豪大大雞排 (已結業)

又一所台式的食店進軍香港，是次就是非常之多港人熟悉的豪大大雞排，不知大家有沒有吃過此品，或是對此品有沒有好感，本人就每次到士林必吃的，如何飽也要吃件才罷休。是日要到旺角辦點事，都算路過吧，上回經過之時，由於店家賣光了雞排，只有雞粒，所以就沒有光顧，而是日反而是賣光了雞粒，那我也大可排一排隊，吃它一塊雞排，此店賣的雞排要上二十五港元，比起在士林的五十元的台幣，足足是貴了一倍，所以俗語有云；「人離鄉賤，物離鄉貴」，是不無道理的。都很快就有得吃了，是大塊得令人咋舌，印象之中是要比台灣的更大，足以遮掩兩個人的面孔，着店員加了點辣粉，就可以開餐了。一口咬下，是熱辣辣又夠脆夠香口，確是炸得出色的，不過細嚼之下就發現一些問題了，本人自問個口都好鬼大，何解會咬來咬去都是皮來的，香口脆身又如何，都要有雞肉給人吃才行吧，真的是要咬多兩口，才見到雞肉，雞肉又是熱得不得了，肉質不太嫩滑，但至少不嚡口不「痴」牙，香口美味。不過吃畢整件雞排，發覺皮與肉的分離程度非常誇張，它們之間的空腔，幾乎是可以再放多塊雞肉排，說真的，真的有點衣不稱身，借「殼」上市之感，這個是上粉及配方的一點問題，但由於吃得入口的地方都好吃，又

我第一次見到佢間野冇買到,仲有小小後悔第二次出街特登去買,更加後悔!D雞係好大陣雪系冰箱既味多味精D油唔係太多,不過出面D皮好難食可能係我個人問題,咁我就同我朋友2個一齊食點知MET開左,我朋友個半有3分2都係骨!佢食既肉又少又唔好味,我同佢都覺得俾人搵笨!25蚊好唔抵食,永遠都唔會再去呢間野!

知道開左一排, 口碑好一般, 但同男友都好掛住果時係台灣的豪大大雞排就買來試下價錢貴左, 不過都還可以接受, 此終MK鋪租咁貴不過一食入口就唔多接受得到 > < 賣相, SIZE, 同咬口都同台灣相似, 但D雞肉就多左陣雪味 而且都幾明顯... D 辣粉都唔能夠完全蓋過果D雪味...肚餓但都無食晒... 唉, 無下次...

話說小弟一月份去完台灣, 試過聞名天下既豪大大雞扒之後就一直念念不忘,而香港開左分店之後就一路都無乜機會試下, 趁今日放假出旺角, 一個人買完野之後唔知食乜做lunch,就決定買返塊大雞扒醫下肚~其實之前已經有留意開openrice既食評, 知道香港分店既水準唔係幾掂, 不過有時有d野唔自己試過係唔會死心既~講返台灣豪大大既雞扒, 依稀記得外皮係好脆, 一咬落去既感覺係雞肉好嫩滑同埋好有肉汁~至於香港既豪大大, 除左size差唔多之外, 似乎無一樣野係比得上台灣店...由於係午飯時間一點鐘左右黎到, 應該無乜人好似小弟咁奇怪食炸雞扒當正餐, 所以完全唔洗排隊就買得到, 雞扒係即叫即炸, 所以夠晒熱辣辣, 等左兩分鐘就炸起有得食.不得不讚好既係: 雞扒真係成塊乒乓波拍咁大塊, 加上好油好熱氣, 原本好肚餓既我最後都頂唔順食剩左半塊...至於味道方面, 雞扒既外層都真係炸得幾脆, 不過就好乾身同埋好「鞋」, 咬落去完全feel唔到有肉汁, 有種好似食緊薯片既感覺...同埋雞肉入面本身係無乜味既, 只係食到有大量既調味粉灑左o係出面, 所以食完會幾口渴...不過之前見到有巴打既食評話雞扒有骨

