茗星粗菜館 (已結業)

跟家人去食，以為老字號有老香港味道，半隻鸡158大洋，入口有非常明显雪鸡味，肉地“鞋”。一碟蝦得六隻，頭大冇膏肉少，一隻中指大小。外面一碟清蒸蝦都应该有10-20隻。但估唔到呢間嘢有6隻细蝦。

今日自己一個食晏，諗住簡簡單單食個飯就算，於是就行到嚟佐敦嘅粗菜茗星館，之前食過都覺得幾抵食，有茶有湯有飯都係五十幾蚊起，加埋一都係六十零蚊相比晚餐實在性價比太高了👍🏻食得清清地，就揀咗個豆腐火腩飯食雖然50幾蚊，但係絕不欺場六七件火腩+六七件炸豆腐，再加一碗大大碗嘅飯，同熱辣辣嘅例湯差啲食唔晒🤭本人對湯10分執着，一定要熱辣辣先飲，所以呢度就絕對啱晒口味，佢啲湯拎出嚟係熱到辣嘴嘅程度，大愛❤️

近排好多老店逐間結業，所以有機會嘅話都想幫襯多啲老店。呢間粗菜館開咗好耐，雖然唔就腳，都專登行過嚟幫襯。叫咗個二人套餐：1）老火湯 2位 (指定菜式)淡但係夠熱，話係節瓜湯，完全冇節瓜味，湯內一粒節瓜核都冇，估計應該係合掌瓜之類2）豉油王煎蝦 2隻 (指定菜式)算正常，蝦尚算新鮮3）沙薑雞 例牌 (指定菜式)全碟有1隻雞翼，其餘全部係雞胸，仲要靭到完全咬唔開。呢個係指定菜式，你俾成碟完全食唔到嘅雞胸人食，即係想點？4）紅燒乳鴿 1隻 (自選菜式)皮淋肉靭，唔熱，冇味，蝦片全淋5）琵琶豆腐 (自選菜式)質地死死實實，夾雜細碎魚骨要吐出來，芡汁死咸，伴碟菜心算係好正常全餐飯最滿意係壺茶，水夠熱食完餐飯令人好頹，冇影相。老店想繼續營業落去，都要自己爭氣啲

細細個已經聽過"粗菜館"呢個名, 經常路過見到佢地招牌, 睇其他食評先知原來係原址重開, 名為"茗星粗菜館", 今次朋友揀係到搞威士忌聚會, 可以試到呢到傳統粵菜粗菜館小炒皇 - 夠鑊氣, 下酒小菜首選陳皮香煎脆鱔 - 加陳皮去泥腥味幾好,  鱔如果更肥美就更好家鄉煎魚餅 - 招牌菜之一, 香口juicy厚身鬆軟招牌炒豬雜 - 幾好冇內臟膻味, 只係油咗少少秘製脆皮炸豬手 - 人多一定要叫, 外脆內軟, 調味剛好 糖醋黃花魚 - 炸到非常脆, 邊位嘅骨都可以食, 不過條魚比較細, 薄肉顯得唔夠嫩滑蒜蓉蒸勝瓜 - 勝瓜去哂皮, 細細粒夠嫩而且索哂蒜蓉味炸大腸 - 冇豬膻味, 非常香口夠脆, 大腸夠厚唔柴, 炸到乾身唔油膩另外仲有好多有水準經典小炒, 整體用餐都OK, 唯獨係訂枱時溝通咗可以全部免開瓶, 最後店員收咗1支開瓶費, 每人除開幾蚊就唔爭論啦 

嗰碟大蒜風沙雞，又乾又鞋口；魚湯浸聖瓜，聖瓜有黑邊，極度唔新鮮；蠔仔粥，水多過料。好後悔重要日子揀咗食呢間！其實之前兩次都食過係唔錯，不過一次跌 walk 就令到我唔會再幫襯。好失望！最後問 waitress 有冇糖水，諗住俾位佢補救，點知佢話要 $25 一碗，唔知碗糖水係咪有金箔，但係都好彩佢冇送，因為食完分分鐘要狂飲水洗口，因為太難食。真心，覺得又少一間可以翻炒嘅食店！而且服務態度好一般，所以冇下次囉！！！

