23
7
0
| 餐廳: | 赤身燒肉 USHIO |
|---|---|
| 優惠: |
於此國泰夥伴餐廳用餐賺里 ! 國泰會員於夥伴餐廳消費可賺高達HKD4 = 2里數。受有關條款約束。 |
|
條款及細則:
|
|
|
|
影片
港鐵中環站 D1 出口, 步行約3分鐘
繼續閱讀
電話號碼
23282318
開飯介紹
來自日本福岡的新派燒肉專門店，亦是品牌首間海外旗艦店。主打全港獨家供應的日本鹿兒島「新村和牛」及「赤身燒肉」。
繼續閱讀
營業時間
今日營業
12:00 - 15:00
18:00 - 22:30
星期一至日
12:00 - 15:00
18:00 - 22:30
公眾假期
12:00 - 15:00
18:00 - 22:30
**午市最後落單時間 : 14:30
*晚市最後落單時間 : 22:00
以上資料只供參考, 請與餐廳確認詳情
有關獎賞計劃
優惠
| 餐廳: | 赤身燒肉 USHIO |
|---|---|
| 優惠: | 國泰會員於夥伴餐廳消費可賺高達HKD4 = 2里數。受有關條款約束。 |
|
條款及細則:
|
|
|
|
相關文章
極度優質嘅和牛午餐set，一份才三百幾蚊，有兩款和牛，一款係薄身和牛，點雞蛋食，有店員幫手燒，另一款自己燒，大概都有八片，質素極高，同日本食冇乜分別。最勁係我哋四個人食咗2100百幾蚊，佢送返兩張$500 coupon俾我哋，晚市只需要食$1000就可以用張$500，我覺得飲食真係好難做🙈呢間鋪真係絕對值得再去👍👍服務同埋環境都好好，午市大概只有七成人。佢而家做緊一個三百幾蚊嘅set，每日限售10份
繼續閱讀
伏？未至於。。。只不過低CP。話說尋日係中環想食一間韓燒不過因為太多人，唯有下次再去。經過呢間日式燒肉店，主打日本產頂級高崎和牛，見到佢門口個promotion 好吸引，二話不說入去試下。不過 ，下次真係要小心留意餐牌😂 呢間餐廳行高檔路線，餐牌定位偏高。由於無book枱，所以我哋係坐散枱食，點左門口個兩週年$988 套餐。首先上沙律，正常操作。之後和牛他他，用較後腿位置切碎，入口有少少口感，唔會全肉免治出水，上面嘅魚子醬亦都有奶油香，好夾，幾好食。之後開始燒烤，首先係兩款澳洲產牛肉，包括牛舌，由於老婆唔食牛舌，店員幫佢轉左牛横隔模部位(skirt ?）。有專人燒埋俾你，熟度剛好，牛舌好滑，好好食。之後開始進入食日本高崎和牛，當中包括牛柳，肩三角，西冷，上板鍵（其實 flat iron 假如自己開過其實係筋上面件肉) 偏軟身，香滑，同埋龜之甲 （由於係偏後腿嘅肉，即使有油花都係會較前者無咁軟滑，但係因為油脂極重所以入口都好甘香）。西冷為壽喜燒 Sukiyaki 做法（ 不過店員係描述嘅時候講左做 yaki-suki, 嘅個低級錯誤唔應該係呢種級數嘅餐廳出現，Suki 辛苦了😂) 配大分県蘭王蛋食，口感超滑，好膩好肥美。中間亦都有蔬菜同大虎蝦，分隔不停狂食和牛，同減低油膩感。虎蝦係越南產，大隻，好好肉，彈牙，不過蝦味好弱，要加多啲鹽先可以。最後有個海膽櫻花蝦撈麵，好食嘅，馬糞海膽鮮度一般。然後甜品。呢度環境幾好，服務幾好。不過出餐非常慢，中間idle time 太長。當天唔算好爆場。每張枱分隔唔算太遠，旁邊張枱嘅客人聽到對話應該係中層以上人士，好似識好多野，粗言穢語都好有研究，真係大聲左少少，食得好唔舒服。最後埋單，叫左兩杯$88🍻，共銀HKD$2467. 咦？原來套餐係每位$988，再加10% svc. 所以出現呢條數。門口offer 無寫明，入座去到點單亦都無講明，下次大家真係要問清楚，免得有咩誤會啦😂老實講，呢個價錢CP值又唔算特別高，平均每人千幾蚊其實好多地方都食到，味道幾好，所以又未至於伏。下次再去前少少嘅果間韓燒再同大家分享過👍利申： 全自費，Walk In.
