藍象泰國餐廳 (已結業)

與朋友買了點手信後，便到餐廳等開門，因為昨晚挑選時看到是米芝蓮餐廳，而且有海景的，想慢慢嘆個午餐入座安排在窗邊，陽光的感覺真好餐牌在門外已經看了，但最後還是選擇餐牌內的菜色辣豬肉炒飯，簡單的才最顯功架，果然上枱已聞到飯香，炒飯色澤及入口粒粒均勻，味道仲帶辣，夠晒惹味配上泰式奶茶，入口香濃軟滑，茶味重而不搶了奶的味道，真想多喝幾杯呢作為完美的一餐，最後當然點了皇牌甜品，芒果糯米飯，一口一啖的黑白糯米配上甜甜的芒果，非常讚，仲另外有一球雪糕配送，很是滿足呢

今日同朋友黎左呢間泰國餐廳，環境唔錯，如果訂位可以望到海景。我地首先叫左個小食拼盤，有好多款，包括雞串燒、炸雲吞、菠蘿串同埋炸蝦。佢個汁係咖喱同埋甜甜地既汁。我地叫左個雞肉菠蘿炒飯，份量好多，有d腰果，仲有成塊菠蘿，味道都唔錯，飯既軟硬度適中。然後叫左個青咖喱，唔係好辣，但係好醒胃好送飯。最後我地叫左個是日甜品，個日係青檸梳乎厘，食慣日式pancake既我覺得佢個味道唔係我鍾意既，酸多過甜，好搞笑，不過試下新野又無妨，不過不失。

白色情人節拍拖仔，撰咗間相對有情調既餐廳！因為我地兩個都鍾意食泰國菜，所以就撰咗藍象泰國餐廳！餐廳以藍燈同黃燈為主，色調柔和，再加埋一邊無敵既維港海景，都幾浪漫下🤣不過記得book位時要預先講明要坐窗口位泰式比利時炸蝦（半份）$58蝦肉彈牙爽口，但可惜炸粉有點厚，味道一般泰式雜錦雞豬沙嗲（4串）$88串燒值得一讚，外邊香口，肉質嫩滑😋個沙嗲醬汁仲可以食到粒粒既花生碎，增添口感青咖喱牛肉 $188（煎油鬆餅$38）咖喱味徧甜，自己鍾意配埋煎油鬆餅一齊食😋牛肉就徧瘦，但煮得好腍，都唔錯豬頸肉雜菜炒河粉$138有肉有菜，營養均衡，河粉炒得啱啱好，唔會太乾身，味道野味！美中不足就係豬頸肉切得比較厚身，如果係薄身去炒會更有口感芒果黑白糯米飯$88食泰國野點會唔嗌芒果糯米飯😌白糯米飯椰汁味好重好香，配埋芒果一六食，甜酸甜酸，十分唔錯👍不過黑糯米就徧甜咗啲

係泰國食過一次 不過唔太記得個味道咁啱同事生日 提出食哩間 一早book左 去到得小貓3隻 lunch time得2檯客唔知係咪因為疫情既關係無人出街食飯呢？•出面有個salad, snack and dessert bar🥢Snack不外乎春卷 必食啦下話😏🥢Salad 青木瓜扎肉沙律🥗冬陰功湯 同 椰子雞湯係要加錢嘅🥢我飲冬陰功湯隻蝦係梅嘅😩 好唔正宗既味道 失望🙍•主菜🥢青咖喱豬柳焗飯一上檯係好想香既 但完全唔覺得自己係食緊泰菜既curry🤦🏻‍♀️ 淨係食到好多芝士味🥢海南雞飯冇晒雞油飯所以得白飯比你哩個價錢 海南雞係鞋嘅 唔該晒😡可以話普通餐廳仲好食過佢 🥢軟殼蟹炒飯軟殼蟹成隻上 外貌係不錯既 勢估唔到個飯可以鹹成咁 咩事個廚師👨🏻‍🍳😖🥢甜品食到最後一d期望都無啦 因為所有嘢都係好難食 全部食物都係得個樣係靚嘅啫❌糕點全部都唔夠煙un...仲有d不知名嘅糕點呢間餐廳冇人食係因為疫情嘅關係定係因為太難食嘅關係呢？🤢🤮😨

