蜀大俠 (已結業)

咁凍嘅天氣，緊係要打麻辣火鍋，暖暖身啦🌶🥘-❄️冰川鵝腸其實平時我吾食鵝腸豬腸🤭因為驚出面洗得吾乾淨，又污糟又一朕味。唯獨依間火鍋店嘅乾腸，真心乾淨！仲要勁爽脆，令我對鵝腸改觀😳-不過真心辣🌶🌶🌶🌶🌶🌶我同朋友叫左小辣，但平時譚仔食2小辣或中辣嘅我，都覺得好好好辣🥵🥵🥵

呢排天氣又凍返，所以又去咗打邊爐啦。個湯底一半辣一半唔辣。因為新年得太heavy,所以我地叫咗微辣，不過都幾辣下，同埋個麻香味好正👍🏻全部食物都好新鮮。安格斯牛肉幾抵食，份量夠多👍🏻唯一係午餐肉比較一般，好淋Staff既服務態度好好，仲係咁教我地要點乾辣椒粉落啲鴨血到😂😂

嚟試呢個平時喺銅鑼灣都成日經過嘅四川火鍋！我哋呢就叫咗一個麻辣鍋同埋番茄鍋， 麻辣嗰邊都好食嘅，但係屬於比較辣，即使我哋只喺叫左少辣。因為時間早嘅關係，d staff好free，就教我哋點樣食，我知四川麻辣鍋會有香油配豉油蒜同葱，造成一個油碟，點咗會香口啲，同埋冇咁辣，但係個staff今次仲教咗我地用呢包乾碟，唔使撈落啲油度，係直接用嚟點食食物，原來咁好好食㗎喎！呢啲乾碟係一包包嘅，所以呢我哋食淨嗰一包就拎返咗屋企(醬料同茶錢成25蚊位喎，仲唔攞！) ，個staff仲教我哋呢用佢醃雞翼會好好食嘅~食物方面佢哋都有啲四川火鍋常食嘅包括係毛肚呀、黄喉等等。 左邊係最貴嘅牛肉，右邊係豚肉，都係唔錯嘅，而且唔係啱啱攞出嚟溶雪嗰啲。 麻辣火鍋唔少得嘅鴨血，鴨血係比較有味道嘅，係我鍾意嘅。試咗呢個寬粉，同我哋平時食辣嘢喺大陸度嗰種透明紅薯粉唔同，佢係煙煙靭靭嘅，個staff推介我哋食嘅，叫我哋食辣嘢之前先係番茄湯煮呢個食，個胃會舒適d，我覺得好好食，重encore咗呢個~overall我覺得呢間真係幾好食嘅，如果平d就更好！

一行二人去食火鍋，食到一肚火佢叫成都正宗一啲都唔正宗，佢真係唔知大陸啲火鍋是怎樣的，湯底好鹹辣味又唔香，價錢偏貴九點後入座有九折，極品肥牛卷一般貨色雪藏肥牛，鴨血一般，唯一係個豬腦花比較新鮮，美國桶蠔冇味。埋單時，張丹竟然有個項目寫廚部手寫單，詢問一下才知道是什麼肚尖，我完全沒有吃過，竟然話現在給我，我埋咗單你先拎比我，梗係要佢退錢啦。第一次幫襯也是最後一次幫襯

天氣開始轉涼，又是打邊爐的好時候！這次跟男友來挑戰一下麻辣火鍋，就選了蜀大俠來試試！我們有自知之明 哈哈，就只點了微辣的紅白鴛鴦鍋。 眼見已經非常鮮艷的紅，還有辣椒、八角等配料不斷浮下浮下。不太能吃辣的我們一開始就感到超級麻辣好刺激，慢慢再吃就已經超享受那種麻麻的感覺！而白湯就有蕃茄、杞子、翠玉瓜、金菇等配料，清清甜甜的！牛肉是火鍋必須點的朋友，我們選了手切美國雪花肥牛，雪花紋理真的好美啊！ 跟著餐牌的指示滾一分鐘，肉質相當軟稔，有滿滿牛肉和油脂的味道呀！ 而且份量都比相像中要多呢，好滿足！而舌尖上的蜀大俠其實就是牛舌，攻瑰的擺法實在太吸睛了！ 本來對指示說的15秒鐘有點猶豫，但原來這樣的話，口感真的非常非常爽口！ 放在麻辣裡吃更惹味呢！而墨魚滑也很抵讚，我們把它放在清湯那邊煮，就能完全吃到它的鮮味，而且口感亦很彈牙！炸響鈴是打邊爐的邪惡之選。 響鈴都很香脆又新鮮，吸收了湯汁就更好吃呢！為了健康一點，我們也點了個唐生菜。蔬菜洗的好乾淨是非常值得加分的地方！

