聰嫂‧原素 (已搬遷) 新店位置

本来开开心心带着大小想去尝试下这家的名气，没想到一进门服务态度令人好失望，店主看客人招待给脸色，询问菜单时答复语气很不好，当时客人也不是很多，座位都很空也不忙为什么店主态度还很不好，让人很不舒服，本想换一家，最终还是下单三个菜尝试下是不是好食到店主不需要服务态度了，但是一餐下来也不是这么夸张，真心不适合一家大小去食菜味再好服务态度也是关健，好招牌需要好的味道更需要亲切的服务态度，总结一句：开心进去失望出来。

之前食過一次晚飯，味道好好，合理商宜，唯獨地方淺窄，坐得唔咪咁舒服囉！今日又再嚟到呢度食嗰早鳥午餐。走進店內，應該係未到午飯高峰期，店員隨我任揀坐邊都得，禮貌唔錯，跟住看到枱上有兩份外觀相同嘅餐牌，但原來有分小菜牌同套餐牌，新丁或非素食者就可能有點迷失喇！午餐共有11款基本再加1款時令推介選擇，對於心多嘅人就真係會幾難決擇㗎！我就揀咗個至愛口味嘅“焗素肉醬意粉”，配搭上凍檸檬茶一杯，一絕！檸檬茶甜度跟冰量適中，大概用咗15分鐘度香噴噴嘅焗意粉就來到，賣相十分吸引，意粉上嘅芝士、素肉碎和茄醬份量不多不少，而且冇焗過火情況出現，火候恰到好處，更是經典茶記嘅焗茄醬類味道，一流！這個套餐加凍飲都只係$52無加一服務費，性價比可算很高，值得推介！

如果一道小菜有很長的名稱，咁佢可能有兩個特點:1~讀出黎個陣有些「繞口」2~材料好豐富日前係聰嫂食既「黑松露九層塔雜菌百合紅黃椒豆腐素肉片煲」，就正正有以上2個特點啦。先提醒一下🛑，這個小菜是不在餐單上📓的，大家只要望望牆上的小菜板，望下2號小菜，就會搵到架啦。這道「讀來繞口，吃來可口」的小菜，可能由於黑松露醬均勻地分佈在食材上的緣故，它的香味會較九層塔突出。而這道小菜豐富的食材，也很值得推介作為「送飯」🍚選擇。至於另一道小菜「干炒一品粉絲煲」，相對上較一般，不及「繞口煲」吸引，入口感覺較乾。不過，我們稍後想出了方法💡，就是把煲內的材料轉移至「繞口煲」內，讓食材在其中翻滾一會，於是它們就變得較可口了。按:如果給廚師👨‍🍳看見這貼文，可能想拿鑊鏟來打我，話明是「干炒粉絲煲」嘛，當然是較乾身的啦，真是一個奄尖的食客😂🙈。

又是一個人找素的時候！襯著放生時間未到，在北角找地方先醫肚。（註：坊間不少報導指「亂放生」功德變做業。其實放生活動只要有智慧地進行，隨緣隨機隨順而為，一樣可以如法地讓眾生離苦，也給自己培養慈悲胸懷。）之前已經去過聰嫂原素，有好多選擇，今次試了夠香辣嘅咖喱薯仔牛腩飯，值得推介咖哩素一般設定係唔辣或微辣，但聰嫂嘅咖哩係真辣（雖然辣度屬中庸，唔算大辣），吃下有一種意想不到的暢快和舒爽感覺，唔係人人夠膽做到這個程度薯仔有預先爆香，唔易容化或散哂，保持咬口。素牛是典型口味，與薯仔的份量比例恰到好處。如果加一點胡蘿蔔便一百分配餐飲只$44。這個勝價比真係大家樂都不能比擬。很實惠！

TGIF lunch 今次揀左食「聰嫂·原素」聰嫂甜品係將軍澳出曬名(題外話:誠意推介佢既榴槤甜品同燉椰皇)但佢既素食店真係第一次食 所以滿心期待😙呢間餐廳細細地 位置唔多Lunch time peak hour 座無虛席不過幸好有枱reserved 既客人no show先至即刻可以入座Lunch Sets 既選擇同一般茶餐廳分別唔大但每樣都係素!!!!!!!!!!!🙌素豬扒~素牛腩~素魚肉見隔離枱果d「仿真度」都幾高😂😂搞到我每樣都好想試🙊咖哩薯仔素牛腩飯☆@$44呢樣野本身係我係響任何餐廳都唔會點(因為我戒左牛)不過今次我終於可以叫啦😂😂咖哩汁係甜咖哩 不過夠曬辣係港式咖哩既一種 相信可以符合唔少香港人既口味飯偏硬身 個人非常鍾意講番重點「牛腩」先查實食落係冇咩牛肉味既 但口感真係好似肉唔講都唔知自己食緊素😂另外薯仔都好粉好入味碟飯份量都幾多下 幾抵食😄仲要送埋熱飲品 我揀左熱咖啡 即磨咖啡黎 好香濃 高質到有d難以置信同事揀左魚香茄子飯@$47 賣相就似到十足 味道方面就有待你地自己發掘啦~

食完幾個鐘仲覺得個口好咸，唔知係咪有味精;午餐太多素肉都冇咩菜糯選擇;店員完全唔識睇情況， 我差兩啖湯就飲完可以走得埋單，都要我轉枱，因為太趕令我連件褸都跌埋落地，以後唔會再黎。

