老掌櫃東北菜館 (已搬遷) 新店位置

今次就揀左呢間超人氣既東北菜餐廳,見咁多人排隊,就梗係卜左位先去啦😌我地提早左4日卜都係得返6點或者9點🧐所以可以想像下受歡迎既程度有幾高😮北京烤鴨(半隻)($168)份量都算多,而且燒得唔錯,脆脆既鴨皮夾雜住少少肥膏同埋鴨肉,幾juicy💦不過如果熱返少少會更好😂包鴨既皮比較薄不過都唔錯,粉味唔會太重👍🏿另外青瓜同蔥頭都係免費任加千層醬豬耳($16)廚師將豬耳切成薄片,令到望落有千層既感覺,而且口感比切成條狀既豬耳口感更加豐富,更加脆🤩加埋個麻麻辣辣既醬十分惹味,絕對值得encore🥳高力豆沙🥧($12 each)軟綿綿既外圍,咬落好似棉花糖咁,再加埋甜甜既紅豆蓉,甜度適中👍🏿 我地仲另外叫左糖醋魚同餃子,兩樣既份量都多,不過味道就普通所以唔待別介紹🤫甜品其實我地原本想試蘋果拔絲,可惜賣曬,所以無緣😭我覺得唔洗排隊都可以一試,因為食物既質素唔值得排咁耐🤔不過勝在價錢夠平民化,我地叫左咁多樣野都係4百令蚊埋單

喺區內依間老掌櫃應該都幾出名，有幾次夜晚經過都見到有人排隊。之前成日聽到有同事介紹，食過一次後覺得真係幾唔錯，間唔中都會好想食。佢嘅lunch個人認為都幾抵食，有好多唔同選擇包括各種客飯、湯麵、水餃等。而且價錢都係around $40-50。缺點就係野飲要另外再加錢，不過佢本身都有提供茶。今次同人share叫左秘製杭州骨同埋菠蘿咕嚕肉嘅客飯。秘製杭州骨係我每次黎都必點。個汁調得岩岩好，酸酸甜甜咁，撈飯一流。而且好中意佢搭配埋洋蔥同薯仔，好好味啲骨整到好細舊同埋比較碎，但係分量都好多。不過如果比我揀，我會覺得整大舊啲食到啖啖肉會更好。至於咕嚕肉都好食，而且分量亦同樣係好多。飯嘅分量已經夠多，食完啲飯都仲有好多餸剩低。覺得依度啲餸真係好抵食，大大碟而且又唔貴，絕對食得飽。如果多人黎食，仲可以每人叫唔同嘅小菜share添，每樣餸睇落都好下飯。

今日，同事搵埋我一食午飯，因為大家都係無咩所為，所以都唔知去邊食好。好彩，有個同事嘅女朋友介紹咗一間超超超驚喜嘅餐廳，近近地喺大角咀。 門面，老掌櫃秘制杭州骨，係最好味， 有陳醋嘅味道，入口開胃，啱嘅叫兩碟都可以，送飯一流~~~~~木須肉蝦仁，依碟麻麻地，下次可以唔叫。脆椒香雞，太乾了，無咩味，可能係食咗口水雞先嘅關係....水煮魚，睇上去，超好味同開胃，但係有一樣美中不足嘅係魚係冰鮮魚柳，個人認為不夾個味道，唔入味...口水雞，嘩，真係堅好味....份量多，又夠麻辣，可以再叫多次全部都係$50內。

午餐時段唔洗等位，相約同事們一起試新野~ 平時好少食東北菜 喜愛辣的同事一起去朝聖。 我們叫了醬爆茄子，口水雞，水煮魚，水煮牛， 麻醬冷麵 !醬爆茄子~惹味的肉醬令原本不喜歡茄子的我也大大啖咬下去。口水雞~雞肉嫩滑, 辣度恰到好處。水煮魚&水煮牛- 兩樣都好味，但份量太少了，各人不斷搶食內裡的精髓"薯粉"。麻醬冷麵 ~味道清新可中和這餐的麻辣感覺。

之前黎過食片皮鴨覺得好味，咁路過就再入去食番餐，今次人少食唔到片皮鴨，午市黎到唔多人，直接入。呢度係自己睇啱寫野自己寫落紙，再交比侍應落單，叫左三樣野share, 紅油炒手，涼拌大白菜 同擔擔麵。「紅油炒手」好多粒，唔夠辣同香，入面嘅餡冇咩咬口，應該好多都係肥肉，涼拌大白菜就大大碟，份量多，酸辣口味，幾開胃，最後係擔擔麵，可以話係不過不失啦，配菜爽口。今次黎食可能叫得求其，冇上次嘅驚艷，只算係正正常常咁。

環境 有特色中國風地鋪 兩個大燈籠 係街一望就見到 衛生 ok比大排檔衛生好 同一茶樓咁上下食物 中上牛犇面 $46 眼前一亮 湯底濃郁 牛腩炆得夠入味 面條軟硬適中 食完唔覺口乾 超推薦北京填鴨 $ 168半隻 有驚喜 皮脆 肉嫰 超值價錢 絕對抵食 如果隻鴨可以再熱啲 或者 keep住熱熱地食就一流酸辣土豆絲 $64 不過不失 味道夠 唯略欠火喉服務 ok自己寫號碼落單 服務冇咩特別總結 大件夾抵食 會推薦給喜歡食東北菜的朋友建議如果食完北京填鴨有濕紙巾或茶水洗手更好

今日係大角咀做完運動，朋友帶左我黎呢間小店食東北菜。天氣太熱叫返個涼拌小菜就最適合不過，白菜絲非常爽脆，加埋啲酸酸地的汁，好開胃，仲好大碟。紅油抄手有10隻咁多，一啖一隻，不過食落味道偏淡，如果再辣啲會更好。炸醬面同我地平時食開個啲好唔同，醬汁甜啲，加埋啲蔬菜絲撈埋一齊食，食落無咁濃味，麵都幾有咬口。

