華輝餐廳

營業中

休息中

難得今晚西甲大戰，決定相約朋友到大埔睇波。問朋友去邊間酒吧睇比較好，佢二話不說帶我去到一間茶餐廳既門口。「呢間茶記因某電影而出名」，友人謂，真係長知識了🤔時值七點左右，離開波時間不遠，茶記裡面已是人頭湧湧，幸好搵到個有利位置，可以較舒服地觀賞。順帶一提，睇波時段有最低消費每人65蚊焗肉醬意粉58，加多8蚊叫杯凍飲就岩岩好了，仲有例湯送，味道其次（事實個意粉焗得燶左啲），飽肚之餘有好波睇最重要睇波睇到一半，姐姐話有免費糖水送，係西米露黎，送完即止。真係好開心丫😝😝照咁睇，下次有球賽的話都可以再返黎幫襯喎

哩間係因為一套港產片而出名既茶餐廳～但另一成名既人食物就係呢間出產既批！喜歡甜既可以揀蘋果批；喜歡咸既可以揀雞批今次叫左細個雞批再加2份早餐，一於試下佢既出名之作”雞批”再加招牌煎墨魚餅公仔麵講下個＄14雞批先，原來雞批可以揀原個細size批或者一個大批切件。因為小妹唔知所以叫咗原個細批，批面都算鬆脆，同牛油蛋撻的皮差不多。餡料的雞肉亦多而且有預先用白汁同青豆等等配料煮過，所以唔會乾＄28招牌煎墨魚餅公仔麵，小妹覺得有D失望，因為墨魚餅只得4片而且公仔麵是似某牌福字伊麵～～ 墨魚餅可能切片，食唔到墨魚的質感，同魚片感覺差不多。個麵同魚餅都無咩味，所以加了辣椒油增加味道層次～另一個早餐叫了火腿通粉配牛油包及煎雙蛋。麵包新鮮軟熟而且蛋沒有煎太耐，仲有蛋液流出

大埔區的其中一個特產，華輝餐廳的蘋果批。聞說下午3-4點便會售罄，幸好同事趕在最後一刻趕到，一口氣掃清剩餘的蘋果批及雞批。P.S.特此向排在後面的女士致歉蘋果批餡料份量十足，外皮酥脆，味道清新，利用焗爐加熱後再品嚐，味道一流另外雞批同樣精彩，餡料豐富，幾乎每一口都有粒粒雞肉，同樣建議利用焗爐加熱。

華輝，其實本身都不太熟悉，但幾年之前吃過了一次華輝的蘋果批，與及看完了那夜凌晨我坐上了旺角開往大埔的紅Van之後，便覺得非常親切近日，華輝又受蘋果日報採訪，都到了華輝餐廳的日與夜，講述了華輝的早餐，與及晚上小菜。這樣，恐防會有更加多遊客，或是其他區域的人們來到華輝，要吃趁早😏。但最奇怪的是，即使我覺得這兒親切已有平民化，但是永遠來到，不管是外賣又或是堂食都會有不少位置，可能由於我們來的時候，往往都是下午茶，又或是經已接近九時的晚餐時段吧 這天更加有趣，晚上沒有英超最熱門的球隊的球賽，只是播映般尼對水晶宮的戲碼，雖然兩隊不算太出名，但是弱旅對決，更具趣味，主隊先入，客軍狂攻，力求扳回一球。雖然本店設立了最低消費＄65，但是很明顯，這個最低消費也只是象徵式的，因為不管小菜、鋸扒、或是其他客飯，隨便叫都很容易超過＄65。點了一個魚香海鮮煲豆腐煲，所謂的海鮮，就有蟹柳，魷魚、與及很多很多的豆腐。坦白講，豆腐有點兒酸味🤔，但是又不至於會令你肚痛的。沒錯，有如魚香茄子一般，亦有魚塊，有魷魚，還有少許鹹魚粒，像是為不吃魚香茄子的食客而切的。另外點了半隻沙薑雞，如果平日自己吃東西的話，可能會吃西檸雞🤔

大埔幾出名既餐廳....因為紅VAN定雞批定蘋果批既關係呢?一探究竟超古老既手寫餐牌....應該要有4人或以上先會主動拎比你~今日就叫左個4人餐$348免加一先送一大碗例湯~今日係紅蘿蔔煲合掌瓜?幾有味~唔錯仲要飲完可以免費添~~~主動問你架～雞煲~半隻雞都無~1人未必食到2件雞偏咸牛柳粒~份量多~但都係偏咸腐乳通菜唔錯唔錯~唔算太咸~魽魚~應該係鱔既FRIEND~肉質差唔多~都新鮮~味道唔錯秘制醉香骨~制作需時~我地食飽晒咁制先煮好~但都係值得等的~上幾道菜都只能用咸黎形容~呢道菜就酸甜中和一下~~~肉質勁腍~呀婆都食到果D~總結:環境就普通茶記咁啦~無咩可挑剔~伙計都好主動~唔錯~遲少少去就要等下位啦~~~7點前去食啦食物就偏咸~要自己揀D菜既配搭中和下啦~價錢真係抵到爤$348埋單 5個人食都夠飽~近既話都可以去多D~1人食下客飯都唔錯~45蚊有1條魚+一大碟飯~好多人食呢可惜既係雞批同蘋果批都賣晒了~無得試~

