聖安娜餅屋 (已搬遷) 新店位置

肚餓極了，我係沙田廣場度見到聖安娜麵包鋪，即刻二話不說隨手拎起兩個包，價錢都算相宜。我比完錢後即刻拆開兩包來食，以今時今日百物騰貴的情況下，呢兩個包分別係九蚊同九個半，都已經值回票價，所以最肚餓嘅時候佢真係可以幫到我手，實在係救急醫肚之選。講返個包，芝士包芝士味很濃，食落去十分好味，大大粒芝士，實在令人一再回味。之於個蛋糕，都叫做鬆化可口，係你最肚餓時，佢真係一個好幫手，可以幫你填肚、同時又有一個滿足嘅感覺！

今天經過聖安娜, 見到有髒髒包, 身為朱古力迷的我當然不能錯過啦！不過馬鞍山新港城分店沒有放在openrice上, 所以就選沙田區的分店登食評。這個髒髒包也不便宜, 原價$11.5一個, 會員有9折, 但麵包其實只是很小的一個, 比它的叉燒包還要小一點, 但難得相遇, 只要好食也值回票價!麵包表層有一層軟朱古力漿, 灑上薄薄的可可粉, 內層是朱古力軟心餡料。外層朱古力有點偏向黑朱古力的味道, 較香醇濃厚, 不是太甜, 本來不俗, 可惜最後還是敗給麵包的內餡。麵包內餡的朱古力明顯與外層不同, 經驗來看通常都會較甜, 這個也不例外, 但這個朱古力太甜了, 甜得奇怪, 特別是接近麵包底部的朱古力, 帶點麵粉味, 可說是難食 而且餡料份量不足, 中間都是空心的。太差了!

這店舖，估晤到舖頭細細，行也行晤到入去，但款式齊全，麵包，蛋糕，普通飲品，西餅也有。我們買了大塊厚的牛奶方包， 雖然得幾片，但非常有牛奶味，又厚，正喎其實到放工時間，呢間西餅還有好多選擇，因為試過接近收店時其他分店冇哂，只淨回三款，呢間也算多。

⠀⠀⠀⠀⠀⠀⠀⠀⠀⠀⠀⠀⠀⠀⠀🎄聖安娜Christmas Cake🔸🔸🔸🔸🔸🔸🔸🔸🔸🔸🔸🔸🎄又到聖誕又到聖誕☃️🔸🔸🔸🔸🔸🔸🔸🔸🔸🔸🔸🔸 ⠀⠀⠀⠀⠀⠀⠀⠀⠀⠀⠀⠀⠀⠀⠀聖誕睇燈飾🎄又點可以唔食翻件Cake?⠀⠀⠀⠀⠀⠀⠀⠀⠀⠀⠀⠀⠀⠀⠀最近聖安娜同東茶園合作，推出左好多款新既抹茶蛋糕😍😍 ⠀⠀⠀⠀⠀⠀⠀⠀⠀⠀⠀⠀⠀⠀⠀網上面見到好多人試左之後，都覺得唔差😳😳甚至對聖安娜改觀⠀⠀⠀⠀⠀⠀⠀⠀⠀⠀⠀⠀⠀⠀⠀而今次其中既一個聖誕Cake，都採用左東茶園抹茶🍵食落都真係有驚喜！ ⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀💘💘💘快人快語💘💘💘 ⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀*️⃣「東茶園」始於1868年，現已擁有超過150年種茶歷史，其地理環境及氣候均是種植茶葉的完美地點，故有「茶之鄉」之稱🍵⠀⠀⠀⠀⠀⠀⠀⠀⠀⠀⠀⠀⠀⠀⠀💘💘💘慢慢品，快快評💘💘💘⠀⠀⠀⠀⠀⠀⠀⠀⠀⠀⠀⠀⠀⠀1⃣冰雪幻映💲208/磅💭其實姐係雜果薄脆蛋糕😳😳💭表層既忌廉係模仿白茫茫既雪地😆😆💭不過份量稍多，有點油膩😣😣💭好在生果都幾鮮甜😳有士多啤梨同藍莓💭而底層既朱古力薄脆夾心口感有驚喜😎⠀⠀⠀⠀⠀⠀⠀⠀⠀⠀⠀⠀

我剛在Yahoo團購聖安娜原價$152，團購價$69「金沙軟心奶黃月餅」4件盒裝，滿心歡喜切月餅，看見內層的金沙軟奶黃，內陷....真係有損心情，慢慢細嚼....感覺到有少許鹹蛋黃的甘香，很甜，皮軟不酥。感覺不合自己口味，和制作欠佳。

從來買麵包以連鎖店來說都比較喜歡山崎的款式，感覺較新穎多樣，而聖安娜的蛋糕和麵包不知何故總是帶給我一種古板的形象，有天經過看到有個外表十分可愛的菠蘿包，於是便順便多挑選兩個麵包回家當下午茶。 菠蘿果肉王 ($8)本來就是為了這個外型搞鬼的菠蘿包而來，不但外型酷似一個菠蘿，裡面更包有菠蘿肉餡料。菠蘿肉大概只是搗碎的罐頭菠蘿，脆皮已經軟化，不過餡料份量挺足，沒有出現空心的情況，而且甜度不太高。 雞尾包 ($7.5)自小我便十分喜歡雞尾包，這個雞尾包體積較一般麵包店的細，不過餡料滿滿，麵包翻熱後亦算鬆軟，只是餡料不夠濕潤，整體一般。 提子丹麥條 ($8)提子丹麥條亦是我小時候的頭號最愛之一，喜歡它那層次分明的質感，以及濃濃的牛油香和香甜的提子乾。這個丹麥條的提子乾份量頗多，不過質地毫無半點丹麥條層層酥皮的感覺，更無半點牛油香味，就像一般麵包的質地，有點失望。