有次行經這店，見到很多排隊以為好好吃，但其實是難吃的。第一個星期四：第一次吃，買了雞排，想不到得幾丁友排隊也要等成五分鐘。真的很大塊，剛剛炸好也很熱，但味道就不好了咬了一口，只有皮和油，再咬見到雞了，但是薄得恐怖，比起ｍ記啲豬漢還要薄。而朋友點了香香雞，我看上去很多粒也好像好味，決定下一次試一試。第二個星期四：今次要試香香雞，因為店子剛開鋪，什麼也沒準備好，所以要等了。但是那女說要等３０分鐘，心想：用不用甘耐？最後行了一會再去買，終於有了。但是這次的份量比上一次少，其實這也不太好吃。

在PIZZA HUT 附近見到D人拿住大大塊雞排... 莊觀到呢~~~四圍行下, 去到兆萬對面見到有條六七人的人龍，就係E間買件黎食啦初段，雞鞋冇雞味, 但有肉汁, 粉漿粉口, 調味... OK 不過我唔鐘意中段，終於明白點解好多人都拿住果半塊雞排了... 幾乎吃不下末段，得番油味和一陣好古怪的調味品甜味... 不過好似有番D雞皮，雞味好番少少...差過KFC, 好掛住哈迪斯D炸雞.... 要盡快通知朋友先...差，一次就夠

我係荃灣食過一次，0個陣食香香雞，比較淡。今次出黎旺角食，冇香香雞，所以食得飽之下都買咗塊雞排食。 我從來未去過台灣，我唔知到台灣既雞排係點，所以我唔識比較。佢新鮮出爐，熱辣辣，好大塊，佢唔同荃灣分店，佢喪落粉，味道係ok，但係太多味精……

是日到旺角有兩大目的：一是購買想看的漫畫書，二是與友人一起掃街！而被我們三人看中的獵物就是豪大大雞排喇，之前在商討該吃什麼時，友人A說想吃雞排，更言帶我一試其風采，所以就有此決定了。「聞名不如見面」這包說話說得好，到了鄰近家樂坊的店位時已有10多人的人龍出現，小妹我沒想過他的號召力如此巨大。憶稀小時候於台灣夜士裡曾經與家人吃過，當時的雞排大得令我興奮，我們一行四人都不能吃光。不過事隔太久我也忘了他的味道了，香港的豪大大雞排名符其名，粗略估算也有兩隻手掌並排般大，而外層是一炸得香口的脆皮，上面灑滿了極多的五香粉和胡椒粉，令我這淡口味的人有點卻步，而且非常熱氣，但若愛吃炸物的人應該會喜歡上他的味道雞排的選取不像雞腿位置而是雞胸肉，所以吃時沒有雞腿肉的嫩滑，但雞排亦相當有肉感和富肉汁，只有少許細骨，咬下時也算得上啖啖肉順帶一提，雞排是新鮮炸起熱辣辣的喔！誠意推薦給愛吃炸物和愛重口味的朋友，這真是個不錯的選擇，不過吃完真的要多喝涼茶，免得生豆豆和喉嚨痛喇。

最近行開旺角，見到有間雞排店，叫豪大大雞排，係台灣好出名，不過，有睇開網上嘅資料話，香港尼間無咁好味，連身邊嘅朋友都話比台灣嗰間無咁好咪，我本身好戰心強，偏唔信尼d流言，咪膽粗粗試下囉!!食左有d後悔隻雞排唔親眼睇，都唔知原來有成個頭咁大law一隻雞排盛惠廿五蚊(其實以尼個價錢，買個飯餸黎食咪仲好)，食落口其實無想像中咁好食，又多骨，而且d肉有d「鞋」，只不過佢個皮好脆，其實食完之後，都唔會有再買嘅衝動!!而且仲有d後悔!!

有日路經MK ~ 於是去食啦~ 味道不差~ 好入味~ 仲好大塊~ 咬落唔(鞋) 又唔係好熱氣~ 不過一個人食唔曬~至於台灣好食定香港好食???因為無食過台灣無得比~不過以街頭小吃~可以在試呢

係台灣又係排好長隊，黎到香港又係好長隊？點解呢？台灣無機會食到，咁就襯無乜人個陣去買！我同朋友２個人買左１塊黎食！點知……我第一次食呢塊雞排已經覺得ｄ肉好鞋，完全無雞味，除左勝在夠熱之外都唔知邊方面可以吸引到我再排多次隊！食完好似唔知食左乜！淨係覺得好大塊……我朋友仲慘！食食下食到有條像根出黎！之後又食到有骨！就算我係台灣食第二間都無骨無像根啦！簡直離譜！