香港人愛泰菜，藍象長期吸引大量人來潮朝聖，我也來了數次，環境漂亮，水準一直不錯，菜式也令人印象深刻。蝦餅呢到既蝦餅好distinguished，可說係食過一次會記得，蝦肉新鮮且彈牙，放了香茅，沒有過重的味精，有著鮮濃既蝦味。香辣金不換豬頸肉炒飯炒飯粒粒分明且彈牙，味濃且夠鑊氣，辣度很小，但具有獨特的金不換味道。香濃馬沙文咖哩配羊肉咖喱香味濃郁，羊肉燉得非常腍，而且羊肉非常多，仲有紫薯及腰果，特地叫了薄餅沾來吃，兩者很配，好味！辣椒蒜蓉蝦醬炒通菜這通菜綠油油，令人很有食慾，通常咸咸香香，且很有鑊氣，餸飯一流，是家裡做不到的效果龍蝦冬蔭公湯這個冬蔭公也很outstanding, 份量不多，飲得非常珍惜，配料十足，而且海鮮的甜味突出，酸味及辣味適中，好飲。

而家嘅海港城少左內地客，晚上可真多左一份寧靜，真係要趁呢個歷史性嘅時刻行返個圈，事關大家都話自從呢幾年海港城被內地客佔領，都唔係太想黎，倒不如去Elements想食泰菜我會建議呢間Blue Elephant，有宮廷式嘅優雅設計，亦有海景嘅襯托，整體環境相當唔錯，衛生仲幾好添。香茅炸蝦餅（$98/全份）- 蝦餅比較有特色，由於加左香茅，出奇地好食，而蝦餅更係非常爽口彈牙，蝦味濃郁。慢煮烤排骨（$168）- 排骨以慢煮方式炮製確實與別不同，肉質極之細膩，嫩滑而有豐富肉汁，肉味香，有少少似高級版嘅叉燒。馬沙文咖喱配羊肉（$238）加油鬆餅（$38/2件）- 咖喱都幾出色，偏向馬來風味，微辣且奶滑，椰香味突出，小鍋內滿是羊腩粒，確實係「廟細燈籠大」，配富奶油香嘅油鬆餅的確美味。豬頸肉炒飯（$148）- 炒飯炒得唔錯，飯粒夠乾身唔會太濕，醬油調味都調得唔錯，仲有唔少豬頸肉，都幾有肉香，幾好食。最後，眼見香港的海港城慢慢變成唔屬於香港人的一個商場，確實可惜！

餐廳：藍象泰國餐廳 (尖沙咀)地址：尖沙咀廣東道3-27號海港城港威商場3樓3303號舖位於尖沙咀海港城港威商場嘅藍象泰國餐廳🐘係一間米芝連三星級餐廳，係泰國曼谷🇹🇭亦係非常出名嘅泰式餐廳，一入到門口就已經被餐廳嘅氣氛同環境吸引左😍，再加埋180度嘅維多尼亞海景🌊，自然光☀️透射入黎真係無得頂係呢到點午餐仲有半自助buffet，有超過20款小食同沙律🥗、甜品🍮的任你揀菠蘿雞肉炒飯 $138新鮮香甜嘅菠蘿🍍粒配上雞肉🐥、提子乾🍇、肉鬆等炒成色香味俱全嘅炒飯☺️，配埋半個菠蘿殻賣相就更吸引豬頸肉雜菜炒河粉 $138 濕炒河粉用左多款雜菜🥬🥕去炒香，一片又一片惹味嘅豬頸肉仲好入味鍾於唔洗去泰國🇹🇭都可以食到呢間出名而獲肯定嘅泰式餐廳，雖然價錢好似有啲貴💸，不過都係物有所值嘅🤓週末望住呢個海景真係好舒服

月尾又係時候獎勵下自己啦，今次黎到尖沙咀海港城encore藍象泰國餐廳，係一間可以欣賞到尖沙咀海景的餐廳，真係令人賞心悅目啊菜單上嘅選擇非常豐富，有多種不同口味的前菜、海鮮、主菜、炒粉麵飯、甜品等等，多不勝數烤帶子配茄子及豬肉碎迷你帶子份量極多，味道鮮甜，當中仲夾雜着適量豬肉碎，鹹香美味，配上辣味羅望子汁，又辣又香口。蓋面的茄子好新鮮juicy呢藍象特色青咖喱配牛肉青咖哩辣度不高，帶有陣陣椰汁香，牛肉份量頗多，肉質比較結實，牛肉味好濃郁，吸收晒青咖喱嘅精華！碗底部有洋燭保溫，非常貼心！香煎油鬆餅食咖喱又點少得白飯或鬆餅，我地就揀左呢個香煎油鬆餅。有少少似印度薄餅，香酥且充滿油香，同時亦帶有麵粉香，沾上青咖喱醬汁後格外滋味燒大蝦炒金邊粉賣相高級精緻有心思，金邊粉口感軟硬適中，頗Q彈，裏面有唔少蛋絲、芽菜、蔥花等等配料，口感同味道都好豐富，酸酸甜甜的，好好食呢！燒大蝦體型大隻，蝦肉爽口彈牙，仲有唔少肥美蝦膏添，物有所值啊鮮榨西瓜汁用新鮮西瓜即叫即榨，西瓜香味濃郁，清甜解渴，飲到唔少細碎嘅西瓜肉