友人話因為佢聽人講蘋果批好食，好想試呢度既蘋果批，所以晚上就來呢間餐廳來食晚飯 。個蘋果批我地當係飯後甜品，真係幾好食，蘋果餡份量十足，又唔會太甜，只係想講個蘋果批個餅皮稍簿。另外叫左個豬扒炒河，都幾多塊豬扒，算係一間價錢公道既餐廳。

今次是自從紅van電影後，第二次再來吃蘋果批，記得上次正值電影上映期間，門口還貼上電影海報。今天來到大埔已是下午茶時間，甫坐下一定是叫蘋果批，還有一個廚師推介的大蝦多士。蘋果批+奶茶（$14+$16）蘋果批的酥皮很鬆脆，蘋果餡料很淋甜，但我比較喜歡吃那個酥皮，蘋果餡如果可以多一些汁比較好吃。奶茶香濃幼滑，到港式茶餐廳一定會叫一杯。大蝦多士（$38/set)這個下午茶套餐是廚師推介，多士用原隻大蝦，有別於一般塗上蝦膠再炸，多士炸得很脆但一點都不油膩。

下午茶食吉豬薯條，配凍檸茶吉豬炸過頭，顏色太深，可能用油太多次。其他枱食炸脾，相信一齊炸搞到好深色。豬扒肉好硬，唔好食。切開望落又有少少紅，真係唔識分熟左未，可能又係雪得耐，急凍受傷。薯條入邊有舊雞脾肉，送禮物？不過舊式波浪薯條係幾好味，只要唔炸壞已經好味，所以冇加分。凍檸茶過份甜，蓋過茶味，好難飲，溝晒成杯茶水都甜到痴線，飲得多唔糖尿都壞味蕾。不過夠檸檬，當補償。下午茶，認真麻麻。價錢已經算係咁，份量都唔差。只不過名氣大，預想和現實落大太大，都是劣評。結論是，越出名越冇好野

雞批分件裝和切件，平日很少切件，當然一試！如果這個雞批可以熱一點，我想已經倍感好吃！因為如果不太熱，內裡的白汁會像凍了的意粉，一舊舊，而且批餅的牛油香也吃不出！一點可以讚賞的是雞的份量很多而且真實，不像一些只有白汁。

蘋果批同雞批以外，仲有其他選擇。如果喺勁肚餓下嚟食飯，首選呢個集合咗餐湯、炸春卷、方包、葡國雞飯同奶茶的猛男飯。份量大，碟飯不論餸、汁同白飯都多到湧出嚟咁。食過一次後，發現一個人係食唔晒成個餐，改叫少飯同走湯就啱啱好。葡國雞飯的椰味唔重，汁頭輕身得嚟冇水汪汪，入口唔覺飽滯感；雞肉冇雪味，件頭多；有薯仔同少量雜菜製造靚視效；飯軟硬適中。成碟飯熱辣辣，食落多兩分好味。春卷雖然係普通貨式，但炸得夠脆，入口唔係凍冰冰。脆口嘢配埋碟頭飯，成個餐豐富晒。下午茶餐乾炒肉絲米粉係細份量，諗住茶餐當午餐恐怕會唔夠飽。佢細碟得嚟用料算多，肉絲唔係得幾條，碟粉炒得有鑊氣，好香兼少油，味道就淡咗少少咁囉。無辣不歡者，混辣醬食就變相加鹽調味。要注意返，辣醬夠晒辣，加料前先試試味比較穩陣。

一個人的浪漫呢家野，梗係要o係茶記尋找，除左豆腐火腩飯，乾炒牛河亦是至愛 是日又黎華輝，不過今次係試佢D炒河。訓到日上三竿，我的早餐就是別人的午餐。一起身就黎個乾炒牛河，會唔會有D過份左？ 稔真，其實都唔會，只因令到自己個肚子感覺滿足絕對係一件正經事餐包個「乾炒牛河」、「中式例湯」，餐飲叫左杯「凍奶茶」。話甘快，碟粉河就送到。見到真係幾乾身，油份唔算好多，用筷子撈起時，個牛河冒白煙，真係即炒好新鮮。食炒河又點可以無辣醬，初時覺得個辣醬俾得少，但後來落曬之後，可能因為個河粉好熱，加埋D辣醬本身都屬於辣果隻，岩岩好。河粉屬厚身果隻，食落有質感，豉油都幾均勻，河粉入味，牛肉都算多，如果銀芽同蔥再落多D甘就更perfect喇 !清曬成碟粉，仲飲埋個湯同奶茶，爆曬早、午餐熱量quota，不過，好滿足。

