老趙越南餐廳

營業中

休息中

下午茶時間經過，全場得1枱客，但見係米芝蓮推薦就試試☺️下午茶黎講定價較高🥹不過份量好大！✨分別嗌咗香茅雞翼撈檬$60 &雞扒撈檬$60✨另外再加小食 越南炸春卷💫全部食物都正正常常，味道上冇話太特別，可能要食湯粉先知點解會連續咁多年米芝蓮推介！😹

去海港城Xmas shopping 行咗半個鐘都搵唔啱心水食肆, 突然想起附近有間童年回憶-老趙越南餐！好彩又搵到車位, 坐低睇睇餐牌, 依舊有至愛菜式也同時發現有啲新菜式, 當然要試吓！生牛河- 依然係至愛👍🏻燒豬肉卷-好得👍🏻燒大頭蝦-正到一個點 👍🏻金邊粉-冇得輸👍🏻刁草魚-值得試👍🏻榴連糕-正👍🏻

晚飯時間，看到老越餐廳的招牌上寫住七年米芝蓮，於是想進去試一試味道，但太失望了！所謂的連續七年米芝蓮是怎樣來的？味道差過茶餐廳，還根本沒有服務可言！超級差味道真系超級超級普通

我見呢間越南餐廳好出名，同埋都多人推介，於是就嚟咗試一試佢嘅菜式。今次淨係叫咗一碗雞絲撈檬。份量好大，一個女仔未必食得晒。同正常撈檬一樣，佢都有配搭一啲蘿蔔、炸蒜花生粒，非常香口。最特別就係佢亦都配有蔥油，攪拌嚟食嘅時候更有一番風味～味道層次昇華！而佢自己調配嘅檬汁嘅辣同埋酸度平衡恰到好處，好開胃😋而啲雞絲都算唔錯，未去到好柴。整體來講係一碗不過不失嘅撈檬睇埋價錢，我就覺得非常之抵食👍🏿

今日試咗佐敦嘅越南菜餐廳，嗌咗越南湯檬同撈檬湯檬配清雞湯，清淡得來都有啲雞味，配埋去咗骨嘅油雞，唔想食油膩嘅話啱啱好!撈檬配埋檬汁味道就重少少 加埋佢有落蔥油 花生 炸蒜 蘿蔔 食落非常香口～Lunch set 仲送埋熱飲， 先58一位，整體嚟講非常抵食😋

未试过入一间餐厅啲服务态度可以差到咁。已经唔系繁忙时间，又唔系收工时间，但唔知点解好似好唔欢迎客人食野咁。对住客人劲黑面，但自己同事围埋就有讲有笑。成餐饭个感觉都好差虽然装修都唔错，但个气氛已经完全被破坏左。太差喇。一位女经理款既服务员好晦气。都算, 虾肉肉质暧昧,似有落梳打粉，粉丝就好咸好重味精,各人条利都痺左。生牛肉汤粉不过不失,但系我食过更好既。 小食拼盘OK,但系粉包都系咸左D。最对办系酸子牛肉,同之前食既一样。冇下次，大家可以考虑下值唔值得比钱黎受气。

剛係圓方看完電影，行到文英那邊，食份老趙香茅豬扒飯午餐價錢64元，豬扒不新鮮份量又小，都係名氣多於一齊，覺得其他小的越南餐廳普遍做更好食🤤，性價比更高，未必有下次了，坦白說，有時兩餸飯嗰啲豬扒，仲好食過佢。

呢間米芝蓮越南老趙被門面吸引左入去一試🍲•上湯扎肉湯檬湯底好清甜 唔會係勁重味精湯札肉亦整得岩岩好檬粉亦唔會過淋唔錯唔錯🫶🏻•生牛肉湯檬牛肉肉嫩 湯亦好甜鍾意食生牛肉既可以點呢個•炸魚餅魚餅好香 唔會乾身之餘仲保持到佢既質感 加埋粟米 成件事再昇華左•香茅雞翼外脆肉滑既雞翼 賣相亦靚靚仔仔 金金黃黃 •越南炸春卷外皮超脆 熱辣辣 基本上叫咁多樣小食樣樣都唔錯🫶🏻•青檸梳打飲埋杯梳打梳乎下 為呢餐有水準美好既越南菜劃上句號

你有冇朋友介紹過話渡船街呢一間老趙係一間好懷舊嘅牛肉湯粉，好好味嘅餐廳，於是有一日我放假就決定過嚟試一試，由於我自己一個人，所以我就唔可以食太多款，我就揀咗特色牛肉湯河，飲第一啖湯，我當然唔會加其他醬汁，飲落去係一個好新鮮香濃，而旦感覺咬咗好耐嘅湯底，而且而不斷想繼續飲落去，呢個湯底係我覺得香港最好食嘅牛肉湯河，感覺一啲都唔油膩，而旦感覺可以飲得落肚嘅湯底，真係好少見，同埋我自己叫咗一個蟹肉焗蛋金磚，佢好似好特別，因為細細舊，因為一個人食咗碗牛肉湯已經好飽，但係又想食多一樣嘢，咁就揀咗呢一個，佢裏面比較企身，啲雞蛋做得唔會散修修，正正方方咁樣，不過個味道就好清淡，所以本人認為一般般，不過鍾意食湯河嘅人，一定要來

