蛇王合蛇店 (已結業)

我到蛇王合專門品嚐蛇羮，為了試清楚味道，不摻雜味，因此，雖然店內提供糯米飯、魚、菜等等，但毫不染指。蛇羮既香且純，蛇肉則偏幼，冬菇佐羮，帶出郁香，且稍揉薑絲，略感微辣，惹味濃濃，值得淺嚐。服務方面，與別店不同，這裡的卜卜脆、檸檬葉等自取任加，無任歡迎，入座時店員親自端在你面前，十分好客。老闆招呼有禮，閒時可以與他有傾有講，閒話家常。

蛇王合是我和外子經常光顧的蛇羹老店。蛇羹料多，蛇湯、蛇肉、木耳絲、雞絲加上薄脆、檸檬葉以及老闆秘製檸檬醋，美味可口。提提大家，檸檬醋是必落的，僅僅數滴便能令碗蛇羹味道層次更為豐富。糯米飯煙靭，花生香脆，也是是我們的最愛。最重要的是價錢相宜，蛇羹套餐只需大約70元。蛇羹小店由蛇王夫婦經營，夫婦好客樂觀，跟食客有講有笑，親切非常。在老店品嘗的，豈止食物，還有濃濃的老香港人情味。蛇店還有蛇湯、龜湯等，絕對可以一試再試。

近期寒流襲港, 葵涌早上只有 2.5度, 自出娘胎未試過在家也要穿羽絨, 在香港有天寒地凍的感覺還是第一次, 阿媽話食蛇保暖喎, 即去附近的蛇王合食蛇羹兼做外賣妹。蛇王合蛇店在家附近, 做街坊生意為主, 裝修欠奉, 店內放了數張圓檯, 店舖在葵興開了很多年, 常常經過門前, 但一次也沒入去, 可能我呢隻為食猫自小對蛇蟲鼠蟻及野味等食物完全不感興趣, 今天實在太凍, 也想試試看坊間流傳食蛇暖的說法是否正確。蛇店必備的蛇櫃, 把蛇分門別類。除了蛇羹, 店內還有蛇酒、蛇湯、龜湯、臘味糯米飯及忠頭客飯等供應, 套餐價格合理。蛇羹+臘味糯米飯套餐$65蛇羹蛇羹由蛇湯再配木耳絲、蛇肉及猪肉絲制成, 喜歡這店的蛇羹較稀, 最怕吃糊狀的羹物, 呷一口湯羹, 帶清雅的陳皮香, 完全沒有陳皮的苦澀味, 蛇湯很濃香, 每檯還有一合無限量供應的薄脆, 蛇肉軟彈, 木耳爽口, 再加上香口薄脆, 這碗蛇羹很美味好足料, 老闆好大方, 一碗放了很多大大片的蛇肉臘味糯米飯糯米飯普通貨式, 飯與飯之間太親蜜, 水份過多, 變得軟腍黏口, 欠煙韌口感, 臘味反而幾好食, 臘腸油香, 潤腸軟綿甘香。到底坊間流傳食蛇是否保暖

感動的蛇羹，蛇肉多，沒有加味精，格外鮮美來到偶爾有些家常小菜，有媽媽弄的感覺，充滿温情另外，老闆的服務一流

早排響度食過蛇，味道麻麻所以再無幫襯。今日再經過佢話有住家飯食，又即管試。三款有鯇魚、西蘭花同茄子，仲有例湯都只係$22。價錢就平而質素都OK，好有住家飯feel，最正係例湯無乜味精，食完唔會口渴。食得酒樓快餐多得滯，間中有住家飯食真係幾感動。另外值得一提係個老扳同老扳娘好好招呼,服務態度一流好值得其他食肆學習.

** 此食肆的第三個笑**尋日(26-2-2008Tue)放工,見又轉涼,於是又乘機落o黎買蛇羹返屋企食,今次唔問爸爸食唔食都買埋佢o個份.今次係一個男人serve我,同上次一樣,一碗外賣蛇羹跟一包薄脆,個男人用一個膠袋pack好後,問我會唔會拎好耐?我唔明咩意思,佢話冇,怕個膠袋頂唔住,驚中途會爛,我o黎得切答,另一個男人就話唔駛問啦,畀多個袋載啦.返到屋企打開個袋,今次薄脆多o左,而打開蛇羹個膠碗蓋,好香啊.我又攪一攪,有塊蛇肉好大件,不過今次比上次稀o左少少,唔知係咪會因應羹o既稀杰度決定畀薄脆o既多寡呢?係落,我o個碗蛇肉仍算多,今次要落薄脆食.媽問我另一碗畀爸食嗎?我答係,佢話你爸唔食得.啊,我至記起爸有痛風,唔可以食木耳同冬菇,於是我幫佢夾起木耳同冬菇絲,佢o個碗唔係好多料,好彩木耳同冬菇絲都唔多.早知呢碗少啲就我食啦.

** 此食肆的第二個笑**15-2-2008(Fri)放工後o黎買兩碗蛇羹返屋企同媽媽食,因爸爸話唔食.唔係好大碗,亞姐都自動地加少少胡椒粉同以一碗蛇羹畀一包薄脆.15分鐘後返到屋企,好驚會凍晒,於是打開蓋後拿拿淋影相,影完後食.臭到果皮味好濃,重好熱啊,亦原來全碗只有木耳絲同蛇肉絲,食落唔腥,果皮味唔太多,適中(我好怕太濃o既果皮味),羹又唔太杰,o岩o岩好,其實可以唔落薄脆食,唔怪得一包薄脆都唔係好多啦.食到最後一啖都仍然好熱,真係唔錯呢.

第一次食蛇羹勁落脆脆不過覺得"羹" 係應該唔係咁稀個味道ok啦!冇咩特別加埋個妯妯碗"立"味飯,原來都幾唔錯喎

天寒地凍最好食蛇,響葵涌無好蛇店,求其間醫肚.好過無得食.呢間鋪好細,只得幾張,中午時間仲有糯米飯,蒸飯.叫蛇同糯米飯,蛇算多料,蛇肉都唔少,不過好杰,似槳糊多D.糯米飯就好差,正式係一舊飯,如果唔係價錢平就俾個喊面佢.