越北牛肉粉專門店 (已結業)

巡到沙田去，邊間有位就食邊間。播著很有情調的越南歌曲，輕鬆愉快。越南牛丸河粉，金不換氣味強烈，牛骨湯晶凝通透，迷你牛丸嚥嚥韌韌，每項表現平庸悶悶。越南生牛肉河粉，沒有臉盆咁大既火車頭食，唯有輕食一碗吧！湯汁有牛羶味不夠香甜不夠濃郁不夠豐富，牛肉片瘦猛猛鞋鞋韌韌，給多一點牙力嘴嚼。就算加青檸加指天椒，味道始終未達標準，只好出必殺技！再勁落史拉差辣椒醬，味道提升許多。食食下發現河粉份量也不少，啜得起勁！越式燒豬頸肉，翻叮微溫，油膩不爽彈，味道偏甜而陰沉無鮮味，不香口不香脆不香甜，整體感覺鞋鞋的。馬拉盞炒通菜，半烚半炒最後馬拉盞醬鋪面？沒有丁點兒鑊氣，靜悄悄被消滅。酸莓青檸茶，好似啫喱味，淡淡酸酸甜甜一試無妨。

今日特登去沙田越北,點知門口已經圍咗板,問商場看更,話已經結咗業,上個禮拜仲食緊,仲等咗大半個鐘先有位,睇返沙田區已經再冇越北,電新蒲崗嗰間都執埋,唔知其他分店會唔會陸續結業

招牌菜 生牛肉河 好難食呀！……………………只係一間越南主題既茶餐廳。食魚蛋粉好過！叫咗ABC餐 overpriced 完全唔低食。食完等於冇食過。會肚餓……..食左 越北生牛肉牛腩河 + 生菜 + 越南熱濃咖啡 $90牛河個湯完全係味精湯，似係出前一丁五香牛肉味個味精粉牛肉牛腩都係薄片配料唔新鮮，d香葉蔥有d黑，濕濕地。越南咖啡 好難飲！唔熱，有怪味，細杯。Menu 好污糟 ……………………………………………………………..

平時都幾中意食越南湯粉，有朋友介紹越北既生牛肉河既味道唔錯，價錢又幾合理咁，今次嚟到沙田見到呢一間餐廳，咁就嚟試一試先🍀越北生牛肉牛肉丸湯粉 $55生牛肉同牛肉丸呢個組合真係冇得頂，生牛肉既肉味香濃，用湯既熱力令到牛肉啱啱好熟，質地又唔會韌同鞋身，咬落油脂同肉汁係口入面散發都幾正，牛肉丸質地彈牙，入面肉汁都唔少，牛味都幾香濃，湯底清清地但味道都幾濃，加入埋唔同既香料，令麵更加好味整體嚟講湯同配料既組合啱啱好，湯濃但飲完唔會好頸渴，都幾推薦大家嚟試下嫁好食：❤️❤️❤️❤️🖤抵食：❤️❤️❤️❤️🖤📍越北牛肉粉專門店 (沙田)沙田橫壆街1-15號好運中心3樓194號舖

呢間嘢食質素好，價錢合理（特別係按套餐A+B+C嗌)！有粉，有小食，有埋甜品/嘢飲，非常划算！特別推薦春卷，好香口，想過會想再食！其次就係凍椰青糕，唔會好甜，爽口！其他嘢食都好好👍

越北三寶撈檬🥢三寶即係豬扒、雞翼、扎肉，可以一次過試多幾款餸，通常叫得三寶每樣食物嘅份量都會少啲，雞翼有2隻、扎肉有2塊，本身以為豬扒都係得一小塊，點知原來係有原塊豬扒，大概切開有6、7舊，而且豬扒都厚身，食落啖啖肉，肉食者一定啱。扎肉食得出佢嘅黑胡椒味，幾突出～馬拉盞生菜🥬之前食下午茶餐有得用優惠價加配小食，雖然晚餐就冇依個優惠，但係$28一碟都算合理，份量ok👌 見到晚市餐牌有帽子火鍋，材料有牛肉、牛丸、扎肉等等，可惜今日有啲趕時間唔得閒打邊爐，不過餐廳上菜速度快，有時趕時間想食個快嘅都會揀依間⏱