因為旺角紅Van小說而不時曝光，明明位於大埔，非油尖旺或銅記中環等熱點。街坊餐廳走親民路線的華輝依然累積到不少人氣，至少我和友人就是特地到訪的。到底一家小小餐廳有何特別之處？難道就單純為了跟著小說的步調才會來？ 　　即使不是米芝蓮幾星幾星，華輝也製作到老少咸宜，街知巷聞的懷舊味。可是亦不要期待太多，說過是街坊小店，就算收獲高人氣，華輝仍是茶餐廳。座位很多，基本上Walk-in都好充裕，衛生情況可接受。 雞批 $14 　　切件與細雞批同價，大版全個則為其六份的價錢，蘋果批亦如是。早前有聞切件比細版單件裝更好吃，想必亦然，因為餡料沒有版批皮壓實。中心部分保持腍綿，白汁鹹味奶潤十分重。可是過於油膩，就只有烤香微脆的批皮可以解一解。雖然內側依然吸收濕氣，變得有點漿口，但讓其質感不只有粉糊。 蘋果批 $14　　同平時食開配牛油金寶的當然不同，是將雞批換餡的質感。蘋果量普普，但蘋果味甚淡，沒有太重的酸味或是甜味。質感亦然，不是爽又不是綿，有少許彈身，沒有留餘幾多水分，中規中矩。　　其實如果喜歡吃批皮，或者偏愛帶脆的話，單件裝比較適合。至於喜歡腍身一點，吃起來潤些少的還，切件為佳，而且照理大份過

聽講呢度d雞批好出色，甘就真係要試下。呢日十點幾早餐時段黎到，餐廳唔算好擠迫，一條友選左個卡位住低。甘一場黎到，食早餐之餘梗係叫埋雞批。雞批上枱時少少暖，相信如果熱辣辣的話會更正。餐廳俾左個小叉子方便食雞批，但我稔住用手攞起食算，用叉好似好煩甘，點知......一咬落去成個雞批五馬分C甘散左，好在散左的批都只係跌返落隻碟度。證明左佢的雞批真係非常之鬆脆。講返雞批d餡，都幾多雞肉下。而食呢個批，個人認為重點始終係佢個皮，咬落去好鬆果下。黎到呢度，真係不妨食個批。呢度的早餐個人認為都不錯，七份熟流心煎荷包蛋真係幾有誠意，最喜歡食有蛋汁又唔太生的煎蛋，咬落去d蛋汁爆出黎配合滑溜蛋白的味道同口感，真係會令人好有幸福感。麵係大光麵，麵身幾爽，沙爹牛肉大大片，絕不小家子，牛肉唔算好滑，但個沙爹汁唔錯，隱約滲出花生香味。奶茶茶膽唔算好濃，幾香奶味，ok。服務方面都ok，見到好多街坊會打下牙骹甘。

眾所周知呢間冰室上過電影，所以每次去親大埔都想去試下呢間冰室，而且仲有好出名既蘋果批。一入到門口就見到好多人，三點幾都仲多客到要搭檯，仲有好香既焗批味。一坐低拿拿聲order個蘋果批，好香wor,個批皮好酥脆，蘋果肉味道比想像中清淡，但都好好味，食到好飽又抵食。

第一次去茶餐廳有這麼賓至如歸的感覺，兩點半下午茶的時間基本上卡位都是滿座的，我便選了圓枱的位置坐下，看見店內的夥計有超過五位樓面，人手非常充足，剛剛聽到有一位夥計説雞批未有，心裏正值有些失望的時候，有位穿着優雅的女士問我要吃什麼，臉上滿帶笑容，我相信她應該是老闆娘吧，我跟她說如果有雞批便要雞批，沒有的話就要蘋果批，另外加一杯熱奶茶，她問了一下便說：雞被大約要等7分鐘，我滿心歡喜的說：好的我等，在等待的過程中每隔2分鐘左右便有夥計來告訴我大約還要等多一會兒，因為雞批剛出爐很熱要稍等一下才可以切，我心裏想這樣的工作態度已經是一間茶餐廳好生意的重要條件！熱奶茶先到，奶味稍為多了一點但已經非常有水準，等了10分鐘左右雞批終於到了，外表不是非常吸引，但吃起來卻很有特色，雞的份量佈滿整個批，對我來說味道濃淡適中，上面的酥皮鬆軟剛剛好，熱騰騰的就不用說了，這10分鐘非常值得等待！剛吃完感覺不是非常飽，但過了30分鐘左右那種飽肚的感覺比之前更明顯。