茶泰 (啟田商場)

營業中

休息中

呢間望落同茶餐廳冇分別嘅泰國菜館確係估佢唔到咁好食同抵食所以算係我哋飯堂之一本身對船麵有情意結 去到邊都想試食一下之前喺石門食過間幾啱心水嘅 之後就一直再搵唔到啱食嘅連喺泰國都搵唔到（我唔中意當地個湯底太甜）直到嚟到呢度 呢個湯底齋望顏色已經好有食欲飲落有少少似肉骨茶咁 有牛肉嘅香味同甜味 又有蒜香味 仲有少少魚露香至於個河粉同牛肉就不過不失 不過今次食 個湯底雖然都仲係好味但就冇以前咁濃郁同有層次 唔知係咪因為要控制成本嘅關係至於個木瓜沙律 都係相當唔錯清新爽口又開胃 啱晒夏天食 呢度嘅下午茶仲有好多其他選擇人均都係40蚊左右 真係好啱一家大細嚟食吓開心吓

🌎茶泰 (藍田)藍田開左間泰國菜都好耐啦 但遲遲都未去試 今日有機會同媽咪去食啦 佢餐牌雖然唔多選擇 但都有泰國主要菜式 例如冬陰公 芒果糯米飯等 ▫️鮮蝦冬陰功湯金邊粉$58嘩！估唔到下午茶時間都咁大碗 分量足夠 湯底好夠冬陰功味 辣辣地 唔會好酸 媽咪話金邊粉唔會腍啤啤 口感啱啱好 ▫️清邁小菠蘿炒飯$54唔知清邁既味道點呢？我見都好大碟 材料有鮮蝦 粟米 青豆等 食落去甜甜地 幾鐘意 飯粒分明 唔會過油 如果菠蘿切得大粒d口感會更加好▫️沙嗲雞肉串$15▫️芒果糯米飯$18我地叫左小食 沙嗲雞肉串走左沙嗲醬 因為對花生敏感 如果有醬會更野味 但雞肉肉質好嫩滑 好正 另外芒果糯米飯一般般 味道可以接受 芒果唔甜唔酸 💵人均消費：$73✨環境衛生：7/10🙋🏻‍♀️推介指數：6.9/10📍藍田啟田道50號啟田商場2樓209號舖

今日下午去茶泰食午飯叫了一個Cha Thai 船河 56蚊 食完後 值得大家一試 首先係湯底很濃郁 河粉很幼滑 食材的配搭係好夾 特別係牛肉係一入口即溶 炸豬皮好脆好好味服務態度 好好 好有禮貌 值得再去食

如題 2月10號喺啟田商場買外賣叫咗個 清邁小菠蘿炒飯返屋企食到一半然後發現口裏面有異物吐出來然後發現係一個兩毫子 😑😑係唔係新年前想祝我恭喜發財然後我即刻打電話去餐廳問有冇經理在場然後佢哋話經理放晒假可以點追究你話我知 都唔係第一次食呢間野點解可以咁唔小心

之前去啟田商場見開咗呢一間新嘅泰國菜，我就去咗食下午茶🥄。佢嘅下午茶都有好多唔同種類嘅食物，除咗焗飯外，都有炒麵、炒飯或者其他小食等等，都算幾多選擇。咁我自己就叫咗呢個迷你黃咖喱牛肉焗飯🍛配炸豬皮。迷你黃咖喱牛肉焗飯 ＄38本身呢都會擔心下午茶分量少啲，點知上菜時候發現焗飯係好大兜，唔係迷你😨。如果食咗lunch嘅話呢應該唔會食得晒成兜焗飯嘅，一係要兩個人share一齊食啦。咁最重要係黃咖喱，帶有少少辣，牛肉🐮就係以牛肉碎上，見佢鋪晒係焗飯面頭。咁你會見到焗飯上面再加多層芝士🧀，令到成個焗飯更惹味同好飽。炸豬皮🐷加錢嘅小食，份量多，同朋友share啱晒。不過豬皮可以炸得更脆／配汁可能更好。