繼續閱讀
點咗 Daily Special - USHIO 特上和牛肉眼定食 Wagyu Beef Rib Eye Premium Set（$388）有沙律菜🥗、前菜、湯。店員好細心，附上肥膏一嚿，用嚟抹爐，提示每邊煎12秒已經OK。嘩，入口即溶，又嫩滑。但係食到最尾其實好膩吓，一定要飲番杯熱茶🍵。
繼續閱讀
Ushio@中環威靈頓廣場今日朋友生日，就益佢請佢食餐好野喇！之前喺網上面睇過人推介呢間位於中環嘅日本燒肉過江龍。來自於日本福岡，主打食嘅係鹿兒島新村畜產農場直送嘅「新村和牛」。舖頭位於中環威靈頓街地舖，轉過彎就好易搵到。店鋪裝修闊落又唔俗氣，每台都會有盞spotlight俾你打卡影靚相時用。客人唔多所以環境好安靜，令人感覺舒服。我哋今日就揀咗坐吧枱，但如果朋友多嘅話吧台傾偈冇咁方便，會建議坐返長枱。佢哋會有推薦嘅Omakase Set，前菜飯麵甜品樣樣有齊，每道燒和牛都有專人服侍，不用自己燒。我哋想試多啲唔同類型嘅嘢，就選擇咗散叫，侍應推介我哋揀瘦肉部份，亦都有我哋簡單講解每件牛來自咩部位，同埋要點樣燒。佢哋嘅牛肉油花平均，肉味突出而且肉質細緻。燒肉調味料同樣出色，有昆布、粗鹽同燒汁，昆布加埋鹽特別好味。ヒレ（Tenderloin 牛柳） 首先嘅係牛肉中最貴重的部位牛柳，牛柳喺控制轉彎的肌肉，牛一生都唔會用得好多，於是肉瘦而肉質柔滑。我覺得算係最好食嘅幾個位置，而且唔使點任何醬汁都已經好夠味。シャトーブリアン （Chateaubriand 牛柳芯）成隻牛貴重中最貴嘅當然是中間嘅牛柳芯啦，全隻牛只得1kg左右的牛柳芯，亦係USHIO招牌之一。不過可能期望過多，覺得牛柳芯味道尚佳，但沒有其他部位香、口感咁細緻同juicy。リブロース （Ribeye 肉眼）佢傳統上應該算係牛肉入面最好食嘅部份之一。肉眼嫩滑，味道豐盈，肥瘦適中，口感同肉味極好。サーロイン （Sirloin 西冷)西冷都算常見嘅一種牛肉部位，入口富彈性，再蘸點奉上嘅醬油，有更濃厚嘅滋味。侍應見我哋燒得唔太熟，都過嚟幫手燒咗幾塊肉。ミスジ（Musiji 牛板腱）呢個係屬於前腿上較後位置嘅腹肉，輕輕一燒，已經十分美味。加上佢哋特製嘅燒肉用醬汁，非常惹味。
イチボ（Ichibo 後腰蓋柳）本身我想叫嘅係Rump 肉即係腰到屁股嘅一塊。但可惜佢咁啱冇晒，咁我只好改要pat pat後邊後腰嘅Ichibo。雖然佢嘅價值冇咁高，但食落軟綿綿，點上燒汁同埋鹽之後好有肉味。仲有一樣好嘅係呢度個抽風系統做得好好，食完唔會成身都係油煙味。我仲留意到佢有做午餐定食，用料同份量都唔錯，有機會一定要試下。
繼續閱讀
當日點了 《和 • Wa Omakase》 套餐 $1388訂座前專登要求坐吧枱，師傅即場係你面前燒，每一道菜都非常出色，前菜以至牛肉湯都非常好味，亦嘗試咗唔同部位嘅牛，每一款都非常出色，牛味濃郁，油脂感十足，中後段已經覺得好飽，如果係胃口大嘅朋友，最後會有一碗飯或麵選擇，所以一定夠飽，之後再叫咗兩杯啤酒🍻，非常滿足，喜歡食牛的朋友不能錯過。師傅係每燒一道牛前都會介紹那道牛的部位USHIO沙律(無咩特別🤣)前菜 兩道前菜都非常好味和牛西冷壽喜燒 壽喜燒配上蛋黃汁等於完美的組合分別係，牛舌、肩三角、臀肉芯、牛柳用海鹽調味而後燒，再可自行配以山葵及昆布海鹽調味，令到肉味更加濃郁牛柳芯 師傅稱是和牛牛柳的中心部位，全晚最貴就係依道牛和牛清湯 好清甜，再配以菌菇調味，又香又好味，令人想飲多幾碗分別係，後腰蓋柳、牛板腱、和尚頭 用燒汁調味而後燒，再可自行加燒汁調味，個人覺得加咗燒汁後更加好味(食到依道牛嘅時候已經覺得好飽)最後有牛肉飯或牛肉麵選擇 個人覺得牛肉麵比較出色附上餐單給大家參考
繼續閱讀