小狸俠第一篇食評就係寫中伏，想不到今日又要出來行俠仗義！話說本來就對內地品牌有戒心，但最後敵不過半價誘惑 + 頗多好評 + 不想有偏見，所以還是狠下心給這個蜀大俠一個機會。簡單來說就是三宗罪。第一宗罪 - 食材不合格- 紅湯鍋底很油又不夠香，而且我們兩人從未試過一路食一路鼻敏感/打噴嚏- 四寶丸有三款都唔得，蝦丸上枱時已經潰不成形、鯪魚丸/墨魚丸完全不彈牙，不值$108- 太極雙滑沒有起膠，口感不彈牙- 響鈴不脆第二宗罪 - 服務不到位整間店可能有15枱左右，但只有一個收銀加一個樓面。人手明顯不足，結果就是枱上調味料漏了乾碟粉又不加、入單混亂、埋單混亂兼要自己出去拿茶壺斟茶。第三宗罪 - 配套/衛生不理想食麻辣鍋當然會有味，但很多店都會提供圍裙/衣套，或者座位有櫃存放包包，但這間店並沒有這些。另外，樓面衛生意識不足，其手指放在遞給客人的碗裏，恕我接受不了。即使是有半價優惠，吃完的滿足感卻是負數，完全不值。作為火鍋控，小狸俠跟大狸俠均極其後悔浪費了這餐quota，還望各位不要再中伏，審慎選擇！

行完山食餐好慰勞下大家，走左去食麻辣鍋。我同朋友唔算食得好辣，叫左個小辣，個湯好濃，加埋辣油同乾碟，夠哂四川風味。火鍋料算新鮮，服務超好，個侍應不停自動自覺走來加湯加乾碟。

今日難得放假，朋友又齊人，打邊爐就啱哂。對於我呢啲鍾意食麻辣一定係食麻辣火煱。😋一嚟到鋪頭，店員同我哋講，只要我哋係facebook like佢哋，就會送碟小酥肉。小酥肉係炸豬肉，味道不錯，不過外面層炸粉略嫌厚咗啲。由於朋友唔係食得好辣，所以叫咗個小辣紅白鴛鴦鍋，一邊係麻辣，一邊係豬骨湯。我哋叫咗土豆片、凍豆腐、寬粉、鴨血、肥牛、黃喉。全部都好吸湯，正！個鴨血無奇怪味，好食。不過因為傾住計咁食，煲得太面，湯底煲到好辣好辣，辣到有少少苦，下次都係唔好掛傾計。😩😩😩

內地的蜀大俠是很大的一間，桌面很大能夠放滿食物，而香港這裡比較細小。那天是星期日的晚上8時，一行3人到來，餐廳裡只有3份1的客人。先點了一個微辣的紅白鴛鴦鍋($138。微辣已經很夠辣，加上又有干碟，還有就是會愈吃愈辣)。在看菜單其間就先把干碟和油碟準備好！干碟即是他們會提供一包粉，把焯好的食物放在乾碟沾一沾，一點點就好了，這個是會辣得很激烈；油碟即是將一罐的香油全部倒到碟裡，然後把所有他們都有提供的調味料(蔥、蒜末、芫茜、蠔油、豉油和鹽。要自己試試味)都放進去攪拌攪拌，這個是會把辣度稍微降低些少而又不會少了風味。先來個強力推薦的花千骨(圖中間，$108/8件。店員說要煮15-20分鐘，雖然紙上寫著10分鐘。肉質比較軟稔，就算煮了一段時間裡面的肉還是有點紅，感覺有點未熟得透，個人不太喜歡)、大俠水牛毛肚(圖左方，$108。幾秒鐘即可，很爽口，不錯)、功夫土豆片(圖右方，$68。幾秒鐘即可，很爽口加上麻辣味，非常推薦)大俠極品黃喉(圖右上，$88。數秒鐘即可，很爽口，不錯)、極品肥牛卷($128/小份，約12片。肉味濃又不太膩，不錯)、山藥($36)和萵筍($38)。特色寬粉(圖1右上，$

侄女生日選了過海打邊爐，兩個人，有8折。叫了墨魚滑但唔記得影，好彈牙紅白鴛鴦鍋，重口味或清淡，自由選擇。招牌舌尖上的蜀大俠肥牛卷，普通功夫土豆片，靚到藝術品一樣，簡直唔捨得食黃喉，爽脆油碟 食法有特式 麻油味香

