豬仔糖水 (已結業)

裝修真係唔錯幾靚 不過好窄囉 太細喇間鋪嘢食唔係話特別好食 但都ok嘅 要求高個d就唔好去試喇😂😂至於職員都唔係講得咁衰嗜 不過我係咁不停同朋友影相 有個年紀大少少嘅女人就俾我覺得佢吹我地落單囉⋯⋯整體都ok嘅 一出地鐵就見到 可能會吸引到d人去食嘅🤔🤔

叫佢落單好似要求佢。叫15分鐘叫極都唔理。樓面又唔係大。一眼睇曬。有兩三個樓面見到你叫佢直行直過。完全無視。啲糖水又難食。如果大家想有一個木口木面又完全唔會幫你落單嘅服務員。十分建議大家去

收工後的美味甜品朱古力抹茶火鍋朱古力味濃郁 抹茶較淡味配料：有脆卜卜的萵芙 內裡煙韌朱古力手指條 配上抹茶醬 較特別兩球雪糕 一凍一熱咁食加上一粒粒的棉花糖水果就建議吾好食不太新鮮 由其係西瓜同哈密瓜

之前食過土瓜灣嗰間，都仲正正常常，黎到紅磡試一試呢間，一個字：失望。試左碗佐治糰子，味道就係咁多樣野撈埋，綠茶雪榚有綠茶味，同超市買的一樣；紅豆有紅豆味；白色一粒粒的小丸子一如其他小丸子係冇味的；個「湯底」係椰汁味，沒有淡淡的椰香，只有水汪汪；而個賣相極差，張枱又痴立立，職員態度又麻麻，個女仔好似好唔想係到咁，下次都係去番土瓜灣算數。

之前平時去到呢一間都係食開果隻綠茶豆腐花，今次就想轉下口味啦，叫咗一個叫「太空漫遊」嘅甜品😎本身我就幾鍾意食朱古力，好似都係朱古力味為主，再加上佢開咗咁耐我都未食過，所以就試一試🌕🌔朱古力味係夠既，配上大珍珠同脆脆食味道幾夾😙不過可能因為d汁少左少少，略嫌有少少甜，但整體嚟講呢個都係唔錯嘅甜品😁😁

晚飯吃過日本菜，但只是填滿肚子七成空間，意猶未盡下轉戰附近的糖水店，生冷的東西吃多了，特別想吃熱的，點了一客椰林燉奶。店家貼心的給了膠匙及不鏽鋼匙，膠匙用作吃燉奶，再拿不鏽鋼匙子把椰肉挖出來吃。椰香味道尚算濃郁，滑滑的燉奶夾着清甜的味道感覺很滋潤，這種滋潤不是指功效，而是對舌頭及心情的滋潤。然而燉奶的嫩滑程度仍有上進空間，肉眼可見邊緣部份呈現凹凸洞，這是蒸的時間過長了，所以吃起來稍欠水份，不過整體來說已經不錯。吉斯窩芙塔配曲奇/朱古力雪糕份量挺大，至少看上去件數多，等候時間有些長，猜想是窩夫即點即製需時，燉奶吃過一半才上來，結果卻不是熱的......窩夫質感也不像窩夫，咬下去立刻四分五裂散掉，叉子也挺不住它，口感非常鬆散，窩夫內部密度太低吧，疑似偷工減料。味道也不吸引，不像原材料的綠茶及朱古力味道，而是刻意去仿造朱古力及綠茶的甜，但怎麼說也不至於難吃。這盤是朋友點的，其餘食物貌似都是現成貨，就沒有着意去嚐。店子擠迫，座位分佈又帶三尖八角的感覺，採用可摺疊的長桌，所以同桌的客人稍有移動，定必牽連到我這邊，環境不太舒適，不宜久坐。至於食物質素、價錢、服務、風格都是小型糖水店的一貫作風，不見

一心想試下原味+朱古力+綠茶窩夫，點知有太多吉士，朱古力醬, 仲有一層紗糖...而窩夫本身好甜。實在太甜and漏，希望貴店會改善配搭，調教D甜度............

女友代筆 😝～同可愛女友去到豬仔糖水，叫左個芒果樂園,開頭擔心芒果會酸 食完覺得之前嘅擔心都係假嘅 好甜好有芒果味,同埋入面仲有個牛奶布丁，加埋啲芒果汁味道好夾👍🏻而且個心太軟賣相好靚,啱曬相機食先,攞黎po相😋個心太軟除左賣相,佢入面流心朱古力好正😋正所謂「外脆內軟」，好流心😍真係五錯,而且我嗌左呢2樣野價錢都五貴,服務態度都好好.真係平.靚.正👍🏻💪🏻值得一試！🐽

前排同中同聚會食完飯泥到呢間食糖水之前食過土瓜灣果間 覺得唔錯甜品款式幾新穎價錢又唔貴嗌完唔洗等好耐就有得食坐位唔逼 好鬆動不過我地嗌野食果陣嗌左幾次有人應但無泥落單香芒出浴我地覺得純粹一攤芒果水 仲要超級甜楊枝甘露呢個又系唔夠芒果味 好似飲水咁芒果粒唔夠 比起其他店 料既份量唔足仲叫左個朱古力窩夫 個雪糕幾好味窩夫就幾普通系脆既，但都唔夠熱另外雜果西米露 真秋好普通 無咩特別 生果又唔系特別好味榴槤之秋入面有榴槤 小丸子 蕉 牛奶布甸啲蕉好唔match榴槤又唔系話好香不過啲小丸子幾好食夠un布甸就冇乜奶味不過呢個系咁多款泥講算好食了最後每人30-40不等有D失望可能下次都系番TKW食算 

