茶匠 (匯景商場)

營業中

休息中

一開始飲嘅時候都覺得幾好飲，之後飲飲下質素變得好差，完全係扣水出黎嘅感覺，又希又淡，啲珍珠都好似交膠咁，真係黃店都幫襯唔落。👎👎👎👎👎👎👎👎👎👎

話說！嚟到匯景、都好鍾意揸住杯茶匠一路行一路飲呢間同路人嘅飲品店！呢間老實講真係好飲過其他分店嘅！平時都係飲開純茶！唔會加上任任何嘅嘢！雖然就好清淡，但係勝在茶底靚！都有茶香味嘅！我個人都好鍾意飲濃茶！去茶樓都係飲普洱嗰隻！雖然今次我叫既茶並唔係普洱，但係我都好鍾意！今次仲加上有檸檬汁！佢仲附送左檸檬俾我添！隨即變咗杯檸檬茶！佢哋嘅檸檬茶真係好飲過茶餐廳嘅！又夠甜！亦唔會甜得太過分！份量又十足，亦有茶香、加入檸檬後又唔會話太苦澀！值得欣賞！希望下次可以再試下其他嘢

茶匠都開張咗好一段日子，之前因為番學時間太早舖頭仲未開，無乜機會試佢嘅咖啡，通常都係放工放學買杯奶茶。呢排試左幾次佢地嘅凍Latte，天氣轉涼，今日就試下熱Latte。首先服務員態度一如既往的好，咁啱兩點幾唔會話太多客要排長龍，Latte大概等左8分鐘就拎得，算幾快！二嚟，大杯熱Latte係用翻茶匠其它台飲嘅紙杯嘅，對咖啡Customer嚟講個包裝好調皮，雖然冇咁Highclass但幾搞笑，事關我唔係OL所以我覺得Ok而咖啡呢，烘焙味幾香，唔苦唔酸熱咖啡來講有少少稀，總而言之不過不失，幾啱一般香港人口味，唔可以話係超好飲，但喺藍田地鐵站唔想行上啟田商場咁遠嘅話就得翻麥咖啡同茶匠。喺地理位置優越同價格相宜服務良好嘅情況下我會keep住幫襯佢。

茶匠📍藍田💛諗咗段時間post唔post，不過最終都係決定post😵‍💫希望而家衛生清況有改善啦🤧🧋香芋奶茶加珍珠 $26叫咗半糖，甜度適中，但係芋頭味偏化學，好明顯係溝出嚟(不過我阿妹話鍾意呢隻味)😵‍💫最值得一提嘅係一路行，一路發現杯身有啲蟻黐住。。。。。。😶

柑桔小球+蜂蜜檸檬🍋$28（50%糖）好大杯好解渴💁‍♀️叫咗半糖，所以柑桔嘅酸味顯得份外突出🤓但係酸得嚟唔澀，而且有果香😋另外亦有啲柑桔果皮嘅after-taste😍層次豐富。 芋圓鮮奶$24+胚芽$4🌾估唔到啲胚芽都比得幾多😋平時好鍾意食早餐穀物但又懶得咬😋鮮奶加胚芽嘅味就好似早餐穀物溝奶咁，既有麥香又有乳脂香🥛同埋唔使咬，啱晒我呢啲懶人。另外，芋圓都有唔少，Size同平時爆珠差唔多，晶瑩煙韌。

每次放工，其實都會睇吓呢間舖頭多唔多人，因為我覺得好好飲. 所以唔算太多人排隊嘅時候，我都會叫杯返屋企. 基本上每星期都會飲1次，但喺一直未有時間俾個好評佢哋. 今日，我叫咗2杯最中意嘅黑糖岩鹽珍珠鮮奶. 佢上面嘅cream除咗有焦糖嘅味道，亦帶有咸咸地，呢個喺我覺得最好味. 珍珠都好彈牙，鮮奶同黑糖味道好配合. 環境方面，佢有個企牌喺收銀機前面，俾大家揀不同嘅飲品. 我最中意佢嘅霓虹燈，寫住「我哋真喺好L鍾意香港」好型，同埋好有香港精神. 所以，我非常推介大家.

首先講講員工方面，我企响旁邊看看有咩飲，員工不會主動問你，亦不會推薦，所以服務一般。第二，飲品質素烏龍白桃奶茶（半糖）沒有白桃味亦沒有茶味，只有小許甜味及奶味很差！！$20炭焙烏龍奶茶+珍珠（半糖）都是一D茶味都無！！！差！！$242杯不同飲品，但味道是99%一樣？？通常一般飲品會有一個沒糖既茶底，再按客人需求再加番糖水來控制甜度好明顯這間並沒有咁樣做，如老闆睇到評語真的要了解清楚員工怎樣制作飲品。飲品已經成本不大，但質素這樣差，不知怎樣再幫襯。