中午時段，人流比較多。越北生牛肉湯粉$58一直以來都鐘意食佢哋嘅生牛肉湯河，牛肉滑，湯頭好飲，芽菜、葱、芫荽、辣椒粒，通通食晒冇得剩，牛肉食落係唔同以前，但都好食。清沅蒸粉包（2件）$23好大個粉包，內裡滿滿的木耳和豬肉碎，加23蚊好抵食，之後再加8蚊飲沙冰。水晶芒果沙冰 加8元今日氣溫唔高，但想飲芒果沙冰，芒果沙冰唔同芒果汁，沙冰芒果味冇咁濃，都係要夏天先好飲沙凍，飲完凍親就唔好😜三樣嘢都係89蚊，抵食。

🍽️ 越北牛肉粉專門店 📍地址: 沙田橫壆街1-15號好運中心3樓194號舖👉🏻豬扒飯 $52豬扒食落幾鬆化！👍唔會太熟👍好食👍正👍😁不油、不膩、面度適中、好易入口、超好食👍😍😁👉🏻雞扒撈檬 $52雞排撈檬 一大塊煎好左既雞排 汁另外自己撈 仲有青檬放係面上面比你自己擠黎調味 雞排出色 煎得岩岩好夠juicy 雞皮薄而脆 雞肉鮮嫩 仲要大大塊 正 撈檬 個檬粉仲有切左絲既青瓜，白蘿蔔同紅蘿蔔🥕加埋汁一流 不過個汁唔多蒜頭 反而醋味重d 食完個口都唔算好大陣味酸酸地、甜甜地、又幾好味wo👍😂👉🏻綜合牛肉湯河粉 $6仲叫左碗店長推介 越北綜合牛肉湯粉 有生牛肉 牛腩片 同牛丸 個湯一流 勁有牛味 但又唔油膩 清得黎好濃郁 食過番尋味 個湯真係驚為天人👍🏻👉🏻炸蝦餅(細）$30🤭母親大人最愛 仲要有好多塊🤣👉🏻河內炸春卷（2件）$18👉🏻黑糖蔓棗茶 $8估唔到都幾好飲 好香花茶味 🍵 甜甜地 👉🏻熱奶茶 +$0👉🏻桂圓紅棗茶 $8足料😍🫶🏻岩曬女人 補品🫶🏻🫶🏻勁多粒紅棗 仲要係無核的 好貼心 冬天飲暖笠笠 簡直一流😍好味指數: 4.5/5 性價比: 5/5 無加一 呢個價錢真係好抵食

今日去食，3個人叫3份餐，比錢找數，找返少左錢，原來被屈叫左個外賣，店員仲理直氣壯話係咪坐果個度，完全唔了解清楚係咪自己職員入錯單，最後被發現，就話係職員入錯枱號，如果我真係冇睇單，咁咪比左錢，比屈多收一個外賣，所以大家小心，一定要睇單

今日差唔多下午茶時份黎到，本人好有禮貌地問下個waiter可唔可以比個下午茶餐牌我睇定先。佢就直接渴我叫我出去，你而家咩服務態度？咁樣對客都有？我問下又冇即刻叫你話要order！垃圾黎大家唔好去！

同沙田友想搵地方坐低食少少嘢傾下偈,見到越北有人排隊等位,即時決定就呢間啦。裏面裝修都好有越南feel,壁畫裝飾簡單清新。生牛肉湯河粉$50, 有4大片生牛肉,河粉份量好多,牛肉湯底味濃郁, 冇失禮佢個招牌。追加一份小食河內炸春卷$18,春卷點少少越南魚露,用生菜包住,爽脆可口,一啲都唔肥膩,如果春卷大條啲就更理想😂另外叫咗碗雞扒湯檬粉$52, 炸雞扒大到有啲嚇親,切開6件,好味得嚟真係好飽肚。呢一份追加小食炸蝦餅$30, 中上水準。同個friend傾傾下計,見到隔離叫咗份炸蝦多士好吸引,即時叫咗一份芝心蝦多士$55, 蝦多士有4件,薄薄嘅麵包中間夾住蝦膠,上面黐上芝麻,即榨即上枱,鬆脆香口😋😋,真係好正,必食推介👍🍽 餐廳: 越北牛肉粉專門店(沙田)🏠 地址: 沙田橫壆街1-15號好運中心了樓194號舖#foodiehk #hkfoodie #foodie #香港美食 #foodporn #foodphotography #foodblogger #hkfoodpic #hkfoodinstagram #foodlover #foodstagram #美食分享 #食好西 #美食寫真