茶泰已經食過幾次，但最近兩次都要受職員氣，決定以後唔會再去，希望比考慮緊黎呢間餐廳既人睇一睇。首先餐廳非常擠逼。枱同枱之間爭啲連人都過唔到。就算後場好多位，職員都安排客人逼晒去前面先。其實餐廳又唔係大，員工要睇埋後場真係有咁困難？另外11月初去個時，職員落單態度已經好惡劣，無禮貌極度不耐煩，無放客人在眼內。叫生菜包，一名扎辮既女員工望都無望客就好惡咁話：無！叫無糖可樂配青檸又係好惡咁：無！好唔耐煩咁叫我「你咪就咁叫無糖可樂囉！」我問咁無糖可樂配其他野得唔得，佢大大聲「嘖」左一聲後同同事話「個客死都要咁配」，呢啲係正常態度？做食肆應該要係客面前咁講嘢？12月初再去一次打算食中午，員工話1130先有中午，我哋1120去到竟然唔比我哋入。問我地食早餐定午餐，我哋話午餐，佢叫我哋行多兩個圈先好黎。我忍唔住問 你咁多枱無人，點解唔可以入嚟？唔通我唔可以食午餐以外既野唔可以叫餐牌食物？佢竟然話我入咗去 佢哋就無得做早餐既客。難道我哋唔係客？重點係佢個場都無乜人食嘢大把空枱，竟然怪我哋準備幫襯既人霸左佢啲枱。疫情之下好多餐廳都改善態度改善質素，茶泰最基本既食物又提供唔到，態度又提供唔到，咁多餐廳不斷

今日買早餐外賣返屋企食，買果時某職員已經黑口黑面，返到屋企先知俾原來漏左蒜蓉包，特登落去拎番，結果剛剛那位職員一句唔好意思都冇講過，其他職員知道件事只係係到談笑，不知所謂!

今朝晨運20分鐘後，經過啟田商場，食左個唔錯架早餐，餐單好多元化，無論係歐陸式或者湯粉麵食都照顧到，我就揀左個香茅雞扒米線，厚切都好入味，又唔會有血水，豬扒就乾身左少少，有待改進，杯奶茶絕對好飲，茶同奶架份量剛剛好。枱與枱之間的分隔都做得不錯，可以ailpay, wechatpay, 8達通, 可以減少現金交易，最喜歡可以電子交易的餐廳，下次再幫襯先

呢間野係啟田商場都好似算新開，一直都未試過，聽人講就話幾辣行過見到都幾多人食咁就試下店員態度就一般企係門口準備入黎，店員就好大聲問係咪食午餐又唔知點解黑口黑面咁我反問佢唔食午餐食咩?佢又唔答人，企係度望住你等你答佢咁一係你都講句你地幾點幾點開始下午茶，問下客人係咪照食午餐丫你又唔出聲淨係企係度，又唔知你幾時下午茶照食午餐，坐低叫野食午餐配熱飲，特飲加錢午餐已經冇蝦餅、梳打一間泰國嘢竟然午餐已經冇蝦餅，唔知佢夜晚會唔會又有番啦熱檸茶沒檸檬的熱檸茶，成杯野都冇乜味，冇檸檬味冇茶味菠蘿梳打下面好多jam，好多糖漿，好甜牛肉冬蔭公河好多香茅、洋蔥，洋蔥甜好香冬蔭公味，好辣，但唔係好酸牛肉軟熟，但冇乜牛味，可能因為湯底太勁了咖哩炒金邊粉佢既炒金邊粉唔係酸甜味，係咖哩，好勁咖哩粉味，有少少似星洲炒米酸甜好似會好食DD金邊粉好煙韌彈牙個粉都好辣好多咖哩粉係麵上面成碟有四隻蝦好多口感似沙的物體，唔知係咪咖哩粉，口感一般份量幾大碟，食得飽食晒d野，叫左既蒜香牛油雞翼都未到問完店員之後再等左十分鐘好有可能問佢個陣先整一上枱已好勁牛油味，好熱辣辣不過個皮有d硬，炸粉頗厚食落就冇乜牛油味雞翼肉嫩juicy總結

想轉下口味試吓依間泰式餐廳，我點咗蝦醬炒飯，炒飯幾香，但食食吓就覺得好鹹。而朋友叫咗船河，我試咗少少湯底幾入味，可以一試。不過嗰度餐枱較擠迫，適合快食快走族🤣🤣

之前都食過一次，食物味道都okay既，只係侍應態度差少少；所以今日同屋企人一行4人再試多次，食午餐，結果叫肉碎生菜包...無；炸蝦餅...無；泰式鳳爪...無；叫咖喱想加粉蒜蓉包或手爪餅...無；想叫串燒食...都係無😑，叫10樣野，有7樣都無；等左一段時間先有位，入到店落單唔係樣樣都無，就係落錯單，叫2杯凍檸茶，只幫你落一杯，同侍應更改，最後都只係送一杯黎😡；加上侍應既態度，真係成餐飯都食得唔開心😤作為一間泰國餐廳，基本既泰國食品都無備齊；登記等位時又唔講明/或收起相關餐牌，服務態度差，慢，又甩漏，就算食物再好食，都留唔住d客😒

