許留山 (已結業)

許留山以前係好多韓國人、外國人都會特登去飲既飲唔店，佢既芒果系列既飲品確係好好!知道許留山搞左優惠，平時就好少飲，一於就趁特價飲下啦～ 尋日嘅優惠就係丸子奶茶系列，可以簡咖啡爽同埋芒果爽。丸子奶茶芒果爽(原價$26 特價$11)本身都有啲期待，覺得會係出面既珍珠奶茶既味再加丸子同芒果爽。點知一飲入口…竟然係普通餐廳既奶茶、加左啲唔軟熟既小丸子、至於芒果爽…真係食唔出有芒果味雖然係特價既時候買，但係都呢杯飲品覺得都唔值呢個價錢，或者許留山既芒果系列會好好多!

今天發生了很不愉快的經歷，所以迫不得已要寫一寫。和朋友吃完晚飯，經過這裡，想飲香芒小丸子。因為以前經常在這間飲，所以再買了來飲。我們買完後，就等了一陣。聽到旁邊有客人表達想快一點，因為想趕巴士。結果店長即時大喝：「有邊個係到買完唔係趕巴士丫！！」在場全場人也嚇呆。我們坐在店裡等，結果等了很久也沒有。原來是放了在廚房出飲料的台上，而且沒有叫過號碼。最後我見到才自己拎飲品。在店中飲第一啖，但立刻被店長趕走！說飲料是外買，不可坐在店中飲！雖然由細飲到大，但此店長態度差劣，以後決不再來！

大家都知道Lucas係芒果控，每次都會食唔夠喉😂😂今年又到芒果季啦，又係我出動嘅時候，許留山今次出咗台灣愛文芒嘅甜品，我緊係要9衝去試啦！我分別叫左「愛文芒·黑糖仙草綿冰」以及「Jumbo愛文芒之芋圓仙草」！其實我每一個品種嘅芒果都好鍾意食，但呢一隻台灣愛文芒係特別香，而且果肉厚嫩多汁，食落去啖啖肉好過癮🤣🤣呢隻黑糖仙華綿冰，上層有芒果布丁圍繞着鮮芒果粒，下邊有綿冰同仙草，配合特製嘅忌廉黑糖醬，味道好有層次感。Jumbo呢個份量先可以用黎滿足我呢個芒果控！入面有厚切芒果果肉、芋圓、愛文芒小丸子、鮮草同芒果布丁，食完真係好有滿足感！！

最近聽講許留山出咗芒果盛宴套餐，就去睇睇試吓，原來除咗甜品之外仲有鹹食，而且價錢都好相宜。幾條友就黎呢度食個晚餐加甜品豐富晚餐啦！套餐-豆卜，蘿蔔炆豬腩片飯+-芒果凍餅（一件）豆卜蘿蔔炆豬腩片飯西米芒椰汁（160z)$39有飯，有甜品，有埋飲品，真係抵到爛，平時買一杯飲品都幾十蚊啦！而且啲豬腩片都唔差喎，都算係入味啦！愛文芒-丸子神冰套餐咖喱什錦中間有一個好冰嘅雪糕，有好多芒果同埋芒果銀色嘅丸子🍡口感十足。咖喱雜錦就有齊三寶，魷魚同埋魚蛋蘿蔔，味道都可以，咖喱味都幾香架！綜合芋圓套餐。椰香綜合芋圓香脆薯角首先講一講個芋圓先，真係幾有咬口同埋有彈性，味道甜香十足。而且椰香味道好清新，一次過滿足晒幾個願望。粒粒芒果爽單點飲品好飲係基本， keep住一貫嘅水準。XO醬蘿蔔糕XO醬味道濃郁，唯一挑剔的地方是味道方便有點較鹹，可能要飲多啲嘢飲中和一下。芒果糯米茲（3粒）芒果糯米糍有芒果材料及味道新鮮又夠香甜，口感煙韌好吃。D24榴槤班戟好搞笑，個包裝係綠色，裏面有啲榴槤肉同埋cream，D24果然名不虛傳，做咗班cake都係一樣咁好食。