每個月都會黎食2,3次，有咩變化好易食得出，今次黎食，食物份量明顯少左好多！-每次都會叫嘅冰梅骨，平時點都有7條8條今次得6條？ ？ ？ 仲要係baby size。。。Excuse me ？ 搞乜？😑😑😑-然後叫左個臘味炒芥蘭，講緊喱碟野$118我地4個人，每人夾左一條菜，全碟野得返3份1。。。我覺得真心真係好誇張囉大佬，芥蘭咋喎？菜咋喎！俾咁少？😤😤仲要炒得勁鹹。。。-之後叫左幾碗飯，真係火都黎🤬，濕到極致，真係好淋好爛，差啲就變漿糊嗰種，點食啊？ 即刻叫佢換過，過幾分鐘黎左幾碗隻碗熱到不得了嘅飯，啲飯又係痴埋哂嘅，即係只係將頭先嘅飯 微波爐叮一叮就算😓-之後仲有霸王雞半隻，份量都係偏少嫁，薯仔牛柳粒，啲薯仔淋到好似炆咗三日咁成餐飯都食到谷鬼氣-點解而家會退步成咁？換左老闆搵人頂手？唔該你哋檢討一下，呢啲本身嘅定價已經唔平，仲俾啲咁嘅質素嘅嘢人哋食！嚴重警告本身想嚟食飯嘅人，要考慮清楚😓

原來佐敦呢間菜館都係今度參與「Seafood Loves Sake」活動之一嘅中菜又可以趁機品嘗日本酒喇。✨遼參蝦籽花膠扒豆腐 遼參、日本優質花膠、豆腐的口感，配合埋一齊非常嫩滑，加入蝦籽帶出鮮味，係養顏．補骨原嘅必點菜式✨鍋島 特別純米🥂酒質輕快圓滑，微碳酸感配合蝦籽口感，使整體飲起嚟更舒暢，尾段微微的酸度更能帶出鮮味。配小炒唔錯嘅選擇。有唔同款式套餐都抵食，小菜嚟講確係有質數以後嚟油尖旺食中菜 同飲酒 又多個選擇喇🙌🏻

清酒x廣東海鮮菜式，為期一個月，得40幾間餐廳有參加呢嗰活動，每款清酒同海鮮都配搭得淋漓盡致，可以突顯到每種海鮮嘅特色，絕對可以令味蕾昇華到另一個層次😍 亦令我對清酒有另一個體驗🤭 遼參蝦籽花膠扒豆腐 x 鍋島特別純米，原價$398，依家$298，足足減咗$100‼️ 佢啲花膠真係好好食，係日本花膠嚟㗎🤤 酒質輕快圓滑，令遼參、花膠、豆腐的口感更嫩滑，微碳酸感配合蝦籽口感，使整體喝起來更為舒暢，尾段微微的酸度更能帶出鮮味。

進入餐館時，老闆殷勤嘅招待，係高興嘅 點咗薑蔥蜆蚧鮮牛肉，係完全冇蜆蚧，冇鑊氣，唔熱！招牌炒豬雜，完全冇味道，應該忘記落鹽同調味品，碟菜一樣咁凍！勝瓜花膠上湯，心知係味精湯，及勝瓜有“噏”味，但唯一一碟可食落口嘅菜。食咗粗菜館十幾年，希望佢哋將水準回復以前，用 heart 去炒菜，否則真係太可惜。期待改進！

