327
82
17
| 餐廳: | 蘇媽.蘇媽馬來西亞茶餐室 |
|---|---|
| 資訊: |
為鼓勵食肆透過提供食物份量選擇和採取減少廚餘措施，與顧客共同從源頭減少廚餘，環境保護署推出了「咪嘥嘢食店」計劃，參與食肆如符合評核準則將獲「咪嘥嘢食店」認可資格和獲發「咪嘥嘢食店」的標誌及標貼，以供張貼於店舖內和宣傳，供顧客識別。此計劃全年均接受申請，申請費用全免。
詳情可瀏覽：https://www.wastereduction.gov.hk/zh-hk/waste-reduction-programme/food-wise-hong-kong-campaign
營業時間
今日營業
11:30 - 22:30
星期一至日
11:30 - 22:30
以上資料只供參考, 請與餐廳確認詳情
食家推介
個個都話如果鍾意食馬拉嘢🇲🇾一定要試下蘇媽蘇媽，呢日終於試到啦😍高佬麵配雞扒 $68其實即係超級邪惡之物 - 撈即食麵😳公仔麵煮得好彈牙，側邊配以辣醬🌶️花生🥜魚仔🐟同流心蛋🍳少少辣味撈埋一齊食好惹味，雞扒好大塊，外皮煎得好脆，脆到好似平時食燒雞皮咁，入面肉質依然好juicy同嫩滑，望落好似冇咩特別，食落就知唔簡單😍馬拉黑叉燒 $88港式同日式叉燒就成日食，等我試埋馬拉叉燒啦🤤叉燒都有好多舊，燒到濃邊，而因為整叉燒嘅部位係腩肉，所以入面好淋～一層肥一層肉，少少肥肉一咬就係口度溶化，好正🥹佢每一舊都切到薄身，所以一啲都唔會膩🤩椰香咖哋多士 $38食完鹹嘢，梗係到甜品環節啦🤓多士烘到脆卜卜，濃濃嘅咖哋夾心，外脆內軟，好重椰香味又唔會好甜，好快就俾我哋清哂4舊🤭抹茶榴槤糯米糍 $48出面嘅糯米皮有淡淡嘅抹茶味，入面嘅榴槤蓉好足料，一解我想食榴槤之苦呀🥹而且佢唔會太臭，就算隔籬枱客人唔鍾意食榴槤，都唔怕臭親佢哋🤣🤣❤️.咁啱去食個日身體唔係狀態，所以冇試到佢哋最出名嘅肉骨茶，下次一定要再嚟試🤤
繼續閱讀
老鼠粉加入大量香料和調味料，創造出層次豐富的口感。斑斕多士經過烘烤後呈現出酥脆的質感，非常甜膩和香脆。咖喱雞扒飯則是一道充滿香料香氣的主菜，其特色在於濃郁的咖喱醬和鮮嫩的雞肉。咖喱汁香辣適中，帶有豐富的椰奶和香料味，而雞扒則煮到恰到好處，肉質柔嫩多汁。與白飯一同食用時，咖喱的香濃和雞肉的滑嫩形成完美的搭配。綜合評價，這些菜肴不僅展現了馬來西亞豐富的飲食文化，也滿足了不同食客對於味覺的追求。老鼠粉的獨特質地、斑斕多士的甜香和咖喱雞扒飯的濃郁口感，共同構成了一頓豐盛的美食體驗。
繼續閱讀
長假期結束又無去旅行 要食下馬來西亞菜止下旅行癮 今次食《蘇媽蘇媽馬來西亞餐室》 開業時網上討論熱度好高 招牌砂鍋老鼠粉 $88 上菜時仲出緊煙 店員仲有貼心提示小心熱有魚仔、蝦米、肉碎、豬油渣、蔥、炸蒜、乾蔥同蛋 見到有咁多食材都知呢個老鼠粉唔簡單佢豬油渣香味好出好正😽皇帝骨肉骨茶 $148 近期蘇媽蘇媽新品！ 皇帝骨肉質唔會煮到好老、又有百肉香味！👍🏻 仲要加埋生蒜辣椒豉油同埋黑豉油令到個肉味更加出色 同埋佢既湯係任加的 ！ 但要留意係肉骨茶唔配白飯 要飯就記得另外加啦椰香咖央多士 $38 食馬拉菜必食 ！ 牛油🧈加埋咖央簡直係完美既組合😍佢既咖央好香椰香味 但我覺得佢既牛油唔夠多 如果可以有多牛油就好啦 😙冬瓜龍眼茶 $35 呢度既冬瓜茶唔算好甜 食食下飲淡又幾清新 飲完又可以繼續食 相比起無咁推介既係串燒 佢既串燒肉質唔嫰 加埋沙嗲醬唔夠出味 呢個有待改善
繼續閱讀
諗唔到食咩，又唔想普普通通食茶記，最後入咗間香港都有幾間分店既馬來西亞餐廳，其實私心想食肉骨茶！呢個價錢食到高級版茶記，又坐得舒服，唔洗同人背貼背，算係甘啦！Lunch 叫左2個餐，再搭其他小食，飽到呢-沙嗲串燒豬牛雞各一串，滿足晒三個願望，沙嗲醬十分出色；覺得可以再燒燶D會更香口辣死你阿媽配咖喱雞扒份量足夠，椰漿飯口感偏腍身，好有椰漿味唔會好似白飯甘dry; 另外飯都配幾多脆口配料，如魚仔，花生，配埋咖喱汁，完全係重口味代表肉骨茶感覺上肉骨茶湯底正宗，好多香料，排骨唔會死硬，但可以再腍身d ，配搭超級入味的豆卜，最後都飲曬個湯底椰香個央多士脆多士，覺得可以再整燶邊飲品叫左美綠恐龍及椰汁斑蘭冰；椰汁斑蘭冰，唔係度度有得飲，仲貪佢夠色水可以打卡
繼續閱讀
OT到9點幾，諗住食埋個飯先搭車番屋企啦，行經旺角依間蘇媽·蘇媽，之前係荃灣食過一次，可以任fill嘅肉骨茶，真係幾吸引，好適合同女仔朋友share，但今日一個人，就是但叫個麵，食完搭車番屋企訓覺啦。本身諗住叫叻沙，但落單個姐姐話Menu有兩條辣椒🌶️，有啲辣架喎，OT完廢是再添熱氣，就聽咗佢講，轉咗叫得一隻辣椒🌶️嘅咖哩米通粉。食到一半就後悔，米通粉都有啲辣，但個辣就到喉唔到肺咁…但豬頸肉份量唔少，加埋啲蘿蔔同豆卜，就咁一碗都夠晒飽。
繼續閱讀