#我真係好L鐘意香港 🇭🇰又大杯又抵飲嘅良心茶店💛我今次叫咗佢哋嘅招牌黑糖珍珠鮮奶加抹茶($33)同埋朱古力奶茶 ($22)🍫出街行到熱辣辣飲佢哋就啱晒啦✨

放學回家必經藍田匯景商場，這間茶匠都開了一2段時間，每逢放工時段都會大排長龍，今日終於的起心肝排隊一試。叫左一杯鳳梨百香果梳打，叫了半糖，飲第一啖已經覺得實在太甜，成杯野飲係人工水果果醬味加梳打水，我會覺得，我在家人弄的柚子梳打都比它優勝。店面不大，員工手腳很慢，這可能也是隊伍一直很長的原因，或者是這間茶飲店出色在奶蓋或其他奶茶系列，有機會再試吧，暫時真的有點失望。

炎炎夏日,飲返一杯冰凍的飲品,簡直係人間一大樂事,上星期去到茶匠,試咗杯黑糖鮮奶珍珠奶茶,真係正到飛起黑糖味很濃,糖份適量,不太甜,鮮奶味濃,加上粒粒彈牙煙靭的珍珠,真係口感十足

飲過熱烏龍奶茶,仙草凍奶茶覺得唔錯可以自選甜度冰度啱晒唔鐘意飲太甜同唔鐘意飲太凍既人今次試左黑糖珍珠岩鹽鮮奶 有 驚 喜‼️欣賞飲品既層次🌈岩鹽奶蓋 似冇咁漏既芝士奶蓋 (鹹鹹地好軟滑 凍飲都有milk foam少有)🌈微冰 香滑牛奶🌈半糖黑糖珍珠 (半糖關係冇咁photogenic 但奶味重啲 珍珠唔硬)Overall 糖冰奶比例好 下次可以試全糖/少糖

呢間野開咗好耐，之前次次經過都好多人排隊，所以一直未試。今日下午經過，見冇乜人，終於可以試下👍🏻睇食評，好多人話收銀店員態度差，可能我當天冇乜人，感覺店員態度都正常。叫左杯芝士奶蓋烏龍茶走甜👍🏻👍🏻👍🏻等咗大概2-3分鐘，個人唔鍾意太甜，走甜到啱啱好，芝士奶蓋好邪惡，有少少漏，不過好厚滑😋😋大滿足但$30偏貴

榴槤雪沙幾乎沒有沙冰，飲品做好左好耐係裡面枱再加上Recieption 去丟垃圾杯野攤得仲耐有得睇冇得飲有返實際都係會漏。榴槤味，不過味道唔濃。 甜味似有加糖水，都幾甜，唔記得左叫走甜或半甜，試唔到榴槤本身。 每飲一啖都覺得喉嚨有啲(確) 膠杯蓋設計冚唔實，好幾次都漏到成手都係。自己冚實都係會漏。Orange espresso tonic都係一樣蓋漏問題，成手都係。走冰就會冇左1/5 杯飲品，但咖啡並不濃，不香。 片橙幾好，次次都不錯。服務就見仁見智，時好時壞可能年少。 都有飲過幾樣野，整體一般般，無特別有茶味，冇特色。 真係打破唔到普遍黃店都一般甚至差嘅水準。

試下呢一間made in homemade 嘅土炮港式手搖 百香果🍍soda。。。茶匠Chashou 雖然主打黑糖鮮奶等台式飲品,但今次俾佢鮮百香果🍍soda, 深深吸引著🥰今次竟然唔記得叫少甜， 但甜度都ok 唔會太甜 而且有好多果肉， 百香果好正,透💛涼清新，初夏氣息蔓延💕和初夏最配的，　　當然還是清爽系飲品🍹，　　soda解渴， 百香果同🍍 清新💛　　簡直是小確幸，每天心心念念的那一口！　　　　一起來清清爽爽過初夏吧~💛

藍田新開左間台式飲品店，聽講都好受歡迎，於是今日去匯景，都打算去試下。一行過去都幾多人排隊，睇Menu都算多選擇，就順便買埋朋友想飲嘅野飲。因為都叫左幾杯，大概等左15分鐘先拎到，以下部份我有試，部份係朋友評價：黑糖珍珠炭焙烏龍奶茶（全糖少冰、半糖少冰，$30）：茶味香濃，朋友話即使係全糖都唔算超級甜；海鹽柚子梳打（少冰，$26）：唔鍾意甜嘅好選擇，未減糖都唔太甜，鹹鹹地加上微酸嘅柚子味，梳打非常清新，好適合夏天飲；檸檬冬瓜茶（半糖，熱，$22）：朋友話幾好飲；鮮奶草莓（無糖去冰，$30）：螞蟻人之選，而唔鍾意甜嘅我以為叫無糖就無事，點知掛杯邊嘅士多啤梨醬真係超甜，自己就唔係好頂得順啦。