襯食d越南粉幾好食 話佢出左個越式雞煲叫我同佢去試試店面好多卡通畫 都係以越南做主題 另外就以綠色為主 坐得都幾舒服😌其他我見到佢個2人餐好似幾好 有成3款小食又有粉麵又有飲品 不過友人想試個雞煲就陪陪你啦 反而另外見到佢出左個燒蠔 d口味幾特別 就直接搭左12隻啦等左10分鐘左右就有得食啦 雞煲上充滿紫洋蔥同香草等等 一邊煮一邊好香 好肚餓呀🤣🤣雞件都好多 佢個汁調得好出色 唔同出面一係好辣 一係好咸 佢係真係幾香口 我地都一致認為係暫時食過最好味既雞煲 因為真係好鬼香 估唔到會係這間越南小店到食到 食到咁上下我地落左個生菜去炒 不過正常應該係會落湯再打邊鍋 但我地就食唔落了 下次多幾個人可以嗌多d 我見都有牛 丸等等可再附加架而個燒蠔 分別有蒜蓉 青檸 同喇沙我地一致認為喇沙係最好味 因為個沙有小小花生帶出 變相口感都幾有層次而青檸 個樣一d都唔飲青檸味 反而好似好多菜係上面咁😂但食落去又神奇地有青檸味架喎而蒜蓉就不過不失啦 配燒蠔係最正常既配搭 不過黎到越式餐廳🍴相對地喇沙就比較上特別d啦下次要如我所願試試個2人餐先🤪🤪

見呢間都幾多好評,就專誠黎試下裝修唔錯，座位都坐得舒服呢個時段無咩人就安排咗卡位本身仲諗住二人餐，最後因為唔太餓作罷食完之後真係好彩無叫越滿生熟牛肉河加五蚊有得轉蕃茄湯底就轉咗黎試賣相唔錯，亦夠大碗，未食前期待都幾高食落去就GG了，鹹到好似倒瀉咗半樽鹽落去咁鹹味蓋過曬所有嘅蕃茄味，連有啲蕃茄碎，食落去都好似俾鹽醃過咁牛肉無咩問題，生熟牛都正路，但成碗湯都真係鹹，食到一半口都渴埋原來加五蚊係轉鹽湯底豬頸肉撈檬啱先嗰碗食前影係因為見賣相唔錯仲諗住打卡而呢碗食到一半先影，係因為難食要寫負評男朋友話檬粉好淋，一啲都唔爽，食落口好怪我試咗一啖，連豬頸肉都好唔香拿拿林拎手機出黎影番張又一間要blacklist   o(x_x)p

等女朋友收工食飯，畀佢reject咗好多間， 最後揀咗食越南嘢，喺門口等咗15分鐘左右就入得，本來諗住食個湯河就算， 精明嘅女朋友見到有二人餐，又有小食咁就食二人餐啦。可以揀三款小食， 揀咗雞翼、魚餅、牛展。 雞翼好普通，魚餅係凍嘅，牛展好乾好硬，就好似放咗一日嘅湯渣咁，最重要係冇味。湯可就……生牛河但係啲牛係熟哂嘅？一人一杯野飲， 好彩仲有杯嘢飲濕下口，如果唔係真係食唔落舊牛展。起碼佢唔係難食，係個牛展伏咗啲，食飽一餐就算😂應該唔會再食,bye!

見好耐冇食越南野，今日喺旺角上完瑜伽去咗試e間。叫咗菠蘿豬頸肉炒飯、生牛肉湯河，同埋炒芥蘭苗。上菜比較慢，大概等左20分鐘，先至上第一味菠蘿豬頸肉炒飯，賣相好得：豬頸肉燒到金黃色，而且熱辣辣，但啲飯只是微䁔，同埋個心有啲硬，好似煮唔熟咁。👎🏻生牛肉湯河d牛肉比較un, d湯完全冇牛味，唯一可取嘅係d粉切得好幼細。至於炒芥蘭苗，又老又唔熟，如果未試過食半生熟芥蘭嘅朋友仔可以試吓叫，不過我哋就食淨左大半碟👎🏻👎🏻👎🏻7:15pm到，本來好好奇點解啲d枱得一半滿，食到一半疑團已經完全解開。

