至尊雲吞麵雞煲

營業中

休息中

出色👍雞煲，人流不絕。醬香味十足，就算是無辣口味，也放足洋蔥🧅、芹菜、芫荽，如果有白飯的話真扒上兩碗😂😂店家會按人頭計算雞煲份量，但是我們沒想到兩個人是滿滿的一大盆我們根本都吃不完🤣剩下沒能食完的雞肉和雞骨頭，加入豬骨湯，熬成雞湯當火鍋，實在是太香了😍😍。火鍋的配料種類大眾，基本款都齊全，乾淨又衛生，我們就按著自己口味隨意下單，吃喝飽足。而飲料🥤☕是自助無限，除了雪櫃罐裝飲料，還有咖啡、奶茶、豆漿等等可供柯打。在炎夏30度來吃雞煲「冇有怕」，店家開足冷氣架🤭🤭爽呀！

今日同屋企人嚟濕地公園行，見附近有間唔錯嘅餐廳就嚟食個港式下午茶😛香煎雞扒公仔麵已調味嘅雞肉經過香煎，保持住外酥內嫩嘅口感，公仔麵煮得軟滑，附上生菜更健康。煙肉煎蛋煙肉煎得脆而香，咬落咯咯聲，肥肉部分已經煎哂啲油出黎，食落唔會油膩，太陽蛋整得啱啱好，蛋白熟蛋黃仍然流心，一齊食既有煙肉既鹹香又有蛋香，係個豐富嘅下午茶配搭之選。脆薯餅外酥內軟嘅口感，薯仔嘅香氣撲鼻，一上到枱已經想即刻先食。即叫即炸嘅感覺明顯，唔係炸完放咗喺度好耐嘅口感，不錯不錯👍奶油豬搭配牛油同煉奶醬，個包經烘乾後十分脆香，咬落去連旁邊人都聽到有幾脆。奶油豬絕對係香港必食嘅茶餐小食之選，未食過嘅朋友我都推介試試😋檸檬紅茶紅茶濃郁嘅茶香，清新即切檸檬酸爽，唔會太甜又飲到港式風格檸茶。

[✨天水圍至尊•極高CP值任食雞煲火鍋放題🥘 ]#至尊雲吞麵雞煲 #天水圍 🔸任食雞煲+打火鍋放題 $178🥘任食雞煲雞煲份量足夠，調味濃郁好入味，雞肉厚肉，唔會話骨多過肉，肉質都好嫩滑，小辣已經好夠辣！呢個質素仲要係任食，真係好抵食🤩🥘火鍋放題邊爐菜單選擇都幾多，基本常見嘅火鍋配料都好齊全，肉類丸類水準正常，蔬菜新鮮乾淨，出單都好快，質素唔錯😊💞飲品都係任飲，無論係汽水，定奶茶檸茶等茶類飲品都一應俱全😳————————♡♡♡♡♡♡————————✨總結餐廳環境非常光猛，乾淨企理。出面普普通通嘅火鍋放題都起碼要200+，呢度$178加一就可以食到任食雞煲+火鍋，CP值真係好高！值得推薦👍🏻📍至尊雲吞麵雞煲🏠天水圍濕地公園路1號Wetland Seasons Bay地下8B號舖#jmhkfoodie #hkfoodie #hkeat #hkeats #hkfood #hkig #hkgirl #food #hkfooddaily #hkfoodblogger #hongkongfood #hongkongfoodie #852food #香港美食 #香港食評 #香港餐廳 #為食港女 #天

今日嚟到位於天水圍濕地公園附近嘅至尊雲吞麵雞煲，呢間餐廳就起濕地公園輕鐵站對面，交通都幾方便。而且餐廳價錢都幾抵食，只要$178就可以食到雞煲火鍋放題，CP值勁高。-辣度方面我地叫左大辣，佢嘅辣非常之惹味，肉質口感都幾吾錯，而且份量都幾多，重點係雞肉食完係可以encore架，可以食到夠喉為止。-食完雞煲可以叫店員加湯準備打邊爐，火鍋食材都有幾多選擇，除左有各種丸類同蔬菜之外，亦都有肥牛、豚肉、鯇魚腩等等。肥牛肉質都幾靚，脂肪分布均勻，而且食落幾有牛味。以呢個價錢食都甘嘅質素，真係好驚喜。-

經過這間店，見新開，試試他們的早餐，用膳期間，隔離枱來了客人還是員工坐下？下單期間，員工們都會坐上我吃東西的枱上，感覺不太好，為什麼我要一邊吃一邊看你的臀部！？是不只是一個，希望多改善，食物有進步空間

