翡翠拉麵小籠包 (已結業)

以為真係close咗, 點知原來轉咗名啫, 因為啲伙計一樣。不過啲服務態度就... 只係食物出品方面都OK

同之前電視介紹既係兩回事..... 我同阿媽食左個下午茶...價錢都算ok $ 2X 咁我地叫左個炸醬麵餐一籠小籠飽個炸醬麵真係唔好食麵質地可能煮太耐太淋..而小籠飽真係..... 屬於中下唔係咁好食..

我第一次食係係CB食，都係上年ge事，後尾知道原來我屋企附近(太古)都有一間，所以就去依一間食。d野真係好好味呀，永遠都係排曬長龍!!! ^^

昨日中午十二時自己一個人去食翡翠拉麵店，那時候，人還不算多，只坐了三分一的座位。我要了一碗湯雲吞，張單顯示12:06pm落order，等了十分鐘，對坐的顧客比我遲來，但她叫的牛肉麵都來了，我便追單。侍應說雲吞最快都要等15分鐘。噢！即叫即包嗎？要咁耐？我惟有再等、再等……對坐的顧客已經吃完她的牛肉麵埋單走了。我再問經理是否漏了落單，經理就話「就快有」，還很順手地拿了張單給我埋！唔係呀？野都未食，就要我埋單！？經理立即發現不妥，在張單快要放到落檯之際立即拿走，然後一個戰步離開，一句「唔好意思」無講。結果，我足足等了27分鐘，雲吞才來到，我已經一肚氣兼餓到死死！雲吞的味道是不錯的，不過要等咁耐，食龍肉都無味！埋單要$33！因要收$2茶錢和加一，這是其他粥麵店的2至3倍啊！六粒雲吞$33，絕對唔底食，我以後都唔會再幫趁！p.s.我是太古城街坊，此店開張還沒出現長長的人龍時已幫趁，食物味道是ok的，但這樣的裝修和服務就不值這個價錢了。若不是鄰近太古坊寫字樓，肯定不會日日大排長龍替它免費做勢！建議如果去開太古城，想吃京滬或粉麵，可到太古城中心一期一樓的王家沙，或太古城中心一期地下的阿詩瑪雲南米絲

都在這間翡翠吃過好幾次了, 以前呢度等位好誇張的, 可能多了分店, 已經冇以前要等咁耐了.昨晚很夜才來, 十時多, 幸好last order是十時半.點了最喜歡的擔擔麵, 湯底唔錯, 不過忘了叫少辣.還有紅油抄手, 這個很好吃, 不過都幾辣.小籠包, 普普通通啦甜品是高力豆沙, 都唔錯.

三個人叫左奶油津白-- SOSO小蘢包-- ok la碎雞-- SOSO砂窩雲吞雞-- 普通青瓜-- 普通苦瓜-- 幾好海蜇-- 冇乜味煎魚-- delicious!! 魚肉又香又滑

朝早做左一朝「負」生產力的工作，真的吃力不討好，肥佬上校也真的．．．．．．返公司執埋手尾後，被同事扯到翡翠拉麵食Lunch。陌生人來到太古城，似是行迷宮，拿著地圖也要花一番工夫先找得著寶安閣；時為一點半，都幾爆，勉強找到張四人檯分拆出的二人檯，都幾迫硤，尤其是同事心情好，點到食物滿檯。幾年前已打算來試試，惜太隔涉，卻步，九龍灣的分店與安西試過，質素麻麻，麵淋得很，小籠包蒸過火；分別點了清湯雞拉麵、牛肉拉麵、小籠包、獅子頭、醉豬手，兩人對拆，似食九大鬼。環境比較迫硤外，裝潢都算新淨光猛，開放式的拉麵吧亦是翡翠的特色；說到食物，愛吃清淡的拉麵，這碗雞燉湯，真材實料的雞湯，鮮甜，不過油去得唔夠清，拉麵結成一團，打極都唔散，是煮定的貨色，麵質實淨有咬口，亦帶濃郁的麥味，確是好料子，質素遠勝九龍灣的分店。小籠包子是同事的最愛，皮薄肉鮮，下了點點師父，算係咁，敗筆之處是皮太薄，承受唔起湯汁的重量，吊起即穿，吃過最好的小籠包子，要數老上海。見到豬手心思思點一客，說是豬手，其實是豬腳，皮薄無肉，同事見狀，說：「豬手同豬腳又咪一樣！」，聽後哭笑不得，食客連好醜都唔分，試問做廚的，又怎會有心機做道好菜？要