食物不俗、菜式有創意、例湯夠熱。杏汁湯、黑松露九層塔惹菌肉片百合煲、沙嗲鮮竹粒薯仔茄子煲，都是我的最愛。可惜的是員工，態度惡劣。幾個阿姐都係黑口黑面，請佢加水都要嗌三次，仲要比面色你睇，想叫個人落單啫，叫兩次都叫我等陣先，然後行咗去冇咗回事。。。。

芝士白汁西蘭花素蝦丸焗飯@聰嫂原素平時見到的焗飯多數是焗素扒或者時蔬，焗素蝦丸似乎較少，所以就試了這個。素蝦丸和平時打邊爐的有些不同，是炸過的，入口時既香又爽😋。蝦丸共有4粒，數量也算足夠。除了西蘭花外，還附送「披上了保護色」的椰菜花。整體來說味道是不錯的。看餐單時，發現即使在午飯時間，聰嫂也有供應素熱狗🌭和公司三文治，也有「英式早餐」提供。對於不想吃粉麵飯🍚🍝的朋友來說，可說是提供了更多元化的選擇。

雖然有好多菜，但係落太多味精，其實超級不健康。枱上還剩上一位客人既半杯水，我好有禮貌地請侍應(利申:是大嬸)拿走杯水，佢竟然發我脾氣，因為我不是落單。成餐飯食到我好嬲

論食物，呢間餐廳味道不錯，某d餸重味精，而且價錢相宜！論服務，真係極差，朋友因事遲左半個鐘到，而我準時到入左位坐住等，因為帶住個bb，係等候其間，侍應們不斷投放眼光，令你感到好有壓力！好彩bb無扭，不然佢地店員既目光相信會更不友善！之後，朋友到左，想點菜，一位偏老帶眼鏡既灰髮男人，佢皺曬既眉頭問我咩事，話好忙一陣叫人黎，叫極都無人！題外話：隔壁枱有兩個人，入座個陣講係3位，最後都係得2位！個個灰髮男侍應係佢地走左之後，用粗口不停鬧！但最搞笑係間鋪有空位，出面無人等緊！返回正題，我地再叫另一個侍應，都係黑口黑面咁。飯後，朋友問個侍應想要牙簽，佢係零反應咁執枱！到最後，我地準備走，因為有bb又要校咩帶，又要執返bb食野既野，我地企係到又搞左一輪！有個女侍應突然係我地傾計個陣，扮執我地張枱郁張登勁大聲，仲要黑面！我建議如果你地想轉枱轉得快，賺多幾轉，不如set用餐時間！如果唔鐘意人留得耐，想做快餐店形式，要切生日蛋糕就比$200切餅費，咁就少d人係到食蛋糕慶祝！基本上間餐廳接觸到既侍應都係黑口黑面，我相信係佢既餐廳文化，而灰髮個個男人，我覺得佢可能係老闆，咁佢d員工自不然就學老闆！如果唔係老

有日放假，約朋友特登黎試吓午餐。因為年紀大了，我們都比較注重身體健康，而家開始一個禮拜都會有幾日食齋。我係午飯時間來，已經滿座，估唔到而家香港人咁多人都食齋。我哋叫咗兩個餸，松露炒雜菇淮山和沙嗲粉絲。兩個餸都唔油，但香口，唔覺得自己食緊素，兩個lunch都有湯，和兩大碗白飯送，絕對飽肚，而且其實我哋唔係好食得晒。價錢唔算太平，但可以接受。唯一可惜，就是我在中環返工，唔可以成日嚟。返屋企自己試吓松露炒雜菇淮山，原來好難整得好食的。

員工態度冇禮貌，見到有小朋友就黑面（可能佢地諗小朋友食慢，無得快D轉枱）。 見到BB自己帶飯仔食就問入面有冇肉，有肉唔可以係度食，好似要趕我地走，洗唔洗咁。真係冇下次，有小孩不要去，唔好睇人面色。

尋晚第一次食聰嫂，雖然係中式港式素食，但真係好食。第一碟係松露醬木耳毛茄炒淮山，但唔知點解上碟有一大半都係菇菌，反而淮山秋葵比較少，但一樣好惹味都幾好食。而且仲有比較少食到嘅黃耳，都幾值得再食。之後諗唔到叫多個咩餸，就好隨意叫咗個椒絲腐乳西蘭花炒鮮魷。腐乳唔會太鹹但夠香，西蘭花入晒味。男朋友對呢個素魷好有興趣，佢甚少食素所以有素肉畀佢見識下都好。每碟餸都包湯或者野飲，我地叫咗湯，係節瓜花生眉豆湯，感覺好似雞腳湯咁但無咁油膩，非常好飲。價錢都唔貴，加個飯都係加12蚊唔洗加一，不過座位坐得比較逼d,而服務員年紀都比較年長，需要比多少少耐性，但佢地都好有禮貌好好服務架～

新手寫食評小試牛刀香港地打工仔, 日日返工, 都想食午餐時食餐好既北角呢區基本上間間都咁貴, 下下50至60埋單食個lunch好多時我都係買外賣返公司食住煲電視劇今日一個人突然好想食素雖然遠遠都走去聰嫂食個lunch, 因為太掛住呢個椒絲腐乳百合西蘭花鮮魷魚我去親都只會叫呢味

今天到了北角購物，順道吃埋早餐才走。之前已來過聰嫂原素一次，味道不錯，真的吃過番尋味啊！甫坐下來，便研究一下餐牌，點了C 餐，有雪裡紅冬菇油豆腐絲湯米、煎蛋、素煙肉、多士，及熱奶茶。湯米份量不少，湯底美味，素煙肉口感像真度很高，多士脆口，奶茶香濃，這個早餐真是吃得很大滿足啊！