因為通常鍾意 豬油撈飯當日我 立即book位 試下 呢一間舖嘅豬油撈飯我覺得呢間嘅裝修比較古色, 好多人都會覺得 入到去有種小棧嘅感覺, 餐廳位置都闊落 客人坐得舒服當然第一道餸叫豬油撈飯😍豬油,香味非常突出 食落去唔會口感油膩非常鮮甜味美, 再加上香蔥調味更加香口啖啖飯都有豬油香, 之後再叫咗個 香炸豬大腸味道層次滿分 內軟外脆 配上酸甜汁醬滋味無窮怕熱氣底下仲有菠蘿粒幫手滋潤喉嚨之後再左咗個, 芥末 炒牛仔粒, 芥末嘅味道唔算好刺激, 牛柳粒滲入咗芥末應有嘅香味 亦都唔會蓋過牛柳粒 本身嘅 肉質味道, 口感十分刺激！香濃最後,再叫咗個香穌炸豬手！ 令到成餐飯非常滿意， 原來除咗豬油撈飯係佢嘅皇牌炸豬手亦都係！ 炸豬手 口感非常一流 食落啖啖脆 肉質 順滑拎黎送酒食就更加一流啦👍👍

估唔到午餐時間在佐敦遇上朋友，二話不說就一齊食飯，就隨便去這間店，這間午餐小炒選擇多我們三人每人選一項，叫咗：大馬站火腩豆腐煲豉椒炒豬大腸川爆辣子雞嘩！全部都係好邪惡嘅食物😆仲包例湯！食物都幾有家庭菜感覺～係我哋選啲肥嘢啫！味道都可以幾惹味😉間中食邪惡啲都可以嘅

在天寒地凍既日子裡有朋友入左醫院 在心情最差的一天搵吃打開open rice 在附近搵到呢間中菜館讓我有兒時既回億超抵食二人套餐 仲有靚湯本人對打針雞有敏感但呢間既雞我可以食👍🏻証明食材嚴選最驚喜係琵琶豆腐我無諗過係咁好食 主菜有：鼓油蝦兩隻 雞 和例湯 另外有六選兩款自選因為朋友住院 我連續兩天都去食試左自選四個菜都好好味 包括咕嚕肉、菜心炒牛肉、琵琶豆腐、茄子沙龍躉（加58元）如果想飲花膠雞湯 你都可以加58元升級最開心係無諗過兩個人都咁多碟餸

其實呢間粗菜館好似已經存在左係度好多年，一路都冇試過。有人話想試，見佢有得係OpenRice 訂位就book左黎試其實感覺粗菜館好似都幾出名老字號食物質素係唔錯，推介梅菜扣肉（6片）同豬油撈飯兩個夾埋一齊食幾好食😂😂😂 份量都幾多，仲叫咗例湯、咕嚕肉同埋薑蔥桶蠔4隻。啲豪好大隻👍🏼咕嚕肉就普通唔係特別好食。侍應服務質素ok不算差。

約咗三個朋友一齊食飯，我哋四個女仔都係大食之人😂都叫咗好多野😂因為其中一個之前食過話好食，所以決定再食。我哋叫咗八樣嘢食，我覺得每一樣都好好食😂唔係誇張，好難得有咁多樣都好食，其中一樣係豬什，好正😂因為唔係好多地方有🉐️食，仲有個豬油撈飯，明明減緊肥都食咗好多🙈蒸絲瓜又係，清清地但係都好好食，而且佢哋上菜嘅速度都好快👍🏻服務都好好，又換骨碟，又有禮貌，重點係唔貴，食咗咁多嘢都係一千多啲，唔錯可以再食🙌🏻

粗菜館一直以來都是本人光顧的餐廳之一，今次突然寫上食評因為希望粗菜館能夠培訓一下員工的服務態度，讓客人光顧完也不會一肚氣 ，本人前兩日光顧時 侍應們其實都幾有禮貌，好正常用餐啦，到埋單時因政府有消費券而我又用剩$300，想一半用支付寶 其餘一半就用其他付款方法，行到收銀處 收銀的職員很不禮貌地講不能分單付款 黑口黑面，我問點解不能 她全程都黑口黑面而沒有回應我問題，最後我用信用卡付款了事，本人也是做服務零售 其實都很清楚收款方法，如貴公司不能分開付款 都可以禮貌同客人講聲，而不是用黑口黑面去回應顧客，希望粗菜館管理員看到評語 能夠培訓一下員工服務態度 畢竟是服務行業 ，禮貌是最基本之一