越棧越式湯粉專門店 (置富第一城) (已結業)

本身呢間餐廳對我嚟講真係冇乜好大吸引力，partner 怱然話想食越南嘢，我見好耐冇嚟過呢度，於是答應。我以前多數都係食咖哩牛脷飯，今日見到menu有新嘢就試吓牛脷雙拼湯粉，呢度係要由餐廳職員幫你落單，我叫咗牛脷配生牛肉湯金邊粉，我初初話「走蔥」，不過我驚佢哋會放香葉（對我嚟講一啲都唔香，仲會破壞成碗嘢😅），於是改口話「走青」，仲加多句：「係綠色嘅都唔要。」😂😂飲品我加錢升級特飲綠豆冰，呢様係我去親越南餐廳都會飲嘅。飲品最先到，夠多綠豆👍🏼，跟住冇幾耐金邊粉都到咗，一望成碗上面都係蔥，費事麻煩人，唯有自己逐粒揀返出嚟。差唔多揀晒啲蔥出嚟，發現碗粉入邊好似淨係得牛脷，冇咗生牛肉🤔，於是叫佢哋攞返入廚房，我驚啲湯已經唔夠熱淥熟啲生牛肉，叫佢哋換過啲熱湯俾我，我partner提多句：「要走蔥呀！」當佢哋攞返碗粉埋嚟，生牛肉加返，啲湯都夠熱，但係成碗嘢面頭鋪滿晒蔥花😱😱😱！揀咗咁耐，而家又要從頭再揀過，今次啲蔥仲多過頭先😭😭😭！我都唔知揀咗幾耐先揀晒啲蔥出嚟，真係激氣！其實你知唔知要揀返啲葱花出嚟，好辛苦㗎！😭雖然啲嘢食味道都算可以，不過經過今日嘅經歷，令我覺得：如果唔係有人堅持話要嚟呢一度，

老公中午辦事 結束就黎佐附近睇下有乜嘢好食 然後就留意到呢間 隨心就走左入去啦 點佐兩樣 湯河（胡椒豬扒+香茅豬扒），湯檬粉（春卷+雞翼）加配佐個紅豆奶茶～ 两个汤噶都幾好味 最有驚喜係個胡椒豬扒！胡椒味唔會太濃 豬扒又酥酥脆脆 其他就正常發揮 奶茶就好似有d難飲 感覺放了蜂蜜 有點發苦咁

呢家越南餐廳嘅氣氛放鬆，環境秀色可餐🍴，我哋一行四人嘆咗一頓舒服嘅晚餐。首先，拼盤嗰陣，望落去真係豐富得滯，炸春卷嘅外皮香脆，咬落去嘅感覺正！魚餅同埋扎肉喺味道上平衡得黎，又夠晒水潤。豬扒同蝦片都爽口得來，賣相叉燒又吸引！個越式蒸粉包質感唔錯，黑木耳同馬蹄帶點清甜，但皮真係厚咗啲，食落少少唔順。湯河方面，嘩，口感滑溜，湯底濃郁，牛肚絲雖然有啲過嫩，但幼細嘅切工同埋淋上面嗰陣香濃滋味，依然叫我回味。啪咗口生菜，青脆爽口，雖然等咗耐少少，但清新嘅滋味仲係挽返啲分🌿。最後嘅XO辣醬真係打份！隱藏版辣醬，一撈湯河粉，即刻提升咗成碗嘅層次。總括嚟講，$85一位，食到飽又飽，食材多元，味道有驚喜，呢間越南餐廳，值得推介！👍🍜

以前餐廳好多人食，近來水準下降了，餐廳人流減少，午餐都是得數台//豬頸肉撈檬燶邊豬頸肉都夠香口，點上泰式醬，再加魚露汁撈檬，味道不錯午市套餐有跟飲品或加錢升級特飲

😎沙田第一城 越棧😎越棧食咗好多年，質素都Keep得好！午市嚟食，揀咗個雞絲河粉！鍾意越棧可以保留到越式河粉嘅味道，同我喺越南食嘅味道好相似。欣賞佢哋仲會提供青檸&辣椒粒，之前去越南旅行，佢哋啲本地店舖都會有的。套餐跟飲品，好抵，正常茶餐廳飲品凍熱都唔使加錢，而特飲都只加$4！

之前成日係沙田連城廣場度食，自從佢執左之後就冇食過。去到朋友屋企附近，結果發現呢度居然有越棧，入面又冇咩人幾多位，於是我地就入去食。見到好多人話服務麻麻，我入去果陣又冇d咁嘅情況，坐低都好快有茶水，叫佢地黎落order都冇話態度特別差。我最中意豬扒撈檬，所以都係叫左佢。同回憶中味道一樣，豬扒好食，加埋d汁酸酸地，好開胃。朋友叫左胡椒豬肉撈檬，佢話ok，不過不失。不過d野食味都幾勁下，食完再食埋香口膠都感覺陣味仲係度。