雖然叫做至尊雲吞麵雞煲，但今日經過先知原來都係一間冰室嚟，即刻快手食個靚早餐先😛😛叫咗一份歐陸特色早餐，只限早上供應，自選食材配搭款式多。呢個早餐份量十足，冇諗過 $43 可以有咁多嘢食！吉列魚柳熱辣辣，魚肉依然滑嫩，配埋沙律醬更香口。炒蛋口感香滑，生熟程度啱啱好。薯餅亦有好貼心咁配埋茄汁😍份量慷慨，差啲食唔晒🙈 呢個價錢都冇乜嘢可以挑剔，路過又想食個靚早餐可以一試！！下次會帶埋屋企人再去食先😝

晨早入天水圍做野梗係要有一個至Good嘅Morning😌經過見到呢間門口幾企理嘅《至尊雲吞麵雞煲》入邊竟然有早餐食，望吓餐牌原來12點後除咗會做雞煲放題之外，早上7:30-11:30仲有醒神早餐，今日嗌咗個醒神早餐B $33，有主食嘅麵同選擇兩款配菜及餐飲，不過我就再加咗$6 要個脆薯餅😋先講番啲食物，雪菜肉絲麵煮得啱啱好，麵條彈牙唔會過淋，湯底都OK，最怕就係啲味道好淡嘅湯底，不過呢個湯底味道適中，冇過鹹又唔會淡茂茂。脆薯餅炸得金黃酥脆，而且唔會有油益味。最後黎杯凍檸茶就完美Good morning，凍檸茶茶底香濃得來冇苦澀味

【一個人的常餐】今日好難得經過天水圍濕地公園，行左陣之後覺得好肚餓，好想食茶餐廳！😊😊之後身旁就見到呢一間好出名嘅至尊雲吞麵雞煲，即刻諗都唔諗就入左去幫襯😄😂👍🏻💠沙嗲牛肉公仔麵🍜+火腿+煎蛋🍳 份量對我嚟講啱啱好，牛肉都幾腍，肉質鮮嫩😄我最鍾意就係燶邊煎蛋同埋火腿😂唔錯！公仔麵都唔會太腍，軟硬度適中！💠熱奶茶☕️ 都幾香滑香濃，口感順滑👍🏻🎀餐廳舒適，上菜速度快，抵讚👍🏻

今日約咗朋友一齊嚟天水圍，點知個個都遲到🙄咁好啦我自己去食早餐🍳呢間雞煲咁早開門🧐原來有早餐食😮趁早餐時段未完，叫左個仿鮑片火腿通粉，揀左配腸仔同煙肉🥓通粉又煮得幾好，唔會太稔，湯底清清地唔算好鹹，仿鮑片同火腿都大大塊👍🏻仲搭兩條靚菜，抵讚👍🏻腸仔同煙肉煎得唔錯，煙肉唔會好燶又唔會太肥，不過唔記得咗影相😅口痕加多個奶油豬，好脆但唔過硬，焗得剛剛好👍🏻好香牛油味，加8蚊有兩件，好抵🤩凍檸茶都唔會澀，成份早餐幾唔錯👍🏻

雖然呢間嘢主打係食雞煲，但係早餐同午餐又唔會有人咁神心會食，所以佢都有早餐午餐嘅Menu提供，我其實幾鍾意食唔同餐廳嘅早餐，因為又有炒蛋又有雞扒又有個粉好豐富。咁我就揀咗呢個餐佢塊雞扒都算係幾大，炒蛋好正，中間仲係有啲流心嘅，蕃茄湯好濃郁，烏冬份量就一般，但係加埋杯嘢飲都係$43 ，係一個唔錯嘅早餐，佢仲有個全日早餐有多士蛋沙律炒蛋薯餅都係差唔多價錢，好食過隔籬嗰間十勝牛嘅早餐，杯嘢飲都幾大杯嘅可以飲到成個早上，同埋都叫嘢食比較彈性，可以分開上或者擺埋晒一碟又得。希望佢遲啲有多啲嘢食簡：） 呢個係Wetland嘅食堂

喺呢個屋苑附近有放題雞煲都幾方便，雞煲都算幾野味夠辣，仲有好多配料話魷魚啊之類仲有啲熱食個炸饅頭真係幾好食不過放題食炸饅頭就唔係咁抵可以試少少價錢嚟講都係經濟可以的