今日帶小朋友去沙田playhouse 玩， 諗住食埋lunch 先返屋企， 但見到沙田新城市超多人， 差唔多間間歺廳都要等位， 重要等好多張飛.於是行遠少少去好運中心， 少人好多， 我見越北好吸引， 咁就試一試.我叫咗個蝦餅春卷撈檬：春卷有二條，即炸， 熱辣辣， 香脆蝦餅有一塊， 已預先剪開一片片， 脆口， 啖啖蝦膠肉， 撈檬汁已放一樽係每張枱， 任加， 好適合鍾意加超多汁既我， 唔洗怕唔好意思問服務員攞🤣蒸粉包：一碟有二件， 都幾大件， 皮薄， 料多， 啖啖肉越南椰汁冰咖啡： 味道幾特別， 唔太甜， 椰汁又唔會搶咗咖啡味， 可以一試冇加一， 埋單$99 ， 2⃣️個人食， 平均$50 一位， 經濟之選

晚市二人套餐有3 Set選擇，我地兩個女仔，所以叫最平既試下，免加一，除開每人 $89，有齊小食、主菜、蔬菜同飲品，沙田區晚市黎講算抵。🔸晚市2人餐 $178另一吸引地方係套餐可以任簡飲品（椰青除外），連特飲都得，平時一杯都二十幾蚊。🐥法式蒜蓉雞翼一碟4隻，唔算細隻。外皮香脆，帶淡淡既蒜蓉味，肉質嫩滑，好快就清左一碟。🐂蕃茄牛腩配蒜蓉包蕃茄汁濃杰，酸甜開胃；牛腩份量頗多，偏瘦帶少許筋膜位，岩晒怕肥又為食既女仔。法式麵包上搽滿蒜蓉牛油，有4大片，都幾厚身，但覺得可以再烘脆啲。🦐蝦頭膏炒生菜蝦膏味道鮮香，生菜爽脆。本身想叫通菜🥺但賣晒，唯有下次先叫。🥤椰汁紅豆冰每次黎都叫‼️椰汁打成沙冰，特別濃郁，紅豆大粒起沙，飲完就係幸福感滿滿。🥤桂圓紅棗茶除左必有既桂圓同紅棗，仲加入其他藥材，如玫瑰、杞子…好豐富。但記得浸耐啲先飲，會出味啲。

⭐️越北牛肉粉專門店⭐️📍: 沙田橫壆街1-15號好運中心3樓194號舖⏰:11:00am-10:00pm今日lunch諗唔到食咩好，同事話想食越南野，就揀左呢間越北牛肉粉專門店，好彩早左黎到，坐低無耐就開始多人，走個陣已經要排隊等位🌟豬頸肉撈檬 ($65)豬頸肉燒到剛剛好，食落好爽口，配埋撈檬口感清新，推介😍🌟三寶撈檬 ($72)越北三寶撈檬有香茅豬扒、香茅雞翼同扎肉，香茅豬扒同雞翼夠哂香口，香茅味亦好濃郁，呢個三寶好出色😋🌟河內炸春卷 ($18/2件)小食我多數都會叫炸春卷，新鮮炸起熱辣辣脆卜卜，性價比超高☺️☺️🌟炸蝦餅 ($30)同事叫左個炸蝦餅，炸得外表鬆脆，蝦膠肉飽滿，非常香口💯🌟椰汁綠豆冰 (套餐+$8)飲品方面佢地既椰汁綠豆冰椰味香濃，加上粒粒綠豆，口感清新夠哂透心涼🌟水晶芒果沙冰 (套餐+$8)芒果沙冰都好高質，芒果好香甜，超好飲🥰🥰🥰

應該是秋冬限定的越南帽子火鍋，聽落幾有特色，便點了一個二人份、清湯底的火鍋黎試下。帽子算大但因為材料都舖在帽邊上，實質用料不多，之前有網友食過有青檸之類的配料，這次也不見了，非常簡潔。個人覺得牛肉和牛丸都幾好食：牛肉片ok，無雪味，輕灼幾秒便食，唔算靭但未算好柔軟易咬；牛丸細細粒有肉汁，有少少牛筋係裡面，有口感！其他的肉類，包括牛坑腩（幾靭）、扎肉片（無乜特別）真的很一般。二人份量的火鍋，連金邊粉也不夠二人份，結果二人也吃不飽，結果要去第二間再食野。