茶泰 (啟田商場)

營業中

休息中

今天星期六的下午男友需要上班，所以早上的時候我便約他到家中附近的啟田商場吃早餐了，商場內總共有幾間餐廳我們都想嚐試一下，而今次我們便先試試這間泰式餐廳~「茶泰」雖然這是一間泰國餐廳，但是對比起它們的「在地化」泰式早餐，我們更鍾情於西式的早餐，所以我和男友分別點了它們其中兩款「重量級」的早餐~ 「香茅雞扒拼餐肉和」和「吉列魚柳拼扎肉」No.1【香茅雞扒拼餐肉】$37既然稱為「重量級」早餐，食物的款式種類當然非常多，除了雞扒和餐肉外，還包括了炒蛋、蒜香法包、沙津菜以及薯蓉，份量足以媲美一份午餐雖然雞扒的份量並不算太大，但是肉質卻非常柔軟嫩滑和緊緻彈牙，小口品嚐的時候，鮮甜無比的雞汁立即傾巢而出，香甜可口，肉汁四溢，口感豐富而飽滿，大家都吃得津津有味， 箸如雨下美中不足的是，雞扒的外皮略為有點厚，導致真正的雞肉少之又少，如果下次餐廳的雞扒可以大塊一點便更好了另外由於炒蛋的熟度控制得剛剛好，所以質感非常香滑柔順，入口即化，我們每一口都充滿著淡淡的雞蛋氣息，香飄十里，蛋香四溢，美味得讓人陶醉其中，一試傾心不過蒜香法包、餐肉以及薯蓉的味道便稍遜一籌了，雖然我們是堂食，但是法包卻一早已經是冷冰冰的，

2:30喺門口等左3個字，2:45入得去話而家係午餐未有下午茶，我未齊人又冇諗過呢間野原來有分仲要比一般遲，就問佢咁下午茶餐幾時同有啲咩食，員工唔應機，要我一係入，一係唔入就俾下一位。咁我諗住入去坐住等睇下野食就入左先。坐左3個字左右，餐牌野食基本睇完等埋朋友黎就叫，呢個時候呢個員工又埋黎話我係咪叫左野食仲想攞走我手上既餐牌，我心諗揸住都想攞？我揸實餐牌話我未叫野食的，想等埋朋友黎先叫，佢竟然話佢地要轉下午茶如果而家唔叫野食唔該出去再排過隊，我真心即刻想xx佢，我話咁即係點，佢話一係我而家叫左自己嗰份先，因為我朋友唔見左個電話，我又唔想企喺出面等，咁我就唯叫左自己嗰份先⋯野食黎到，cha thai船河個湯底咁甜既？又冇泰式野感覺泰式豆腐其實就係八爪魚仔既醬加豆腐⋯炸豬皮硬既，咬到牙都痛熱檸水冇檸檬又有怪味到埋單，行到出去，櫃面個員工喺度顧住㩒個pad冇理過有冇人要埋單，要我話埋單先叫另一個人黎幫我埋單呢間乜_野餐廳黎？

因為食物選擇種類多，坐位空間舒服，已多次光顧。今早早餐光顧下幫助經濟。疫情照舊測體溫正常後入座。服務員正在清潔估計剛離座嘅用餐枱。1）我坐低見檯面仲有一灘水未抹，我示意服務員幫忙抹下，服務員將menu悔氣地棄在我食具上。2）我坐在靠牆邊櫈座位滿佈食物渣滓，再通知服務員清潔時，不友善的眼神四目交投，一声對唔住都無，敷衍抹一抹就離開，我還要自己清潔一番。係現時這個疫情下， 食肆衛生非常重要 。食客＋食肆要加倍留意。

呢間食店啲服務員有時要叫幾次先做野我認為可以接受，將貨就價我好明白，可能他們時薪好低。但今早一位女待應的態度真係令我好無耐又嬲。話說我叫咗杯凍檸茶，比我見到上錯咗比另一枱客(兩位中年男女沒有帶口罩系度頃緊計)，啲口水一定噴到我杯飲品啦……咁非常時期丫嘛，我咪當臉請個女待應換一杯囉……點知比她寸話放咗“一下”，隨即發脾氣將我杯0茶好大力咁掉落回收的地方。其實我明白係浪費咗杯飲品，不過宜家係非常時期……唔係無得選擇我都唔會出街食……香港人大壓力我知，但希望貴公司的員工唔好再向顧客發脾氣。而今次，我認為自己係有權系呢個時勢請她換杯新的比我……如果貴公司的管理層見到我呢篇食評，希望你們多瞭解一下員工的工作態度，謝謝!