💁🏻‍♀️許留山 (葵芳)🍴-好耐冇食許留山，喺附近睇完舞台劇就同朋友一齊去食糖水同埋傾計。呢間許留山都幾就腳，喺正地鐵站隔離，但係都幾多人，成間鋪頭得一個店員，見佢都幾唔得閒，同埋呢度勁冷氣好鬼凍，坐到我哋係咁顫抖🥶🥶🥶芒果🥭西米露（ $36）依家食糖水真係越嚟越貴，個芒果西米露份量有啲小，而且冇咩味同埋有啲稀，一般啦，不過食糖水都係貪可以同朋友傾計啫，下次可以去第二間，哈哈-📍許留山 (葵芳)#葵芳 葵義路2-10號葵芳花園地下16-37號舖#小丸子搵食記 #小丸子葵芳-#hkig #hkigfood #hkfoodblogger #hkfoodie #食好西 #香港美食 #香港 #hkfries #hkiger #852 #hkfoodlover #hkfood #hkfoodstagram #hkfoodporn #素食

愛文芒丸子神冰 $26（使用會員優惠券）葵芳店是眾多分店中環境較乾淨的分店，但許留山的甜品真的一次又一次令我很失望😞！•👎🏼 一吃便有一種很「生」的味道🤮。已經分不出這味道是從哪裏來🤔，令人感動有種很不乾淨的感覺😧。-🤯 小丸子帶點甜，但麵粉味頗重。-芒果🥭不太新鮮，有一兩塊是黑色的😧。-說真的，許留山的店鋪環境又不舒服、有些分店的整潔程度更令人側目，產品質素又不穩定😰就算許留山再努力推陳出新也好， 最基本的做不好，根本不能令客人回頭😖。

第一次比劣評！同媽媽本身想去葵廣搵甜品食，點知d舖頭都收工，咁媽媽提議話買杯許留山芒果飲品咁我地就行去收銀叫野飲，用WeChat pay 比錢，但掃個code掃到我電話mon都熄左都未掃到，收銀員一句說話都冇同我講，用眼神示意叫我開返個mon，都唔緊要我開返個mon比佢掃，發現我電話個home制咁岩遮住左個bar code，咁我就即刻拎開整走個home制，點知個收銀員黑我面，個樣一臉不滿我拎走個電話果刻真係好嬲又好無奈，我整好d等你容易掃個code竟然收到咁既對待其實許留山既芒果飲品我真係唔覺得係特別好飲，只係用芒果糖槳開出黎加少少芒果肉同jelly比你，上次去沙田果間許留山買野職員既服務都唔係特別好，但未至於黑我面

今次令我充分體會到外賣送甜品嘅好處謝謝你辦公室近許留山的話，只要等半小時就可以享受到嘅甜品。不過要改善嘅地方係希望佢哋可以將冷嘅電信同意嘅甜品分開。咁就唔會有機會嘅甜品解凍嘅了凍嘅甜品

食完晚飯去左呢度食香芋紫米露做甜品，叫左熱，但係我食落就覺得好凍，成個甜品味道唔吸引，D紫米露無口感無味，入口無我想像中咁滑質，香芋淡口無味，成個甜品做得強差人意，唔推薦。

本身都好多年無咩飲許留山嘅飲唔品，今日朋友話想飲西瓜汁，咁最近嘅都係許留山，點知去到又比呢杯嘢吸引到😍諗住叫超多芒西米無死啦，點知等等咗15分鍾先有😫好啦見杯嘢好似幾靚就影張相先，一飲就出事，真係多西米，可惜係無味㗎，我初初諗住會係好香芒果味，點知只見到一層仔芒果蓉，搞勁混都係咁，得少少糖水甜味帶極輕微芒果香，而且入面仲要好少芒果肉，飲到最底先有少少椰香感覺，仲要成$40幾蚊完全唔值囉，無下次