甜品從來都是飯後的必需品!!尤其食甜品係有第二個胃加嘛!今天陪朋友去完海旁影相, 本來食完晚餐後想去食個糖水, 行行下見到有間新既糖水舖, 就試下啦!因為我朋友中意食椰子的產品, 所以職員推介左個椰子奶比我地, 我自己就選了個賣相特別同埋比較新穎既甜品-拿破崙春卷 haha!XD等左一陣, 好快食品就上枱了, 除左椰子奶比平時行街平時見到既大個, 尤其係個拿破崙, 真係好大份同好別緻!! 不論賣相同埋味道上都係一個好好既配撘同埋新嚐試!!  椰子奶比想像中的椰香味更濃更香, 同一般的燉奶不能相提并論, 雖然大大個但食完一啲都唔''濟''!! 店員話泥個都係店內的一個重點推介甜品, 睇泥都無名不符實, 係無介紹錯既!!

今日放假同媽媽行完街餓餓地想搵啲甜品食行下行下就入左呢間甜品舖到坐啦~呢到既甜品種類真係超級多 menu有成五六張仲要張張都密麻麻 中西凍熱乜都有得揀我地叫左個抹茶冰川同太空漫遊(個名好搞笑)個抹茶冰川黎既時候已經覺得有啲貨不對版同menu啲個相比細左勁多 咁都算啦但作為抹茶控 個甜品既抹茶味真係完全缺乏抹茶綿花冰同啲抹茶凍食落都無抹茶味 失望成個甜品可取既我諗只有啲小丸子同紅豆煙韌既小丸子同甜甜既紅豆永遠都係最佳配搭反而個賣相有啲奇怪既太空漫遊就俾到我驚喜Cookies & Cream雪糕一向都係我既最愛托住雪糕既朱古力布甸有好濃既朱古力味佢又用牛奶沉住啲珍珠同可可脆波波感覺好似食緊可可脆早餐咁 但又有煙韌既珍珠幾種口感加埋好特別 整體好鐘意個太空漫遊之後我地未夠喉追加左個椰皇芋圓番薯圓湯丸個名好似好正 點知又係另一個令人失望既甜品椰皇既椰子味唔夠 芋圓同番薯圓無煙韌既口感啲芝麻湯丸咬落一舊粉咁 又無乜芝麻味仲要因為啲餡爆左出黎搞到有啲黑色係到飄飄下唯有安慰自己呢個唔係佢地招牌所以唔出色啦

好耐之前同朋友聚會食過大角咀分店，覺得價錢實惠 分量亦大碗，所以紅磡分店開左之後都keep住幫襯，之後同老公黎食，因為老公對榴蓮反感所以一直無試榴蓮產品，今次穩到朋友一齊同流合污，所以叫左榴蓮之秋😍同之前試過 幾好食既朱古力窩芙(朋友鐘意朱古力😜)因為朋友對牛奶敏感，所以走左奶，榴蓮之秋:底層 小丸子 中間 牛奶布甸(可以獨食😂) 香蕉片 焦糖脆片 牛奶(走左) 分量十足! 值得再食😍😍😍

主角當然是用朱古力及曲奇精心打造成的雪糕盛載在橢圓形的玻璃器皿內，猶如星球在銀河系的太空中遨遊，盃內裝着白色的淡甜花奶，雪糕的四周配衬著數粒圓圓的彈牙的黑白小丸子，像那太空中小行星圍繞首星球運行着，有心思有創意，19元一份也算是合理的價錢，可以一試。

平時都有幫襯開，價錢合理，食物都算ok，所以有時行過都會食下。但今日咁搞一搞，已經可以BLACKLIST。年初三，多人要等位非常合理，咁我同男朋友都只係等左10多分鐘。但係一坐底，都只係想叫人俾個熱食menu我姐，叫左幾次，每次應完我又唔比我，咁樣擾擾攘攘左5多分鐘，我地又唔見隔離有，如果唔係都自己拎左，最後都係其他客人遞比我地 …都算，點知佢地落左order成廿分鐘先同我講我叫果個鮮奶燉蛋白賣哂…咁我即係白等左廿分鐘…好啦! 都算啦，咪叫過第2樣囉，新年流流唔好咁勞氣。叫左個芒果北海道牛奶布甸，等左一陣，都有黎到。呢個平時食開，好味既!但係我男朋友果個waffle就仲未黎，見其他人遲過我地黎，都食緊個waffle，追左幾次單，每一次啲staff都話 幫我跟跟，跟下跟下都唔知跟左去邊，就咁擾擾攘攘又白等左成45分鐘，最後都係冇。 仲要見到個staff俾錯左個waffle隔離，同佢講應該係我地先岩，佢都唔理，照拎番入廚房...等既過程中，不斷都見到佢地拎啲waffle俾其他遲黎過我地既客…咁即係想點先?!最後廢是再哂時間係到等，冇等個waffle就走，我男朋友就咁白等左咁耐都冇得食。會

天氣轉冷, 如果想吃甜的話, 還是吃糖水比較合適. 是晚參加追思禮拜, 一個人在紅磡, 吃完晚飯, 不如吃碗糖水才回家吧. 豬仔糖水是相當旺場的店子, 看上去怎也是個好選擇吧.腐竹蛋花糖水 $17: 7分, 份量不太多, 熱度對辦, 甜度合宜, 在冬天吃一碗腐竹蛋花糖水, 相當滋潤, 但沒有下白果, 好像有點欠缺呢.豬仔糖水的腐竹蛋花糖水是相當滋潤的, 不過我還是喜歡有下白果的版本. 這個冬天有點冷, 愛甜的大家, 還是多吃點熱辣辣的糖水吧.