豪華新天地酒家 (已結業)

大家好~又係我栗米雞扒飯達人~不過今次唔係帶大家帶大家去食栗米雞扒,而係去呢間華新天地酒家食栗米班塊飯.呢間既栗米班塊飯,栗米汁好多,班塊夠晒大塊,份量好足,而且味道亦都唔差.而且地方好大,一定唔怕冇位坐.而且地下個層,仲有得玩擲飛鏢.岩晒一家大細食完去玩下家庭樂下=)

每次幫襯呢間酒樓,都會諗下次仲有冇得食呢,因為每次見到得幾枱客人,經營應該非常困難,所以老闆都諗咗好多方法,例如增設鏢機,但可惜地點始終係大問題,只靠邨民真係好難改善,但呢度嘅食物水準真係一D都唔失禮,每次都食到好滿意,今次只得兩公婆就點了粉絲雜菜煲同美極香煎牛仔骨,雜菜煲跟外邊食肆味道差不多,牛仔骨就有點點靭,但味道就十分好味,跟經理說要留意一吓,希望下次有改善,呢度仲有好多食物都好味,下次再食為大家再推介