睇網上介紹呢間餐廳係成都開過嚟香港，因為我不嬲都好鍾意食川菜同麻辣火鍋！所以就叫男朋友陪我去食，但係佢唔食得辣既，所以叫左個鴛鴦湯底成間鋪頭都充滿着麻辣嘅香味，好似返咗大陸咁，我哋叫咗黑柏葉、冰鎮鵝腸同牛肉，叫左小辣，但都已經好辣！好正宗既味道！鍾意食辣嘅一定要黎試下，好似我之前係北京食既味道～黑柏葉好爽口！另外再叫左個菜同花千骨我哋前後只係叫咗五個餸，每樣份量都好少，埋單已經要八百幾蚊，男朋友食唔飽。價錢偏貴多d人黎食會抵d

難得今日約左食得辣既小伙伴，就帶左佢去試bookmark左一段時間既蜀大俠！嗰日唔算太多人等，一上到去就有位😌我地糾結咗係九宮格定係鴛鴦鍋好耐，最後都係驚辣得滯，最後都係搵個清湯balance 下好啲😎😎店員擺低左調味架同香油，不過我怕麻辣湯底已好油膩，所以冇落晒啲香油🖤鴛鴦鍋清湯幾甜，麻辣辣得過癮！不過就真係好油，凍左會有層膏痴住係筷子😖🖤寬粉/豆皮/金菇/響鈴特別推介寬粉，放落麻辣湯，寬粉煙煙韌韌又吸晒麻辣湯既味，好正😍😍🖤牛舌個牛舌擺到成個玫瑰花咁，靚到唔捨得食，其實情人節收到牛舌花都幾好丫！睇得又食得😆牛舌切到好薄！淥一淥就食得，好香好好食！我哋最後仲嗌左糍粑，但我掛住食唔記得影，糍粑外脆內軟又唔油膩！好食！不過有個唔好嘅地方，就係餐廳唔夠人人斟茶，隻茶杯又細隻😖建議放返個茶壺😖

我最鍾意麻辣火鍋～🦆冰川鵝腸好用心咁成個波既冰震住佢❄️個樣滿分又可以保持爽口。同辣湯真係好夾呀🔥建議唔好煮太耐。•👅舌尖上的蜀大俠其實就即係牛舌，擺成玫瑰花咁🌹真係影相一流呀，份量好多，味道亦相當不錯，大推👍🏻•🍖花千骨非常受歡迎嘅一道菜，其實就係排骨🐽由於已經有辣既醬腌好左，侍應建議我哋煮得越來越入味，我哋煮咗大約🕒15分鐘之後先至食，的確係幾入味同幾辣🌶但係豬肉都偏鞋，我就覺得一般，可以唔洗食。•🦐太極雙滑好大碟嘅蝦滑，兩邊唔色但味道差唔多，用個匙羹🥄潷一粒一粒放入去，幾彈牙放兩邊鍋都好味👅

(小弟初次寫評，多多指教🙏🏻)我同朋友好鐘意食辣同火鍋，加上生日，所以係工作地點附近揾間火鍋店慶祝下。原本係bk左枱既，上到去唔算多人(可能19點太早😂)，可以有卡位坐。等到朋友黎齊就叫野了~餐牌係有誠意既，請(睇)呀！款式唔算多，但特色招牌菜會有圖show係餐牌後面，係貼心既叫左個紅白鴛鴦鍋(中辣),唔算太辣，但有d鹹點落辣個邊好入味，好爽口純粹上菜方式好特別😂第一次食滑係辣既，唔錯👍🏻見係生日叫豪d😏正正常常招牌打卡菜，跟足秒數，肉爽彈牙😋食個時要小心，因為有牙簽係中間肉質有d鞋口呢個寬粉有驚喜，連埋辣湯一齊食，岩晒!整體黎講，食物質素屬於中上，價錢係略貴，但起碼有招呼(e.g見杯茶無左會主動加，幫手落魚滑等等)

秋高氣爽，在公幹之前跟朋友行山吃個飯吧！完成了上午的遠足活動後，我們想了想，決定今晚去吃火鍋，還要是麻辣的。問題來了，我不吃辣呢 🤦🏼‍♀️ 但知道這裡是有鴛鴦湯底，於是我們就去了。7點未到我們就坐下了，點了：鴛鴦火鍋：麻辣，清湯。朋友們都愛麻辣，唯獨我用清湯 🤣凍豆腐：打邊爐必點 炸響鈴：大愛，灼一灼就吃 功夫土豆片：這個大讚，刀工了得，又薄但又可以卷起，好像一束花般 手打四寶丸：好新鮮 鴛鴦滑 - 有辣有不辣，大推 內蒙小肥半，肥牛卷，豬：全都好新鮮，肉質鮮嫩 當然少不了菜啦！總括好吃，但價錢略為貴！