兩個人叫左小籠飽(個) $22-雞絲粉皮$45-炒年糕$50-酒釀丸子$20-小籠飽- 好好味，皮薄餡靚，但又鎖得汁，夾既時候都唔會穿，肉汁鮮甜。整體做得好好！雞絲粉皮- 香港計算可以，但國內做得好好多。d 雞絲味道唔突出，唔望真都唔知自己食緊雞絲，d 粉皮唔滑，但個麻醬ok。國內有款涼伴粉皮好fresh (有清新既味道- 好多時加左青瓜)炒年糕- 年糕本身唔夠chewy，炒得唔入味，配料唔豐富。酒釀丸子- 見到個樣有少少似"車品品既大四喜"，即刻話要。但呢個係熱既，同樣係有酒釀，但酒味重，桂花少，食落唔夠清新，丸子係無餡既湯圓，都ok。可能因為食過老闆娘既大四喜，所以覺得呢個唔係咁好食！

翡翠d小籠鉋當然不及台灣的鼎泰豐味美,但在云云出名的上海食店如小南國,王加沙,南翔饅頭店,佢d小籠鉋又不及翡翠播.ok啦!其他的就不過不失.其實佢的高力豆沙係噤多間分店中最好的(太古).蘿蔔絲酥餅每次出來都熱辣辣,靚靚仔(唔).算唔錯喇!

幫襯過好幾次質素有下降既跡象通常都會叫蘿卜絲酥餅、小籠飽、葱油餅價錢唔太貴但唔覺得非常好食

小弟係情人節九點到同女朋友去吃飯,一去到已經要大排長龍,心諗情人節去邊都一樣,一等等咗半個鐘先有位,點咗小龍包.鍋貼.牛肉麯,雞火飯全部都OK但係個鍋就真係火都來呀!因我坐近出野食個位,我見到一個廚房仔幾高大帶眼鏡好長頭髮既,我見佢拎我份鍋貼既時候唔小心跌咗一隻落個盤到我見佢睇一睇出面,佢見到我望住佢,但佢雖然好快手咁用佢隻手拎起隻鍋貼放返落隻碟到仲扮無事咁走咗去,我都算啦最多唔食佢個隻,點知隻鍋貼好似唔係煎似蒸真係唔知點食好忙都唔係咁呀四眼長髮哥哥!!!!

住o係lee頭﹐成日o黎食0野。雖然係expensive D,但係D小籠包好好食,皮簿,肉新鮮又多汁。重有我和屋企人都鐘意食lee到0的椒鹽小黃魚,外皮炸得香脆,但係D肉質重好滑,好香口。Highly recommanded!平時都0係0黎太古lee間,好少去時代0個間。今晚重見到鐘鎮濤都0黎食0添。

門口位小妹妹好好笑容、入到餐廳坐低、有兩位伙記介紹蟹粉小龍包、之後小妹妹行過、再介紹一次、話係佢自己新鮮拆、我地點蟹粉麵、牛肉麵、小龍包、蚧粉芙容、出品O.K、新鲜、伙記幾快手、幾Pro。

在時代吃過一次，在太古城和朋友吃過一次。去太古城那天是午市，尚未滿座，但侍應要三催四請才來，好像沒人理我們。吃完正要走出去，才記起還未結帳，自己返回座位埋單，店方根本沒有人提醒。食物尚可，物有所值，服務質素要改善。

不過係自己点菜combination嘅問題。。。$169，下午茶，兩位，食唔哂喲!小籠包，多汁，皮薄回鍋肉夠濃夠"野"味!上海粗炒,好多椰菜，有鑊氣!菜肉雲吞d餡唔係好夠菜，多d仲好