好耐之前已經有同事推介呢一間係大角咀食東北菜嘅地方，次次去到都門口有一堆人喺度排隊，如果多人嚟食一定要訂咗位先，如果唔係一定要等好耐。今次我哋兩個人嚟食，次次都叫得太多嘢食，所以今次淨係叫咗烤鴨同埋一個菜，再後加一份甜品。半隻北京田鴨先係$168其實好抵，系出邊大酒樓食嘅話一定要貴一倍。呢度上菜好快啊，可能因為每一台都一定會叫北京填鴨，所以我哋叫咗10分鐘左右就已經上咗。講外貌嘅話一定唔夠北京樓或者其他大酒樓咁靚，梅菜係好簡單嘅青瓜同埋蔥絲，鴨肉同埋薄餅皮都係熱㗎。薄餅皮好薄，鴨肉加埋海鮮醬放包埋一齊，都仲食到鴨皮好有油香。而且鴨肉果皮係好香脆，而且半隻鴨其實份量都算多，12塊皮嘅話，會快皮包兩件鴨肉都得。抵食！之後仲叫咗兩件高力豆沙， 蛋白皮好fluffy，加埋紅豆餡好夾，而且一件都只係$12 ，坐餐廳食，而且熱辣辣嘅高力豆沙來講好抵呀。最後堆單唔洗$270 性格比極高！

依間系傳閒系吾book位既話walk in好難食到既片皮鴨！店內位置比相像中細，但食物水準真系好吾錯，由其系個片皮鴨 比一般系別店食既份量都多幾多 不突止 系好好食 可以話好過食一D招牌系片皮鴨既食店！其他餸菜亦相當好食， 夠味帶d辣辣地好香！價錢算幾抵食

5個同事食lunch，一人食一個客飯，share黎食可以一次過食5個餸，每人都係$40😎，幾抵食。推薦鎮江骨，同埋口水雞不過水煮魚同木須肉就麻麻，水煮魚係用急凍炸魚浸辣椒油，而木須肉係一碟蛋皮咁同埋食物偏油膩，唔可以成日食

好姊妹生日同佢去咗食呢間位於大角咀嘅餐館，鋪頭比較細而且好多人， 建議大家去之前都係訂咗枱先，同埋片皮鴨係需要電話預留，另外餐廳只收現金或八達通，唔想麻煩就袋夠錢先去喇首先來接干扁肉碎四季豆，四季豆走油走得好乾身，好香口，雖然成碟都有辣椒但係唔會覺得太辣麻辣海蜇配青瓜，海蜇冧咗啲有啲似粉皮嘅感覺，皆因我都有叫到麻辣粉皮伴青瓜，其實兩味野差唔多，如果想食爽口啲嘅海蜇可以叫海蜇頭麻辣粉皮伴青瓜。。呢味叫糖醋里脊，其實即係咕嚕肉，唔差嘅，不過唔算脆皮，味道搭救。主角出場啦，最期待嘅片皮鴨，呢度唔使加錢另叫青瓜甜醬同D皮,半隻片皮鴨$168 兩個人好夠食，不過啲鴨嘅肉質就有少少梅梅地，有少少失望希望下次會食到隻靚鴨啦。不過價錢合理既，值得一試

小編系片皮鴨痴😍😍😍成日四圍去搵鴨食😂😂黎老掌櫃記行打電話book位 咁就唔使等!!登登登登......片皮鴨隆重登場好多塊 好多肉 真系好抵食鴨味重 兩個人輕鬆ko一碟 😆😆

要算大角咀出名食肆 非佢莫屬啦 東北菜 今次試午市先黎個跟餐涼菜《千層醬豬耳》雖然薄切 但呢個切法令到一片上有多條豬耳軟骨位 咬起上黎 超爽口 再加上有點辣 令人欲罷不能😋主菜上啦 《秘製杭州骨》味道同咕嚕肉有點相似 有種酸酸甜甜既味道 再加上菠蘿做伴菜 愛吃骨的 便十分適合 多骨少肉 配飯吃不錯 挺開胃《麻醬冷麵》夏天食冷麵係不二之選 都幾大碟 有洽蛋 有青瓜絲 有肉條 有生洋蔥 冷麵底下勁多汁 撈埋食一流 但食食下會發現有種辣 但明明食緊既係麻醬😂最後友人唔食得辣 食到一半就辣到收口 但係好食既計埋野飲 $124/2位 餸菜份量都大份 所以都算抵食 細食既可以share lunch 👍🏻

叫咗北京片皮鴨一碟半份都好大碟皮脆肉厚食得相當滋味 其實三人食半隻都好夠我地點左一隻兩碟真係太誇張 一隻嘅份量兩食另外兩食選擇左茄子炒鴨好大碟 味道真的不錯 另外叫左個水煮桂花魚水煮桂花魚嘅辣度足夠份量都唔細可惜魚嘅質地唔夠滑如果再滑d就更好了 重有係炒萵筍一如概往 萵筍好好味 我地重叫左一個蔥爆牛肉京蔥香味濃郁牛肉都肉味重又淋 食左咁多野已經好飽我地重點左高好豆沙好味大粒又唔太甜 如果有機會試埋個拔絲咁就好了 期待下一次去食！

口水雞夠辣夠惹味，干扁四季豆伴飯最適合，辣子雞食到停唔到口，餃子、牛肉湯麵冇乜特別。但略嫌所有菜式都較油膩，食完後比較口乾。以及餐廳地方淺窄，菜式放唔哂，轉身都有困難