前幾日經過茶泰就同自己講星期三晚要來試佢個泰式明爐烏頭魚，好景不常突然宣佈晚市禁堂食，唯有先試佢個下午茶輕食。茶泰下午茶餐都幾多選擇價錢約40蚊以下。叫了兩個餐~豬排湯河+咖啡及泰式豬頸肉炒河+0茶。豬排湯河用上沙爹湯底配上炸豬皮，賣相唔錯，就是覺湯底味道較淡。反而豬頸肉炒河粉就幾濃味，有點像乾炒牛河配上肥嘟嘟的芽菜好爽口。上菜時服務員只給我一隻湯匙，是泰國人習慣用湯匙食炒河嗎？最後忍不住還是要求服務員給我隻义呢！餐茶有驚喜，咖啡好滑，熱0茶見不到一塊塊的lemon片，反覺沒有討厭的苦澀味多了淡淡lemon香味

等到位入去 他冇講清楚坐邊個位 我們不明白 便隨便坐了一個位 然後服務員來到帶我們去要坐的位置 此人態度惡劣地說假期不能選位 我的朋友十分生氣，反駁後他竟然還嘴，即使顧客不是上帝，也應該友善地對待，此人態度實在令人髮指

藍田都有高質泰國餐廳🤩​炒金邊粉佢話辣但一啲都唔辣​不過炒得好好味​船河超多料 好抵食 湯底味道適中唔太濃烈​豬頸肉半肥瘦烤得剛剛好 好香口 ​美祿沙冰甜左小小 不過都唔錯 美祿味濃​​

今日帶咗兩位烹飪班老師和一位烹飪班同學一齊去左呢度食午餐慶祝其中一位老師修讀意大利菜文憑畢業，而畢業那位老師就正住在附近。大家一致認為以下的食物及飲品值得推介：1. 泰式船河$56 - 個湯底好得，唔會太濃烈，亦唔會太肥膩，啱香港人胃口。配料迷你的牛丸和扎肉味道也很好，還有幾片泰國炸豬皮及一塊開四件的豬扒。2. 冬陰功湯米線$51- 個湯底好得，同結業左嘅冬陰公公以前個湯底一模一樣，係我嘅至愛，雖然兩位烹飪班老師嫌香茅味和南疆的味不夠，但係我覺得反而咁樣仲啱本地人食，啲米線都好滑。3. 椒鹽手作薯片$18- 聽個名諗唔到會咁好食，係好似嘅薯片，脆而咬落不會碎晒。4. 泰式乾炒牛河$54- 我哋全部人最鍾意這個菜式。5. 清邁小菠蘿炒飯$54- 呢個係外賣返去俾阿爸食做的午餐，我試咗兩啖味道很好，啲炒飯粒粒分明，唔會黐埋一舊，而且香噴噴，有粟米粒及紅蘿蔔粒，菠蘿比一般菠蘿炒飯切得細粒啲。6. 三色冰$12- 同學話好好飲，如果唔係咁多冰又唔夠凍，但係咁多冰飲飲下又要畢啲冰出來才可以食到杯底的材料。7. 凍檸茶少甜（聞說他們用的是冷壓檸檬汁，所以見唔到檸檬皮）$10 - 我叫咗兩杯，一杯係

外賣一個飯，由18:33落單，到18:50再去問，見有個外賣係度，問帶位男職員係咪我個號碼，佢死話唔係等到19:07有另一個號碼，佢先叫埋果盒起碼由18:50擺到19:07的外賣，正正係我單號碼，話佢頭先問你又話唔係，個男職員一句都唔回應就扮忙走左，一句唔好意思都無！態度極之差帶位男職員目測50歲+，其實唔想做，嫌多人等位，多人叫外賣咪叫人唔好等囉，咁自己就唔駛做又唔駛黑面，真係唔明，做野做到咁係咩心態