每次叫外賣自取都一肚氣，等得耐已經係常態，非繁忙時間都要等半個鐘。我好聲好氣問下係咪真係有落到單，員工望都唔望就話等多陣，態度勁差。再等多陣都未有我就問下整緊未，未整就唔要喇，返工會遲到，員工又係望都唔望就話好快有。睇住遲過我叫外賣果D堂食客人已經食緊，我個外賣都仲未有聲氣真係一肚氣。執錯野執漏野都時有發生，要雪碧變左可樂都算小事，叫炸醬撈麵無俾個湯我係要我乾啃？堂食我唔知點，但外賣自取真係不了。

天氣甘凍🥶🥶🥶，得13度就會好想食飯呀麵呀呢D澱粉質，先夠energy🔋，今日去左一間出名食雞煲嘅餐廳唔係食雞煲放題，而係食午餐。有飯食甘大件事點解冇人講嘅？一入去鋪頭環境好舒服，地方好寬敞，枱同枱之間唔會有壓迫嘅感覺。侍應叫我哋可以隨便揀位坐，見到是日餐牌有J個餐可以選擇。咁今次就揀咗時菜雜會炒河同埋蒜蓉汁鴛鴦扒飯📌蒜蓉汁鴛鴦扒飯（$50）食得出雞扒🐔同豬扒🐷都係新鮮，冇乜用鬆肉粉去醃製，亦都冇乜味精，份量亦都好大，一個人食絕對夠飽到夜晚都唔使食，味道好食過好多地方📌時菜雜會炒河（$50）而雜會炒河用料好足，有叉燒🐷、鮮魷🦑、肉片🐷、菜心🌱等等材料一路等嘢食嘅時候同埋食緊都會不斷聽到由廚房傳出嚟好有鑊氣🔥🔥🔥嘅味道，味道就不容置疑，好好味，有大排檔嘅風味📌凍檸茶 （+$3 x2）呢度嘅凍檸茶🧃，檸檬🍋係新鮮，茶底🍵亦都好香濃，唔似其他餐廳用冷榨檸檬汁。凍檸茶都係區內數一數二，暫時真係搵唔到第二間好飲過呢度好飲食完呢度大大碟都夠飽一日，晚餐都唔使食，性價比高🙆🏻。睇下下次有冇機會試下雞煲放題😂職員仲好細心，比錢時我跌左頸巾🤦🏻‍♀️，都即刻衝出泥幫我執返😂💸$106#至尊雲吞麵雞煲@su

以前係元朗食過幾次佢哋雞煲，印象都幾好。估唔到原來濕地公園都開左一間，入到去個環境都夠光猛，位都夠闊落。坐低後有姐姐話出左新野有烤魚，就膽粗粗試吓。黎到見到個煲夠大，唔驚食完之後好難放料，試咗鉗魚，都幾大條，無乜骨又幾滑，好驚食到好多骨嘅魚，不過湯底有少少油 可以叫佢哋嘅員工舀少啲油 加返湯打邊爐 另外，我哋有個小朋友，有個肥肥地嘅女仔都幾nice，請我女女食糖，又盡量安排左一個無咁易比人撞到嘅位比我地，整體黎講，會有下一次。

我今晚仲正喎、飲左兩支大啤酒、去洗手間、店內沒有洗手間提供、需要出店外、行左30米到達、洗手間鎖左我返店問係咪要鎖匙🔑、店員答我吾洗鎖匙可能有人、我返去再等、好幾分鐘、敲門都無人應、我再返店問職員佢答我佢都無鎖匙、我問佢咁我去邊到先有洗手間、佢叫我過對面俊宏軒、真係服務一流。我都好想知職員係咪吾洗去洗手間？我見店內都有類似洗手間、但個職員從來沒有借比我用、一間食肆可以無洗手間提供👍🏻。最後因為急都行左過俊宏軒商場、來來回回十幾分鐘。返到嚟都無職員跟進、我只好打去管理處問、請管理員帶鎖匙嚟店鋪。管理處話每間店鋪都應該有鎖匙供食客去洗手間、但店舖堅持無鎖匙、只提供方法去俊宏軒洗手間。食品係好味呀、但欠缺人情味、同理心。從來無用心去解決自家食店問題、洗手間我諗係基本設施掛。職員佢有佢食宵野、你急你事。管理處借鎖匙都係食客自行處理。食店應記一功👍🏻、再講多次食物好味呀、第一次都係最後一次、最後太谷氣。食吾飽埋單走人。