影片
電話號碼
25434500
營業時間
今日營業
08:00 - 22:00
星期一至日
08:00 - 22:00
以上資料只供參考, 請與餐廳確認詳情
肯德基KFC📍天水圍天瑞路77號天澤商場2樓213A號舖今年我決定咗唔出國，除咗想儲吓啲假期之外，就係想多啲留港消費，刺激經濟。但見着身邊人去旅行，都難免有心郁郁嘅，就快到夏天，多數人都會選擇去泰國呢啲東南亞國家感受吓當地氣氛，食吓當地美食。雖然無得親身飛去泰國食好西，但好彩KFC推出期間限定嘅泰式口味新品，等我喺香港都可以感受到泰式風情嘅魅力！ 💰$56A2泰式紅咖喱脆雞豐盛套餐 🐓呢個套餐包含2件泰式紅咖喱脆雞、1件香辣脆雞、1客菜絲沙律、1隻葡撻同一杯飲品。不過佢嘅選擇都好人性化嘅，菜絲沙律可以轉換成唔同嘅小食，而飲品亦都可以追加特飲。泰式紅咖喱脆雞 🍗泰國咖喱主要有三大類：黃、紅同青，以黃咖喱味道最為溫和，青咖喱味道最為辛辣。今次KFC嘅呢款紅咖喱口味，以紅咖哩醬汁調製脆皮炸雞，再加上椰漿中和辛香料嘅濃烈氣味，令每一啖滑嫩多汁嘅炸雞肉煮帶有淡淡椰香嘅咖哩味，果然係正宗泰式紅咖哩口味。泰式紅咖喱脆雞嘅外皮散發住香濃嘅香料味，帶點香辣滋味，整體辣度比青咖哩稍低，炸雞裏裏外外都充滿着醬汁同咖喱粉嘅香味，微辛微甜，呢種口味真係非常過癮！泰式紅咖喱脆雞翼 🍗 (套餐 +$15加配)至於雞翼就更加惹味，脆皮香辣可口，內裏充滿肉汁，得兩隻差啲唔夠分！格格脆薯塊 🥧 (套餐 +$5追加)難得可以用$5咁優惠嘅價錢追加格格脆薯塊，我哋梗係叫返盒！真係好耐無食過KFC嘅格格脆薯塊喇，我覺得佢嘅口感比以前進步，除咗每塊都大大塊之外，裏面嘅薯量好足，外皮亦都炸得非常酥脆，唔需要點任何調味醬汁都好好食！柑桔檸檬茶Cup Cup 🍹 (套餐 +$8升級)食「泰國菜」又點可以唔叫返杯特飲？我哋加咗$8升級汽水做柑桔檸檬茶Cup Cup，佢以新鮮柑桔配檸檬茶做base，再加上七喜，飲落特別清爽，特別解膩。酸酸甜甜，搭配微辛脆雞一齊食，成個組合簡直無得輸！
繼續閱讀
今日收工特登去食kfc因為太耐冇食所以就即刻去咗然後見到有會員價錢88元，因為原價係149元9件鷄，而家做特價所以即刻決定食呢個，本身張單係食燒雞和家鄉雞，最屘嚟到嘅係家鄉雞同埋辣脆雞，本來想換返燒雞但係冇換到直接畀多五件燒雞讚👍👍佢嘅味道同以前一樣都係正常唔會太差我最鍾意嘅係佢嘅燒雞，蜜糖燒雞味道比較濃幾甜家鄉跟住就都係正常但係放得有啲耐冇咁脆新款嗰個吹雞就太重皮但係就都係硬嘅都係推薦食家鄉雞同埋燒雞下次都會再次光顧
繼續閱讀
最近見一d茶餐廳社交平台group推介KFC 早餐，今日特登黎試下，叫左一份家鄉雞、鬆餅、炒蛋、腸仔黎試下。食物整體都正正常常，鬆餅係唔錯，家鄉雞質素比lunch/dinner差少少但都可接受。
繼續閱讀
今日食個快餐 所以就揀咗KFC肯德基見到佢有個新出期間限定韓式蒜香系列好似好正，所以就試吓啦 因為我本身好鍾意食狂野燒香雞 我叫咗一個餐，然之後加咗兩件韓式蒜香巴辣香雞翼 一次過滿足左兩個願望 又可以食狂野燒香雞又可以食韓式蒜香巴辣香雞翼 韓式蒜香巴辣香雞翼 外賣拎到返屋企個皮仲脆卜卜的 雞翼辣味來講就唔係好太辣 醬汁方面 好惹味 真係韓國嗰種 唔會話辣到噴火 帶有少少甜 都唔錯的 可惜期間限定好快就冇 另外仲食咗個葡撻 葡撻就唔使特別介紹啦一如既往好！
繼續閱讀
好耐冇食KFC。今日午餐叫咗M3餐（雞2件，薯格，可樂）雞嘅醃料唔均勻，烤得過火、太咸了，雞腿🍗好細舊。可能因為雞太細隻就比咗好多薯格我。數一數都有14舊薯格。薯格好新鮮鹹鹹地點茄汁一流。食完成個餐飽過食麥記。
繼續閱讀