最近疫情關係都好少出街食飯 今日約咗朋友食飯就嚟咗呢間餐廳😂今日雖然係假期 但係一樣有下午茶供應😮 由三點做到六點 我今日五點半入去就可以早啲食個晚餐由於唔知份量有幾多 所以我同友人就每人叫咗兩個下午茶餐 全部下午茶餐都送熱飲 我叫咗熱檸茶 不過就冇一片片嘅檸檬嘅 而係見到有啲檸檬肉喺杯茶入面 可能檸檬太貴啦😅香茅雞髀配椒鹽炸豬皮 炸髀唔算好大隻 食落都唔算好juicy 炸豬皮嘅口感就有啲似蝦片🐷輕量泰式咖喱炒金邊粉 唔係好食到 啲粉 因為比較多配菜 蝦就得細細粒 唔推薦呢個😬輕量泰式乾炒豬頸肉河粉 呢個係最正常嘅 頭抽都炒得好均勻 每條河粉都上晒色👍🏻迷你黃咖喱牛肉飯 有啲失望佢嘅牛肉係牛肉碎 而唔係一片嘅牛肉 而肉碎嘅份量比飯更多 飯得薄薄一層 唔會太飽肚😮 好彩嗌咗四個餐以三十幾蚊一個下午茶餐嚟講算係咁 得閒可以一試😛

今日去到藍田商場有台灣嘢泰國嘢 朋友話想食泰國嘢我哋就去咗茶泰 入去先量體溫 跟住職員帶入座 餐廳環境非常之大餐牌望落去樣樣嘢食都好吸引 蒜米通菜炒豬頸肉飯 $50味道非常之鹹豬頸肉 切得太厚 令到口感好韌 入面嘅蒜粒全部炒到黑蚊蚊 又鹹又油 食咗一半食唔落去泰式咖哩炒金邊粉 $53金邊粉炒得幾乾身 但咖哩分明顯地落得太多 直頭兩啖還可以 食到中間啲咖哩味非常確喉杯熱奶茶就淡茂茂 又唔香又唔滑 嘢食唔好味連杯茶都唔好飲 真係冇下次呀 早知食大x 活好過 虐待自己味蕾

我等咗幾個星期終於等到唔係咁多人去試下泰菜啦！因為在藍田區份得一兩間泰國菜，好食的都唔多，但見呢間一開張就日日排長龍，所以都有期待去試下，今日終於俾我等到唔係咁多人可以去試下啦😋可能依家晚餐時段由5點開始，所以我6點去都已經差不多坐滿😀餐牌小食都好多選擇，份量少可以選擇多些菜式去試食，價錢又抵食😉必食手切豬頸肉👍🏻沙爹串燒（雞或牛）😋辣肉碎生菜包夠晒開胃，有少少微辣可以接受😎晚飯時段散點飲品有半價優惠🤓奶茶香滑😋凍檸茶係青檸打碎口感一流，性價比高👍🏻唔怪得之成日排長龍啦！

每次嚟藍田都唔知食邊間好嘅我左諗右諗，最後揀咗呢間啱啱新開嘅茶泰試下～一入到去對間鋪頭個印象幾好，因為裝修幾有格調。店舖牆身掛咗好多霓虹燈，加上繽紛嘅色彩配搭好有泰國嘅感覺👍🏻我地兩個人叫咗生牛肉冬陰功湯粉,黃咖喱煎蛋飯同炸蝦餅,雞湯蘿蔔兩個小食。四樣嘢當中我得最好食就係炸蝦餅，超級新鮮滾熱辣！外皮好香脆，入面嘅蝦肉亦好彈牙，點埋佢附送嘅酸辣汁真係一流！冬陰公湯粉朋友就覺得味道唔錯，我就覺得一般，味道可以再重手啲唔夠酸唔夠鹹。同埋入面嘅生洋蔥真係好多😂多到懷疑廚房師傅切咗半舊洋蔥落去😂😂餐廳環境幾好，平時下午茶時段同三五知己過嚟食個tea傾吓計應該唔錯☺️

lunch諗住試吓新嘢，叫咗個泰式豬頸肉炒河外賣，但等咗25分鐘先有，平日時間，無人等外賣，店內人客約五成，要等咁耐真係有待改善。食物方面賣相唔錯，但味道真係麻麻，好咸同有濃濃嘅燶味，炒河內仲有啲腐皮咁嘅嘢，腐皮嘅質感係香口膠咁，豬頸肉份量太少，應該就唔會再試。另外見有人話好多位都要搭枱，我眼見真係得五成客但都要搭枱，而門口真係無人等位。

受職員氣,  態度差到我坐低都立即走人------------------------------個排佢新開，排左30mins 排到2人飛其實撘枱我ok無所謂 (志在試下新野) 我行緊入去時，見有另一枱2人枱吉左我好隨意問職員： “請問可唔可以轉個張枱？”個後生男職員：“唔得喎，個張等俾6人位，你唔坐依度，就出去再拎飛重新排過啦”我心唸，你話唔得因為等6人位，咁講我完全無問題。後半part個句，俾氣我受！ 現場感受就係“你食就食，唔食就擺就”