喺門口行過見到佢係米芝蓮推介小食店，心大心細單未做出決定，所以附近行多個圈之後都係決定去試吓，食物係有d水準，但係見d牌話自己連續7年米芝蓮會令人更高期望，香茅雞翼同豬扒上的香茅配料味道還可以，但係可以在濃香茅味多少少，而雞皮不香不脆，既然唔重香茅味又唔脆皮，可能揀牛油雞翼會更好，而豬扒亦都切得好薄，唔算好有咬口，不過$60一碗粉都算OK。但係小食既價錢有d貴，$30一碟蝦餅幾唔抵，雖然味道好，但係好細塊而且好薄

原來老趙只得番渡船角呢間。。。可惜，水準唔得。。。下午茶都做得不好，好難會嚟幫襯A LA CARTE喎。。。生牛肉湯金邊粉（下午茶$50），得金邊粉叫好食，又滑又彈牙。但湯底，牛肉，蘿蔔。。。都冇應有嘅味道，冇牛肉嘅肉；蘿蔔唔甜；湯底冇越南湯粉嘅香味😅連辣椒都要咬先辣，就咁放入湯係一丁點辣都冇😅😂而$30追加2件小蝦餅，的的骰骰，同樣，得鹹味，冇蝦味，仲好油😬老趙竟然變得如此低水準，真可惜。

食前：爹：今晚食老趙我：好好食架？爹：食左廿幾年啦 我：咁勁抽！？食後：我：好好食咩？爹：唔好食咩？人地拎左好多年米芝蓮我：係好多年呀 但2017年後就已經無再攞過爹：其實我都好多年無食⋯🙂🙃⍥ 家鄉小食拼盤 ❙ $142😯越南炸春卷、雞肉串燒、炸魚餅呢三款都偏油膩，但味道可以。蟹肉焗蛋金磚賣相得得地，但味道麻麻地😮‍💨越南蒸粉皮正常發揮，至少粉皮唔厚。⍥ 法式蒜片牛柳粒 ❙ $118幾驚喜！炒得香，牛柳粒又好夠稔😆略嫌油左啲，最下果啲我要用水洗洗🤪但非常惹味，要碗白飯呀唔該😏🙌🏻⍥ 越式傳統炒貴刁 ❙ $98究竟貴刁係咪河粉？😂大大碟，炒得夠鑊氣，配料多食落口感特別豐富😋食左唔少！⍥ 咖喱牛腩煲 ❙ $108唔止牛腩仲有牛筋架🤤大部份都好稔，小部分比較需要牙力，有咖哩香但唔無咖哩既辛辣☹️敗筆之處⍥ 蒜蓉包 ❙ $24忍唔住叫一份點咖哩🤤香脆邊位保持到法包既韌度！蒜蓉明顯唔夠👎🏻⍥ 馬拉盞炒通菜 ❙ $68辣度夠好馬拉盞🤣重口味之選！⍥ 青檸梳打 ❙ $28😌好飲之處在於落左糖，食左咁重口味咁油膩既野，又幾爽皮🤩

老趙無論裝修格局和餐牌設計，都是港式風味。生牛肉河粉可跟奶茶或咖啡，也沒有正宗越式的河粉跟油條和新鮮香葉。生牛肉是普通貨色，但湯底很甜，味道不錯。豬扒撈檬的豬扒烤得香，醃得也入味，但豬扒的骨很大塊，相對肉就比較少。撈檬份量很足，亦有大量蔬菜。是次最滿意的，竟然是紅豆奶茶。紅豆軟硬適中，甜度也剛好，奶茶是港式風味，配搭有水準，亦有驚喜。室內裝修完全沒有越南風味，還有拜神的地主和沙田柚。是日假期，也很多家庭客。價錢合理。

老趙越南餐廳📍柯士甸站 A出口.🏆米芝蓮一開始入餐廳既時候，其實唔知係米芝蓮餐廳，係食食下先見到佢牆身上面嘅獎牌原來餐廳從2011-2017 連續拎左7年米芝連推介餐廳，誤打誤撞可以試吓都幾好.❇️環境枱同枱之間好多空間，佢哋嘅態度都非常之好見我哋喺門口都會主動出面問我哋係唔係要食嘢坐低就擺低餐具，然後主動俾餐牌你睇吓你叫乜嘢嘢食，雖然係好簡單嘅動作，但係好多餐廳都未一定做到.⭕️扎肉檬粉 $58⭕️生牛肉河粉 $54兩個面都中規中矩，但係生牛肉河粉值得一讚，個牛肉好嫩口，連嗰個湯都好重牛肉味.⭕️雞肉串燒 $38佢嘅雞肉係超級嫩，加埋佢嗰個醬好香👍🏼.⭕️三色冰 $32三色冰可以見到三層嘅料都非常之足夠椰汁10分香口，但係我嫌佢太多料啦，完全冇乜飲好似變左食緊甜品咁😂

店員態度好，食物美味符合預期，價錢亦都合理。🥇(推薦 ）🐣焗蛋金磚熱上的金磚裏面雖然鬆軟但不會太散，分量大小都合理。🍚香茅雞扒糯米飯第一次吃這種越南菜。原來糯米飯除咗係港人小食，都係越南嘅傳統宵夜小吃。雞扒唔會過分油膩，煎得非常香，有很多小塊，唯一缺點是有點太鹹。🥘越式傳統炒粉皮相當夠鑊氣，賣相有點似港式乾炒牛河，但沒有那河粉的肥膩，吃落都冇咁油～不過就算以普通男仔嘅食量，食完一碟都8成飽了！八文樓位於柯士甸站附近🚊，雖然不是旺區，但附近就有很多臥虎藏龍的餐廳，有越南菜、日本菜、串燒店、泰國菜、印度菜…..而且價錢都合宜，非常推介大家去一趟！🍽發掘平靚正嘅餐廳！