影片
付款方式
以上資料只供參考, 請與餐廳確認詳情
睇完戲行過見到就入黎試下。羊雜粉其實就係4-5片羊肉加一碗粗版瀨粉，d湯味精重到一個點，好似唔洗錢買咁，然後賣52蚊⋯🤬你以為已經係伏？仲未算，抵死嗌左個臭豆腐。然後8片正方形既薄片豆腐乾，少少乾辣椒粉，呢個就係臭豆腐！！！真係粗口就黎爆，呢碟嘢賣32蚊！！！！食完先醒起黎openrice睇下，先見到原來好多人都試過呢個臭豆腐，伏到阿媽都唔認得。怪我，怪我自己冇黎呢度睇。下次見到呢間野好快d走啦。
繼續閱讀
間唔中都會走來食碗羊肉粉同牙籤羊肉 的確唔錯 湯底鮮甜 但唔知係咪因為本地人唔識貴州羊肉粉食法 本身有鹽喺枱面 依家轉左糖 有次唔知照落咗😅今次諗住試下其他小食 炸羊肉餃子 好失望 入面幾乎空心😅
繼續閱讀
閑時經過見到呢啲食特色嘢嘅忍唔住入去試吓。羊腩河食到一半先醒起不如食個食評，中上水平。呢個涼拌兩味好好食，兩款都好食，皮蛋口感好黏口，所以食落口將嗰種川味嘅香辣味一路黏住，好香，特別要稱讚一下個木耳，試過呢個就知道完勝譚仔。個人覺得嚟到呢間餐廳一定要食。原本對呢個好有期待，最後來到有覺得中挺水平，主要係因為有少少鞋口，但係你話好鞋又不是，反而用嚟配搭嘅汁水都可以。整體而言，中挺水平啦，環境算乾淨。
繼續閱讀
今晚揸車入屯門攞野，諗住泊低架車去附近麥記食個快，咁啱泊正佢門口，見到佢新開，而本身又唔抗拒羊肉，就決定放棄老麥黎食碗羊粉（大辣），見到推介有皮蛋豬肉餃，店員又推介，就試下，再叫多個臭豆腐，羊腩粉黎到，店員叫我試下辣唔辣，我食左一啖就知瀨野，辣度一啲都唔辣，店員跟住比左碟辣醬我，我全碟落晒，都係唔辣，算！碗麵羊腩少得可憐，但味道叫正常，皮蛋豬肉餃黎到，食一口就想嘔，果啲味入到口似腐化左攻上鼻嘅味，但唔係豬肉變，係皮蛋嘅化學作用嘅味道，總之無形容錯，食一口就想嘔，跟住我同店員講，佢就換左個羊肉餃比我，但真心講一啲都唔好食，味道又係怪怪，臭豆腐黎到又伏，完全係炸豆腐乾，無臭無味，又無醬，簡直又係難食之中嘅難食！相信如果做香港人生意係無得做，唔知大陸人係咪鍾意呢種味道，但我就一啲都唔欣賞。皮蛋豬肉餃唔記得影相
繼續閱讀
🐑 羊腩麵 (少辣) $59羊肉偏肥, 但係調味係幾好, 呢度既拉麵同粉 同我地既認知有少少唔同, 佢地既麵係上海扁麵, 而粉就係米線, 小編最初以為麵係蘭州拉麵, 點知唔係，有d失望🐑 羊肉蔥花卷 $45相對麵, 小編覺得蔥花卷比較好少少, 蔥花餅好香, 碎羊肉夠羶, 不過價錢個人認為偏高, CP值唔高呢間餐廳既服務態度一般般, 感受唔太好, 順粹個人感覺小編ig page @foodie_masian 👈🏻記得follow埋同比個like👍🏻支持下🥰～～～～～～～～～～～～～～～～～～～～～～📍 貴州遵義黔營羊肉粉地址:屯門屯門鄉事會路88號天生樓地下7-8號舖※※※※※※※※※※※※※※※※※※※※※※※※※※※
繼續閱讀
您可能會有興趣的...