昨天放學，原本拿著優惠卷，準備去廣華街的Hot Dog Dot，誰知到了那邊，卻找不到（人生路不熟）。逛了逛，登打士街好多人，但突然看見前方有超長人龍，看一看，原來是“豪大大雞排”。還記得以前看電視有聽說過台灣有一家賣雞排很火的就是叫“豪大大雞排”，所以我立即排隊準備朝聖一下。排隊的人很多，至少有十多二十人。店鋪只有四種產品：大雞排、香香雞、原味小雞塊、雞翼大雞排就是招牌產品咯。然後香香雞當時售罄，排隊時聽到別人說這個香香雞經常沒得賣。原味小雞塊有點像麥當勞的麥樂雞。我最喜歡吃雞翼，而且雞翼的分量看似比雞排多，所以毫不猶疑的要了三隻炸雞翼（辣的）。忘了一句，全部東西都是買25元，雞翼三隻也是賣25。下單給錢後，在一旁等著，看到後面的師傅，不斷地將醃好的大雞排沾上炸粉，再放進箱裡，交給前面的師傅炸。一件又一件的大雞排從油鍋中夾出，再交給另一人灑上調味粉。再等了大約5分鐘，熱騰騰、剛炸好的雞翼就送到我手上，期待已久的炸雞翼終於可以吃了（其實也不是很久啦，只有10分鐘）。雞翼的外皮非常脆，咬下去的雞肉更是精彩。雞肉不但因為剛炸好而熱乎乎的，而且肉質非常嫩滑，也很有肉汁，更有雞肉味（一般吃炸雞

雖然每次見到好多人排隊, 因為係返工返學時間, 少d人排隊, 所以今日就試試雖然見到25蚊好大塊, 但有骨...當我每一次咬時候, 個雞扒d油充晒上黎...勁熱,..呢一個外皮雖然係脆...但唔係好得, 一咬就好易甩, 唔可以同雞一齊咬仲有雞扒d肉質好鞋...味道一般...食一次夠啦

去台灣幾次, 知道有間小食店叫'豪大大', 台灣朋友同我講, 豪大大只是普通炸雞排, 基本上台灣人都唔食. 他跟我介紹另一間'起司雞排', 所以基本上未試過'豪大大'果種雞排.我唔知呢間同台灣果間係唔係一樣, 但係每次經過都見到有好多人排隊, 所以都想知佢有咩咁好食, 無論台灣同香港都咁多人要排隊食.呢日見到冇人排隊就試試. 眼見新鮮熱辣出爐, 店員灑上調味粉就搞掂.食第一啖時, 覺得個漿幾好, 唔算好油, 調味粉帶少少辣, 少少甜. 但係食到第二啖時, 仲係食緊個粉漿, 仲未見到有雞肉.到第三啖時, 終於有肉喇, 但係好薄, 完全無味, 唔止係無調味, 仲係冇肉味, 更加唔好話要分佢係咩肉.到最後食左半塊, 掉左. 我根本唔知點解我要買個炸粉漿黎食. 個粉漿仲要比塊肉厚, 而且仲要x2. 唉....

早已聞到雞排風，可惜上次去錯了地方，試了鄰街的台式小食店的雞排。今天途經旺角，要再拜訪一下正版豪大大。是日為星期六下午，步行到豪大大途中，見到好些途人邊行邊吃雞排，很滋味的樣子。去到見兩條一長一短由學生以至師奶組成的人龍；短的一條是排大大塊雞排，長的一條是排鹽酥雞粒。恰巧有一批剛炸好的雞排，排隊付錢不用等。本來想雞排切開上，怎料店門掛上一個“雞排一律不切”的告示。要了一塊原味雞排（＄25），雞排真的好大塊！長度有兩隻手掌那麼長！熱騰騰的雞排表面灑上調味粉，可是調味粉太多，味道偏咸，不過也十分美味！剛炸好的雞排很香脆而不太油膩，配合特製調味粉，比想像中好吃。不過雞排太大塊，要分開幾次吃。有一點值得表揚的是，除了香脆的外皮上灑了調味粉外，就連皮和肉中間也有調味粉；徹底的調味方式不會導致皮有味但肉無味。吃完整塊雞排，不飽肚，只覺得很滯，這些東西還是少別多滋味！