寫著食評 神奇地識了個同樣貪吃的朋友年紀相近生日名字相似 重點是熱愛美食隔著電話聊了很久 終於約出來食飯慶生選了個舒服得體的餐廳 海港城傍著海景米芝蓮泰國菜 正適合我們兩個吃貨肥妹環境優雅寧靜 檯與檯間距大好適合久坐可惜晚了訂位沒坐到窗旁 海景有點遠了-🍤小食拼盤 $168串燒豬雞各兩串 輕烤過沾沙嗲汁頗惹味炸蝦餅香脆 除了蝦肉還包豬肉比較特別脆皮青咖哩黃金包 是我比較欣賞的一款香料與肉與脆皮 春卷的變奏版口感不錯馬可? 未食過 菠蘿+糖+花生比較似甜品拼盤勝在款多 可惜不太夠熱有改進空間-🐚辣椒膏炒大蜆 $148見旁邊那檯叫了好吸引 所以跟風也試試大蜆份量不少 頗為大隻看起來相當飽滿相對清淡 嗜辣的我覺得可再重口味一些-🦐燒大蝦炒金邊粉 $152吸晴的賣相 開邊大蝦躺在木盆金邊粉上拍完照 就把花生碎椰糖青檸汁均勻拌好 一向喜歡炒金邊 微微咸酸甜開胃又飽肚蝦大隻彈牙 這個環境地段性價比很可以-🥭黑白糯米飯配泰國芒果 $88經典的甜品芒果糯米飯 雖然貴但更特別泰國芒果很甜 紫米煙韌白糯米帶有椰香再配上朱古力雪糕 面層灑的是烤椰子碎 包著雲呢拿雪糕 新派甜品為這餐劃句號吃著聊著 美食與旅行

藍象是曼谷很出名的餐廳，一直都好想試下適逢紀念日，老公就帶我去試試看。一入餐廳，就覺得格局好海洋而且充滿神秘感，經過一條長長既夢幻走廊才能走到餐桌位置。我們坐於接近窗邊既位置打開餐牌，選擇很多，咖哩都有好多款式。炭燒豬頸肉配泰式香草汁 $168肉質彈牙，不油膩，個醬汁好野味!!!辣得黎又甜酸，仲配埋青木瓜沙拉，開胃到不得了。香濃馬沙文咖哩 (牛肉) $238這個咖哩很特別，每啖咖哩都有薑蓉，花生粒，頂部亦有腰果附上，腰果香脆。咖哩通常都有薯仔，佢就比較特別，用紫薯紫薯同牛肉都炆得好林，很入味。香煎油鬆餅 $38咖哩杰身，配油鬆餅最適合，可以索哂咖哩汁一啖咖哩、一啖油鬆餅很滋味辣椒蒜蓉蝦醬炒通菜 $98一上碟，聞到很香的蝦醬味，蝦仔亦被炸得香脆有咬感，蝦醬濃郁，通菜翠綠新鮮，而且份量很大，很滿足。望住海，慢慢享受這一餐，人生一大享受。

Ambience and service were great but the food were kinda disappointing.Blue elephant is one of the top Thai cuisine chains in the world so I have high expectation to them.  The pad Thai is a must to order in a Thai restaurant right . It’s wat too weight and the noodle was mushy. The Tom yum soup was ok great balance between sour and spicy. 