同事生日，大家也想買個蛋糕替她慶祝。但思前想後也無法想到買什麼。剛巧路過聖安娜，終於找到心頭好了黑森林 蛋糕，一塊塊方格局堆積而成好不有趣，味道方面，朱古力味道濃郁，咬起來口感也不錯，只可惜內裡蛋糕靱度不足，而且士多啤梨不夠新鮮多汁，略嫌不足。但內裡不太多cream也是值得一讚，適合女生呢

每個中秋節，傳統的月餅不會缺少，今年嘗試聖安娜餅店的雙黃白蓮蓉月餅我用焗爐焗番熱才品嚐，個蛋黃流油，好吸引！焗番熱的月餅不算太過油膩！由蓮蓉有蓮蓉清香，餅皮薄而均匀！用信用咭積分換取！

今日特登訂左個 ( 比利時55°朱古力熱情果芒果薄脆蛋糕) 慶祝mother day呢隻cake未食之前我會覺得佢係有好rich ge 朱古力, 對佢好有期待試後感覺 令人好失望, 先先個cake上面果件macaroon淋晒表面果層mousses食落有好大陣酒味, 我唔知道比利時ge朱古力特色係唔係咁!到中間果層所謂熱情果芒果...我食唔出係咩味, 只覺得佢係一層果汁jelly, 毫無芒果味可言食完都唔會有回味感覺, 可能我唔識欣賞比利時朱古力啦另外果幾款朱古力cake, 我應該冇勇氣嘗試了......

今天突然想吃紙包蛋糕經過聖安娜就賣了個吃紙包蛋糕就是香港蛋糕啊輕身，鬆軟，spongy，fluffy口感非常綿密，一點也不會覺得乾巴巴的入口即化，就像在吃雲，就像在吃air一樣，待我回到童年買了2個另外一個，另一個放第二日吃都還能keep住fluffy texture

晚餐想焗蒜蓉包，但走過數間一面店，法包都又長又大個我地兩個人食三日都食唔晒，最後一站行到過黎聖安娜呢間分店好似裝修過，無以前咁多野買，面包變晒袋裝既然買唔到法包，於是改用方包，整蒜蓉牛油多士，聖安娜嘅方包有好幾種，我揀左個五穀英國方包肉眼睇起上黎的確有不少穀物，怖滿喺長長方薄嘅方包上因標籤無例明五穀係邊幾纇穀物，我都不敢多加描述，以我嘅愚昧，絕對未能清晰分辦，只嘗到像芝蔴像果仁又有較大粒嘅像南瓜籽等嘅小顆子，令鬆軟方包更富咬口味道說真的不及麥包般帶麥香，只可以話感覺上健康d## 因為焗過嘅關係，穀粒變得乾身同硬，更為煙韌始終方包本身無味道，可以搽少少牛油用以調味會好食過焗到佢變多士，喜歡吃甜嘅，練奶都應該唔錯

聖安娜的冰皮月餅亦有做八達通優惠，四個迷你冰皮月餅賣$45,計起來比不上美心的優惠，加上名氣又不如美心..... 但我總愛嘗試，總愛比較，就用$45試它一試。蛋黃白豆蓉冰皮月餅比美心的少了一份甜味，卻多了一份鹹香，可惜有蛋黄渣，但冰皮的煙韌度足夠，有大班的水準，卻比大班平得多，何須花無謂的金錢在名氣上？!其它試過的楊枝金露、Tiramisu 和曲奇妙趣均有一定的水準，以這價錢購買實在超值，大可一試!

Agnes b. 燃起我對75°朱古力蛋糕的熱情。 趁有家人生日，在聖安娜買了個比利時75°朱古力Truffle車厘子薄脆蛋糕品嗜一下。 聖安娜蛋糕的糕體大家也試過，不贅述了。 這次以車厘子做夾心，上面鋪上一層厚厚的朱古力薄片，加重了朱古力的濃度。 最成功的是在蛋糕中層暗藏着一整片薄脆，使人一咬便有脆和軟兩種口感。 如何在濕潤的蛋糕内保持薄脆的質感的確很考功夫, 聖安娜辦到了。 然而做到不等於成功，這蛋糕的朱古力味太重了，反而掩蓋了車厘子的味道... 還有，朱古力片亦過甜，令蛋糕變得滯口。 Agnes 說聖安娜同一系列的香蕉朱古力蛋糕會好一點，下次試試...

今年情人節，聖安娜推出了玫瑰花蛋糕，玫瑰花造型很靚，甜度適中，沒有想像中的甜到＂漏＂，還有點煙韌呢!蛋糕是車厘子truffle朱古力脆脆蛋糕，層層不同滋味，正!P.S.我們比較遲才訂蛋糕，結果竟然得到粉紅色的特別版，真是一個最好的安排!

一向喜歡吃雪芳蛋糕／蒸蛋糕, 無牛油蛋糕咁油咁肥膩...最近發現聖安娜有雪芳蛋糕, 共有香蕉, 香橙, 全蛋原味, 朱古力 (@$5.8)試過香蕉味, 一食難忘~因為香蕉蛋糕一般都好油, 不然就只有蕉油味而不是真蕉... 好少見有banana的雪芳~而呢個就好鬆軟, 唔油但又夠香, 十分推介!!!