呢間分店有個阿叔做收銀🤬🤬🤬有兩次事件都令到我非常不快😥😥😥首先，第一件事係我用電話去落單外賣，過咗半個鐘頭之後去拎，個阿叔竟然同我講話因為我太耐冇去拎，所以個外賣俾咗人啦😵😵😵😠😠😠佢答我嗰陣啲態度仲要係好不屑，同埋晦氣😡😡😡第二次過咗好耐，再去幫襯😕個阿叔仲喺度做😒😒😒 咁唔緊要啦，越棧係集團嚟㗎嘛，我都唔會理佢嘅…不過佢真係太過分，我入到去同佢要講個外賣，跟住佢好晦氣咁樣同我講話我入緊外賣單喎⋯⋯咁唔緊要，我坐喺隔離等囉。點知佢入完張外賣單之後唔係幫我落個外賣而係走咗入去serve其他堂客😑😑😑我勁無奈…之後我問返佢究竟有冇幫我落多個外賣單？佢竟然答我冇呀！你嗌咩㗎？我嗰下真係嬲到極點！！！心諗有冇搞錯啊？你做飲食業都係服務性行業啊！🫤🫤🫤佢呢啲咁嘅服務態度真係令到間舖頭越來越少客人☹️希望唔會因此而執笠啦😢😢😢

今日諗住試下新野叫左依間既咖哩雞飯 雞得2細舊 仲要雞翼黎 真係收人$54，對唔對住食客呀啲份量真係少得驚人，真係食個麥當勞都飽過佢以後都唔會再選擇呢間，食個午餐都食唔飽。極度失望。。。

侍應服務超级惡劣 尤其那個戴黑框眼镜男侍應 叫佢盼睇唔到 應又應得衰格 之前看到評論指服務出名差 未有盡信試一下 誰知真的中伏 後悔得不得了 好好想食碗粉 卻一肚子氣 以後不會再去！

31/7/22叫外賣發覺內容全錯，但號碼正確，落去取回正確食物時，店員連收銀一齊極無禮地話我攞錯，我話係你地遞俾我㗎喎，佢哋唔單止唔道歉，仲堅持係我錯，其實平日去買外賣都會聽到店員一邊傾偈一邊咀咒第一城嘅住客😡

每次經過置富第一城，肚餓唔知食咩好，就會嚟呢間，已經幫襯過好多、好多次啦！唔知點解，雖然每次幫襯，啲味道都有啲差異，但係都係會走入嚟食門口細細餐廳內環境唔算大，一眼睇晒，但坐位都算舒服，而且一坐低，店員就會比一兜出煙的熱水，用嚟洗碗筷🤣🤣🤣餐牌上的$198兩人套餐，係每次嚟都會叫，有粉、有小食、有菜、仲有任選飲品，特飲都唔使另加錢牛腩片香茅豬扒（牛湯）—今次牛片好大件，以牛腩件，都有牛香，唔羶！扎肉香茅雞翼湯檬（雞湯）唉😮‍💨叫左湯檬，點知嚟咗我唔鐘意嘅金邊粉，太失色，為咗唔想麻煩，都無叫換！整個粉都唔錯，唯獨雞亦浸係湯到，變左淋晒！上湯浸津白—無特別扎肉蝦餅—上面啲蔥油，好正，咸香咸香咁，加落啲無味的扎肉蝦餅，味道就剛剛好！越式蒸粉包—同札肉蝦餅一樣，有啲蔥油，不過放係呢碟到就變得有啲多餘左不過，佢個粉包熱辣辣，呢度就加翻唔小分西瓜柚子（左）—以為係有西瓜成份，但飲落同柚子梳打無咩分別青檬梳打（右）—唔算得上好好飲，但酸酸甜甜，都幾開胃總括來說，$198一個2人餐，有咁多野食，性價比都幾高，以呢個價錢都配合呢個質素同味道

住左咁耐第一城附近，第一次去食，食物真係麻麻地，如果當佢快餐咁食，可以嘅，每樣食物感覺都好茶餐廳質素，蝦炸到焦到黑，個粉卷我第一次到一間，好似叮叮點心的質地，我諗我應該同佢再無緣了

食完要勁飲水，無味精的地方，都無飲今多水，豬扒好咸，回家又要狂飲水，有二隻野周圍飛，以前其他地方都會選，因為好食又好飲，沙田就唔再來了，小食是好食的，蝦餅等好食。

平日晚市入去都唔使等,好多位。叫咗個香茅豬扒撈檬，香茅豬扒份量都多，一塊豬扒切開都有八九件，唔會煎到太干太鞋，反而有啲位置因為有肥肉，所以食落去都好香口。檬粉份量亦都夠多配埋撈檬嘅汁醬 都夠味，酸酸甜甜都幾似喺越南食嗰啲。

今日約了幾個親友一起食午餐，選擇了這間越式食店。我們一行七人，選了一個四人套餐和一個二人套餐，每一碗雙拼粉麵都是大大碗，單是食一碗麵已經足夠作為午餐，套餐尚有小食、蔬菜、飲品，所以七個人分食已經足夠有餘。湯麵的湯底略嫌清淡，我只試食了湯河和湯檬，河粉比較好味；配搭的香茅豬扒和雞翼，炸得酥脆有口感，味道也不錯，只是比我食過的其他越式食店略淡；配搭的牛腩片和金肚絲炆得夠淋，只是沒有什麼味道，豬頸肉中規中矩。親友極力推薦這裏的越式蒸粉包，味道確實很好，皮薄餡豐富，也不知道餡料包括了什麼，但真是入口爽滑又惹味，讚。雜錦拼盤中的炸春卷和炸蝦餅都值得一讚，春巻味道濃郁炸得酥脆，蝦餅彈牙夠口感，味道鮮美。可惜的是扎肉蝦片淋了。總括來說，這裏的粉麵味道一般，不過各款小食配菜值得一讚。飲品仲可以任選一般飲品或越式特飲，都不用加錢。免收加一，都算抵食。