晚飯之後想去食個甜品，當然係去我最鍾意嘅許留山啦，見到有新野，今次就試下呢個呂宋特級丸子神兵，表面睇落去同之前多芒小丸子差唔多，上層有一個芒果雪泥，食落清新入口即溶，周圍有唔少新鮮芒果肉加上芒果汁十分香甜，配上幾粒煙煙韌韌嘅小丸子增強口感，一切都變得好完美。但原來最底還內有乾坤，係一個芒果布甸！下面原本以為係芒果汁嘅部分，原來扎扎實實係一個芒果布甸，布甸裏面仲夾雜着住少少芒果肉，呢個甜品可以話係份量十足，食得太飽先來因住食唔晒啊。

食芒果甜品許留山真系唔錯既選擇。多芒小丸子系必叫既，芒果味好濃，小丸子好好咬，又有少少沙冰既感覺，夏天食既岩。咖哩什錦都系必叫既，咖哩好濃，d魷魚魚蛋都入晒味，好食。

天寒地凍，兩公婆拍拖到葵芳，一時興起，想食個熱辣辣嘅糖水潤吓，就走咗入地鐵旁嘅「許留山」，呢間由涼茶變身為芒果甜品專門店唔使多介紹。近年，佢哋都不時有啲新產品推出，正所謂從善如流，吸納人家嘅特點。佢哋大多數啲鋪位都有少少蚊蠅鋪，又放咗好多位做堂食，所以，感覺喺有點逼。但點都唔及綠林、松記、B仔嗰啲，間直喺背貼背。趁冬季，店家出咗Love Pink系列，加入草莓為標題元素，不過，一貫許留山招牌產品，當然一樣有供應。椰皇燉奶配紫薯小米露 $49原個椰皇裝起燉奶、紫薯粒、細粒西米嘅組合，而糖水底加埋椰青水，清潤又清甜。撈一撈，有好多燉奶及紫薯粒，前者軟滑富奶香，後者粉香有薯味，最後，梗喺刮埋啲椰青肉食啦，刮乾淨嘅話有唔少椰青肉，睇我哋刮得幾清。本來小弟都打算叫個暖粒粒嘅糖水，但見枱上印住凡堂食惠顧滿$15可以優惠價加配一款小食，有芒果糯米糍、忌廉芝士蘑菇釀雞翼、D24榴槤芝士千層酥及草莓布丁。「榴槤」，啱晒我啦，仲要夾千層酥！D24榴槤芝士千層酥 $26小弟點嘅千層酥焗製需時，送到嚟熱辣熨口，外皮香脆酥香，效果唔錯；內裡嘅榴槤饀跟芝士混為一體，入口香濃得嚟榴槤味依然突出，非常對胃口。許留山好

食完正餐，因為男朋友話口淡淡，想食小小野，就去左n年冇去既許留山。入到去都有幾個人係度食緊，但出面等外賣既人比較多。多芒小丸子以前一定會食，但因為未落曬格，就叫左個芒果小拼盆，一次過試多啲野。多芒小丸子味道依然，個汁好正，芒果都幾甜，小丸子煙un另一個係芒果雪糕啫哩，三重口感，個人幾鐘意啲啫哩最後食埋個芒果糯米糍，個糯米好煙un，入面粒芒果又夠大粒，幾好味。而外圍既芒果條都ok😜整體既呂宋芒都唔錯，可以得閒再食下啦

經過葵芳轉車 想食甜品 但又唔想過新都會食甜牙牙 就選左許留山叫左個套餐：熱香芋紫米露拼XO羅白榚紫米露幾煙un 但芋頭系無芋頭味的有d失望羅白榚熱辣辣 幾好味 整體都ok 不過糖水份量其實好少 個碗好呃人 食幾啖就無哂