下午茶就食得多 但係泰式下午茶就真係第一次🇹🇭之前去泰國就食過藍象 覺得真係好好味 原來香港都開左分店 所以就決定去試下🤗 而且價錢係海港城真係算高CP!.☕️Afternoon Tea set (for 2) $168Tea set 係用左一個令令既鳥籠去擺放 用黎打卡呃like 一流📸📸 而鳥籠既上層放左甜點 中間同低層即係放左鹹點 一般去酒店high tea 既話通常都係主打甜品 但係呢度就比較多鹹點～ 蝦餅, 炸蝦,泰式春卷都好好食 加埋醬汁就更加惹味 酸酸甜甜又帶點小辣🤤甜點中有一款係辣朱古力 我覺得幾特別👍🏻.🍢小食拼盆 $168因為我地係三人行 所以就叫多個小食拼盤 而拼盆基本上同Tea set係差唔多 但就多左串燒😋.跟tea set 有2杯野飲 我地分別叫左泰式奶茶 同 芒果糯米飯沙冰🍸初初諗住只係芒果沙冰 點知杯野入面真係有d 磨碎左既糯米😳 口感更豐富🤗.其實餐廳既窗邊位係可以望到維港 但因為我地係walk in 所以窗邊位都full 左🙈 如果大家想黎tea一tea 記得book 位啦😉.⠀⠀⠀

這間位於海港城的泰國餐廳，對住維港無敵大海景，環境一流，如果有日光時候在此進餐，更能清楚欣賞海景。泰式沙嗲豬肉串串燒燒至表面有焦香，濃郁的香料味道，豬肉切至一口一粒，肉質嫩腍，而沙嗲醬惹味。加上香料的味道，豬肉嫩腍，而沙嗲醬惹味。藍象特式青咖喱配牛肉配香煎油松餅青咖喱味道較清新而且不辣，適合大眾口味，咖喱裡面有些椰汁的香甜，配上油松餅非常可口。泰式燒春雞燒雞以泰式香料醃制，十分惹味，雞皮帶點焦香，肉質嫩滑，加上秘制醬汁，帶點微辣。

最後3週就要生B的我，今日提早同老公慶祝聖誕+冬至，正所謂冬大過年當然要食好啲，選擇了尖沙咀海港城的泰國菜提早了預留位置安排了窗邊位置，可以望到ICC和中港碼頭，心情也非常好門口有餐牌介紹Lunch有半自助形式的沙律吧，完了Lunch還有一款Tea Set 也相當吸引“泰式沙嗲 （4串）$88雞肉2串：肉質鮮嫩 豬肉2串：不會燒得乾身之餘也有豬肉的甜味配上花生沙嗲醬汁，甜甜不辣脆皮青咖哩雞及蝦肉黃金包 $58/半份2件黃金包內配上了雞和蝦肉，非常足料，另外放上泰式辣醬和金不換香葉，但沒有咖哩的香味椰皇海鮮濃湯 $128/位其實一位足夠2位飲用，可以嚐不同的菜式用椰皇裝上的濃湯非常鮮甜濃味，內𥚃有帶子粒、蟹肉、還有一隻大蝦炭燒和牛扒 $308選擇了7成熟，一份10件左右一半熟一半微熟，孕婦的我也可以食牛扒肥瘦均勻，但有些筋位咬不到，原本覺得和牛應該入口即溶的泰式紅咖哩配雞肉 $188咖哩香味很足夠應該配上蒜蓉包或煎餅，但真的太飽了沒有加不要看碗仔細細，雞肉份量滿多，用上了雞扒肉令肉質更鮮嫩，咖哩不辣也帶上了甜味魚露蝦干炒椰菜苗 $98椰菜苗爽口配上細細蝦干，份量足夠4人以上品嚐燒大蝦炒金

平時食開泰國嘢都係九龍城附近估唔到尖沙咀都會有靚景配泰國菜，喺海港城發現咗一間食泰國嘢嘅餐廳所以就約咗朋友一齊放工去食我同朋友都好鍾意食泰國嘢，頭盤就揀咗一款餐廳嘅特色小食，食落去類似餃子嘅小食賣相非常之靚而且食落去嘅味道同埋口感都好特別然後主菜就叫咗一款豬肉碎配生菜，豬肉碎嘅調味做得好好甜甜地唔會太過辣配生菜就更加新鮮，同埋唔會太過飽，食下食下都好快食晒第二樣嘅主食我哋就叫咗豬頸肉炒飯，估唔到份量都幾多而且豬頸肉嘅味道做得幾好，食落去甜甜地我同朋友都幾滿意呀然後飲品方面就叫咗一杯cocktail ，無論賣相定係味道亦都做得唔錯最後梗係要叫個芒果糯米飯啦，餐廳仲要配左兩款嘅雪糕同埋黑糯米，咁樣嘅配搭真係非常之完美