惹味雞煲@越滿 早幾日去完金魚街買野比bb，拎住一袋二袋係附近搵食，都係想坐得舒服一d，路過越滿，印象中味道唔錯，價錢又優惠，見人不太多就入去食了 時間尚早未有太多人，店員為我們安排坐在卡位那邊!餐廳裝潢頗新潮的，牆上面畫了些可愛又富有越南特色的公仔 調味料架上有魚露，越式辣椒仔醬 食物可散點或叫set，湯粉都是幾十蚊有交易的東西 叫set也好抵食，有小食(五選三)，炒菜一份和二碗湯河和二杯飲料 青檸梳打，梳打水是成罐上的 咸檸檬梳打用上一大顆的咸檸檬 飲到尾都非常夠味! 小食拼盤，我們點了牛展冷盤，牛油雞翼和魚餅 牛展冷盤的牛展好腍，沒有用上很多調味去醃，反而食出本身的牛肉味道，如果想再好味一d，可以點魚露去食 魚餅是即炸的，放入口時還是燙口的 牛油雞翼好邪惡呀，香又脆的炸皮包住大大只的雞翼 湯河可以點雞絲/生牛肉/扎肉 生牛肉湯河份量非常足，而且湯底好清甜，沒有油的，上面的牛肉略生，稍為浸於熱湯內一會之後熟度就會岩岩好 雞絲湯河味道好清，雞肉都頗多的!湯底夠熱，岩岩天氣涼涼地，食起來非常舒服 炒芥蘭~ 加了點乾蒜粒去炒，味道好惹味! 越式香芧鷄煲 (

黎到紀念日，又係要出外搵食既時候，今次無揀西餐，無揀我至愛的日式料理，初嘗越式風味呢間位於旺角洗衣街，地點算方便，旺角D2出口，行多5分鐘就到。牆上面既畫風簡單直接帶出越南🇻🇳的感覺。一黎就有酸梅梳打同青檸梳打，都好夠味，盛惠每杯$38燒豬頸肉，與泰式既感覺差不多炒芥蘭。感覺唔似有炒，無油，好健康咖哩軟殻蟹，大件夾好味，有咖哩味，但唔辣。香茅雞煲，好香口，同平時食既麻辣雞煲唔同，入面有九層塔，帶有點越式風味，都幾特別。

位於旺角的越滿光是看他的名字也知道是打正旗號主力賣越南食物這裡的價格不是很高而且很適合2人以上的家庭來吃SHARE黎食, 就可以試到更多不一樣的菜色二人份量的雞煲（$138）一來到便很香的雞煲辣味我選擇的是小辣雞件的份量都幾多我們四人吃也覺得夠吃小辣多滋味雞件都很淋滑因為吸收了雞煲的辣味, 整個雞件很入味, 滋味十足河內魚餅這個小食在越南非常出名可是在香港就非常少有見到這家餐廳有售便即刻下單外層炸得趣卜卜而入面就很香的魚肉味

呢次係我第一次食既越式餐廳地點係旺角越南菜不得不吃嘅唔係咩肉反而係佢哋最出名嘅PHO呢度竟然就有我最鍾意嘅PHO好多材料選擇我就揀咗呢個日本和牛pho價錢係入邊最貴既等左大約10分鐘店員就捧左一大碗出嚟日本和牛pho河粉上面有半生熟嘅和牛大約有七至八塊味道同口感都一級棒！有入口即溶的感覺濃濃的牛味回味十足咖喱軟腳蟹鍋吃咖喱軟腳蟹喎一定要配法包沾着咖喱汁真是別有一番風味軟腳蟹超級淋蟹肉吸收了咖喱的味道甜甜的非常滋味！

越南都有雞煲@越滿 網址: https://s.openrice.com/QrbS0oMi800地址: 旺角洗衣街111號建煌華廈地舖 雞煲都是食開重慶，多香料重口味，濃郁或是非常辣，本身想同朋友食pho ，見到香茅雞煲禁不住點份來比較試試看。2人份量才$158！勝在夠濃郁惹味，又有多雞件食。汁有點似沙茶醬帶微辣，仲有碟生菜。越式炒芥蘭，幾好食架雞煲都要多食菜。包在二人餐中另外點了$198 二人餐，3個小食要了春卷魚餅牛油雞翼，牛油鹹香脆身最愛！再來兩配湯河，一配雞絲另一配豬耳扎肉，很大一碗哦，我怕太飽走麵，店家也樂意配合。再包兩杯飲品食物惹味越食越開胃，同埋價位實在超值抵食飽肚。