因為限聚令，今晚約咗三個朋友再嚟呢度試吓佢哋嘅晚餐，原來菜式比午餐多，全部菜色由朋友點：👇1. 泰蠔煎蛋$68，其實係泰國蠔仔餅，最奇怪係完全沒有番薯粉、木薯粉、分分鐘可能生粉都沒有，唔知佢點整可以做到個蛋漿好蓬鬆fluffy，除咗蠔仔之外餡料還有芫荽和金不換，跟上一次我嚟食午餐的時候的那個做法完全不一樣，呢個做法超好食，我諗冇人咁樣整！有創意！2. 泰式烤豬頸肉$36，味道好，不過因為切薄左才燒，所以食落去乾咗啲，同埋黐住個焗盤仔，要大力剷起。3. 金不換牛肉炒金邊粉pad thai$$59，非常之好食，而且並不太油。4. 飛天通菜$52，有啲辣味，並不油膩炒得很好吃！顏色青綠！啲朋友好鍾意食！5. 泰式明爐烏頭$108，啲朋友特別鍾意佢冇泥味，個湯汁好正，除咗有肉碎之外，有酸梅、泰式鹹酸菜、還有一些泰國香料，味道誘人。條魚係燒過先攞嚟的，但係入邊還有少少生，所以要浸煮一下。6. 船河$56，乜餸都有啲，塊炸豬扒好食過上次嘅，因為今次夠稔了，豬扒係切成條撞才擺上去，我諗有半塊豬扒，還有扎肉和泰國牛丸，餸同埋河粉都好多。由於啲湯係深啡色嘅，我哋唔知有乜嘢材料餚，所以即使好好飲都唔敢全部

昨天下午我去到藍田茶泰食下午飯大約1:45 左右， 我們在1:48 落單點選了一個咖喱金邊粉，冬陰功蝦湯河，美祿沙冰，鹹檸七。食物好快已經上枱但飲品過了15分鐘飲品仍未送出期間問咗三個同事會幫我跟進，最後大約20分鐘，才送出一杯鹹檸七，之後我問了一位穿着綠色制服的同事亦說會幫我跟進，最後25分鐘後我再問他一次他只對我說飲品仍然未製作叫我轉其他飲品，我不明白為什麼25分鐘內不能先製作我的飲品而且期間我看見不斷製作其他飲品，但係一共四位同事話說幫我跟進，但是我看不見他們有盡力安排我的飲品。我明白他們十分之忙碌但是穿着綠色制服的同事態度比我的感覺沒有聆聽我的問題便隨便行開只是叫我選擇其他飲品，態度極之不好及輕佻。

難得平日放假出去食早餐，見到茶泰門口餐牌食物照片好吸引就入去試下。叫了豬排salad餐+奶茶和雜菌炒蛋配細雪菜肉絲米線+咖啡。兩個餐上枱時熱騰騰，正!豬排好juicy好入味配埋個薯茸炒蛋及salad菜，大滿足!是我這段時間食過最滋味的早餐而且價錢只是30幾蚊，ok喎

自從德田個間鴻運啲廚師返左泰國，藍田就無乜好泰國野食啦😭而呢間茶泰喺啟田商場開左無耐，惟有就食住先過下癮啦！呢間嘢喺Taste of Aisa旗下嘅餐廳，姐係同百分百餐廳、桃園製作、意八餐廳等同一個集團，想講藍田已經有5、6間！叫左呢個茶泰船粉👆🏻，味道係幾好，香港人整嘅船粉黎講係唔錯架啦！份量好大😆配料都好多！！有生牛肉、炸豬皮、扎肉、牛肉丸、豬肉丸等等，而我就配左金邊粉，幾有咬口🥳👇🏻生菜包係泰國菜必食😆雖然話係集團式嘅餐廳通常無好野😹不過呢個生菜包又幾有驚喜，夠香夠多又有少少辣辣地😆呢個可以encore🥰唯一覺得麻麻地嘅係，佢嘅熱飲－>熱檸水，因為無檸檬！！雖然都有少少酸酸地，但完全唔似飲緊檸水，而且啲顏色就有啲似洗碗水😅希望佢以後落返檸檬啦🍋🍋🍋