係旺角食越南雞煲都係第一次！多謝朋友既介紹，真係又野味、又香濃，同出面大部分粗制濫造既，真係相差好遠。最開心係，滿足到超鐘意香草、香料味道既我地。每件雞都好入味、好香口，並不是得個樣的！廚師用左好多娃娃菜同紫洋蔥墊底，所以越食會越香甜，完全無痴底，食到最後仲有入曬味既娃娃菜！呢個做法，真係第一次見，值得一讚！實在令人再三回味❤️我哋四個人叫左個雞煲同兩人餐米卷每一件都有新鮮的爽蝦，並唔係雪到無曬味果啲菜雖然細細碟，但食得出佢既鮮味同埋唔似其他出面既「油」炒菜。餐以外，仲叫左牛油雞翼，一上枱已經哇聲四起😂實在無令人失望！外脆內多汁，一啲都無過火或太老既現象，仲不斷滴汁咖哩軟殻蟹一上枱就要挾起曬啲蟹先，因為如果浸得太淋，就無左脆脆既感覺咯！好驚訝係有四件，其實真係算份量十足💕我哋再加碼叫左蝦餅撈檬，真係又脆又彈牙，啖啖肉，無令人失望❤️我自己就最欣賞五寶湯河，湯好清澈，但味夠濃。五寶有牛栢葉、牛丸、生牛、牛（唔記得左😅），只牛丸係勁好味的鮮手打牛丸！最後我係連個湯都飲曬的😂😂餐飲選擇好多，但唔包特飲同椰青，青檸梳打同咸檸梳打都唔使加錢的☝🏼

呢一間雖然店舖唔大，格局少少似茶餐廳，但係人唔多又唔催客走，坐得好舒服。我哋今次叫咗雞煲套餐，雞係兩人分，都幾足料，仲有牛丸牛柏葉同牛肉，真係一次過可以食到好多嘢啊！雞煲唔會味精死鹹，帶啲沙嗲味，但就有心理準備一定會有少少辣，芫荽蔥非常香，雞肉好滑，牛丸同埋牛肉就相對失色啲唔太有牛味，兩個人食一定夠飽一個套餐！仲會有一碟生菜可以中和下口味，唔會咁咸，更加爽口。餐飲仲可以叫越南滴漏咖啡，雖然轉左凍咖啡加冰之後冇熱嘅咁正宗同好飲，但係熱辣辣嘅雞煲又可以飲到正宗嘅越南咖啡感覺真係好好啊！椰青都好好飲清甜又夠冰凍！牛油雞翼更加係一定要試！炸得來粉漿唔會太厚，牛油味好香，雞肉滑又多汁唔乾！仲好食過雞煲！

位於旺角鬧市的平民越式料理#越滿食物選擇多 價錢平 大件夾抵食叫左個好有越式風味的香茅雞煲(2人份$158)份量多 雞件偏肥 加左香茅同九層塔好特別 好惹味小食推介蔗蝦棒($58) 十分彈牙有咬口🤤另外叫左個主菜咖哩軟殻蟹($93)加蒜蓉包($30)咖哩梗係要配飯或者蒜蓉包！四至五件蟹 好淋好入味 有火暖住個窩 唔會咁快凍晒 十分好飲品叫左椰青($45)同凍越式滴漏咖啡($32)椰青清甜 有得飲又有椰肉食😌越南咖啡的特色係相對濃味 加埋煉奶飲就好香滑😌整體係幾抵食的本地越南餐廳 可以一試🇻🇳

凍冰冰去食飯，之前都有飲過呢間越南菜，點知而家新出左越南雞煲，就叫個2人份量試下。雞件數量都幾多，有勁多越式香料。雞件香辣惹味，同一般雞煲唔同，多左越式香茅、九層塔等香料，味道更有層次。雞脾菇新鮮，吸收左辣汁香料的精華，一入口已經刺激味蕾。我地另外叫左個豬頸肉菠蘿炒飯，豬頸肉燒得幾香口，炒飯粒粒分明，唯菠蘿份量較少。扎肉金邊湯粉，扎肉唔會好粗糙，扎肉同金邊粉都幾爽口，湯頭清清地可平衡返剛才食的辣雞煲味道。推薦蔗蝦棒，蝦丸炸至脆身，包係蔗棒外。蝦丸爽口彈牙，好惹味~青檸梳打，梳打另上有誠意！個人覺得2人份雞煲幾抵食唯馬拉盞通菜略微唔夠味，比較清淡

今日行完街同frd 黎左食越南野，見到原來有越式香茅雞煲食，一於要滾一滾。除左雞煲 再叫左1個2個餐鮮蝦米紙卷，味道清新，配酸甜醬汁好開胃，米紙軟滑得黎又煙煙韌韌，幾好。二人份嘅香茅雞煲，158蚊，好大煲，好多配料，有好多津白同雞脾菇，仲配左1籃生菜滾黎食，醬汁好香好入味，惹味得黎又唔會太咸。雞肉醃得好入味炒芥蘭苗，惹味爽口。咖哩軟殼蟹，好大隻軟殼蟹，而且好多膏，有火暖住，唔會灘到凍哂唔好食，忍唔住追加白飯喇蒜蓉包，好香牛油蒜蓉味，夠香脆。蒜仔牛柳粒，份量多，黑椒味濃。青檸梳打好大杯，食雞煲不可或缺，冰凍清新。埋單每人160蚊度，已經飽到不行了，好抵食呢！